عضو تحت المجهر

[ولدها]

اخواني واخواتي الاعضاء

هل تمنيت مره ان تعرف كل شيء عن عضو معين في المنتدى ؟ هل تمنيت ان تعرف مافي داخل اعماقه وكيف يفكر وماذا يحس وماذا يحب وماذا يكره ؟ هل تمنيت ان تعرف ماذا يفعل يوميا وكيف يقضي يومه ؟ وهل وهل وهل ؟
اذا هذه فرصتك

في هذا الموضوع اخواني واخواتي الاعضاء سوف نضع في كل مره عضو (تحت المجهر) ونبداء توجيه 10 اسئله اليه على ان يجيب (بكل صراحه) وهذا اهم شرط ان يجيب بكل صراحه قدر المستطاع عن الاسئله الموجهه اليه من اخوانه واخواته الاعضاء
وبعدها ننتقل الى عضو اخر وهكذا
ملاحظه : عند توجيه السوال يجب وضع رقم السؤال
مثلا: 1 - السوال؟
واخر سوال يكون رقم 10
كما يمكن لعضو واحد توجيه اكثر من سوال في رد واحد
كما يمكن توجيه اسئله بها فكاهه ولاكن لاننصح بالاكثار منها حتى نستفيد من الاسئله ونعرف كل شيء عن العضو المجهر :) اي الموضوع تحت المجهر
الذي يوجه اخر سوال للعضو بامكانه اختيار العضو التالي وبامكانه ترك الاختيار لباقي الاعضاء

والان العضو اللي يدخل بعدي هو من يختار اول عضو نضعه تحت المجهر :)

[ولدها]

هذا بس عشان اللي متابعين شريط جديد المنتدى :)

[مشـــ المطيري ـــعل]

(بسم الله)
:":":":":":":":":":":":":":
يعطيك العافيه اخووي ولدها عاالمووووووضوع الجميل والمفيد في نفس الووقت
ومن خلال هذا الموضوع نقدر نعرف حياة الشخص سواء كان عضو او مشرف
وانا راح ابدي فيك :-)
:":":":":":":":":":":":":":
1- من الشخصية التي اقتربت منها في الواقع وأثرت فيك أكثر؟
2- ماهو الدافع الاساسي الذي جعلك تنظم ألينا في المنتدى؟
3- متى سمعت عن الانترنت؟ومتى بدأت فعلاٌ في استخدام الانترنت؟وكيف كانت صورة الانترنت في مخيلتك؟
:":":":":":":":":":":":":":
وجزاك الله ألــــــــــــــــــ ــــــــ ((خير)) ــــــــــــــــــــ ـــــف

[ولدها]

من حفر حفره لاخيه وقع فيها :)

بصراحه انا ماكنت متوقع اني اكون اول عضو تحت المجهر

كنت متوقع عضو فديم شويه او مشرف على الاقل لاكن مضطر الحين اجاوب على الاسئله والله يعيني :)

واشكر الاخ مشعل المطيري اللي جايه الدور ولاني راحمه بالاسئله

والحين ابداء بالاجابه على الاسئله وبكل صراحه

-------------------------------------------------
1- من الشخصية التي اقتربت منها في الواقع وأثرت فيك أكثر؟
لايوجد بصراحه لان الوالد توفى وانا صغير ومالحقت اتاثر فيه واصبحت لي شخصيتي المستقله

2- ماهو الدافع الاساسي الذي جعلك تنظم ألينا في المنتدى؟

كنت ابحث عن منتدى كويتي ودخلت محرك البحث قووقل وحطيت كلمة kuwait وطلعلي هذا المنتدى وشاركت فيه ولاني ندمان لانه بصراحه فيه احلا مجموعه من الاعضاء اللي اعتز فيهم

3- متى سمعت عن الانترنت؟ومتى بدأت فعلاٌ في استخدام الانترنت؟وكيف كانت صورة الانترنت في مخيلتك؟

سمعت عن الانترنت في سنة 2000 وكنت ادخل على فترات بعيده في برامج المحادثات ومواقع منوعه وكنت استمتع بوقتي ولازلت

--------------------------------------

هذي 3 اسئله خلصت على خير والله يستر من القادم :)

[قمرهم]

هاااي...

انا مافهمت الحين اسالك بعد انت او عضو ثاني بس شكله لازم نكمل عشر اساله ومشعل كتب ثلاثه باقي سبعة انا بكتبلك بعض منها

4- من أحب الناس الى قلبك ( غير الاهل )؟؟
5- ماذا تعرف عن السياسة؟

هذا كل الي عندي اترك الفرصة حق غيري؟؟


أختكم: قمرهم (*_*)
تحياتي

[ولدها]

اهلين قمرهم هلا بالسهرانين عاد حنا سهرانين وانتي قمرنا اللي منورنا

لاطبعا لازم نخلص 10 اسئله وبعدين نبداء بالعضو الثاني ومن سوء حضي اني صرت الاول

الاجوبه

4- من أحب الناس الى قلبك ( غير الاهل )؟؟

لو قايله الكل ان كان قلت المعكرونه مع قلقل بو ديج :) بس مادام السالفه فيها ناس غير الاهل اذا الجواب اخواني واخواتي اعضاء المنتدى

5- ماذا تعرف عن السياسة؟

السياسه قديما كياسه اما الان في زمنا هذا السياسه معاك قرش تسوى قرش

-------------------------------

[ولدها]

المشاركات بطيئه (top1)

بسرعه ياعالم ورانا اعضاء شكثر نبي نحطهم تحت المجهر (top)

شدعوه محد عنده 5 اسئله (يفكر)

[ولدها]

ارجو نقل الموضوع الى المنتدى العام

[اسير الشوق]

موضوع جميل وحبيت اشارك معاكم

الان باقي خمسه اسئله


6-كم عمرك؟؟

7- الحاله الاجتماعيه؟؟ يعني متزوج ولا عزوبي؟؟

8-هواياتك غير الانترنت؟

9-كم المده التي تقضيها امام الانترنت؟؟

10-هل احرجتك الاسئله؟

واخيراا

نتمنا ان تكون الاجابه صريحه وبعيده عن الدبلوماسيه؟

وكل الشكر لك

[blue_girl]

موضوع جميل وفكرة جديدة فعلا ..

تسلم اخوي ولدها ، وكان ودي اسألك جم سؤال ... بس حسافة ،

سبقني اخوي اسير وكمل العشرة .. بس يالله ، خيرها في غيرها.

وانتظر الأجابات ( ملقووووووووووفة حدي ) (ebtsama)

[blue_girl]

على فكرة اخوي ولدها.. ما في داعي لنقل الموضوع ..

مكانه اهني مناسب ، لأن هذا المنتدى يختص ب( الترحيب والتعارف)

وموضوعك يعتبر نوع من ( التعارف ) ... بس لأنه حلو ومميز ..

راح أثبته .. وتسلم مرة ثانية (ebtsama)

[ولدها]

اشكر الاخ اسير الشوق على المرور وعلى الاسئله المباشره واكيد بجاوب بصراحه

6-كم عمرك؟؟

مستعد اجاوب على اي سؤال بالدنيا وبكل صراحه الا السؤال هذا لاني دايم اكذب فيه بصراحه :)

7- الحاله الاجتماعيه؟؟ يعني متزوج ولا عزوبي؟؟

عزوووووووووووووووووو وبيييييييييييييييييي ييي ههههههههههههههههه من قلب

8-هواياتك غير الانترنت؟

CHAT

9-كم المده التي تقضيها امام الانترنت؟؟

قبل 2002 ممكن اقعد اكثر من 12 ساعه متواصل اما الان ادخل حسب المزاج :)

10-هل احرجتك الاسئله؟

بس الشؤال رقم 5 :)
==================== =============
اتمنى يكونون الاعضاء خذو نبذه طيبه عني

والحين اترك المجال لكم لاختيار العضو الاخر

وشكرا لكل من سألني

[ولدها]

اشكرج اختي بلو جيرل واتمنى اشوفج تحت المجهر :)

[قمرهم]

هاااي...


الحين دور بلو انا بحطها تحت المجهر بس فيه اسئلة بشفرها يعني برسلها بمسج خاص لوووول عيب قدم الصبيان

1- وش هواياتج واهتماماتج؟؟

2- بدزه رسالة خاصة ؟؟

بترك الفرصة حق غيري يسالج ويحرجج

بااي..

أختكم: قمرهم (*_*)
تحياتي

[blue_girl]

هاااااي

انا تحت المجهر***33;***33;***33;***33;

اوكي مو مشكلة بحاول اجاوب بكل صراحة ...

____________________ ____________________ _

1- وش هواياتج واهتماماتج؟؟

القراءة ، الرسم ، كتابة الخواطر ، الطبخ ، تصميم الأزياء..

2- بدزه رسالة خاصة ؟؟

دزي .. عبالج خايفة منج (kaak)

____________________ ____________________ __

وانتظر اسئلة بقية الأعضاء...

باااااااااااااااااي

[بندر2004]

مساءالخير للجميع ومشكوووور ولدها على الموضوع اسئلتي لبلو قيرل....
1-ليش اخترتي هالاسم بالذات؟
2-اذكري لنا شخصيات انتي معجبها فيها ؟ ولييييييه؟ (اي شخصيات سواء سياسيه رياضيه من الوسط الفني او غيره)
3-انتي الان مشرفة عامه في المنتدى -اذكري لنا كيف صرتي مشرفه من بداية تسجيلك الين صرتي مشرفه ؟
على فكره انا مركب باللاب توب جهاز كشف الكذب (حاشاك)

[ولدها]

ممنوع الاسئله بالرسائل الخاصه ياقمرهم حنا ودنا نعرف كل شي وكل الاسئله الموجهه والاجوبه للعضوه الحبوبه بلو
لان هذي فرصتنا نعرف بعض اكثر رجااااااااااا ء الاسئله هنا فقط


ادري بلو بتدز لي السؤال 2 وجوابه بالخاصه <<<<<<< احلف :)

وسؤالي لج هو :

كيف تعبيرين عن نفسج بثلاث كلمات فقط ؟

الحين مجموع الاسئله لج 6

2 من قمرهم و3 بندر وواحد مني

[blue_girl]

1-ليش اخترتي هالاسم بالذات؟

نسبة الى فرقة Blue التي احبها كثيرا .. ولي موضوع خاص عن هذه الفرقة في منتدى الفن ..


2-اذكري لنا شخصيات انتي معجبها فيها ؟ ولييييييه؟ (اي شخصيات سواء سياسيه رياضيه من الوسط الفني او غيره)

تعجبني شخصية نجاح المساعيد ، سواء في مظهرها ، او في طريقة القاءها للشعر ، وحتى طريقة تعاملعا وكلامها



3-انتي الان مشرفة عامه في المنتدى -اذكري لنا كيف صرتي مشرفه من بداية تسجيلك الين صرتي مشرفه ؟

والله من البداية كنت أحب اشارك بهذا المنتدى ، وما كان هدفي الاشراف
بس كنت أحب اكتب واحاول ارد على اكبر قدر ممكن من مواضيع الاعضاء
ولما لاحظت الادارة اهتمامي بالمنتدى عينتني مشرفة لبعض الاقسام ، ثم
مشرفة عامة ، وانا سعيدة بذي الشي (top)


على فكره انا مركب باللاب توب جهاز كشف الكذب (حاشاك)

عادي ومن حقك يالطيب ومشكور على الأسئلة .. (ابتسامه)

[blue_girl]

كيف تعبيرين عن نفسج بثلاث كلمات فقط ؟

أموت بدون الحب


مشكور أخوي العزيز ولدها على الأسئلة ..

وانتظر بقية الأسئلة .. (ebtsama)

[بتفور]

_ مرحبا حبيبتي ( blue girl (غمزه) ) عساك طيبه انشاءالله , والحين دوري
اسالك :
7_ منو مثلك الاعلى ؟
8_ وهل انت طالبه وشنو اختصاصك , واذا موظفه شنو وظيفتك ؟

_ واترك المجال للاعضاء يسؤلونك آخر سؤالين , وانشاءالله اكون ما
احرجتك بئسألتي . تحياتي

[اسير الشوق]

السلام عليكم ورحمه الله وبركاته

اسمحيلي اختي العزيزه بلوقيرل ان اطرح اسئلتي

9-ماهو اصعب موقف تعرضت له في حياتك؟؟مع الشرح؟؟

10- دمعه سقطت من عينك وتحسفتي عليها؟؟؟ مع ذكر الموقف؟؟

[blue_girl]

هلا والله بالغالية بتفور.. آنة طيبة دامج بخير .. (top)

بالعكس أسئلتج حلوة .. وابدا ما فيها أي احراج..

راح أبدا اجاوب عليها..

7 _ منو مثلك الاعلى ؟

سئلت سؤال مشابه من قبل بندر 2004 ، ومثلي الأعلى هي الشاعرة

والمذيعة الناجحة نجاح المساعيد .

8_ وهل انت طالبه وشنو اختصاصك , واذا موظفه شنو وظيفتك ؟

آنة طالبة بجامعة البحرين _ كلية ادارة الأعمال _ محاسبة _ سنة رابعة

ومشكورة على الأسئلة عزيزتي بتفور..
أما بالنسبة لأسئلة أسير الشوق :

9- ماهو اصعب موقف تعرضت له في حياتك؟؟مع الشرح؟؟

عندما رسبت في مادة من مواد الجامعة ، مع العلم انني من المتفوقات،

بجيت وايد ( وكان ذلك في السنة الثانية لي بالجامعة اي قبل سنتين ) ، وما

ابالغ اذا قلت لكم اني مرضت وظليت اغيب عن الجامعة لمدة يومين، ومحد

داري فيني من البيت لأني ما كنت ابي اضيج خلقهم مثل ما ضاج خلقي آنة

وبعد اسبوع او اكثر بشوية .. طلع قرار من رئيسة الجامعة بان المقرر اللي

ينعاد بعد الرسوب ، تحتسب الدرجة الأفضل .. وليس المتوسط بين الدرجتين..

ما تدرون اش كثر آنة فرحني هالخبر .. وفي الفصل اللي بعده عدت المقرر

وحصلت فيه على الدرجة النهائية A وحمدت ربي وعرفت ان لازم ما نيأس

من رحمة رب العالمين......

10- دمعه سقطت من عينك وتحسفتي عليها؟؟؟ مع ذكر الموقف؟؟

في الموقف اللي فوق ، تحسفت اني بكيت .. لأني قدرت بعدها اعوض اللي

فاتني .. والحمد لله تعلمت درس اني ما استسهل باي مادة مهما كانت سهلة ..

_ مشكور اخوي اسير على الأسئلة ، واتمنى تكون اجابتي وفت..

وعلى فكرة .. قمرهم للحين ما دزت لي الرسالة اللي قالت عنها .. وفي حال

توصلني باجاوب عليها جدامكم مو بالخشة ..ومشكورين جميعا (top)

[اسير الشوق]

اجاباتك واضحه ويعطيك الف عافيه اختي بلوقيرل

واتمنى لك التوفيق في حياتك العلميه والعمليه انشاءالله


اما العضو الي تحت المجهر فهو...


المشرفه قمرهم


1- لماذا اخترتي هذا المنتدا؟؟ابي اجابه بكل صراحه؟؟

2-ماهي هواياتك المفضله؟؟غير الانترنت؟؟

[blue_girl]

أيوة...

تصدق عاد أسير لو ما انت اخترت قمرهم جان آنة اخترتها؟؟؟؟

(كيفي .. أبي احرجها)... (ebtsama)

المهم .. باصير طماعة اشوي وباسئلها 3 اسئلة بس :

السؤال الأول :

ما هي الماركة المفضلة لديك في الملابس؟؟

السؤال الثاني

ما هو أكثر شيء يزعجج ويضايقج ( تصرف او سلوك معين)؟

السؤال الثالث :

ليش ما دزيتي لي رسالة خاصة ليش :_(

وسامحيني قمرهم على اللقافة الزايدة شوي

[قمرهم]

هاااي...


واااي انا لا (top1)

بس انا مو خايفة بعد اجاووب وبكل صدق

1- لماذا اخترتي هذا المنتدا؟؟ابي اجابه بكل صراحه؟؟

بصراحة مشاركتي فية ممكن غريبة وهي دعوة من اخوي الشاعر سعود والموقف صج صدفة

2-ماهي هواياتك المفضله؟؟غير الانترنت؟؟
كتابة الخواطر والقراءة كتب العلوم

3-ما هي الماركة المفضلة لديك في الملابس؟؟
انا دايم احب ديوور مادري ليش

4-ما هو أكثر شيء يزعجج ويضايقج ( تصرف او سلوك معين)؟
اكثر شي اذا الواحد شبع وطلع صوت احنى نسمية (( ترعه)) واااي يزعجني هذا الشي

5-ليش ما دزيتي لي رسالة خاصة ليش ؟؟
دزيتلج

بس هذا ماعتبره سوال الين الحين جاتني اربع اسئلة وين الباقي ياله

أختكم: قمرهم (*_*)
تحياتي

[ولدها]

هلاهلاهلا قمرهم مع تحياتي لبلوقيرل الحلوه واجنيازها الامتحان

قمرهم غيري لون اجاباتج ترى انعيمينا لا يجيج طراق :)

ليش انتي ماتترعين؟ :)

المهم سؤالي سؤال واحد عشان اترك مجال لغيري

6- سبب اختيارج لاسم قمرهم هل لانج فعلا قمرهم ام انج جكرهم وهو مجرد اسم والاسامي ابلاش ؟ :)

تحياتي

[قمرهم]

هاااي...


الترعه بس بحترام مو بصوت علي مثل اخوي الصغير كل يوم صافقته على راسة

وبعدين ليش كل انا تعطوني طراقات حرام عليكم بس خلاااص

6- سبب اختيارج لاسم قمرهم هل لانج فعلا قمرهم ام انج جكرهم وهو مجرد اسم والاسامي ابلاش ؟

الحمدلله كل واحد يشوف نفسة جميل بس مو هذا سبب اختياري للأسم لا
السبب هو اغنية اصاله ( انت قمرهم كلهم ) مهدينها لي وحبيت انها تكون نكي بس مختصره بــ( قمرهم )


هذا اللون عدل ولا اغيره لوووووووول


الي بعدوووه ياله ورانى عضو ثاني..

أختكم: قمرهم (*_*)
تحياتي

[ولدها]

اهلين قمرهم

يامعوده حرام عليج خلي الورع يتارع على راحته ذبحتيه :)

قاعدين نعطيج طراقات عشان تقولين اه وتطيح الورده هههههههههههه

طبعا اكيد كل واحد يشوف نفسه حلو وكل انسان حلو وفيه شي حلو داخلي او خارجي والحين عرفنا سبب اختيارج لاسمج

والسؤال رقم 6 هو

6- بما ان من هواياتج كتابة الخواطر فما اخر خاطره كتبتيها ؟ ( ارجو كتابة الخاطره هنا )

شكرا للاخت قمرهم على الاجابات الصريحه

وايظا اترك المجال لباقي اخواني الاعضاء للاسئله

[قمرهم]

هاااي...


6- بما ان من هواياتج كتابة الخواطر فما اخر خاطره كتبتيها ؟ ( ارجو كتابة الخاطره هنا )
اخر شي كتبتة مو خاطرة لا كلمات ورد غطاها موجوده في همس القلوب بعنوان (( كلمات ورد غطاها ))


الحمدلله ماكو اسالة اكشن

باقي اربعة يالة تمر على خير

أختكم: قمرهم (*_*)
تحياتي

[ولدها]

اكشن سؤال رقم 7 - هل تحافين من هؤلاء a - الاماكن المرتفعه b - الاماكن المظلمه c - الوحده او العزله d - الصرصور (الزهيوي) <<< هذا فقط للبنات :)

تحياتي

[قمرهم]

هاااي...


7 - هل تحافين من هؤلاء a - الاماكن المرتفعه b - الاماكن المظلمه c - الوحده او العزله d - الصرصور (الزهيوي) ؟؟؟

اماكن مرتفعة لا _ المظلمة احياناَ _ الوحدة دايم احب اجلس الحالي _ الصراصير وااااي اخاف منهم خوف الجني.


وين بس ولدها الي يسأل


أختكم: قمرهم (*_*)
تحياتي

[ولدها]

الوحدة دايم احب اجلس الحالي <<<<<<< والله ان حالج من حالي :)

وين بس ولدها الي يسأل <<< اي لاني حاط منع محد يدش غيرج هني كل اللي يحاولون يدشون غيرج يطلع لهم الصفحه غير موجوده

والحين سؤال رفم 8 - مارايج في القعده معاي ؟ الخيارات a - حلوه b- ممله c- باخيه :)

ههههههههه لا اتغشمر السؤال رقم 8 - هل فعلا ان الصراحه راحه ام ان الصراحه في بعض الاحيان تتحول الى ندم وقلق للراحه ؟

[قمرهم]

هاااي...


8 - هل فعلا ان الصراحه راحه ام ان الصراحه في بعض الاحيان تتحول الى ندم وقلق للراحه ؟


بصراحة سوال يحتاج لمناقشة..

بس من رايي انا كثير من الناس يزعلون من الصراحة
مع انا الصراحة راحة بس للي يحبك
ومثل ماقلت تتحول الى ندم وهذا هو الي حاصل الحين


وهذا من رايي المتواضع

أختكم: قمرهم (*_*)
تحياتي

[اسير الشوق]

اهلين قمرهم
س9

لماذا اخترتي قسم التخدير؟حسب ماذكرتي ؟ومتا تتخرجين انشاء الله؟وهل هي هوايه ؟ام ماذا؟

[blue_girl]

هااااي

أنا راح اكون لج قمرهم ( ختامها مسك ) ان شاء الله ..

س10 - ما ذا تعني لج هذي الكلمات:

_ الزواج

_ الدراسة

_ المال

_ الجمال

_ الأهل

مع تحياتي لج .. وان شاء الله ما ازعجتج بسؤالي...


باااااااااااااااي

[قمرهم]

هاااي...

مشكوره على انتهاء الاسئلة

ولكم الاجوبة..

9-لماذا اخترتي قسم التخدير؟حسب ماذكرتي ؟ومتا تتخرجين انشاء الله؟وهل هي هوايه ؟ام ماذا؟

اخترته لعدة امور اولها كنت في الصغر ابوي الله يرحمه يقولي ابيج تكونين طبيبة مو اي طبيبة ابيج تكونين مهمه في هذا المجتمع وثانيا مجموعي مشالله كان حلو وياهلني اي قسم اختار معاد الجراحه العظمى قلت خلاص ادخل تخدير لانه بعد حلوو والعمليات بدون تخدير ماتنفع صح وثالثا والاخير رفيجتي ومثل اختي دخلت هذا القسم قلت خلاص مستحيل نتفارق والحمدلله .

اما التخرج يوووه باقي واجد عليه انا توني بثاني سنة.

والحمدلله مع الايام صرت احب مع اني كنت اخاف من الدم بس الحين ارجع من الجامعه بعد الدم وتخوف وتغداء ونام احلى نومه لووووول ( صارت مجرمه داركولا)


س10 - ما ذا تعني لج هذي الكلمات:

_ الزواج

_ الدراسة

_ المال

_ الجمال

_ الأهل

كنج حاسة احب الكلمات وش تعني لك داايم افكر فيها..

_ الزواج = أولاد ( كما ذكرت في كلمات ورد غطاها )

_ الدراسة = روتين يومي

_ المال = فساد

_ الجمال = الطبيعه

_ الأهل = العون


وه اخيراَ انتهيت من الاسئلة
الحين يالله حطو واحد ويويله من اسلتي؟؟؟


أختكم: قكرهم (*_*)
تحياتي

[اشحلاااتي]

الحين الدووور على مشعل المطيري بعد شنوو ماكو احد اسأله
مممممم
مشعل 1_ متى تفكر تترك النت ؟
2وشو طموووحك بالمستقبل
3وش المواصفات اللي تتمناها بشريكه حيااتك ؟
4- موقف ظريف ماتنسااه ؟

[ولدها]

والان بعد ما خلصنا من دراكولا (ابتسامه) قصدي قمرهم (kaak)

ارحب بالاخ مشعل تحت المجهر واضيف سؤال على اسالت شحلاتي الموجهه له واقوله

5 - من المعروف انك دائما تتحفنا بمواضيع مميزه ولكن السؤال هو : ماهو مصدر مواضيعك ؟ <<<<< انحرج (ابتسامه)

6 - كم عمرك ؟ <<<< توهق (ebtsama)

7 - ماهي هواياتك ؟

تحياتي

[blue_girl]

هاااااااااي

شباب ... مبين على مشعل نايم في العسل ..

ما يرد ولا يعبر ..

(??)

[مشـــ المطيري ـــعل]

(بسم الله)
السلام عليكم ورحمة الله وبركاته
~~~~~~
اسف على الاطاله
~~~~~~
متى تفكر تترك النت ؟
لي تزوجت وصار عندي عيال علشان افضي لأسرتي وعيالي

2-وشو طموووحك بالمستقبل؟
طموحي الله يسلمك هو ارضاء الجميع من الكبير لي الصغير ومن الغني لي الفقير

3-وش المواصفات اللي تتمناها بشريكه حيااتك ؟
اهم شي هو الالتزام بدين والاخلاق واضيف عليه الجمال

4- موقف ظريف ماتنسااه ؟
صارلي موقف مع الاخ اسير الشووق
انا اول ماشاركة بالمنتدى واول ماشفت اخووي اسير عبالي بنت وتلاحظون اغلب ردودي على الاخ اسير الشووق انه كنت اشكره على طريقة بنت مثلا كنت اقوله مشكورة اختي او جزاج اختي ألف خير
ويوم من الايام دزلي رساله مكتوب (يرجال انا لي شنب مثلك)
وانا قمت اضحك وتأسف منه ومن ذيج الساعه انا خجلان من نفسي

5 - من المعروف انك دائما تتحفنا بمواضيع مميزه ولكن السؤال هو : ماهو مصدر مواضيعك ؟
ايام سوري هذا سر

6 - كم عمرك ؟
عمري يمحبوب السلامه 15 سنه

7 - ماهي هواياتك ؟
السباحه

[اسير الشوق]

السلام عليكم ورحمه الله وبركاته

اخي العزيز مشعل

عندي بقيت الاسئله واتمنا ان تكون اجاباتك صريحه

س8-نوع السياره الي تملكها؟

س9-منهو اقرب الاعضاء الى قلبك؟اتمنا تحديد عضو بعينه؟ماتقولي كلهم؟

س10-اعيد سؤال ماطموحك في المستقبل؟ولكن مهي توجهاتك اي ميولك تبي تكون مدرس او طبيب اوماذا؟

اتنما ان تكون اجابتك واضحه ودون ابهام

[blue_girl]

:_( :_( :_(

خلصت الأسئلة قبل ما أيي

خسارة ما سئلنا مشعل ...

بس خيرها في غيرها .. العضو الياي باسئله عشرة أسئلة قبل محد يسئل

[ولدها]

انا بختار العضو اللي بعد مشعل يكون اسير الشوق بلو زهبي اسالتج :)

مشعل نرجو سرعة الرد لاتاحة المجال للاعضاء لتوجيه الاسئله للعضو العزيز اسير الشوق مع الشكر

والتحيه

[مشـــ المطيري ـــعل]

(بسم الله)
س8-نوع السياره الي تملكها؟
اخوي اسير الشوق انا عمري 15 سنه شلون اسوق سياره
على العموم لي كبرت انشالله راح اشتري فورد ماكيز
~~~~~~~~~~~
س9-منهو اقرب الاعضاء الى قلبك؟اتمنا تحديد عضو بعينه؟ماتقولي كلهم؟
اقرب الاعضاء لي هو سلوم لقرع له معزه كبيره بقلبي معنه ترك المنتدى ولكن هو موجود بقلبي دايما
وانتو بعد احـــــــــــبـــــك م كلكم ولكم معزه كبيره بقلبي
~~~~~~~~~~~
س10-اعيد سؤال ماطموحك في المستقبل؟ولكن مهي توجهاتك اي ميولك تبي تكون مدرس او طبيب اوماذا؟
طموح بمستقبل هو اني اخلاص من دراستي بأذن الله بعدين ادش الجامعه واتمنى اني اصير مهندس كمبيوتر انشالله
~~~~~~~~~~~
و(شكرا) للأخ الكريم اسير اشوق

تحياتي للكل

[قمرهم]

هاااي...


شخبارك اسير يقولون انا عليك توجه المجهر صج

عيل خذ كم سؤال على طاير؟؟

1- لو جاتك تذكرتين لبيروت وحده لك وحده حق شخص انت تختارة من اول شخص بيجي على بالك ؟؟

2-اي بلد تحب تزوره وانت مازرتها توك؟؟

هذي الي عندي اترك فرصة حق بلوووو لوووووول

أختكم: قمرهم (*_*)
تحياتي

[اسير الشوق]

السلام عليكم ورحمه الله وبركاته

مشكوره اختي قمرهم على اسئلتك

والاجابه كتالي,

1- لو جاتك تذكرتين لبيروت وحده لك وحده حق شخص انت تختارة من اول شخص بيجي على بالك ؟؟

ج1- اكيد وبدون ادنا مجال للشك راح تكون زوجتي الغاليه هي اول واخر شخص يجي ويروح في بالي.

.................... .................... ......

2-اي بلد تحب تزوره وانت مازرتها توك؟؟

ج2- والله اختي في بلدان كثير حلوه بس زي ماليزيا وجوها وطبيعتها مافي زيها وانشاء الله ابي اكون فيها الصيف القادم.

.................... .................... .......


وفي انتظار بقيت الاسئله

تحياتي

[ولدها]

اسيروووو عندي تذكرتين لبانكوك تجي معاي ؟ :)

س 3 : هذا السؤال طبعا المفروض نوجهه كل عضو يطيح تحت المجهر وهو ماسبب اختيارك لاسمك المستعار هذا ؟

[اسير الشوق]

ولدهاا

والله مي شينه بس على حسابك مو تذاكر وبس


س 3 : هذا السؤال طبعا المفروض نوجهه كل عضو يطيح تحت المجهر وهو ماسبب اختيارك لاسمك المستعار هذا ؟

ج3-والله السبب هو اعجابي الكبير بصاحب السمو الملكي الامير نواف بن فيصل ولقبه اسير الشوق واحب جميع اشعاره

ولذالك اخترات هذا الاسم
.................... .................... ...

[ولدها]

تحياتي لك وللشاعر نواف بن فيصل

على فكره العرض اللي فوق ملغي يالطماع :)

اترك المجال لاخواني وخواتي يسئلونك

[blue_girl]

هااااااااي

بابرد الحرة اللي فيني ..

4 - ما هي ميولك واهتماماتك ؟؟؟

5 - ما هي الظاهرة التي تتمنى زوالها من العالم ؟؟ وليش؟؟

6 - لو عاد بك الزمن الى الوراء .. ماذا كنت ستفعل .. يعني ماهي

الأشياء او الفرص التي فاتتك ولم تعود مرة ثانية ؟؟

7 - فنانك المفضل ؟؟؟


_ كنت بأسأل عشرة بس خانني التفكير ..

مشكورين على اتاحة المجال جدامي (ebtsama)

[amoora]

ما رايك بالحب؟؟
وهل احببت من قبل؟؟
هل تزوجت من تحبها؟؟
(غمزه)

[اسير الشوق]

السلام عليكم ورحمه الله وبركاته

اختي العزيزه بلو اسئلتك جميله

واليكي الاجابه

4 - ما هي ميولك واهتماماتك ؟

انا ميولي رياضي بحت يعني احب متابعه كره القدم بشكل كبير وممارستها بكل تاكيد

واهتماماتي متابعه الاحداث السياسيه وكذلك الانترنت والسفر والسياحه والشعر والصيد

.................... ................

5 - ما هي الظاهرة التي تتمنى زوالها من العالم ؟؟ وليش؟؟

والله في ظواهر كثيره سلبيه في حيتنا ولكن الظاهره التي اتمنا زوالها هي .. الظلم..

ليش؟

لاني انظلمت كثير في حياتي وكذلك لان الظلم ظلمات يوم القيامه

.................... .................... .

6 - لو عاد بك الزمن الى الوراء .. ماذا كنت ستفعل .. يعني ماهي

الأشياء او الفرص التي فاتتك ولم تعود مرة ثانية ؟؟

والله اختي العزيزه اتمنا ان يرجع الزمان الى الوراء كي ارضي والدي رحمه الله عليه

انا لم اكن عاق له ولكن كان يريد ان اكون مدرس وانا كان ميولي عسكري

ودخلت الكليه العسكريه وبعد تخرجي بسنه توفي رحمت الله عليه

وهوا راضي عني كامل الرضاء ولاكن انا لست راضي على نفسي

لذالك اتمنا ان يرجع العمر للوراء كي ارضيه

وبنسبه للفرص فلحمد لله لم تفتني اي فرصه في حياتي كان فيها خير لنفسي

.................... .................... ...............

اتمنا ان تكون اجاباتي واضحه اختي بلو

[اسير الشوق]

السلام عليكم ورحمه الله وبركاته

اختي العزيزه amoora مشكور على اسئلتك

انا ابي اعتبر انك سئلتيني سؤال واحد

واليك الاجابه

ما رايك بالحب؟؟

الحب سيدتي الكريمه هو ماء الحياه بدونه ليست للحياه طعم وهو ملح الحياه ومن اكبر الدوافع لكي يعيش الحياه في راحه واسعاده

.................... ......

وهل احببت من قبل؟؟

نعم اختي العزيزه احببت انسانه وعشقتها الى درجه الجنوووووون

.................... .........

هل تزوجت من تحبها؟؟


نعم وهي من احببت الى درجه الجنوووون وسوف احبها الى اخر يوم في حياتي

.................... ..........


مشكوره اختي العزيزه

وتمنا ان تكون اجاباتي واضحه

.................... .......


يالله باقي 3 اسئله وين بقيت الاعضاء

[اسير الشوق]

معليش نسيت سؤال اختي بلو

سامحوني

7 - فنانك المفضل ؟؟؟
7- فنان العرب محمد عبدو

[amoora]

هل انت انسان سعيد في حياتك؟؟ (تعجب)

[اسير الشوق]

السلام عليكم ورحمه الله وبركاته

راح اعتبر سؤالك رقم9

يعني باقي سؤال واحد بس الله يعين


9-هل انت انسان سعيد في حياتك؟؟

9- الحمد لله سعيد ومبسوط

[ولدها]

يعطيك العافيه اخوي اسير الشوق على اجاباتك الواضحه والشافيه

وخصوصا جوابك عن رايك بالحب المقدم من amoora الحبوبه

والحين السؤال الاخير وهو عشان نرحمك ويكون هذا السؤال هو رصاصة الرحمه :)

حبيت يكون سؤالي دمه خفيف بما انه السؤال الاخير

السؤال 10 : من المعروف ان مافي احد ماطاح في موقف محرج في حياته فماهو الموقف المحرج اللي تعرضت له وكيف تصرفت ؟ :)

(اترك لخوي اسير الشوق اختيار العضو اللي بعده ليكون تحت المجهر)

ويعطيك العافيه

[اسير الشوق]

هلاااااااااااااااااا اااا

ماقصرت ياولدها اكيد اعجبتك في اجابتي على سؤال amoora؟



ماعلينا اليك الاجابه

السؤال 10 : من المعروف ان مافي احد ماطاح في موقف محرج في حياته فماهو الموقف المحرج اللي تعرضت له وكيف تصرفت ؟

ج10-والله اخي العزيز مواقف كثير صار لي احراج فيها يس الطريف في الموقف التالي انه كان يوم زواجي

اليوم الي قبله مانمت الا الساعه 3 الفجر وصحيت الساعه 7 الصباح عشان اروح للقاعه واشوف العمال والفطور وغيره من الشغلات

المهم صار الي صار وجو المعازيم وافطرو وتقهوو وانبسطنا وجا الغدا وتغدو وبعدها رحت للفندق الي ساكن فيه طبعا الزواج ماكان في نفس المدينه

الي انا ساكن فيها دخلت الفندق الساعه 2 الظهر ونمت وماصحيت الا الساعه 8 وماكنت محلق ومرتب نفسي ولازم اكون في القاعه الساعه 9

عشان المعازيم والجماعه ينتضروني نصور وبعدين يزفوني للعروس.

هذا هو الموقف المحرج

اما بلنسبه للتصرف الي قمت به

كنت حاجز حلاق عشان الحلاقه والتجهيز وكنت على موعد معه الساعه 5 العصر اقل شي لازم اجلس عنده ساعتين عشان تجهيز العريس يطول

مثل ماتعرفون . المهم نزلت عند حلاق هندي في نفس الشارع الي فيه الفندق وحلاقت على الماشي ووصلت القاعه الساعه 9ونص

طبعا على تاكسي لان سيارتي مع اخوي وانا ماعلمته مكان الفندق الى انا ساكن فيه وكنت معطيه السياره الصباح عشان يجهزها

نزلت قبل القصر واخذتها كعابي للقصر والشباب يعلقون على ويذبون المهم جلست نصف ساعه واخذت سيارتي وعروستي ورحت للفندق

وكل ماتذكرت هذا الموقف اموت من الضحك

.................... ....................


اشكر جميع الاعضاء الي شاركوني في الاسئله

واقولهم يعطيكم الف عافيه على الاسئله الخفيفيه

.................... ..............

والعضو الي بعدي

هو amoora

عليكم فيها

ابي اعطيها كم سؤال بس بعد اسئلتكم


تحياتي للجميع

[amoora]

يسلمووووووووووو اسير وانا ناطره اسئلتكم (غمزه)
بس شوي شوي علي اوكي (ni)

[اسير الشوق]

يالله شكل مافي احد يبي يسئل


س1- انتي ذكرتي في احد المواضيع في المنتدا العام انك غير سعيده ابدا ؟ فلماذا انتي غير سعيده؟اي هل للمجتمع دور في عدم سعادتك؟


ارجو ان تكون الاجابه صريحه.

[ولدها]

يعطيك العافيه اخوي اسير الشوق على سعت صدرك وردك الوافي على جميع الاسئله (top)

وخصوصا سؤال الموقف المحرج اللي صار لك بليلت عرسك (kaak)

بصراحه والله بطل (kaak)

(نزلت قبل القصر واخذتها كعابي للقصر والشباب يعلقون على ويذبون المهم جلست نصف ساعه واخذت سيارتي وعروستي ورحت للفندق) (kaak)

لاكن يقولون لجل عين تكرم مدينه وخاصه اذا كانت عين ام العيال وراعية بيت المستقبل واللي لازالت راعيته بوجودك وعيالك إلى آخر العمر انشالله (ابتسامه)

والحين مادام الدور على amoora الحبوبه عندي لها سؤال غبي (تعجب)
شويه وهي ادرى ليش قلت عنه غبي (co-ol)

المهم السؤال رقم 2 هو : سبب اختيارج لاسمج هذا amoora (ba) ؟


الحين اترك المجال لباقي الاعضاء
تحياتي

[blue_girl]

هااااااااااي

مشكور اسير على اجاباتك الواضحة .. والموقف الطريف اللي

ذكرته..

والحين يا دورج يا أمورة ،،،

3- باعتبارج تحبين الكاكاو والجوكليت ، هل انتي دبة ، او ضعيفة؟

(ههه بس لا تزعلين )

4- انتي شنو تدرسين او تشتغلين؟؟

5- من هم أقرب الأعضاء لج ( نبي أسم أو اكثر / اجباري )

(top)

واترك المجال لبقية الاعضاء.......


وان شاء الله ما ضايقج سؤالي....


تحياتي

[قمرهم]

هاااي...

بصراحة داشه ماعندي سوال بس شفت العضو انه اموره قلت يالله سوال مايضر

6- اسوى صفه فيج واحسن صفة تتميزين فيها؟؟

(( ترى مافيها احراج لو بقيتي اجوبج انا عاادي)) لوووول

أختكم: قمرهم (*_*)
تحياتي

[amoora]

اول شي سؤال اسير:
(1): اي نعم انا ذكرت هالشي انا غير سعيده في حياتي وللمجتمع دور وللاسره دور ايضا ما انكر انه في بعض اللحظات الحلوه الي ما اقدر انساها ولكن الاكثر حزن وملل وروتين
من ناحيه المجتمع عندنا بالكويت تفرقه عنصريه وبشكل واضح جدا وعندنا الماده هي اهم شي يمكن يكون هذا سبب
الحمدالله الوالد ما يقصر بس كل انسان يطمح الاحسن
ويسلمووووووووووووووو اسير ضربت على الوتر الحساس***33;***33;



ولدها:
(2) : مدام تدري انه سؤال غبي ليش تسال؟؟***33;***33; هاهاهاهاهاهاهاهاههاه اهاهاهاه اتغشمر معاك اسال الي تبيه
مادري شقولك بس من بديت استخدم الكمبيوتر كان نكي دايما فروحه بعدين غيرته اموره مادري عجبني لا اكثر ولا اقل وبعد هو على وزن اسمي(.........)؟***33;***33;
ويسلمووووووووووووووو وووووووووووو


بلو:
(3): انا احب الكاكاو وااااااااااااااااااا اااااايد اكثر شي باونتي وكندر بس انا ضعيفه تقدرين تقولين وزني 48 يعني انا احب الاكل واكل وااااااااااااايد بس ما يبين علي المتن الحمدالله
(4): انا خلصت الثانويه وبعد سنه ونص تقريبا دخلت معهد ادرس دبلوم سكرتاريا وادارة مكاتب وانشاءالله اخلص شهر7 واشتغل
(5): اقرب الاعضاء طبعا انتي اولا ، قمرهم ، ولدها ، اسير ، مشعل، بتفور ، وسلوم ، والجوال وانشاء الله ما اكون نسيت احد
ويسلمووووووووووووووو ووووووو

قمرهم:
(6): اسوأ صفه اني ابجي بسرعه وااااااايد حساسه هذا الشي مطلوب بس في مواقف يبيلها تحمل اكثر ما ينفع فيها البجي بسرعه وفي شي ثاني بعد ثقتي بنفسي ليست كبيره مادري ليش بس دايما احاول احسن من هذه الصفه وااااااايد تزعجني***33;

احسن صفه انه قلبي طيب واحب كل الناس واذا حبيت احب بصدق وما اخوووون***33;***33;***33;
ويسلمووووووووووووووو وووو

تسلموووووون حبايبي وانشاء الله تكووون اجاباتي واااضحه واي استفساااار انا موجوده وانا ناطره باااقي الاسئله (على فكره الاسئله واااايد حلوه***33;***33;)

بـــــــــــــــــــ ــــــــــــــــــــ ــــــــــــــــــــ ــــــــــــــــــــ ــــأي (ni) (ابتسامه)

[همس]

بصراحه موضوع حلو بس ياليت تنقلونه حق المنتدى العام
اتوقع احسن

من زمان ودي اتعرف عليج


اممممممممم شنو اسالج

1- جم عمرج

2- ذكرتي في موضوع لج ان شباب الكويت مو عاجبينج ليش ( ترى اصابع ايدج موسوا)
3- اممممممم شنو برجج

4 شنو احلى خبر سمعتيه

وتحياتي لج

[amoora]

(7): عمري 19

(8): صح مثل ماقلتي اصابع ايدج مو سوى بس بصراحه شباب الكويت مخلين الكل ياخذ عنهم صورة سيئه جدا جدا جدا وبس همهم على القز والمجمعات والمطاعم والسفر والفلوس وبس وبعد ما يلعب ويستانس يبي يتزوج منو بيرضى فيه ؟ وبعدين ما يعرفون شي اسمه حب ما عندهم احساس وعشان لا اظلم الكل اغلبهم جذي بصراحه انا ادري اخر شي بتزوج وااحد كويتي بس الله يستر؟؟***33;***33;

(9): برجي العذراء

(10) : نجاحي في الثانويه العامه وحصولي على نسبه ترد الروح بعد عناء وتعب من الدراسه


تسلمين حبيبتي بصراحه الاسئله حلوه وخفيفه بس لازم تختارين عضو بعدج عشان نساله اوكي

بـــــــــــــــــــ ــــــــــــــــــــ ــــــــــــــــــــ اي


(ابتسامه)

[همس]

هااااااي

اموره انتي اختاري

او اي احد ثاني خل يختار

[amoora]

أي بس لازم اخر واحد يسال يختار

[همس]

توهقت مااعرف منو اختار

اممممممممم


باختار اشحلاتي



1- شنو اسمك؟

2- جم عمرك؟

3- شنو تدرس؟

4- ليش حاط على البنات حطه في مواضيعك؟

وتحياتي للكل

[blue_girl]

_ هاااااااااي

اشكرج امورة على اجاباتج الصريحة والحلوة ،،،،،

اما بالنسبة لاشحلاتي ، فبانتهز الفرصة وباسئلة جم سؤال

محرج ...

5- ذكرت مرة انك ( جزا ولد جده جزا ) .. فهل هذا اسمك

الصجي ام التنكري ( اسم الشهرة يعني) ؟؟ وشنو معناه؟؟؟

6- نلاحظ ان مواضيعك تتميز بالخفة والفكاهة وخصوصا

في باب النكت ، فهل هي من تأليفك أو انها مواقف صجية

صارت ( مثل قصة علم المنطق اللي عجبتني وااااااايد) ؟؟

7- نرجع الى نكك ( اشحلاتك ) ومعناه على ما اعتقد ( يا كثر

زينك ) ..... وهذا النك يدل على الثقة ، فهل تعتبر نفسك واثقا

من نفسك؟ والى اي مدى؟ وما تأثير هذه الثقة في حياتك؟؟

واتمنى ما اكون ثقلت عليك بأسئلتي ....

تحياتي لك ولللجميع ،،،،،،

[ولدها]

اشحلااتي الظاهر مشغول انا ارشح الحين

همس

تكون تحت المجهر

وسؤال 1 : ماسبب اختيارج للاسم هذا ؟

سؤال 2 : انتي قلتي انج ملكتي بس ماقلتيلنا هل عن حب او زواج تقليدي والله يوفقج ؟ :)

سؤال 3 : ماهو مستواج التعليمي ؟

وشكرا

[amoora]

هااااي للكل
4: كيف توصلتي للمنتدى؟؟
5: بصراحه هل في نظرج الجمال الخارجي اهم الان يعني بهذا الزمن الي احنا فيه من الجمال الداخلي؟؟

ويسلموووووو وانشاء الله الاسئله سهله

[admin]

:)

[همس]

هلا وغلا سوري تأخرت بالرد عليكم

سبب اختياري لهذا الاسم ؟
اعجبتني كلمة همس وايميلي همس فحبيت اكون بالمنتدى بعد همس

اما سؤالك الثاني زواجي تقليدي من ولد عمي

ومستواي التعليمي جامعي

اما بالنسبة لاسئلة امورة

انا توصلت للمنتدى عن طريق العراب

والله بزمنا هذا الجمال الخارجي اهم شي عند الناس ويحكمون عليج منه

ويسلمووو حبايب قلبي

[قمرهم]

هاااي...


شخبارج همس؟؟

عندي سوال؟؟؟

شنو تعنيلج الكلمات هذي بس بكلمة وحده بس

الام .......
الوطن ......
الحب ......
أول طفل .......
الحزن ......


وشكرا

أختكم: قمرهم (*_*)
تحياتي

[همس]

هلا قمرهم

الام.... حنان

الوطن.......امان

الحب.......... امل

اول طفل....... فرح

الحزن......... نهاية

وشكرا حبيبتي

[blue_girl]

_ هااااااااي

شكرا عزيزتي همــــس على اجاباتج الواضحة .. والحين آنة

راح أسئلج ....

س7 : أي نوع من الرجال تفضلين : الرجل الوسيم أو المثقف

أو خفيف الظل ؟

س8 : شنو أهو نوع سيارتج ولونها ( لا تخافين ما بقولج

كم رقمها )؟

س9 : ما هـــي أثمن هدية تلقيتها حتى الآن ؟ ومن منو ؟


أترك آخر سؤال لأخر واحد بيسألج اختي همس.....

في أمــــان الله ،،،،،،،،

[amoora]

هاااي انا راح اسال السؤال الاخير
انت قلتي زواجج تقليدي من ولد عمج
يعني ما كان في حب وتفاهم؟؟ وهل وافقت لمجرد ارضاء الاهل ام كان عن قناعه؟؟

وشكرا
(ابتسامه)

[amoora]

هاااي
نسيت اختار العضو راح اختار الجوال

[نواف الرياض]

يالله انا اللي ابي ابدأ بالسؤال الاول....

س: ماهواسمك الثلاثي؟؟

[همس]

هلا بلو

انا افضل الرجل المثقف

اما بالنسبة لنوع سيارتي فانا لي لحين ماسقت

اثمن هدية تلقيتها ابيات شعر من العراب

هلا امورة
بالعكس في بينا تفاهم واهوطلع يحبني من زمان بس انا ماكنت ادري عنه

ولما تقدم لي وافقت عليه باقتناع لان رجل مثقف ومستقبله حلو وشخصيته

تتلائم مع شخصيتي وفي صفات وايد حلوه اجذبتني له

ومشكورين على هالاسئلة

[amoora]

هاااي للكل راح اسال الجوال:
2: انت ما شاء الله عندك معلومات واايد عن البرامج هل هي هوايه او هو في مجال عملك؟
3: كم عمرك
4: هل انت مرتبط؟
5: مانوع سيارتك؟
(ابتسامه)

[اشحلاااتي]

هااااي توني بطلت الايمل ولا جايتني دعوه يقولون انا تحت المجهره قلت ياخلف الله علي
قعدت اطاالع فووق ماشووف الا السقف لا مجهره ولا هم يحزنووون

شنو انا تحت المجهر بتسوون تجربه فيني

ممممممممم
يلاا عفيه عفيه دوري تحت المجهر شنو اسألتكم
يلاا تقبلوو مني الصرااحه التااامه
وحاضرين للطيبين بس

هههههههههههههه
ناطركم لحد يزفني ولحد يدف دووري وابيه
ههههههه بخرب عليكم وبجااوب على اللي سألووني تعرفوون خو مساكين لازم اجااوب عليهم
ممممممممم

[اشحلاااتي]

انا برد علي اجوبه اخوااني واخوااتي الشاابكوون

احم احم
تحملووني عااد اسلووبي جذي شسوي

اول شيء
سألوني عن عمري
23
واسمي جزا العنزي

وموظف ماادرس الدراسه ماخووذ خيرها ههههههه يعني عذر

وعن ليش حااط على البناات بالعكس والله احب امزح انا والمزح افضل يكوون مع البناات
وبعدين اي شيء ينقااال على البنت ياخذ اكبر من حجمه يعني الموضووع ياخذ فووق حقه اما لو كاان على ولد
محد يلقيله باال او يمكن ياخذ بس مو كثر اتاخذ البنت لا كان اسمها بالموضووع

[اشحلاااتي]

- ذكرت مرة انك ( جزا ولد جده جزا ) .. فهل هذا اسمك ..
الصجي ام التنكري ( اسم الشهرة يعني) ؟؟ وشنو معناه؟؟؟ هلله هلله هذه اسمي الصجي ومعناا عقااب الله يهدي جدي هو اللي مسميني لاني كنت بوقتها جااهل توني ماافهم لقاها فرصه ولبقلي اسم تلش مثل اسمه ولا لو بيدي جان اخترت مشاري طلال اي شيء اسلك امووري فيه


6- نلاحظ ان مواضيعك تتميز بالخفة والفكاهة وخصوصا
في باب النكت ، فهل هي من تأليفك أو انها مواقف صجية
صارت ( مثل قصة علم المنطق اللي عجبتني وااااااايد) ؟؟ الله العاالم ان كل اللي اكتبه يكوون حقيقه واحيانا اباالغ فيها عشاان المزح واحياان احط اسماء فيها هم عشاان المزح ودايم تحصلي مواقف طريفه اما علم المنطق هذي نكته سامعها منزمان مع اضاافات طلعت جذي لكم

7- نرجع الى نكك ( اشحلاتك ) ومعناه على ما اعتقد ( يا كثر
زينك ) ..... وهذا النك يدل على الثقة ، فهل تعتبر نفسك واثقا
من نفسك؟ والى اي مدى؟ وما تأثير هذه الثقة في حياتك؟؟ نك اشحلااتي اخترته على اسااس امدح نفسي فيه وانااذم نفسي فيه مثاال دايم اقوول انا اشحلااتي واكبر دليل على اني اشحلااتي امي كل ماتشوفني تقوولي والله انك غزاال وانتي عارفه المثل اللي يقول القرد بعين امه غزال
انا ماخذ النك للفرفشه مو للمدح انا طبعي احب اضحك واحب اتغشمر ومااحب ازعل احد علي والكل عارف هالشغله ولاتفهموون اني امدح نفسي ترا امزح معااكم ومو من هالنووع هذه انا

واتمنى ما اكون ثقلت عليك بأسئلتي .... اي والله ثقلتي ههههههه
لا والله امزح بس اسألتج بالنسبه لي حلوه لانها وضحت حق اخوانا الشابكون امور كثيره اولها نك اشحلااتي عشاان ماياخذوون فكره عني

على فكره بقوو لي 3 اسأله لحد يسرقهم انا راجعلكم وابي اقرااهم عشاان اجااوب ترا ازعل اذا احد جاوب على اسالتي ماااحب جذي اسألتي وكيفي
هههههههه
امزح لحد يزعل مني لاني دخلت عرض عليكم
بس حب المشااركه خلاني ادش عرض
ناطركم تدروون شلوون
بغير قانون اللعبه ابي اخلي 100 سؤاال ادري عندكم اساله كثيره تسألوني عنها
ههههههههههه
امزح ناطركم
برب

[همس]

هلا جزاااا

صح النوم وين هالغيبه

شنو تشتغل؟؟؟؟؟

هل انت مرتبط عاطفيا؟؟؟؟؟؟


عضو باط جبدك في المنتدى وليش؟؟؟؟؟

[amoora]

هاااااااااااااي
شباب وبنات بعد جزا راح يكون الجوال في سؤال من نواف و4 اسئله مني اوكيك

[amoora]

هاااااااااااااي
شباب وبنات بعد جزا راح يكون الجوال في سؤال من نواف و4 اسئله مني اوكيك

[blue_girl]

_ هاااااااي

مشكور اخوي اشحلاتي على الاجابات ..

وانتظر اجابات بقية الأسئلة ....

تحياتي ،،،،،،،

[اشحلاااتي]

هاااااااي سوري على التأخير بس تعرفوون الاشغاال طالعه من عيووني
مممممم اول سؤال وين هالغيبه اعتبره سؤاااال
والله يا اخت همس مشكووره على سؤالج عني بس انا ماكنت ادخل هالمنتدى عندي منتدى اشاااارك فيه وبهالموقع ادش شااات

وثااانيه صبر خل اشووف السؤاال وارجع برب


اهااااااا شنو اشتغل مدرب رياضه بالدفاااع عااد وين ماقدر اقوول لان مكااني
مفلص لان مافي احد اسمه جزا الا انا واكييد العسكر مار عليهم هههههههه
عااد عندهم حمش عكس هني لايجكووني اطيح من عيوونهم

هههههههه
مرتبط عااطفياا ولا لا
مممممم
الارتبااط العااااااطفي يجي بعد الزواااج اما قبل الزوااج لعب عيااال
واصدقاااء عندي بالنت اصدقاااء وكلهم والنعم فيهم بناات ولا شباااب
اما بنت احس بيني وبينها عاطفه لا لي لاني دخلت النت متأخر وكل بنت تحب وااحد وكل واحد يحب بنت وانا ماغير اهذر بالعاام واطلع ف ماعندي علاقه حب او ماشابه ذالك ... شراايك بكلمه ماشابه ذالك لايقه علي موو ههههه
وبعدين جدي يتبراا مني
اكييييد بيغاااار يبي يقوولي شبلاها خويره ماتحبها على فكره ماعرفتكم على خويره ناقه جدي جزا المحبووبه حتااا تهاوشو عليها اخوااني الصغاار صفووق ومشعاان
يحبوونها كلهم الا انا معطيها طااف ا مو انا متطور اكثر منهم ادش نت واعرف اختاار منو هههههههههههههههههههه هههههههههههه
امزح والله يلاا ابي اسأله اكثر والله ودي اسوولف معااكم احب اهذر
انا بمدد اللي يبي يسألني يسألني بالخااص بالعاام باي شاات تراا احب اجااوب
ودمتم لنا سالمين وسامحووني اذا طولت عليكم

مع تحياات جزا العنزي سلملم
راعي الخويره

[blue_girl]

اكييييد بيغاااار يبي يقوولي شبلاها خويره ماتحبها على فكره ماعرفتكم على خويره ناقه جدي جزا المحبووبه حتااا تهاوشو عليها اخوااني الصغاار صفووق ومشعاان

يالله يا ما شاء الله ***33;***33;

آنة عندي لك سؤال بس اتمنى ما تزعل :

من وين يبتوا هالأسامي : خويرة ، صفوق ، مشعان ؟***33;***33; وهل

لهذي الدرجة الأسامي خلصت ، والقاموس العربي شح ؟؟ والله

صدقني اخوي جزا ، لو تدور راح تلقى أسامي احلى من جذي .

تحياتي لك ،،،،،

[aljawwal2006]

<div align="center">أولاً : ألف شكر أختي / أموورا

لأختيارها لي عضو تحت المجهر

ثانياً : أبدأ بالجواب على الأسئله اللي

أعتبرها مكرره من قبل البعض

س1: ماهواسمك الثلاثي ؟؟

ج : الفيصل بن سعيد الدوسري

طبعاً الفيصل بمعنى أو يعني : سيف

س2: انت ما شاء الله عندك معلومات واايد عن البرامج هل هي هوايه او هو في مجال عملك ؟

ج2 : الأصل هوايه والآن هي بمجال عملي لأني أعمل مهندس حاسب آلي بمركز الجفالي .

س3: كم عمرك ؟

ج3 : 24 سنه

س4: هل انت مرتبط ؟

ج4 : ياليت ........... يعني : لا

س5: مانوع سيارتك ؟

ج5 : طبعاً المعروضه بالتوقيع بس للأسف موديل 2002 م

<marquee>وأستنى الأسئله المتبقيه على أحر من الجمر .

تحيــــــــــاتي للجميع</marquee> </div>

[amoora]

يعطيك العافيه الجوال على اجاباتك وانشاء الله مانكون ازعجناك وتلاقي الي تبقى معاها طول العمر

[blue_girl]

هلا والله بالجوال ...

والله انت مثلي آنة بعد موديل 2002 شنسوي بعد .... أهم شي

سيارة وبس ...

المهم آنة باسئلك 3 أسئلة ان شاء الله ما تكون مزعجة ...

س6 : ما هـــو طموحك للمستقبل ؟ ( يعني أحلام تتمنى تحققها

على المدى البعيد وتخطط لها )؟

س 7 : حكــــمة تؤمن بها وتطبقها ؟

س8 : ما هـــو أكثر مــا يعجبك في المرأة ؟

تحياتي لك أخوي الجوال ،،،،،

[aljawwal2006]

<div align="center">بالعكس ما فيه إزعاج أختي / أموورا

وهذا مما يجعلنا نتعرف على البعض أكثر

الله يسمع منك إن شاء الله بأني ألاقي اللي تناسبني وأعيش مها طول العمر

أختي blue_girl سرني مرورك وأسئلتلك

بالنسبه للسيارات عندي رأي :

نبيع اللي معي واللي معك ونشتري موديل 2005 م

وإذا بقى فلوس نتقاسمها والسياره أسبوع معك وأسبوع معي

ههههههههههه .............. أمزح

والآن الأسئله والجواب :

س6 : ما هـــو طموحك للمستقبل ؟ ( يعني أحلام تتمنى تحققها

على المدى البعيد وتخطط لها )؟

ج6 : طبعاً الطموح عالي مره وهو الإختراع لحاسوب جديد بقطع هاردوير

عالية الجوده و خفيفه جدا ًوبشكل رهيب ومناسب ويخدم إلى 20 سنه قدام

على الأقل .

وبالنسبه للطموحات والأحلام المتبقيه كثيره مره ومنها :

التوفيق من الله عز وجل .

مساعدة كل محتاج بكل ما أستطيع فعله وبكل ما أؤتيت من قوه .

س7 : حكــــمة تؤمن بها وتطبقها ؟

ج7 : الصبر، وعدم التسرع بالحكم .

س8: ما هـــو أكثر مــا يعجبك في المرأة ؟

ج8 : الجوهره الداخليه .

وأتمنى إن تكون أجوبتي كافيه ومفهومه على الوجه الصحيح .

ولسه أستنى الأسئله المتبقيه منكم

تحيــــاتي لكم </div>

[blue_girl]

ههههههههه

والله خوش اقتراح اخوي الجوال .. بس أيام الأجازة السيارة لي

آنة على شان أفتر فيها اهني وهناك ...وباجي الأيام النص بالنص..

(top)

مشكور على الاجابات .. وأنتظر أشوف أسئلة بقية الجماعة ...

تحياتي ،،،،،،،

[ولدها]

يعطيكم العافيه

الحقيقه اشكر الاخوان والخوات كلهم على اجاباتهم الواضحه في هذا الموضوع واشكر ايظا الذين شاركوا باسئلتهم

وعندي سؤالين للاخ الغالي المميز الجوال

السؤال : 9 - هل زرت الكويت ومتى وماهو اكثر شيء عجبك بالكويت الحبيبه ؟

السؤال : 10 - ماهم اطرف موقف حصل لك ؟

تحياتي

[aljawwal2006]

الف شكر لك حبيبي / ولدها على هالمرور والأسئله

س9: هل زرت الكويت ومتى وماهو اكثر شيء عجبك بالكويت الحبيبه ؟

ج9: زرت الدول العربيه كلها إلا الكويت لم أزورها بعد لكن متى ما حصلت

الفرصه أجيكم على الكويت وقابلكم بإذن الله وأعلمكم شنهو اللي أعجبني فيها .

س10: ماهو اطرف موقف حصل لك ؟

ج10 : كنت في يوم من الأيام متجهاً إلى الإمارات على سيارتي لأجلب قطع الهاردوير والأكسسوارات للمركز وحينما أنا في الطريق تعطل بي البنزين قبل المنفذ بسته و خمسين كليو متر بالضبط وكلما أشرت على الخط لم يقف أحد لأن المنطقه تعتبر مهجوره أو مقطعه يعني تخوف وبعدها قررت بالإتصال على الدوريات الأمنيه لإسعافي وأتصلت بهم وقالوا أبشر نصف ساعه بالكثير وتكون الدوريه عندك وعدت ساعه ولم يأتي أحد فكررت الإتصال بهم وقالو لي : لم يأتيك أحد فقلت : لا وخذيت بعدها ساعه ونصف إلا ورقم يتصل فيني : ألو السلام عليكم : قلت : وعليكم السلام قال لي : أنت الشخص اللي متعطل على الطريق قلت : نعم قال لي خلاص كلها ربع ساعه بالكثير ونكون عندك إن شاء الله قلت : أوكيه .
عدت ربع ساعه إلا والدوريه جايه ومن تتوقعون يقودها شخص إختلفت أنا وياه أختلاف بسيط ولم أقابله منذ خمس سنوات و كان أعز وأفضل أصدقائي ولكن مجرد هالخلاف البسيط أفترقنا بعدها و أصبح كل واحد بمنطقه إتجهت أنا إلى الرياض وهو ظل بجده ولمدة أربع سنوات ولم يسمع منا أحد خبر عن الثاني مره وكانت هنا الحظه الحاسمه عندما تقابلنا شوي وكل واحد منا بيطير من الفرحه وجلسنا نبكي بكاء الفرح والحزن وعلم بعدها أنني أتواجد بالرياض وقام بتقديم النقل من المنفذ إلى الرياض وهو الآن متواجد معي إلى اليوم والحمدلله إن هذا العطل كان من الله ليلتقي بي من أعزه وأغليه وهو هذا الصديق الصادق وأكثر من أخ والله .

هذا موجز بسيط عن الموقف بإختصار

تحياتي لكم جميعاً و للأخ / ولدها ثاني مره على هالسؤال اللي خلاني أعبر عن مشاعري وأتذكر الماضي .

[اشحلاااتي]

هاااي عدنـــــا

والله كنت ابي ادف اللي موجوود واحط اسألتي بس ماكو احد
الجواال يعطيه العافيه خلص اسألته

ممممممممم
منو نرشح يصير تحت المجهر

والله ونااسه تحت المجهر
شراايكم اصير مره ثاانيه تحت المجهر
وش قلتوو

ههههههههه
يلااا بصير مره ثاانيه اسألووني
ماادري ليش احس ان المكاان مكااني اموون عليكم كلكم
هههههههههه

يلاا انا تحت المجهر اسألووني

بنطر اسألتكم

يلاا اسألو


قااعد انطر وين الاسأله

هههههههههههه
يلاا انا تحت المجهر عفيه عفيه امااااااااانه بصير تحت المجهر

ولي يعاافيكم

ادعمكم ماديا ومعنويا حق المنتدى بس ابي اصير تحت المجهر

يلاا مستنيكم رااح ارجع بليل اشووف اسألتكم لي ههههههه
والله ملقوووف
بس ماعليه بصير تحت المجهر
منكم والليكم والسلاام عليكم

[ولدها]

مشكور اخوي الجوال على اجاباتك الوافيه والشافيه

وانشالله نشوفك عندنا بالكويت قريبا (ابتسامه)

بالنسبه للموقف اللي صار لك الحقيقه موقف عجيب الصراحه ونادر الحصول ولكن...
(وقد يجمع الله شمل حبيبين بعدما يضنا كل الضن ان لا تلاقيا)

يعطيك العافيه وماقصرت وهذا اللي مقصود من الموضوع كله ان نتعرف على بعض جميعنا لكي نقترب من بعض اكثر
----------------------------------------

اخوي جزا العنزي الحقيقه استمتعت وانا اقراء ردودك الحلوه واللي دمها عسل مثلك بس خلاص مايصير نحطك مرتين تحت المجهر عشان نترك المجال لباقي الاعضاء (top)

----------------------------------------------------------------------------
عندي لكم مفاجئه : تهقون منو اللي الحين اللي بيكون تحت المجهر ؟؟؟ (يفكر)

تعالوا نشوف
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
(a3Rap) (غمزه)

والسؤال رقم 1 هو : مره كنت اتصفح منتدى الترحيب والتعارف وبديت فيه من الآخر واذا بي اجد هذا الموضوع اللي انت كاتبه تريد الترحيب فيك (عضو يديد هل من مرحب ؟؟ ) (al3Rap) فما هي الحكايه بالضبط (يفكر) ؟

الان اترك المجال لباقي اخواني واخواتي الاعضاء لان هذي فرصتهم (kaak)

تحياتي

[amoora]

هااااااااااااي
احلى شي سويته ولدها انك اخترت العراب بصراحه انا ما اعرف شي عنه

1: شنو اسمك ؟؟ كم عمرك؟؟ هل انت مرتبط(زواج او قصة حب )؟؟
2: طالب او تشتغل ؟؟
3: ليش ما تدش النتدى == المنتدى وااايد؟؟

وبس باااااي

[admin]

السلام عليكم

جبتها عل جرح ياولدها

اول شي اشكركم كلكم من اول شخص لي اخر شخص

والله عزيزين وغالين بس الاشغال تمنعني عنكم بكل وقت :)

نرجع حق سؤالك

سلمك الله انا كتبته بس جذي من الفراغ تقدر تقول

او ......

الكل يلقى اهتمام بالموقع بس صاحب الموقع .... سكب

الكل مادري شقولك او شلون اوصف لك اللي يصير او كان يصير

بس تقدر تقول حبيت اتقرب للاعضاء من خلال النافذه هذي :)

انا ماحب انط الطوفه (عجبتني سالفة النافذه)

لوول

المهم مشكور اخوي وانا يمكن تسمحون لي اذا ماقدرت اكمل معاكم لكن .... راح ارد على اسئلتكم بالي اقدر عليه

واذا غبت فتره عن المنتدى ... اعذروني

بخصوص اسئلة اختي اموره....

اسمي ناصر العنزي

عمري 22 سنه

متزوج او مرتبط .... اعزب وعايش قصة حب وغرام عسى الله يدوها علي بكل فضل مع الحبيبه الغاليه رفيقة دربي على قولتهم

كلكم تعرفونها :)

(( هــــــــــــــمــــ ــــــــــــــــــس ))

طبعا اخبار المنتدى اول باول عندها وكل شي يصير يكون عندي على طول

عسى الله لايحرمني منها ولايحرم المنتدى من طلتها عليه


طالب

مادش المنتدى وايد لانه الدنيا ماخذتني بمشاغلها :)

اللي يبي شي من المنتدى عندكم همس وعندكم The Spy اللي اهو (kuwait99)

واعذروني من القصور

تحياتي

[ولدها]

اشكرك اخوي العراب على صراحتك بالاجابه وبانتظار اسئلة باقي الاعضاء :)

[amoora]

يسلموو العراب على الاجابات الصريحه ***33;***33;***33; هاهاهاا

[admin]

الله يسلمكم

:)

[blue_girl]

هااااااااي

مشكور العراب على الاجابات الواضحة ، وانتهز الفرصة على شان

اسئلك سؤالين ان شاء الله غير مزعجين ...

1- ما هو سر اختيارك لهذا الأسم _ العراب ؟؟

2- ما هو اليوم الذي لا تنساه ، ولماذا ( الموقف أو السبب اللي

يخلي هذا اليوم مميز عندك )

..... وبس

تحياتي لك ،،،،،،،،

[admin]

سبب اختياري الى اسم العراب فلم اجنبي .... The God Father

والايام وايد :)

تحياتي

[همس]

ماهي امنية حياتك؟؟؟؟

[admin]

الاماني كثير وليتها ياهمس كلها اتحقق .... اخذج واطير فيج واهمس باذنج (احـــــــــــــــــ ــــبـــــج)

;)

[ولدها]

لحظه شوي العراب قبل لا تطير بسألك كم سؤال (ابتسامه)

محد راضي يسألك من الاعضاء الظاهر مطبقين المثل اللي يقول ( إبعد عن الشر وغنيله) (ebtsama)



سؤال رقم 7 : هل تفضل الاغاني الغربيه على العربيه ام العكس ؟ <<<< سؤال طرب ويبيله واحد سميع (نظاره)

سؤال رقم 8 : هل انت صاحب المنتدى المؤسس ام انه كان لشخص آخر غيرك وقدمه لك بمقابل او من دون مقابل ؟

<<<< دش بالسياسه راح وطي (دعاء)

الحقيقه عندي اسئله كثيره بس ماودي احرم الاعضاء الاخرين من هذه الفرصه الثمينه وعموما لم يتبقى سوا سؤالين فوسع صدرك علينا (شكرا)

تحياتي

[أحلى كويتية]

حسافه ما دريت عن هالموضوع اتحسووون ما اتعبث يالله ملحوووقه

امم بسألك العراب منو الشخصيه اللى تحبها وليش؟

وابى اعرف اصعب موقف مر بحياتك وموقادر تنساه ودايم يجى ابالك ؟

وبس سلامتك

[ولدها]

الظاهر العراب ناسي انه تحت المجهر :(

عموما مع سؤالين العضو المميز احلى كويتية يكون انتهت العشرة اسئلة الموجهه لاخونا الغالي العراب وبأنتظار رده ...

والان بما انه آخر من وجهه الاسئلة عضو لم نضعه تحت المجهر وهو العضوه (<span style='color:deeppin k'>أحلى كويتية) فانا ساضعها الان تحت المجهر لتوجيه الاسئلة لها فتقضلوا </span>

السؤال الاول مني وهو س1 : بمى انك مشرفة فمتى تم اختيارك للاشراف وكيف ؟

اترك المجال لاخواني واخواتي الاعضاء لتوجيه الاسئلة الى العضوه الغالية <span style='color:deeppin k'>أحلى كويتية </span>

تحاتي

[admin]

السلام عليكم

اسف على التاخير ....

ولدها اشكرك على الاسئله وراح ارد عليها سؤال سؤال ...

الله يسلمك انا افضل الاغاني العربيه

وبالاخص العراقيه الريفيه

وبعدها يكون الاغاني الهاديه الخليجيه اغاني العود

وبخصوص المنتدى ... اي نعم انا صاحب المنتدى والمؤسس له

من تبطل شي اسمه كويت99 والعراب صاحبه ماتغير صاحبه ولكن بعد كثرة الاشغال والسؤليه برا النت صرت اشوف لي ناس مثلك مهتمه واخلي كل شخص يمسك له منصب ;)

شكلنا وزاره يعني :P

اختي احلى كويتيه مشكوره على الاسئله

لكن الشخصيه اللي احبها ممكن تكون شخصيه غير معروفه كثيرا

اهي شخصية ابوي الله يطول بعمره

واحبها لانه انسان عرف يوصل للي اهو فيه وكافح على شان يوصل له

واهو قدوتي بعد الرسول عليه الصلاة والسلام

وبخصوص اصعب موقف المواقف والله وايد يا احلى كويتيه

لكن المواقف الصعبه ماتذكر لانه ماكل مايعلم يقال

احب احتفظ بالاجابه هذي لنفسي لان السؤال محرج جداً

انتهت الاسئله

-----------

واحب اوجه الاسئله للاخت احلى كويتيه

س2: اصعب موقف مر بحياتج وشنو سويتي على شان تنتهين منه وتتصرفين معاه


س3: سبب اختيارج للنك هذا على الرغم من كبر سنج وشمعنى احلى كويتيه ؟؟

تـحياتي والاسئله خفيفه مافيها احراج ;)


تحياتي

[أحلى كويتية]

Originally posted by ولدها@10-02-2005, 09:28 pm
الظاهر العراب ناسي انه تحت المجهر :(

عموما مع سؤالين العضو المميز احلى كويتية يكون انتهت العشرة اسئلة الموجهه لاخونا الغالي العراب وبأنتظار رده ...

والان بما انه آخر من وجهه الاسئلة عضو لم نضعه تحت المجهر وهو العضوه (<span style='color:deeppin k'>أحلى كويتية) فانا ساضعها الان تحت المجهر لتوجيه الاسئلة لها فتقضلوا </span>

السؤال الاول مني وهو س1 : بمى انك مشرفة فمتى تم اختيارك للاشراف وكيف ؟

اترك المجال لاخواني واخواتي الاعضاء لتوجيه الاسئلة الى العضوه الغالية <span style='color:deeppin k'>أحلى كويتية </span>

تحاتي
اهم شى انى كنت منخشه والحين جكيتونى :)

السؤال الاول مني وهو س1 : بمى انك مشرفة فمتى تم اختيارك للاشراف وكيف؟
والله بصراحه انا دشيت اشارك بالمواضيع وتدرجت من عضو جديد الى عضو فعال وعقب دشيت لقيت عمرى مشرفه :)

[أحلى كويتية]

2: اصعب موقف مر بحياتج وشنو سويتي على شان تنتهين منه وتتصرفين معاه

والله فقدت بنت خالى توفت الله يرحمها وكانت اكثر من اختى :(
س3: سبب اختيارج للنك هذا على الرغم من كبر سنج وشمعنى احلى كويتيه ؟؟

انا كبيره هين اعلمك (>:-) صج انى بكمل هالسنه ؟؟؟ بس الحمدالله روحى صغيره موت قهر
احم احم نرجع للسؤال والله اول ما عرفت ادخل شات دخلت بأحلى كويتيه اخترته عشوائى عاد الله يسلمك سجلت باول منتدى فيه فخلاص احس انى اتبط فينى وسلامتك

بانتظار الباجى الله يستر (Sad)

[admin]

(prav)

[أحلى كويتية]

(ni)

[ولدها]

(top1)

[أحلى كويتية]

:_( ليش

[ولدها]

لا سلامتج بس كنت بشوف حشرن مع الناس عيد صج ولا لا :)

العزيزه أحلا كويتية : س4 - ماهم لونك المفضل ؟ مع ذكر السبب

س5 - جم عمرج ياعجوزه :) ههههههه لا اتغشمر س 5 - ماهي الامنيه اللتي تحققت في حياتج وما هي الامنية اللتي لم تتحقق ؟

وسامحيني اذا طلع مني شي يزعلج ترى كنت اتغشمر من باب الاخوه والمعزه اللي اضن انها موجوده بيننا

تحياتي

[أحلى كويتية]

لا ولو الغالى تموووون :)

والله ما عندى لون محدد احب كل الالوان بس تقدر تقول اميل للالوان الترابيه احب اللون الزيتى والاسود والفوشيا والوردى كل الالوان البسها .

شهر ابريل راح اكمل 30 سنه (ni)

والله امنيه بحياتى وتحققت ؟ انى اكون شاطره فى الميك الاب والحمدالله هالشى صار
امنيه لمن تتحقق؟ اطمح فيه موضوع الميك اب انى اترقى اكثر واكثر واكون معرووفه لكن هالشى للحين ما صار لكن فى التأنى السلامه وهذا المبدأ اللى امشى عليه وسلامتك

[ولدها]

الغالية أحلى كويتية اشكرج على صراحتة في الاجابة على أسئلت الاعضاء

كما احب اهنيج على ذقج باختيار الاوان واقول انشالله تحققين كل امنياتج

على فكره انا ايظا من مواليد شهر ابريل :) اتمنالج طولت العمر طبعا وموفور الصحه والسعادة بحياتج اختي الغاليه

والحين احب اطرح عليج سؤال مر على بالي من قراءة ردج الاخير

س: 6 - ذكرتي انج تطمحين انج تودين ان تكوني مشهوره في موضوع الميك اب ... فهل لديكِ صالون نسائي وهل تطمحين ان تكون لديك صالون نسائي ؟

وبنتظار أسئلت باقي الاعضاء حتى نعرف كل شيء عن بعض ونكون عائله واحده وهذا هو الهدف الرئيسي الحقيقه من هذا الموضوع اللي اشكر اختي الغالية بلو على تثبيته .

تقبلي مني جل التقدير والاحترام وأعذب تحية

تحياتي

[أحلى كويتية]

عيل بسوى فيك ولدهم كذبة ابريل لووول


لا والله ما عندى صالون نسائى لو عندى جان اانا الحين مشهوره بس تقدر تقول انا احط ميك اب حق صديقاتى وقريباتى فى الحفلات الخاصه فينا انا احطلهم والكل يسألهم منو اللى حاط لكم :) والكل يقولى ليش ما تفكرين تكبرين هالشى يعنى اغلب البنات الحين مقابلات بالتلفزيون والمجلات ويطلعون روحهم لكن انا ما احب جذيه ونوعا ما تقدر تقول انا نوعى مو جريئه بالشى هذا فأحب انى اخطى خطوه خطوه وسلامتك

[blue_girl]

صار لي مدة ما دشيت هالمكان ....

قلت اكتب جم سؤال على الطاير

7- الاخت العزيزة احلى كويتية اشلون عرفتي المنتدى ؟؟؟؟

8- باعتبارج هاوية للماكياج .. هل انتي من هواة متابعة الموضة؟

وما رأيج بالموضة وهل تعتبرين متابعتها ايجابية ام سلبية وليش؟

[الراسي]

ياجماعة ادري داش عرض لكن تحملوني


وصلت لأسئلة بلو غيرل.. راح أكمل اقرائة لووووووول


لاتورطوني بروح الصلاة



تحياتي

[الراسي]

يالله مساء خير



أحلى كويتيه السلام عليكم ..



تابعت الأسئله كلها ولا زلت اتابع :) ..


والحين جا دوري :)



9 - اين موقع الشعر في خارطة قلبك..؟



<<<< شكو





السؤال العاشر؟؟











مارأيك في البنات اللي يجابلون النت24 وهل انتي منهم؟




يلا خلاص شيلي قشج اختي كويتيه خلصو الاسئله :)





تحياتي

[اشحلاااتي]

لحووووووووووول ياسعوود

خلصت علينا الاسئله ماخليت لنا شيء
مممممممم الحين وشلوون اسألهاااا مممممم لازم اجيب طريقه


يس لقيتهااااااااا

احلا كويتييه سؤال العاشر مكرر : متى تفكرين تتركين النت ومتى تتفرغين لحياتج الاسريه وشو المواصفاات اللي تعجبج بالرجاال وامنيه تحققت لج وامنيه ماتحققتلج ومنو اقرب انساان عليج خارج النت وشووله ماجاوبتي للحين على اسئلتي هاااه ؟


هههههههههه ننعن يووم السؤاال مزدوج ههههههههههه

[الراسي]

جزا وش جابك ؟



الله لايجيب هالفرّه .. أنا افكر انقفك من هالمنتدى عشان ماتقحص حول محاصيلي روح زيييييييييييين





بالنسبه لسؤالك العاشر باطل ولايمكن تجاوبك البنت بحكم انك " طامر الرصيف " ..




السؤال العاشر المكرر.. بما انك صديقي الصدوق خارج النت .. راح امشيه لك ولاتعودها



العضو اللي راح نستضيفة " أمون على ولدها وعلى مواضيعه الحلوة " أهو أحلى كويتيه مره ثانية





س1 : شرايج بزواج المرأه مرتين ؟؟




س2 شرايج بالعلاقات الأخويـة..؟




س3 شرايج بالرجل اذا كان حلو..؟ على العلم بأن الحلا مو للرياجيل للبنات..؟



س4 - الرجل اذا كان خفيف شرايج فيه..؟ أكيد مايعجبج بس هل له قبول عندج..؟




س5 - جم مره حبيتي - بالله عليج آنا محلفج - نبي السراحه إحنا آنا وجزا العنزي





س6 شرايج باللي عنده سياره فورد 2000





أخلي الأربع الأسئلة للباقي حرام يكسرون الخاطر


تحياتي

[الراسي]

يعني مارديتي؟


ولا أحد جأ يجاوب .؟


أنتو الخسرانين .***33;



س10 انتي حلوة......؟ ولا يعني ولا نص ونص وجيكره ؟




انتهت الأسئلة بحمدالله




















أمزززززززززززززززززز ززززززح لووووووووووووووووووو وووووووووووول








تفاعلا ً مع جزا والزحف والطرق المؤهله الى تصفيات كأس المنتدى .. أضطريت اني اشارك بهالاسلوب .. على قولة المثل اللي مايعرف الصقر لا تلحسه كله.. ولا المثل الثاني اذا أتت المذمةَ من جاهلٌ سدّه واستريح



تحياتي

[أحلى كويتية]

Originally posted by blue_girl@15-02-2005, 07:14 pm
صار لي مدة ما دشيت هالمكان ....

قلت اكتب جم سؤال على الطاير

7- الاخت العزيزة احلى كويتية اشلون عرفتي المنتدى ؟؟؟؟

8- باعتبارج هاوية للماكياج .. هل انتي من هواة متابعة الموضة؟

وما رأيج بالموضة وهل تعتبرين متابعتها ايجابية ام سلبية وليش؟
الاخت العزيزة احلى كويتية اشلون عرفتي المنتدى ؟؟؟؟
عن طريق العربى صاحب المنتدى

باعتبارج هاوية للماكياج .. هل انتي من هواة متابعة الموضة؟
ايه اتابع يعنى عندى كتاب لاحمد القبيسى واشوف لمسات الاء باليقظه وادش سايتها بين الوقت والثانى يعنى وايد مجلات فيها ميك اب تشدنى
وما رأيج بالموضة وهل تعتبرين متابعتها ايجابية ام سلبية وليش؟
الايجابى مثل الشغلات اللى تحافظين على بشرتك والمكياج الحلوو اللى على تقاطيع ويهج والموضه ككل فيها السلبيات مثل عمليات التجميل الدارجه مثل تجميل الانف وعمل الاسنان وتدرين هابين الحين فيها بعد الكويت ما اكو فايده هبه الناس اذا هبواا بالشى الكل مسواا وسلامتكم

[أحلى كويتية]

Originally posted by الشاعر سعود@16-02-2005, 04:32 pm
يالله مساء خير



أحلى كويتيه السلام عليكم ..



تابعت الأسئله كلها ولا زلت اتابع :) ..


والحين جا دوري :)



9 - اين موقع الشعر في خارطة قلبك..؟



<<<< شكو





السؤال العاشر؟؟











مارأيك في البنات اللي يجابلون النت24 وهل انتي منهم؟




يلا خلاص شيلي قشج اختي كويتيه خلصو الاسئله :)





تحياتي
اسفه على التأخير شاعرنا الغالى
اين موقع الشعر في خارطة قلبك..؟
والله احب الشعر بس الغنائى اكثر شى يعنى يعجبنى شعر خالد الفيصل عبدالرحمن رفيع وايد احبه ودمه خفيف وشعره خفيف الدم عندك بعد مساعد الرشيدى له كم قصيده تعجبنى رحت كذا امسيه شعريه ايام هلا فبراير السنوات الللى طاف وحضرت حق كم شاعر منهم ضيدان بن قضعان وطلال السعيد... الخ من الشعراء المتميزيين


مارأيك في البنات اللي يجابلون النت24 وهل انتي منهم؟
لاه عاد اربع وعشرين ساعه جايدين هذوله لووول لا انشاء الله عسانى مانى منهم لو انا منهم جان من زمان راده عليك :)
والله ما احب هالنوعيه ما ادرى احسها من النوع المعقد هذا وجهة نظرى

[أحلى كويتية]

هلا اشحلاتى وانا ليش مسوينى مكرر لوول

متى تفكرين تتركين النت ومتى تتفرغين لحياتج الاسريه وشو المواصفاات اللي تعجبج بالرجاال وامنيه تحققت لج وامنيه ماتحققتلج ومنو اقرب انساان عليج خارج النت وشووله ماجاوبتي للحين على اسئلتي هاااه ؟

ما افكر اترك النت بس اانا ما ادخل النت مثل اول وبعدين اى حياة اسريه تقصدها انا ما تزوجت والمواصفات اللى تعجبنى بالرجل احبه يكون مرح وعشرى وسيم وطويل القامه اسمر البشره بس الصفات الاساسيه دمه خفيف ومرح وحسن العشره واجتماعى ولبق ورمانسى ما بقى شى ادرى لووووول
اقرب انسان لى والله الحمدالله وايد عندى بنت خالى بنت عمتى وصديقات وايد وايد مقربيين لى يمكن تقدر تقول بنت خالى اكثر وحده واختى بعد وانشاء الله اكون جاوبتك

[أحلى كويتية]

سعووووووود يعلك العافيه اش هالاسئله بعد ايه والله شرايج بالفورد 2000 حد قالك انا عندى كراج بشويخ لوووول

خلصواا الاعضاء مستضيفنى مره ثانيه (@***33;@)

خلاص بتنقب علشان ما تشوفونى (1bo)

والله عاد على نياتى يايه بجاوب (kaak)

[اشحلاااتي]

سعوووود منت ملااحظ ان المواصفاااه اللي قالتهاا
احلا كويتييه مو جنها مواصفااتي


بذمتك مو جنه انا

سبحاااااااااااااااان الله وربي اخترعت

حسبااالي تعرفني منذ مبطي ههههههههههههههه

مشكووره الضيف القاادم انا

ههههههههههههههههههه

امزح وربي

يلااا سي يوو مي تو اي لف يو hhhhhhhh

ابداااع شوفووني وانا اضحك بالانجليزي

ننعن يوووومي والله هههههههههههههه

سين سؤاال لاحلاا كويتييه ؟؟ انتي احلا كويتييه بالكويت ولا احلا كويتيه بالعالم ؟؟
هههههههههههه

والله اني مصيبه اسأله

سوري على الازعااج

[أحلى كويتية]

جنكم مقزرينها تطنز على سعود يقولى احلى كويتية وله احلى جيكره وله نص ونص

وانته الحين تقولى احلى كويتيه بالكويت وله بالعالم

صرت مطنزه الظاهر

[اشحلاااتي]

لا حشاا اعقب اذا كنت اتطنز وربي ماتطنزت


هههههههههههههه خفت

مااشفته يوم قالج احلا جيكره

والفرق بالاخلااق والرووح مو بالجمااال

والله اني قمت اتكلم جد والله دنياااااا
هههههههه

[أحلى كويتية]

تم إلغاء الرد بواسطة المشرف العام / سعود







اتمنى من اخواني الاعضاء أن يكونوا أكثر تفهم بالردود





أخوكم سعود

و


لكم الموده

[ولدها]

ويو ويو ويو ويو ويو ويو ( وصلت الدورية ) كل واحد يصلح سيارته ولا تسوون زحمه والشارع فاضي :)

مشكووووره احلا كويتية على الاجابة وعلى الصراحه فيها

بصراحه الصراحه راحه الصراحه شرايكم جد الصراحه راحه ولا مو راحه الصراحه لان اللي يقول الصراحه مو راحه الصراحه غلطان بصراحه لان الصراحه راحه الصراحه وبصراحه انا تعبت وانا اقول الصراحه راحه الصراحه :)

كل الشكر للغالية احلا كويتيه على سعت صدرها معانا وعلى اجابتها الوافيه وعلى خفت دمها المعهوده

الحين لازم نشوف عضو نحطه تحت المجهر بعد ما نجحت الاخت احلا كويتية وكانت الذرات عندها خاليه من البكتيريا هههههههههه قصدي ان اجاباتها خالية من الكذب طبعا ...

منو نحط منوووووووووووووووووو ووووو اي لقيت مافي غيره هو اللي لازم نحه الحين تحت المجهر ***33;

تبون تعرفون منو ؟؟؟




تعالوا

***39;
***39;
***39;
***39;
***39;***39;
***39;
***39;
***39;
***39;
***39;
***39;
***39;
***39;
***39;
***39;
***39;
***39;
***39;
***39;
***39;
***39;
***39;
***39;
***39;
***39;
***39;
***39;
***39;***39;
***39;
هو العضو المحترم الغالي على قلبي ( نواف الرياض ) :)

والسؤال رقم 1 هو : الصراحة من زمان كنت ابي اسالك السؤال هذا ولكن كنت انسى ... السؤال : ماحكاية صورة الطفل الذي تحت اسمك ؟ :)

الحين اترك المجال لباقي الاعضاء عشان لايقولون خلصت علينا الاسئله او يليتني كنت جاي بدري عشان اسئله هذا هو الحين بين ايديكم ... حيلكم فيه :)

تحياتي

[blue_girl]

بصراحة اختيارك موفق ولدها ....

يستاهل نواف يكون تحت المجهر ، بس الله يعينه على اسئلتي...

2- هل تؤمن بالحب ؟؟ وهل احببت في حياتك ؟؟

3- العمر ....اذا ما في احراج ؟؟؟

4- سيارتك اش نوعها ؟ وهل هي كشخة او قرمبع ؟؟ (ebtsama)

......وبس

مع تحياتي لك ،،،،،،

[سلطان الحب]

5- ماهو أطرف موقف في حياتك؟؟

[همس]

هاااااي نواف

6- من من الاعضاء مقرب اليك؟؟؟؟؟؟؟

[أحلى كويتية]

هلا نواف الرياض بما انك تحت المجهر الحين فعندى سؤال

اشرايك بالبنت اللى تدخل النت؟ وهل هالشى انته معاه وله لاه ولو متزوج ترضى زوجتك تدخله ؟ اذا الاجابه نعم شنو تكون حدودها فيه ؟ وبس
ادرى سؤال محرج الحين البنات ياى يحبونك وله يكرهونك لووووول

:)

[نواف الرياض]

بسم الله الرحمن الرحيم

السلام عليكم ورحمة الله وبركاته..

اولاً مشكور اخوي ولدها لوضعي تحت المجهر

وثانياً الله يقدرني واجاوب اسألتكم بكل صراحه


يله نبتدي الاجوبه:


والسؤال رقم 1 هو : الصراحة من زمان كنت ابي اسالك السؤال هذا ولكن كنت انسى ... السؤال : ماحكاية صورة الطفل الذي تحت اسمك ؟


طبعاً هذي الصوره لقيتها في احدى المنتديات واعجبتني.. وحبيت احطها صوره شخصيه لي لانها تدل على البراءه وانا طبعي البراءه دائماً هههههههه (يمدح نفسه)



2- هل تؤمن بالحب ؟؟ وهل احببت في حياتك ؟؟



اول مشكوره على ذووقك اخت بلوو..بالنسبه لسؤالك المكون من شقين..

الشق الاول نعم أؤمن بالحب.. وهو غريزه في الانسان.

والشق الثاني طبعاً هو محرج نوعاً ما ولكن سأجاوب..نعم احببت ولكن كانت النتيجه فاشله..لعدم فهمي الحياة ولكن الان تغير الوضع..




3- العمر ....اذا ما في احراج ؟؟؟


لا بالعكس مافيه احراج ولاشي...انتم يالبنات اللي تنحرجون وتصغرون اعماركم دايم (غمزه)


بالنسبه لعمري فهو(19) سنه ..<<عبئال ميه سنه يارب




4- سيارتك اش نوعها ؟ وهل هي كشخة او قرمبع ؟؟



ههههههههههههههه حلو سؤالك هذا قرمبع ها؟

طبعاً سيارتي هواند كورد 2004 ..قبلها كانت كراون فيكتوريا2000 (ابتسامه)



5- ماهو أطرف موقف في حياتك؟؟



مشكور اخوي سلطان على سؤالك

<span style='color:blue'>

طبعا المواقف الطريف خذ وخل...بس انا ابي اذكر الموقف الطريف.. صار لي بالمنتدى..والى الحين مانسيته



يوم كنت توني جديد في منتدى الشعر كتبت موضوع شعر منقول..ونقلته..


المهم يوم كتبته ..طبعا يجي الاخوان الاعضاء والمشرفين علشان يسوون تعقيب للموضوع....اللي صار انه جاء واحد من اخوياي...ورد على نفس الموضوع حقي وقعد يمدح..ومادري ايش ..المهم جت الاخت بلوو واضحكت على الموضوع وقالت( معجب بنفسه يبي له رفسه)لووووووووووول

وهذا هو اللي حاب يشوفه

http://www.kuwait99.net/index.php?showtopic= 938

هذي كل القصه هههههههههههههه</span>


6- من من الاعضاء مقرب اليك؟؟؟؟؟؟؟




بالنسبه لسؤالك اختي همس مشكوره عليه.. انا طبعا والله احب الكل واقدرهم ولااحقد على احد ..بس فيه عينات منهم تحسين انه قريب منك..وهم ولدها اخوي العزيز ولدها ,,وبلو..ومشعل المطيري..وبحرينيه..و سلطان..وانتي طبعاً..
واموره
وانشالله مااكون انسى الباقي ويسامحني اللي نسيت اذكر اسمه..



اشرايك بالبنت اللى تدخل النت؟ وهل هالشى انته معاه وله لاه ولو متزوج ترضى زوجتك تدخله ؟ اذا الاجابه نعم شنو تكون حدودها فيه ؟ وبس


طبعاً راح اجاوبك اختي احلى كويتيه مشكوره عليه طبعاً..


طبعاً البنت اللي لازم تدخل النت من وجهة نظري لازم تكون كبيره وواعيه وفاهمه..

طبعاً انا معه بس بحدود وبالشروط اللي انا ذكرتها


طبعا بالنسبه اذا كنت متزوج واخلي زوجتي تدخل عليه طبعأ عادي اخليها تدخل...لان العلاقه الزوجيه مبنيه على الاخلاص.. وعلى الثقه المتبادله..



بس اذا شفت المسأله فيها شي يدعوا للشك والريبه ذيك الساعه اتصرف واتخذ الاجراءات اللازمه


وانشالله مااحد يكرهني على اجاباتي


ومشكورين على اسألتكم الحلوه


وتحياتي لكم

[أحلى كويتية]

وااااااااااااااااايد عجبنى ردك ماشاء الله مع انك عمرك صغير لكن اجاباتك قمة فى الوعى والادراك والعقل الرزين

اهنييييييك (برافو)

[اشحلاااتي]

هل تؤيد الاختلااط بين الرجال والنسااء وهل تؤيد الاختلااط عبر النت ؟

[نواف الرياض]

اول مشكوره اختي احلى كويتيه على ذوووقك الرفيع ....

وبالنسبه للجواب على سؤال اخوي اشحلاتي.........

هل تؤيد الاختلااط بين الرجال والنسااء وهل تؤيد الاختلااط عبر النت ؟



بالنسبه لااخوي اشحلاتي...سؤالك يبي له كثير من التعمق ...لكن انا ابي اخذه على الاصعده المهمه


شوف اخوي اشحلاتي شئنا ام ابينا الاختلاط حاصل حاصل ولاتقدر تمنعه مهما حصل.


الاختلاط اكيد مااحد راح يؤيده...لانه اكيد من بينهم اهله ومحارمه... ومايرضى اهله يختلطون بناس اغراب..


اما الشق الثاني من سؤالك هل تؤيد الاختلاط عبر الانترنت.؟؟




الاختلاط بين الشباب والشابات ...فهذا شئنا ام ابينا مثل الاختلاط في غير الانترنت فهو حاصل ايضاً.. وكل واحد يدري انه على غلط..بس كل واحد يعيش شبابه..ويعرف بكره انه كان على غلط

ولكن وش نقول الله يهدي الكل... ومابيدنا حيله.. وارجوا ان يكون الجواب الشافي

[اشحلاااتي]

هلله هلله انشهد انه شاافي واخلي غيري يسألك ماراح اخذ دور احد

وتسلم ياقلبي

[نواف الرياض]

يسلمك ربي..حبيب قلبي..


تحياتي لك

[**ملكة**الحب**]

هاي منو العضو تحت المجهر الحين

[ولدها]

نشكر الاخ العزيز الغالي نواف الرياض على صراحته البطوليه لحد الآن في اجاباته على اسئلة الاعضاء :)

الحيقيه ما قصر واجاباته كانت في منتهى الصراحه والمسؤوليه .

وآخر سؤال كان رقم 8 وهو من الاخ العضو العسل اشحلاااتي ... اذا لم يبقى سوا سؤالين .

وطبعا اترك المجال للاعضاء لإتاحت الفرصه لهم .

تقبل كل التقدير اخوي نواف على صراحتك بالاجابات وكل الشكر للاعضاء الذين وجهوا الاسئله المميزه :)

وبانتظار آخر سؤالين .....


تحياتي

[نواف الرياض]

مشكور اخوي ولدها على الذووووق الرفيع........


وانا بإنتظار بقيه الاسئله من الاخوان او الاخوات....

[أحلى كويتية]

احم احم ودى اعرف منو المطرب المفضل لك والاغنيه المفضله وليش ؟ وهل زرت الكويت من قبل ؟
والسؤال الاخير؟؟ يالله بعطى غيرى مجال :)

[نواف الرياض]

هلا بااخت احلى كويتيه....


بالنسبه لسؤالك منو المطرب المفضل لك والاغنيه المفضله وليش ؟ وهل زرت الكويت من قبل ؟

والله مافيه مطرب بالتحديد لي لاني اسمع مطربين كثير..اسمع من الخليج اللي احبهم نوال الكويتيه.راشد الماجد ..حسين الجسمي.. خالد عبدالرحمن...من الدول العربيه شيرين ....وائل كفوري..

وطبعاً المغنين الاجانب احب ايمنيم وتوباك.

طبعاً احسن اللي احبها هي اغنيه حسين الجسمي انتيهنا..طبعاً لانها تذكرني بأشياء في قلبي..مااحب اذكرها

طبعاً لامازرت الكويت...اتمنى ازورها انشالله قريب بعد مازرت البحرين في العيد بس ماكان فيه وقت للزياره

انشالله اكون وفيت في الاجابه

وتقبلي تحيــاتي

[نواف الرياض]

<marquee>وين الناس :-(

لي اسبوع انتظر اخلص اخر سؤال...

ذبحني المجهر لي اسبوع وانا تحته عورني في عيوني.. (Sad)

يله اخر سؤال وخلصوني..بس يكون جامد شوي (top) </marquee>

[ظـنيت مـا أحـبك]

نواف







تحبني؟ (>:-)

[نواف الرياض]

عزيزي ظنيت..اخي الفاضل...


يبدو انك ماقريت الموضوع من بدايته علشان تعرفه زين..



هذا عزيزي مو منتدى العاب...هذا منتدى ترحيب وتعارف اخي العزيز..***33;***33;

يعني تسألني اسأله عن نفسي..***33;***33;


اتمنى الفكره تصل اليك..

وانا مااكرهك عزيزي..علشان تسألني هالسؤال..

وتقبل تحياتي

[mlack]

هاي
نواف صاروا 10اسئلة
الحين انا بنقي منو عضو تحت المجهر


ممكن انا اسير عضوة تحت المجهر عشان تتعرفون عني بلييييز

[اشحلاااتي]

من حسن حظج اني دخلت عشان اسألج من قدج ايوااااا

ماتبين توقيع مني ههههههه

احم احم نبلش عشر اسأل عشان نخلص بسرعه هههههههههههههه

امزح وربي

السؤااال

ملاك سين خمسه يعني واحد

س 1 - متى تفكرين تتركين النت ؟

س 2 - كم عمرج وهل انتي موظفه او طالبه واذا طالبه طالبه من مطعم اب قصدي طالبه بالجامعه ولا شنو ؟وسلملم





جزا العنزي

[نواف الرياض]

(>:-)


ملاك من قال انها انتهت الاسئله

<<<<<<<<ماوده تخلص الاسئله..


باقي سؤال؟؟



ظنيت مااحبك مع احترامي له ماسأل سؤال اصلاً
ولا يعتبر سؤال..***33;***33;***33;

[mlack]

س 1 - متى تفكرين تتركين النت ؟
ولله ما ادري :)

س 2 - كم عمرج وهل انتي موظفه او طالبه واذا طالبه طالبه من مطعم اب قصدي طالبه بالجامعه ولا شنو ؟وسلملم
عمري 16,طالبة,مرحله المتوسطة(رابع متوسط)

باقي 8 اسئلة و ناطرتكم:):)

[amoora]

انا ابي اسالج سؤال واااحد

ملاك هي ملكه الحب؟؟***33;***33;

[mlack]

منو ملكة الحب انا شفتها في بعض مواضيع منتدى العاب بس ما اعرف منو اهية

وناطرتكم مع اسئلتكم

[بندر2004]

سؤالي ملاك
موقف ماتنسينه مع التفصيل في الشرح ؟http://www.alhrman.com/vb/uploaded/cr109.jpg

[الراسي]

آسف جدا ص على غيبتي عن هذا المتصفّح.. وللأمانه اشتقت له على شان انتو يالراقيين فيه ..

بغض النظر عن رد بعض الأخوان الذي فوجأت به .. الا انني أتيت كلي لكم ..

ولأني إمتداد لطيبتكم .. حبيت اكون متواجد دايما ً معاكم .. وحتى بيوم ماقلت لحبيبي العراب يلغي اشرافي .. حسيت اني راح ارد فـ رديت بيوم ما لقيت نفسي راح افضى حق المنتدى ..


وانشالله رجعتي تفرح بعض الاخوان اللي اواجدي .. ولو انه مايهموني اللي ماأهمهم ..


ومو معناته التجريح إنما هو تنفُس من بعد غياب وتعبيرا ً لما فوجئت به ..


ماعليناااااااااااااا اااااااا


اختي ملاك ..



راح اسئلج سؤال لوجستي .. بس ابي منج الاسترخاء لانه مفاجأ نوعا ً ما ..


هل انتي ممّن يقعدون على النت 24 ساعة ولا نفس بعض الأخوات اللي مايحبون يطولون بالنت " وا علي َ " ؟؟


يقعدون = يجابلون

يجابلون = يجلسون

يجلسون = يجلس ون


يجلس = يقعد

ون = 1


الضاهر اني خرتها


هذا كان سؤالي ياملاك ودمتي كما تودين

وياليت تتحملينا ماتكونين مثل الذين يتنرفزون من الأسئله التي تحتوي قالب الضحك .. والعشم فيج اكبير يا إختنا ملاك

والله يوفقج في دراستج يا ملوووكه

تحياتي

[blue_girl]

الحين وصلنا للسؤال السادس

6 - شنو تفكرين تتخصصين بالثانوي : علمي ، تجاري ، أدبي ؟؟؟


7- ما هي ميولج واهتماماتج ومواهبج ؟؟


8 - اشلون تعرفتي على هذا المنتدى ؟؟؟؟؟


ومشكورة على الاجابات مقدما

تحياتي

[mlack]

هاييييييي

موقف ماتنسينه مع التفصيل في الشرح ؟
ماكو

هل انتي ممّن يقعدون على النت 24 ساعة ولا نفس بعض الأخوات اللي مايحبون يطولون بالنت " وا علي َ " ؟؟
لا عاد مو 24 ساعة اقل شيء اقعد ساعة اكثر شيء اقعد 3ساعات

6 - شنو تفكرين تتخصصين بالثانوي : علمي ، تجاري ، أدبي ؟؟؟
ادبي

7- ما هي ميولج واهتماماتج ومواهبج ؟؟
ميلوني اني انجح في دراستي,,, اهتماماتي اسير مدرسة انجليزي,,, مواهبي سباحه

8 - اشلون تعرفتي على هذا المنتدى ؟؟؟؟؟
كنت داشة جوجل و ما اذكر شنو كتبت طلعلي هذا المنتدى عجبني و سجلت فيه


بقا سوؤالين

تحياتي لكم,,,

[الراسي]

شنو تحبين فارس ألحلامج يكون { يعني شكله ويهه جسمه شرط يكون حلو وجوهرة ومعدنه شنو } ؟؟





آخر سؤال وبعده قلبي ويهج عاد ترى مصختيها ههههه








س 10 - تحبين الكلام المعسول .. مثال على ذلك : ياحياتي ، ياعمري ، فديتج يااغلا من نور عيني ، اروح لج فدوة وارد لج بوانيت صدرين ومشقوق القزوز فيه ، انتي الغلا كله ، انتي روحي ، انتي نبضي ، يمه شحلاتج تهبلين يمه يمممممه يمه يمه يممممه ، من وين شارية ملابسج ، ابشتري نفسهم واااااي ؟؟ تحبينه ولا لا؟؟




<< س 10 ياليته مو موجود

وتحيااااتي واشواقي

[mlack]

س9 شنو تحبين فارس ألحلامج يكون { يعني شكله ويهه جسمه شرط يكون حلو وجوهرة ومعدنه شنو } ؟؟



في مظهره، وسم، جذاب ***33; طويل جلده ناعم
في أخلاقه، كريم.. لطيف..نبيل.. متفان، مقدام ***33;
في عمله، مخلص، صادق.. أمين.. مجتهد، نشيط جدا***33;



س 10 - تحبين الكلام المعسول .. مثال على ذلك : ياحياتي ، ياعمري ، فديتج يااغلا من نور عيني ، اروح لج فدوة وارد لج بوانيت صدرين ومشقوق القزوز فيه ، انتي الغلا كله ، انتي روحي ، انتي نبضي ، يمه شحلاتج تهبلين يمه يمممممه يمه يمه يممممه ، من وين شارية ملابسج ، ابشتري نفسهم واااااي ؟؟ تحبينه ولا لا؟؟

اي احب كام المعسول

[الراسي]

الحين قلبي ويهج


































ههههههههه اضحك معاج لاتزعلين ..




نبي نسأل الحين جيــ؟ـكرة تتغـ؟ـلى اذا ممكن ؟؟

[!جيكـ؟ـرة...تتغلـ؟ـى!]

اكيد ممكنين





بس مو تظغطووووني :-(

[الراسي]

مدامج موافقه الله يعينج يالجيكره على أسئلة اعضاء كويت99





س1 - أي نوع من الرجال تفضلين : الرجل الوسيم أو المثقف ؟؟



<< يحرجها



باقي 9 اسئله ابي الاعضاء شرشحون فيج لوووووووووووووووووول

[الراسي]

س2 - لو عاد بك الزمن الى الوراء .. ماذا كنتي ستفعلين .. يعني ماهي

الأشياء او الفرص التي فاتتك ولم تعود مرة ثانية ؟؟ << مسروق هالسؤال أوصصص لاحد يفتن علي



باااي اترك المجال للأعضااء

[!جيكـ؟ـرة...تتغلـ؟ـى!]

اولا: اكيد المثقف لان الجمال مو دايم للانسان




ثانيا:

1- اود ان لو كنت اعي ماذا افعل لكنت حرمت
نفسي من الانترنيت الى ان اعي عليه صح فادخل له


2- كنت شديت نفسي بالدراسه اكثر


3- حافظت على شعري وماقصيته وخليته يطول
وحافظت على جسمي مع ان الحين انا احسن من اول


4- كنت اتمنى لو افهم اخوي اصغر واحد اللي عمره الحين
7 سنين اكثر واعرف انه مايحب الدلع وانه رجوولي من يوم يومه


5- كنت ماخليت في بيني وبين اخواني فروقات اني احب واحد
اكثر من الثاني وهذا لي يومك هذا مسبب لي مشاكل


6- لو اني حاولت ماادخل الخلافات اللي بين الاهل علي انا وبنت عمي




واشياء وااااايده مالها اولولا تالي :-(

[!جيكـ؟ـرة...تتغلـ؟ـى!]

(تعجب)





























(تعجب)













مافي اسائله ثانيه




الوو وينكم يااهو شوو صارلي ساعه ناطره هووني مافيحد (kaak)

[الراسي]

اقول سكرنا خلاص



























خخخخخخخخخخخخخخخخخخخخ خخخخ اضحك معاج




السؤال الثالث ... لماذا تحبين المثقف

<< واحد ماعنده اسأله

[jenan1]

اختي جيكره تتغلى
4- شنو اسمك الحقيقي؟
5- وكم عمرج؟
6- وليش اخترتي هذا الاسم"جيكره تتغللى"؟
ومع الشكر

[admin]

7- تحبين سعود ؟
8- شرايج بسعود بصوره عامه ؟؟
9- شنو طموحج بهذا المنتدى

بترك سؤال للي حاب يسأل :)

[الراسي]

10 - السؤال الأخير من نصيبي نياهاهاااا


شرايج باللقافه اللي بالعراب بالله عليج مو روعه؟ وهل تعجبج ردود ومشاركات العضو " العراب " بدون مجامله؟؟







العراب اللي يبي الدح مايقول آخ لوووول تحمل عاد نتيجة تسرعك ياباشا

[admin]

:)

[همس الجوري]

مرحبا
سعود ما تركت لاحد فرصة يسأل انت اخذت كل الاسئلة عموما انا عندي سؤال واحد لاختي جيكرة تتغلى اذا كان في مجال تجاوب عليه...لو طلب منك توصفي شخصيتك او تتكلمي عن نفسك بما لا يزيد عن سطرين وش تقولين للي ما يعرفك؟؟؟؟

(thanks)

[admin]

انا راح اتنازل حق اختي همس الجوري عن سؤال واحد

والسؤال هو
7- تحبين سعود ؟

وراح تكونين العضو اللي بعد جيكره تتغلى :)

1- كم عمرج ومن وين عرفتي المنتدى ..***33;***33;

2- شنو طموحاتج المستقبليه وحياتج الاجتماعيه ؟؟

واترك فرصه للاعضاء

[همس الجوري]

مرحبا
ما ادري جيكرة ما راح ترد على اسئلتها ؟؟؟؟
عموما شكرا العراب على تنازلك لي بسؤال
والحين بجاوب على اسئلتك

كم عمرك ومن وين عرفت المنتدى؟
عمري؟? في احد يسأل بنت عن عمرها؟ بس لاني ما احب الكذب
بجاوبك 26 سنة وعرفت المنتدى من وحدة من زميلات العمل السابقات
عجبني لما تصفحته بس ما سجلت فيه>>> هذا من زمان ومن فترة بسيطة
رجعت لزيارة هالمنتدى و قررت اسجل فيه اخيرا ........ادري انها سالفة
بس انت سألت وانا لازم اجابتي تكون وافيه

شنو طموحاتك المستقبلية وحياتك الاجتماعية؟
طموحاتي شوي عالية وكبيرة وتختص بالاطفال بما اني احبهم اني اعمل نادي صحي
ورياضي متكامل للاطفال فقط شامل كل انواع الرياضيه والترفيه
وحياتي الاجتماعية انا حاليا عزباء بس اتمنى انشالله اني اكون عائلة اقرب للمثالية لانه
المثالية الكاملة صعب الوصول اليها في هذا الزمان

والله يوفق الجميع انشالله (ابتسامه)

[الراسي]

الله يوفقج بس ماظنتي احد يتقدم لج عشان عمرج 26 خلاص بعد منو يفكر يرتبط وحده عيوز ؟؟

عموما ً اتمنى انج تروحين حق اقرب خطابة - هذا انتو يالحريم تبون الزواج بأي طريقة - وتقولين لها لج الفين دينار بس ابي هالعريس اللي يقبلني وانشالله هالخطابة تجي لبيتنا وانشالله مايكون خاطرك الا طيّب آخذ الألف ولها الف


اختي هم سالجوري والله اضحك لاتشيلين بخاطرج وحياج هالله في هالمنتدى الذي يسعد تواجد ناس امثالج عموما ً


ابي اعرف .. أي الشخصيات التي جذبت همس الجوري لها .. سواء تمثيل أو مطرب معيّن ؟؟


السؤال الرابع - ثلاث ورووود حمراء لمن تهدينها وثلاث ورود بيضاء - نتمنى ان يكون لأعضائنا نصيب - وحتى لو ناس من برى المنتدى اذكريهم عشان يسجلون ويشاركون انشالله معانا :) ؟؟

س 5 - أغرب موقف في هذا المنتدى حصل لكِ ..أو خارج المنتدى ؟؟



نترك مجال لأحتنا الأعضاء


مع الشكر

[همس الجوري]

مرحبا
سعود انا عيوز ؟؟؟ مشكور .... اصلا انا احسن من البنات الي ما توصل 17 الا وهي متزوجة
ما تدري وين الله حاطها ( اكيد مش الكل) بالعكس انا اعتبر عمري ميزة مش عيب لاني اكون كونت
فكرة عن الدنيا واللي فيها وشفت تجارب اهلي وصديقاتي علشان لو اتحطيت في موقف معين اعرف
اتصرف وهذا ان يدل فيدل على النضج فهمت علي؟؟؟ (وش رايك سكتك صح) ...وما زعلت ابدا
بالعكس بس حبيت اوصلك فكرتي (ابتسامه)

بالنسبة للشخصيات الي جذبتني بما انك حددت انه ممثلين او مطربين
انا احب كل شي حلو واسمع واشوف واحب كل شي يجذبني بس انا راح اقول احلى الناس بنظري
مطرب خليجي محمد عبده بلا منافس بس اسمع اكيد لعبدالله الرويشد وعبدالمجيد ونبيل وراشد وعيضة المنهالي
مطربة خليجية اممممممم نقول نوال كثير تعجبني
اما على الصعيد العربي كثيررررررررررررر يعجبني تامر حسني
كثير تعجبني اغانيه
ممثل خليجي خالد الحربي احب قوته وجبروته في التمثيل
عربيا احب كثير يسرا واحمد السقا بس خلاص تعبت من التفكير (يفكر)

ثلاث وردات اهديها لمين ؟؟؟؟؟؟؟ الاولى مثل ما قلت وسبق واهديتها للمنتدى بكل اعضائه ومشرفيه اكيد لاني
حسيت بجد كيف ا نالي فيه كلهم اخوان ويعزون بعض
الثانية لكل صديقاتي سواء في الدراسة او العمل الي كثير احبهم ويحبوني لان الصداقة تعنيلي كثيييييير
والثالثة اممممم اهديها لزوج المستقبل الي راح يجي غصب عن سعود (:-D)
واوعده بحياة كلها صفاء واخلاص ونقاء مثل نقاء اللون الابيض (ni)

اما اغرب موقف ..... ما صادفني الى الان موقف غريب لان ما صارلي مدة طويلة بس يمكن
اني بعد التسجيل انتبهت لوجود الاخت همس عضوة في المنتدى فاستغربت مصادفة الاسماء بينا بس مو اكثر

يمكن الغريب اني من زمان اعرف عن هالمنتدى بس من حسن حظي وشرف لي اني انضم له اخيرا

وسلامتكم

ما ادري انا ارد باسهاب والا بس يتهيالي عموما عذروني اذا حسيتوا ان كلامي كثير
تحياتي

[قمرهم]

هاااي...

اختي همس الجوري

عندي سؤال هو اظن رقم 6

؟؟ لو خيروج بين ابوج واخوج و ريلج و ولدج؟؟

من تختارين؟؟


ياليت واحد بس..


أختكم: قمرهم (*_*)
تحياتي

[همس الجوري]

هلا اختي قمرهم
اكيد باختار ابوي اولا لاني احبه مووووووووووووووووووت
وثانيا لان لولاه ما صار عندي لا اخو ولا زوج ولا ولد

ومشكورة على سؤالك حبيبتي

[الراسي]

همس الجوري أغنية لأم كلثوم عجبتج ؟؟

[همس الجوري]

مرحبا
شنو خلاص ما حد يبي يسألني انتهى الاختبار؟؟ ما انتهت الاسئلة ال10
طيب متى تطلع النتيجة؟؟
مرحبا سعود وين الاغنية وشلون اسمعها معليش جديدة بالمنتدى استحمل تناحتي شوي
بس ما عرفت كيف اسمعها !!!

[jenan1]

اختي همس الجوري
سعود يقصد اي اغنية من اغاني ام كلثوم انتي سمعتيها وعجبتج؟

[الراسي]

جنان انتي سئليها باقي اربع اسئله واااااي انتي

[همس الجوري]

شكرا جنان سوري ما كنت فاهمة
بصراحة انا ما اسمع لام كلثوم غيراغنيتين بس
احب اسمعلها انت عمري وسيرة الحب

[الراسي]

الله عليج



ننتظر الأسئلة الباجي :)

[همس الجوري]

اتمنى من الاخت أمورة مشرفة قسم الترحيب والتعارف
فك النحس الملازم لموضوع عضو تحت المجهر من بعد
استضافتي فيه واختيار عضو جديد ليكون تحت المجهر

شاكرة حسن استضافتكم لي

[الراسي]

اي سؤال وصلنا ياهمس الجوري ؟؟




مالي خلق اروح للصفحه الثانيه اشوف


بررررررب منتظر ردج ياهمس الجوري

[دلوعة امها]

سوال رغم سبعه : شنو وضيفتج الحين اذا موضفه واذا تدرسين وين وصلتي؟؟؟؟؟؟؟



اختكم دلوعة امها وشكرا

[همس الجوري]

انا بصراحة كنت موظفة سابقة في مركز تعليمي بوظيفة خدمة العملاء بس استقلت للاسف بسبب ضغط العمل اما حاليا بدون عمل يعني عاطلة هههههه

[-,-,باتريوت-,-,]

يسلمووووووووو ولدهاااااااااا على الموضوع >>عضو تحت المجهر<<بس والله الاخوان سبقونا وماقصرو بسالتهم وعلى ما قالت بلو جير خيرها بغيرها........

تحــــــــــــــــــ ــــــــــــــــــــ ــــــــــياتي لك باتريوت

[الراسي]

س - مادري شنو رقم السؤال / ماهي هموم همس الجوري هل هيَ دنيوية ام شخصية ام إجتماعيه { المكانه والضيفه وو..ألخ} ؟؟



تحياتي

[همس الجوري]

مرحبا
اهلين سعود سؤالك كان رقم 8 يعني باقي سؤالين.... الحمد لله هانت
بينفك النحس عن هالموضوع بعد سؤالين واخيرا


بالنسبة لسؤالك اخ سعود فبصراحة اجابته بالنسبة لي طويييييييييييلة بس انا
راح اجاوب على حسب ما فهمت السؤال....بالنسبة لي عندي أمور مهمة
سواء على الصعيد الدنيوي والاجتماعي والشخصي ...الدنيوي احلم بعمل
صرح كامل متكامل لبناء أجسام الاطفال جسديا وعقليا اما الاجتماعي اكون
سعيدة انشالله بحياتي الحالية والمستقبلية بظل اهلي وكل من يعزني
اما الشخصية فلو راح اكتب مجلدات ومجلدات ماراح توصف طموحي
الشخصي لاني في هاذي النقطة طموحي لايقف عن حد معين وكل ما حققت
جزء اطمح للي بعده بس اقول ان الله يعطيني على قد نيتي انشالله ويوفقني
وسلامتكم

[الراسي]

ويرزقج فوق نقاء نيّتج أضعافٍ مضافة ياااااارب




س9 - اختي همس الجوري هذا أعتبره اصعب سؤال .. ياليت تجاوبين عليه بكل شجاعة ... أينَ تقطن { تسكن} همس الجوري ؟؟

يعني في أي منطقة ؟؟


أتمنى السؤال الأخير للأخت جنان ياااارب مايخيب ظني لأني استدعيتها


معَ التحيَة الكبيرة

[jenan1]

افا عليك اخوي سعود

اختي همس الجوري ودي اعرف سبب اختيارك اسم همس الجوري وما معناه بالنسبة لج ؟
تحياتي لج

[همس الجوري]

مرحبا
شكرا سعود امين يارب وسؤالك الصععععععب جدا
انا اشوفه سههههههل جدا وياريت كل الاسئلة كده
وبكل صراحة














انا وبلا فخر من المملكة العربية السعودية
وتحديدا من العاصمة الرياض

[همس الجوري]

اهلين جنان

سبب اختياري لهالاسم يمكن طبيعة شخصيتي
المركبة فعلا هالاسم يعني لي كثيرررر
الهمس .....الهدوء والعزلة الي موجودة بشخصيتي وبما اني
اعشق الورد لما له من معاني وتأثير على احساسي
ومزاجي وخصوصا الجوري الاحمر فمن هنا جاء
سبب اختياري للاسم الي بصراحة ما كان من تأليفي
لكن لما تمعنت فيه حسيت انه انا


(((((وحدة مصدقة حالها وقامت تتفلسف))))))
هههههههههههههههههههه هههههههههههههه

ما ادري بصراحة كنت فعلا حاسة بخوف لا أحد يسألني
هالسؤال يمكن لاني ما اقدر اعطي اجابة واضحة بس
اتمنى تكون اسبابي واضحة

وبكذا تكون انتهت الأسئلة
شكرا للكل على الاهتمام

[الراسي]

** عضو تحت المجهر **



ويستمر الطريق المنير الى واجهة الضياء


بكم يحيا ومنكم يموت



إلى هنا سوْفَ يغلق هذا الموضوع ..



وسوْفَ ينسخ ويعاد من جديد للتفاعل والقرائة من جديد ..



لكم كل الحب والتقدير والثناء ..

من أول نك إلى آخر نك .. ولا فرق بينكم .. كلكم سواسيَة .. وكلكم إخوَة في الدين





أخوكم سعود والموضوع مغلق بعد إذن أحبتي المشرفين


{ باقة ورد للجميع }