حنا سلايل عبس

[أحـمـدوٍه]

ادخل على الله واسلم الامر تسليم **** واستغفره واستذكره واستميحه
وضح النوايا والمساري مجاهيم **** والحلم غالي واليالي شحيحه
سادت مفاهيم وبادت مفاهيم **** ويح الزمن يابنت الاجواد ويحه
خلي علوم مأسسين المرازيم **** واخذي علوم مصمصمين القريحه
حنا سلايل عبس يامغير الريم **** حنا مقابيس الوغى يامليحه
حنا سلايل قاسم الخيل ودليم **** فزعاتنا يوم المكايد رجيحه
بدوٍ حفايا ما انصفتنا المقاسيم **** وبصدورنا عز تطارخ فحيحه
نرعى رفيق البرق في ساقة الغيم **** ومن يستبيح حدودنا مانبيحه
وليا ترع في هرجته دفش ويهيم **** خطو الهيود الي تكاثر خطيحه
عن ساقط الهرجه نطق الملاطيم **** ومن طاح فيها مارحمنا مطيحه
نكبر عن الطفسه ونجزع من الضيم **** ونموت ماناطا شليل الفضيحه
نزوم زومات الرجال المحاشيم **** ونهد هدات النمور الجريحه
ربعٍ على در المنايا مفاطيم **** ومن هازنا زاغت عجوزه تصيحه
واليا تغشلينا عسير الشغاميم **** لومك على الي ما يبرهن مديحه
وان لولشن محشمات الملاثيم **** والموت حشرب بالحناجر ضبيحه
جينا من اقصانا سحاب مراديم **** كل يذكي حروته عن نطيحه
يازين دح قفوشنا له ترانيم **** والعج واقف والفعايل صريحه
كان المنايا سوقها مابعد سيم **** والخوف برّك بالقلوب الكسيحه
حنا زباينها على الملازيم **** علمٍ يقريه النصيح لنصيحه
واللي بنى بيته نبيه ابراهيم **** ان طريق المستميت لضريحه
بني رشيد نعتم الجو تعتيم **** مال الردى فينا موالي مليحه
اجسر من الرعاة واكرم من الديم ****سمر الجباه اهل الوجيه الفيحه
يابنت ماحنا فقارا معاديم **** لوما سكنا بالقصور الفسيحه
تجار لو حاشت بدينا ملاليم **** ومن غناه نفوسنا مستريحه
مانستضيق اليا لفونا معازيم **** لضيف لو نذبح حدينا ذبيحه
دايم يدينا للعطايا مواليم **** لا خانت الفزعه وجيه كليحه
طال القريض ومقبل الود ومقيم **** والبال عيا طارقه لا يريحه
اقولها وابصم على القول تبصيم **** والعلم بيّن زايفه من صحيحه
ماهو قصور بالحرار الصماصيم **** كل بدرب العز قد هب ريحه
ومدحي لربعي مايذم الاكاريم **** وما يستشك الا خبيث الشريحه
الحق واضح لرجال المفاهيم ****والحقد يخرث بالنفوس القبيحه
والشر من جيت معزي وهو نيم **** واليوم وحده والشريعه سميحه

وسلامتكم

[النازف]

والله ومليون نعم بقبيلـــة الرشايده ..
بني عبس .. لكم تاريخكم العريض والحافل بالفخر والعزّه ..


ايضا ً هذهِ بويتات كتبتها ولم تُنجز بعد لعضو مجلس الامه
النائب والأستاذ / علي الدقباسي


يااكبر من الفزغه اذا رحت هداد
القلب ذاب وحامل القلب ذايب

يامبهج الوقفه على نار وقاد
يالي لشيخان السلاطين نايب

مبسمك كنه نور وافعالك امجاد
يااكبر مثال لناطحات السحايب

يارمح انا اذكرك ياسيف ( شداد)
تعطي الفقير وتترك الجرح طايب

تقبل على الطيب وتعاوده رداد
وانت الطريق الي يزيل المصايب‏

ان قلت ابو سالم ترى الروح تنقاد
تخضرّ اراضينا وترضى الهبايب

الطيب ما عده من النسل ينعاد
الا بعد ماشفت طيبك وهايب

دامه علي اسمه وانا فيه قصــّـاد
عمر الشعر ما لوّثتـه المـعايب

مدامه الدقباسي العز يزداد
ومادامنا نعتبره اقرب قرايب




أرجوا من المشرفين تثبيت هذهِ القصيده ..



شكرا ً احمد الرشيدي .. فأنتَ مُتميّز منذ دخولك للموقع ..
الف شكر

[أحـمـدوٍه]

مــاعليـك زوود اخـي الكـريـم سعـود

وصـح لسـانك

والعفـو

وشـاكـر لـك مـرورك الـي نـور الصـفحـه

تقبـل اخـي الغـالي سعـود ارق واجـمـل تحـيـاتي