المساعد الشخصي الرقمي

مشاهدة النسخة كاملة : اخبرونا سبب اختيـــاركم لاسمائكم ؟؟

نواف الرياض
27-01-2005, 06:30 AM
السلاام عليكم ورحمة الله وبركااته

هلا وغلاا باعضااءكويت 99 الرائعين

طبعاا لكل شخص لقب او اسم مشترك بيه يمكن يكون اسمه الحقيقي او يكوون لقب

فانا ابغى اعرف منكم سبب اختياركم لهذا اللقب


اتمنى من الكل انه يرد ويقول لناا السبب.........؟؟


اخوكم نواف الرياض



تحياتي
ولدها
27-01-2005, 06:51 AM
يعطيك العافيه نواف الموضوع جيد بس في اسامي تعبر عن نفسها مثل اسمك واسم مشعل المطيري واضح جدا مو ناقص الا يحط عنوان بيتهم :)

واسمي واسم بحرينيه : يعني الاسامي اللي تنسب نفسها لبلد معين واضحه

بس في اسامي فعلا ما اعرف سبب تسميتها ومنها مثلا اسم الاخت ( همس ) و (amoora) و (بلو) و (العراب) و (قمرهم ) و وووووووووو

اما الاسامي اللي تحمل صفت (ابو) فانها واضحه الا اذا كان مجرد لقب يعني لاهو (ابوفلان) ولا قاله الله وهو مجرد لقب :)

يعطيك العافيه على الصبح انت ويا موضوعك :)
نواف الرياض
27-01-2005, 07:04 AM
اول شي اخوي ولدها يعطيك الف على عى طلتك الحلووه....

وبالنسبه للموضوع انا احبيت اعرف ويعرفون اخواني الاعضاء...

عن كثب تسمية انفسهم بالالقاب اللي ينسبونها لاانفسهم.....

واما الاشياء الواضحه هذي مايبي لها توضيح انا اقصد الاشياء الغامضه في النكات...


الله يعافيك على الصبح انت وردك اخوي B)

تحياتي
**بحرينية**
27-01-2005, 07:27 AM
يعطيك العافية نواف على الموضوع :)
ومثل ما قال ولدها النكات تنسب لبلد معين..

وعن السبب الي خلاني اختار لي هالنك مادري شنو اهوه، بس انا في كل شي هذا نكي :)
نواف الرياض
27-01-2005, 07:35 AM
الله يعافيك اخت بحرينيه

وعلى البركه صرتي مشرفه... <<<<<<<<<<<<<<< كبرنا والله (lol) هههههههههههههههه

والله من قلبي تستاهلين كل خير.........

مشكوره على طلتك الحلوه........

تحياتي
همس
27-01-2005, 05:35 PM
هلا وغلا للكل

يعطيك العافيه نواف

همس يعني الكلام بصوت خفيف واطي غصب ينسمع

انا لما كنت صغيره اذا في احد يكلمني كله ارد بصوت واطي

فكانوا يقوليلي علي حسج ليش تهمسين فكانوا يقولون يت همس

وراحت همس وانا من النوع الهادي ماعندي شطانه فصارت مثل

العلوقه علي وحبيت هالاسم فصار نكي بكل مكان همس
°•-Thê Spy-•°
27-01-2005, 06:03 PM
انا العراب مسميني على اسم الموقع لووووول :D

بس عندي The Spy والي اهو الجاسوس لان يوم نلعب لعبه (الفلوجه) مدل اوف هنر

اجيهم من اماكن ما تخطر على بالهم لوووووول وتسميت هالاسم وصار نكي :D

تحياتي وتم التثبيت يا نواف
amoora
27-01-2005, 07:33 PM
يسلموو على الموضوع
ولدها ما قصر جاوب عن الكل هاهاههاا (kaak)
بالنسبه لي من اول ما دشيت النت وانا استخدم اموره احب هالاسم وهو على وزن اسمي الصجي هاهاها وبس مافي سبب ثاني (ni)



بحرينيه مبروك على الاشراف (top) (برافو)
نواف الرياض
28-01-2005, 04:46 AM
_ همس:الله يعافيك اختي ملعومه حلوه عنك مشكوره..

_كويت99:مشكور اخوي على التثبيت ويعطيك العافيه..... ومعلومه ثانيه عنك وحلوه..

_اموره: الله يسلمك اختي اموره...... واموره على وزن وش..؟؟(غمزه)
amoora
28-01-2005, 03:32 PM
شكوووووو نوااااااااااااااف؟؟؟
blue_girl
28-01-2005, 06:16 PM
هااااااااي

والله موضوع حلو ويستاهل التثبيت ..

آنة اسمي نسبة لفرقة Blue واللي كنت اسمعها من أيام الثانوية

وايميلي من ذيك الايام للحين بعد بلو .. فدشيت المنتدى بهالاسم

ولكني تفاجأت بوجود نكي بمنتديات ثانية .. انقهرت لأني تعبت حتى

أدوره

المسامحة على الاطالة وتحياتي لك ،،،،،،،
ولدها
28-01-2005, 07:07 PM
بجاوب مع ان اسمي واضح بس مثل ما يقولون حشرن مع الناس عيد :)

سلمك الله اخوي نواف من المعروف بان الارض اللي انولد عليها تعتبر ام اخرى لي وانا ولدها ... فانا ولد هذه الارض الطيبه وافديها بدمي

_اموره: الله يسلمك اختي اموره...... واموره على وزن وش..؟؟ <<<< انا اقولك اموره على وزن غوله :)

يعطيك العافيه
amoora
28-01-2005, 07:34 PM
_اموره: الله يسلمك اختي اموره...... واموره على وزن وش..؟؟ <<<< انا اقولك اموره على وزن غوله ==== والله يا شباب الكويت مافي ذوق بالمره***33;***33;***33;
ولدها
28-01-2005, 08:50 PM
(ba) (لاتعليق)
amoora
28-01-2005, 08:54 PM
أي اكيد ما عندك رد عصقوووول***33;***33;
اشحلاااتي
03-02-2005, 03:18 AM
هاااااااي
حبيت اشارك غصب عنكم خخخخخخخخخخخخخخخخخ
ماعليكم مني ماغير اسوولف برووحي هني

قلو الزبااين عندي ليش هاااااااااااااااااه
هين هين

انا سميت نفسي اشحلااتي عشاان واحد يدش علي يقولي
يامعود نكك حلوو اعطيك 500 دينار وتعطينيااه
بس للأسف ماحصل شيء من هذه القبيل
والسبب اسمي الحقيقي
انشهر نك اشحلاااتي بأسم جزا العنزي
الله يسامح ويرحم من كاان السببب
بقوولكم شلوون سمووني جزا زيين
انتم مو تبوون تعرفوون طولوو بالكم
والله ساالووفه زويييينه
المهم يا اعزاائي الكراام الموقرين
انا يوم سموني جزا اهلي كنت صغير ماافهم شيء واللله والله
والله شاربي مو على رجاال والله لو اني كنت كبير وافهم شاربي مو على رجاال اذا خليتهم يسمووني جزا
بس لقووها فرصه قاالو قبل لا يكبر خل نلبق له جزا على جده
وجدي ماصدق الله يرحمه اخذني عنده من عمري 5 سنوات تقل ماعندي اهل
ف ابي اوضحلكم اني مو انا اللي اخترت اسمي لو انا اختاار
جاان اخترت مشااري او طلاال اي اسم اسلك امووري فيهااا
ولاكن للاسف طاح الجمل ومابقى الا الاسد (<< شقاعد تقوول انادري)
خخخخخخخخخ والناس لبعضهااا بعض وبروح للمطار استقبل وااااحد بس
للحينه ماوصل يووصل امس الساعه 9 العصر
تحسوون اني محشش مو ماعليه
ضاايقن صدري مادري وين اسوولف حسيت اني اموون
على صاحب المووضووع وقعد اسولف فيه نسيت نفسي
سووري على الازعااج وسامحووني وامسحووها بوجه ولدها
خخخخ
اشووفكم على خير
ودمتم لنا سالمين
نواف الرياض
03-02-2005, 07:01 AM
_ولدها: احيي فيك الروح الوطنيه اخوي... ومشكورعلى طلتك الحلوه



_amoora: آآخر مره ماعاد اسويها... بس انا اقول يمكن اسمك امل ويدلعونك اموله.. وانتي اخترتي اموره.. هذا استنتاج هههههههههههههههههه

ولاتزعلين.....


_blue_girl:مشكوره اخت بلووو وامبين عليك كثير تحبين هالفرقه.. ومشكوره على ذووقك..


_اشحلاتي:اها هذي القصه والله حلوه... طيب غيره الحين دامك تقدر..***33;***33; وعادي اخوي خذ راحتك... ومن ناحية امسحها في وجه ولدها خلاص ولايهمك هههههههههههههه

تحياتي لكم ولطلتكم الحلوه
amoora
03-02-2005, 10:14 PM
اهاهاهاهاههااها لا اسمي مو امل

انا نكي على وزن دلع اسمي الصجي ***33;***33;***33; هاهاهاهاا
admin
04-02-2005, 02:14 PM
ولدها ترى حيرتني بسؤالك عن معنى نكي

شوف العراب معناه البابا (القس)

اللي يكون باغلب الدول الرجل الطيب اللي يلجؤن له بكل الاوقات

يعني والعياذ بالله (تقدر تقول حلال المشاكل لهم)

واذا دعا حق شخص فيهم خلاص راح يتوفق لوول ...... خير ان شاء الله

بس اللقب هذا كان لقب زعيم المافيا ....

لقبوه بالعراب

واذا تبي تشوف القصه عندك فلم قاد فاذر

وانا انصحك تشوفه لان القصه واحداث الفلم عجيبه....

ونصيحه تروح تشتري الفلم وبدها لاتسالني او اشوفك حاط نك العراب بالانجليزي (God FaTher)

http://www.musiceto.com/JPG/0428/God%20Father.jpg

http://news.xinhuanet.com/english/2004-07/04/xinsrc_4207010411095 792423838.jpg

http://news.xinhuanet.com/english/2004-07/04/xinsrc_4307010411096 201861939.jpg



لاتعليق اكثر

تحياتي
aljawwal2006
04-02-2005, 03:53 PM
الجوال

الكل يعلم منكم إن معناه من مكان إلى مكان

وكانت السالفه قبل 6سنوات إلى الآن ما أصدق يجي عندي فيها فرصه عشان أهج وأسافر وأرحل من منطقه إلى منطقه

وكل من كان يتصل فيني أقله أنا بالمكان الفلاني ومن باكر يتصل ثاني مره أقوله أنا بمكان غير اللي قلتله وهذا صحيح

وبعدها صاروا يزهموني بالجوال ومن ما دشيت النت إلى اليوم وهذا نيكي وسبب إختياري 2006 هو إني لما جيت أبسجل

لي إيميل بالهوت ميل وغيره ما يقبل معي الجوال ولا أي رقم معه إلا الرقم هذا وحطيته وقبل ومن بعدها إلا يومكم هذا وهذا

النيك نيم حقي .

تحيـــاتي لكم
نواف الرياض
12-02-2005, 01:25 AM
اها كذا يعني اخوي العراب معناة النك هههههههههههههههههههه استغفر الله


والجوال تحياتي لك اخوي لك يعني انت دايم مشالله من مكان لمكان سووواح يعني ههههههههههه


تحيـاتي لكم حبايبي على مروركم المنور
أطياف الغرام
13-02-2005, 05:34 AM
يعطيك العافيه اخوي على الموضوع الحلووو

حبيت النك هذا من بيت شعر حبيته واللى موجود بالتوقيع

وصار اسمي المتعارف عليه بالنت
نواف الرياض
17-02-2005, 02:54 PM
الله يعافيك اطياف الغرام

ومشكوره على المعلومه الحلوه عنك

وتقبلي تحياتي
المتنبيjoodmj@hotmail.com
20-02-2005, 01:09 AM
ام بالنسبه لي
0
0انا المتنبي joodmj@hotmail
0
0السبب خارج المنتدى
0
0لان فيه واحد من الاصدقاء اسمر البشره(عبد)
0
0
احتجت له في خدمه معينه 0وقال لي ابشر
0
0
ولكنه بعد فتره رجع واعتذر
0
0
0فسويت فيه قصيده هجاء على وجه المزاح
0
0
والرجل فعلا تقبلها
0
0
وهو اللي نشرها
0
0لين اشتهرت بقوه في الوسط اللي انا فيه
0
0
واطقوا على الاخوان اسم المتنبي لان المتنبي سيق وان هجا كافور الاخشيدي
0
0
اما من ناحيه اضافه الايميل الى الاسم
0
0
لاني اول ما سجلت في المنتدى اخترت المتنبي ورفض القبول لانه اسم سبق استخدامه00وكل ما زدت عليه اي حرف يرجع يرفض
0
0
0
0
قلت ما بدهاش حط الايميل اكيد ما احد قبلك حطه
0
0
وسلامتكم
نواف الرياض
21-02-2005, 04:42 PM
لان فيه واحد من الاصدقاء اسمر البشره(عبد)


اول شي اخوي المتنبي مشكور على المعلومه اللي عرفتنا من خلالها على سبب اختيارك للنك نيم(اسمك المستعار)


بس عندي نقطه الا وهي اللي انا اقتبستها..


حبيت اقولك اخوي..ترى مايجوز يعني الاستهزاء بالاشكال والالوان..


وترى كلنا عبيد لله....


هذا اللي حبيت اوصله لك اخوي..من خلال الكلمتين هذي..وبس..***33;

تمنياتي لك بالتوفيق..

وتقبل تحياتي
المتنبيjoodmj@hotmail.com
22-02-2005, 08:27 AM
الى الاخ نوافالرياض0000000000 00000000000000
0
0
0يبدو انك فهمت كلامي غلط
0
0انا لما قلت عبد كان قصدي اني اوصل المعلومه عن لون بشرته
0
0ولم اقصد الاستهزاء
0
0واذا كان عندك طريقه اخرى لتوصيل هذه المعلومه بالذات
0
0
يا ليت تعلمني
0
0منعا للاحراج في المرات القادمه
نواف الرياض
22-02-2005, 04:36 PM
اخوي المتنبي ........

مايحتاج اعلمك انت ادرى.......

وبالنسبه للون بشرته حنا مايهمنا لون البشره المهم نفهم السالفه....

وبس


وانشالله مايكون فيه احراج
عاشقة الورد
02-03-2005, 01:44 PM
هاااااااااااااي


يـســلــمــوووو على هذا المووضوع


وأنــا أخــتــرت (( عــــــــاشـــــقـة الــــورد ))

لان فيه أغــنــيــه لمطرب لبناني مو متذكره اسمه

أسم الاغنيه (( ياعاشقة الورد )) مرره حلوووه

فأعجبتني وكثير حبيتها

وحسيته كأسم حــلـــووووووو



عـــــاشــــــقـــــ ــة الــــــــــورد (H-H)
نواف الرياض
02-03-2005, 02:06 PM
هلا بعاشقه الورد

الله يسلمك


وملعومه عنك حلوه لسبب اختيار النك نيم حقك...

ومشكوره على مرورك الكريم..

وتقبلي تحياتي
ظـنيت مـا أحـبك
03-03-2005, 02:00 PM
ظنيت ما أحبك << اسم اغنيه عراقيه فلكلوريه

يعني قديمه حيل تقريبا سنه 1925

ومشكووور
نواف الرياض
03-03-2005, 10:07 PM
مشكور اخوي ظنيت مااحبك...على المعلومه اللي قلتها.. والايضاح الوافي..

وباين عليك تحب الاغاني القديمه الفلكلوريه

اكثر من الاغاني الكلاسيكيه الجديده

على العموم اخوي مشكور على الايضاح والتعقيب

وتقبل خالص تحياتي لك
the lion
17-03-2005, 08:31 AM
مساكم الله بالخير
هذي اول مشاركة لي في هذا المنتدى الحلو

the lion
ذا لاين.... يعني الأسد والسبب في الاختيار هو ما يحتاج اقول منهو الاسد يكفي انه رمز الشجاعة.


وانا من زمان كنت مربي اسد ويوم جعت ...كلته ..يعني تغديت به قبل ما يتعشى بي (بووووم) قويييةةهاه؟
نواف الرياض
17-03-2005, 01:42 PM
قصدك اخوي صبحكم الله بالخير


على اخوي مشكور على الايضاح...

وممايسعدني ان تكون اول مشاركه في المنتدى....

لموضوعي هذا...

وتمنياتي لك بالتوفيق في المنتدى..وان تفيد وتستفيد


بس انا زعلان ليش ماعزمتني يوم اكلت الاسد (kaak)

وتقبل تحياتي (kaak)
al_malak RORO
17-03-2005, 03:48 PM
انا بالنسبه الي اول ما دخلت وتعرفت عالنت عرفتني واحده من اصدقائي على منتدى

دخلت المنتدى ولقيت كل المنتدى شياطين

يمعنى انه معظم اعضاء المنتدى باول اسمهم شيطان او شيطانه

وانا حبيت شارك باسم غير سجلت باسم الملاك

وبالنسبه ل رورو هو دلعي

وهالاسم صار يرافقني بكل مكان وحتى شوي رفقاتي رح يصيروا ينادوني فيه
وانا حبيته للاسم



وهي هيي القصه


رورو
نواف الرياض
17-03-2005, 05:30 PM
الله الله يالملاك رورو


قصه حلوه شوي ويجيني النوم..............أ مزح

الله يكفينا شر الشياطين


قصه حلوه ومؤثره بنفس الوقت تحزن بعد هههههههههههههههههههه ههههههههههه امزح لاتزعلين علي


على العموم مشكوره على الايضاح....


وتقبلي تحياتي
الراسي
27-04-2005, 08:21 PM
أنا بصراحة اسمي محمد ولد ثروي الشمري من سكان الجهراء ..



وبالنسبه للشاعر سعود هاللقب حبيته من الشاعر سعود الفرحان اللي اعتبره اخوي الكبير



وياليت ماتنصدمون وشكرا ً

ملاحظة : مو يعني ألغي شاعريتي على شان انا متأثر بالشاعر سعود إنما انا احب الشااعر سعود الفرحان وشكرا

باي