ديوان / الشاعر محمد الشهري

[kuwait99]

ذكريات الحادث

إفرضي إنّـي طلعـت وكنـت متنرفـز كثيـر
ورحْت من عندك مْضيّع في الأماكن والجهـات
بعد ما اشتد الخلاف بْوضعنـا واصبـح مثيـر
قلت: اهَدّي.. والْعن الشيطان واطلع في سكـات
إتّجهت.. وسايـقٍ سيّارتـي عكـس المسيـر
وصار لي حادث.. ومِتّ .. وخبّروك: فلان مات
علميني .. عندهـا بالله وش ممكـن يصيـر؟
لو عرفتي من سبب زعلتْك .. فارقـت الحيـاة
تلطمين خدودك .. تشقين ثوبك .. مـا يضيـر
دامك تلومين نفسـك بعـد مـا فـات الفـوات
ليه ماقلتي لي: إقعـد والزعـل ملعـون صيـر
ووالله ما تطلع كذا باعصاب مـا فيهـا ثبـات
ليـه خليتينـي امشـي حالتـي حالـة ضريـر
ولاّ يعنـي كـان حُبـك .. حُـب انانيّـه وذات
وليه انا من عقب كنت الشخص الاول والاخيـر
في حياتك وبسهولـه صـرت مثـل الذكريـات
والله انْ تبطين وانتي ما علـى شفّتْـك غيـر
إسمي المكتوب ضمـن اوراق تقريـر الوفـاة
تندمين العمـر كلـه .. أو .. يأنّبْـك الضميـر
ما افْرقَت.. مادمْت ماضي في ملفّاتك .. وفـات
بس يبقى ذنبي برْقبْتك وانـا الصـبّ الأسيـر
اللي كبّلني غرامك .. والوفـا .. والتضحيـات
جرّبـي الدنيـا بدونـي كيـف واقعهـا مريـر
وكيف لا عزّوك فيني وصرت قدامك .. رفـات
تدركيـن بْوقتهـا معنـى العبـوس القمطريـر
وتشعرين انّك يتيمـة أهـل واخـوان وخـوات
وتذكريني.. تذكرين الشعـر.. وانسـام العبيـر
والعطر.. والورْد .. والْبوم الصور .. والأغنيات
والسوالف.. والسهر .. واهْداءنا عبـر الأثيـر
والإضاءه الخافته .. والليل .. واحلى الأمنيـات
والرسايل.. والشموع اللي فـي مأوانـا تنيـر
والكروت العاطفيّـه .. والكُتـب .. والملْزمـات
والهدايا من قطـعْ ألمـاس وعْطـور وحريـر
والأثاث اللي خذا حُمْرتْـه مـن لـون الشفـاة
والبحر والصيف والشّاليـه واللبـس القصيـر
والشتا .. واحضانك اللي غيـر كـل المِدْفئـات
والإجـازه والسفـر والعيـد والمطـر الغزيـر
والمقاهي .. والمطاعم .. والطرق .. والتمشيات
واسمي اللي مخزّن بْجوالـك البانـدا الصغيـر
"أجمل الإحساس".. لكن .. مات يا سِتّ البنات
ذكريات تْحاصرك مـن كـل صـوب وتستثيـر
دمعتك في كل غمضـه.. وانتبـاه .. وإلتفـات
عن حكاية حُبّ فـي هالوقـت منقطـع النظيـر
حُب يكْرم عن ردى الشهوه .. وألسِنْة الوشـاة
حُب مدري ويش بكتب عنـه؟ .. لكنـه كبيـر
أكبر من احساس أصدق شاب معْ أوفـى فتـاة
بس .. لا تبكين .. يبقـى كـل ماقلتـه نذيـر
وافتراض لكـل مايمكـن حدوثـه لـي .. وآت
لجل ذلك فكّري وش هـي النهايـه والمصيـر؟
كلها حفره وجَمْـع وتعزيَـه.. عقـب الصـلاة
والله ماتسوى الحياه نزعّـل الغاليـن .. ميـر
ساعة الضيق يتعكّر صفْـو الانفـس والـذوات
ليش اجل ما نستغـلّ الوقـت دام احْنـا بخيـر
وليش ما نرضـي حبايبنـا .. ويلتـمّ الشتـات
يعنـي لازم ننتظـر؟ والواقـع أيامـه تطـيـر
واحْنا ما ندري نبات الليل .. ولاّ .. مـا نبـات
العشير .. اصلاً يحـز بنفسـه يزعّـل عشيـر
الله اكبر .. كيف ما حزّت بنفسـك هالسـوات
يوم شفتيني طلعت ووضعـي النفسـي خطيـر
وقتها .. اشدرّاك يمكن موتتي حانـت وجـات
فاحرصي دايـم علـيّ .. ولا تغيظينـي كثيـر
واذكري دايم شعورك لا دريتـي وقيـل: مـات


..
يرضيك اموت

تـتـركـيـنــي؟ مــا اقــدر افـتــي لــك واقــول: انّــه حـــرام
لـكــن الـلــي أقــدر افـتــي فـيــه "جــرحــي والـحـنــيــن"
يـعـنــي صــار الـحـيــن هـمّــك تـتـركـيـنــي .. والــســلام
مـاحـسـبـتـي حـســاب عـيــش ومـلــح ومْـعـاشــر سـنـيــن
مـاخــطــر فـــي بــالــك انّـــي مـمــكــن اتــعــذّب وانــــام
نـــومـــةٍٍ .. مـــــا عــقــبــهـــا إلاّ صــــــلاة الــمــيّــتــيــن
مــو حــرام .. انْ تـاخـذيــنــي لــحــم تـرمـيــنــي عــظــام
يـعــنــي نـاقـصــنــي جـــروح الاّ تـجــيــن وتـجــرحــيــن
خــلّــي عــنــدك لـــو شــويّــة ذوق .. وشـــويّ احــتـــرام
مـو كــذا مــن الـبــاب لـلـطـاقــه .. يــا حـلــوه تـرحـلـيــن
شـايـفـتــنــي طــفــل .. ولاّ كــنـــت مــــو قــــدّ الــمــقــام
لا بـغـيـتــك .. مــا تـجـيــن .. ولا بـغـيـتـيـنــي .. تـجــيــن
لــو أبـافـعــل .. مـثــل مــا انــتــي تـفـعـلـيــنــه بـالـتّــمــام
صـدقـيـنـي .. مـثـل مـا اسـتـحـمـلـت.. مــا تـسـتـحـمـلـيــن
بـــس انـــا واحــــد أقَــــدّر شــــيء يـســمّــونــه: غــــرام
مــبـــدأي "مــــن حــبّــنــي مــــرّه .. أحــبّـــه مــرتــيــن"
كــيـــف سـمّــيــتــي عــلاقــتــنــا مـــعـــزّه وانــســجـــام؟
والـشـعــور الــلــي أحــسّــه هـــو شــعــور الـعـاشـقــيــن
حـاجــه اكـبــر مــن حـكــايــة حُـــب واســطــورة هــيــام
سـجّـلـتـنــي فـــي سِــجــلّ "الـمُـغـرمــيــن الـضـايـعــيــن"
مــن ضـيـاعــي صــرت احــسّ انــي أعـيــش الإنـفـصــام
بــيــن شـخـصــيّــة مُــراهــق طــايــش وشــايــب رزيـــن
الله اكــبــر .. كـــنّ مــالــي تــســعــه وعــشــريــن عــــام
شــايــل الـدنــيــا عــلــى راســـي .. ونـفــســيّــاً حــزيـــن
تــايـــه .. ومــابــيــن عـاطــفــتــي وفــكـــري إصــطـــدام
ضـعـت مـدري لـيـه؟ ولاّ كـيـف ضـعْــت؟ ولـجْــل مـيــن؟
يـتّـهــمْــك الــجــرح .. وانــــا اقــــول: لــيـــه الإتــهـــام؟
الـضـلــوع اصــلاً ضـلـوعــي وانـتــي الـلــي تـطـعـنــيــن
يـعــنــي لا شــرهــه عـلــيــك ولا عــلــيــك ايّــــة مــــلام
ولا يــردّك عـــن طـعــونــي والـضــلــوع .. الاّ الـيــديــن
ســـوّي الــلـــي مــابــدالــك لــــو تــجــاوزتــي الــنــظــام
صَــــكّ مُـلــكــيّــة حــيــاتـــي مـــعْـــك .. لا تــتــردّديـــن
إجـرحــيــنــي .. واعــرفـــي .. مــــا دام لــلـــه الـــــدوام
مـيّــت ٍ مـهـمــا تـكــون اسـبــاب مــوتــي .. بـــأيّ حــيــن
طـالــمــا مــانــي بـخــيــر وحــالــي اســــوأ مــــا يُــــرام
تـكْـرم الـدنـيـا .. واهَـلْـهـا .. وعـيـشـتـي مــن أجْــل عـيــن
بـعــد هــذا .. وبـعــد كــل الـلــي سـمـعـتــي مــن الـكــلام
وبـعــدمــا دنّــقْــت راســـي لــجــل اكـفْــكــفْ دمـعـتــيــن
وبـعــدمــا حـطّــيــت نـفــســي بــيـــن جــــدران وظــــلام
وبـعـدمــا عـدّيـتــك انـتــي الأهْــل .. والـنــاس اجـمـعـيــن
وبــعــد كـــل الــلــي لـقـيــتــي مـــن رعــايــه واهـتــمــام
وبـعـدمـا حـسّـسـتـك انّـك غـيـر .. وطـيـنـك.. غـيـر طـيــن
وش تـبـيـن اكـثــر عـشــان اثـبــت لــك انّــي كـالـحُـطــام؟
يـعـنـي لـو يـرضـيـك امـوت؟ امـوت .. لـكـن تـرجـعـيـن؟؟

..

فمان الجرح

فمان الجرح .. لا والله فمـان احزانـي الكُبـرى
فمان اغلى ثلاث سنين مِتّ بْها عشـان اعيـش
فمان الحب واحلام القلـوب البيـض والخضـرا
فمان الآه من كثر الزعـل والشـوق والتطنيـش
فمان عيونك اللي مالها بين العيـون .. اُخـرى
فمان غرورك اللي علّم الطاووس نفْـش الريـش
فمان عطورك اللي تسكن انفاسي .. وبالأحـرى
فمان انفاسك اللي تسكن عطوري ومدري ليـش؟
فمان الليل .. واحضان الدفا .. ومْصافح القمـرا
فمان الباب والشبّـاك يـوم اواعـدك ونطيـش
فمان التوت .. والرمان .. واحلى فاكهـه حمـرا
فمان الضحكه اللي كنّها مـن مبسمـك بخشيـش
فمان غيابك اللي ماتـرك لمواصلـك .. بُشـرى
فمان الشك وظنون الخطا والكـذب والتشويـش
فمان العيد .. كنّي به يجينـي وحالتـي تـزرى
يطبْطبْ فوق أكتافي حزن ويقـول لـي: معليـش
فمان الجوع واحساس العطش .. ومفارقك صحرا
تعبـت افتـش لْواحاتهـا واضنانـي التفتيـش
فمان ضلوع مكتـوبٍ علـى أنحاءهـا اليُسـرى
"هُنا توجد جروحي" لو تكرّمتـي: بـلا تنبيـش
فمان دموع لا تُسمـن ولا تُغنـي مـن الذكـرى
وانا اللي ماقدرت اطلع من اجوائي معك بشويـش
فمان الشارع اللـي كلمـا جيتـه .. وانـا أقـرا
معاناتي من اول يوم في وصلك إلـى التهميـش
فمان الشاعر اللـي يجمـع بتجربْتـه الصغـرى
فكر بدر .. ورومنسيّة نزار .. وفلسفة درويـش
فمان العاشق المجنـي عليـه .. بتسليـة عـذرا
من اول "بعشقك" حتى نهايـة "مـا تصبّرنيـش"
فمان الخوف ويدينـك جنـود وأضلعـي أسـرى
وانا فيني من الإحباط .. مايكفي هزيمـة جيـش
فمـان اشيـاء ماتنقـال للعالـم .. ولا تطـرى
ممالك حُب .. دمّرها اللعب وسْياسـة التطفيـش
فمان الإيش؟ ما أدري .. ولكـن الزمـان ادرى
وانا اللي ضاع مايدري .. حبيبه ضيّعه لجل ايش؟
فمان الله ياقلبـي مـع انـك جـرح مـا يبـرى
كتب ربي عليّ اعيش من دونك .. وانا ما اعيش

..

كل عام احْنا حبايب

صدقيني العيـد نفسـه ماتغيّـر مـن سنيـن
فرحة اطفال وعيَادي أهْـل واحبـاب وقرايـب
والتهاني والهدايـا وقولـة "مـن العايديـن"
وإلتمام الشمْل يوم العيد .. وانسـام الهبايـب
كل حاجه مثل ماهي بـس انـا حالـف يميـن
إنّ لاغبتي بسجّل نفسي فـي هالعيـد غايـب
وارجعي بالذاكره للخلـف .. وانتـي تعرفيـن
ليه احس العيد عقبـك جيّتـه جيّـة مصايـب
ليه لا طالعت كـرت العيـد اكفكـف دمعتيـن
من ذكرت اعيادنا وايام كـان الوضـع طايـب
اذكر اني من "مصلى العيـد" وانتـي تذكريـن
كنت اسابق خطوتيني متّجـه يمّـك .. وذايـب
لجل اكون الشخص الاول لجل منّـي تسمعيـن
في صباح العيد جُملة "كل عام احْنـا حبايـب"
لجل نكتب خلف كرت العيد .. ذيـك الكلمتيـن
كنت اجيك بقلب طفل وطيش شاب وثقل شايب
وانتي في أجمل ثيابك كاشخـه والزيـن زيـن
تثبتين انك عجيبه .. غير عن كـل العجايـب
كنت اعايد معْك حالي حـال باقـي العاشقيـن
شايل ٍ روحي علـى كفّـي واقدّمهـا وهايـب
وادري انّه مايهمّك ويش اجيـب مـن الثميـن
كان همك جيّتي ما كان همك .. ويش جايـب؟
فرحة العيد .. بلقانـا كانـت اصـلاً فرحتيـن
شبْه ضحكات الورود وعـدّ زخّـات السحايـب
ماليوم العيد طعم .. ومالهـا الذكـرى حنيـن
وكلّ منّا في مكـان وكـل واحـد لـه طلايـب
الرجا في "عيد الاضحى" يمكن انّـك ترجعيـن
ما أقول إلا "عسى الله يجزي من كان السبايب"
وان رجعتي وشفتي انّي فـي عـداد الميّتيـن
ذا أنا بوصِيك حاجه .. قبـل تنحـطّ النصايـب
طالبك في كـل عيـدٍ بعـد موتـي .. تكتبيـن
خلف كرت العيد جُملة "كل عام احْنـا حبايـب"


...

عندما قالت: أن السعادة مؤنثة والحزن مذكر والحياة مؤنثة
والموت مذكر والصحة مؤنثة والمرض مذكر..

.
انثى
.

قـالــت بـلـهــجــة شـمــاتــه وانـتــقــاص مْـــن الــرجــل
الـســعــاده مـثــلــي انــثــى والــحــزن مـثــلــك مــذكّــر
والـحـيـاه انـثــى .. بـعـكــس الـمــوت وافـهـمـهــا لـجــل
تـعــرف ان الـجــوّ لــو يـخــلــو مـــن الأنــثــى تـعــكّــر
شـفـت وشـلـون الـضـمـيـر الأنـثــوى .. يـمـلــك سـجــل
قـلــت: طـيــب وش تـقـولــي فــي ذكــورة لـفــظ ســكّــر
قـالـت: امْـحـق .. واصـرخـت بـي وفـي مـلامـحـهـا وجـل
أنـــت ويّـــاك الـنــقــاش يـضــيــع وابــوابـــه تــســكّــر
ودي انّـــك تـسـتــريــح شـــويّ .. وتــحـــسّ بــخــجــل
وان طـريــت "انــثــى" فـــلازم تـحــمــد الله واتـشــكّــر
قــلــت: ربـــي ودايـــم اشــكــر نـعـمــتــه عـــز وجــــل
إنـتـي نـعـمــه .. مــا اخـتـلـفـنــا ومـانــي لـلــه ْمـتـنـكّــر
مــيــر خــلّــي عــنــك اسـالــيــب الـلـكــاعــه والــدجـــل
واسـمـحــي لــي بــس مــن بــاب الــغــلا .. ودي أذكّـــر
الــعــقــل نــعــمــه .. ويــبـــدو إن تـفــكــيــرك عــجـــل
يـعـنــي هــذي آخــرة تـفـكـيــر عـقــلــك .. يـــوم فــكّــر
لــو عـلــى هــذا الأســاس نـقــيــس يـاحــلــوه .. أجـــل
الـخـيـانــه مـثــلــك انــثــى .. والــوفــا مـثــلــي مــذكّــر


...
رساله


ممكن تشوف الرسالة هذي واقراهـا .. وابيـك
تعترف لي من كتبها؟ إنـت ولاّ شخـص ثانـي
فيها مكتوب (اعشقك واشتاقلـك وامـوت فيـك
واوعدك إنّا نعيـش لبعـض باخـلاص وتفانـي
وانّ مهما طال فيني الوقت .. اعينـك واعتنيـك
ومستحيل اجرح شعورك يـوم أو منّـي تعانـي
وانّ حتى لـو تخلّـوا عنْـك لحظـه .. والديـك
مستعـدّ اعوّضـك ياكـل كلـي مـن حنـانـي
وانّ هـذا القلـب منْـك اوّلـه وآخرتـه إليـك
فاعرف انّي لجل حبّك بعت كـل اللـي شرانـي)
شفت هالأربع سطـور اللـي قريـت بناظريـك
هذي فحوى من رسالـه إنـت كاتبهـا عشانـي
إحتفظت بْهـا زمـان وقلـت: بمْسكهـا عليـك
لجـل ادينـك لـو تغيّـر هالـكـلام الأولانــي
أذكر انّـك قلـت لـي فـي وقتهـا: الله يهديـك
يعني معقول اتغيّـر وانـت قطعـه مـن كيانـي
لا توسـوس واحتوينـي كثـر مانـي محتويـك
واترك الأقـدار تثبـت صـدق ماقالـه لسانـي
قلت: ماهيب وسوسـه .. والـود ودي ألتقيـك
أربع وعشرين ساعه معـك مـا أبـرح مكانـي
بس اخاف انّي بدَل ما اشكي لك الجرح .. اشتكيك
وانت خابر وش يسوّي الجرح في وسط المحاني
قلت لي: لا لا .. تطمّن .. ليش خوفـك يعتريـك
خلّ خوفك من جميع الناس وارقـد فـي أمانـي
ومرت الأيام واحْنا بيـن هـذي .. وبيـن ذيـك
إتصالات .. ولقاءات .. ومراسيـل .. وأغانـي
لين غبْـت بْـلا سبايـب واستمريـت احتريـك
وعشت وهم اعانقك في كل لحظـه مـن زمانـي
صرت اشوفك والْمسَك من دون حتى مـا أجيـك
كلما طالعت لألبـوم الصـور .. بضعـة ثوانـي
واشعر بإحسـاس يذبـح جِـد .. لكنّـه يُريـك
إنّ أيّة شيء مهما طال .. يبقـى شـيء فانـي
مثل حبك .. قادنـي لمواجـه المـوت الوشيـك
واكتشفت انّه سـراب وحلـم ضيّـع عنفوانـي
فْليتني فيما مضى من عمر .. ماكنـت ارتجيـك
وليتني ماكنت احبّ بصدق .. وانّي "دنجوانـي"
إبتليـت بعشقـك .. الله ميـر جعلـه يبتلـيـك
وانت ماقـدّرت حتـى تضحياتـي .. يـا أنانـي
شفت لك شوفه جديده وصار لك غيري .. شريك
وافترقنا .. وصرت انا مجني عليه وإنت جانـي
إنصدمت وقمت اعيد الذاكـره .. واقـرا حكِيـك
واسأل حروف الرساله عنْك .. معقوله نسانـي؟
قالت: اللي كـان يكتبنـي ورمانـي فـي يديـك
قبلها في يدين غيرك .. كـان كاتبنـي ورمانـي
هذا واحد .. باع غيـرك لجـل يقـدر يشتريـك
مثل ما هالحين باعك لجل يشري شخـص ثانـي

..

واعي

..

المفارق عنْـك لا يعنـي ضياعـي
والمعيشه معـك لا تعنـي متاعـي
في كِلا الحاليـن مـا تفْـرق لأنّـي
واعي ٍ لا رِحْت .. ولاّ جيت واعـي
أدري انِّي حيّ بِـك .. والاّ بدونـك
وانت جزء من الحياه ولِك دواعـي
بس ما يعني وجـودك فـي حياتـي
إمتثالي دوم لامْـرك.. وانصياعـي
لي طريقي.. وانت والله واختيـارك
يا ابتعادك عن طريقي ..يا اتّباعـي
إقتنع في كـل مـا اسـوّي واقولـه
عقبها شوف انطباعك .. كانطباعي؟
ولو تحسّ الإختـلاف بـردّ فعلـك
لك طباعك يا عزيزي .. ولي طباعي
يعني لو إنت اندفاعي في شعـورك
في شعوري ما ني مثلـك إندفاعـي
باقتناعي لا عشقت اعشـق وطبعـاً
لا كرهت اكـره بكيفـي واقتناعـي
ذا أنا من يـوم مـا ربـي خلقنـي
فطري باحساسي ولاَني باصطناعـي
عاطفـي جـدًا .. وكلّـي شاعريّـه
وانطوائي كثير وشـويّ اجتماعـي
وانت بس ارجوك لا تزعـل وقـدّر
مثل ما اراعي.. لزوم انّك تراعـي
يعني لو ما كنت احبك .. لا أهـزّك
خلك أقوى من كلامي.. وامتناعـي
كلمتين .. وقلتها لـك ألـف مـره
بس شكلك ضقْت من كثرة سماعـي
قلت: "لو أقدر أحبك كـان احبـك"
البلى انّ الحب ماهـو بْمُستطاعـي
ليت والله تطلـب اللـي أستطيعـه
لجل تبقـى دوم مسموعـاً مُطاعـي
فالسموحه كـل شـيّ الاّ شعـوري
مو لأيّ انسـان شفّـي والِتياعـي
وانت أكيد انّك بتلقـى فـي حياتـك
من ينسّيـك بوصالـه .. إنقطاعـي
والحيـاه بتستمـرّ وشـي طبيعـي
لو تجي تسحب ذراعك من ذراعـي
ما أموت من المفارق وانت تـدري
وش بقول انْ جيتني ناوي وداعـي
بختصار انْ غبْت يالطيّـب.. تأكّـد
المفارق عنْك .. لا يعنـي ضياعـي


...


المال والعذّال

..

إفتراق الأيدي وقطْـع الأواصـر
غربةٍ .. مابعدها بتشوف غُرْبـه
والله ان الحب في الوقت المُعاصر
عيّش العشّاق في ضيقه وكُرْبـه
الهوى زعزع حكومات وقياصـر
جنّته فالسِّلْم تشبـه نـار حرْبـه
والمحب انْ مالقى دعم ومُناصـر
والله الاّ يروح من يومه فْشُرْبـه
أربعة أشهر وانا قلبي مُحاصـر
في رِجا خلّي واكون انّي بقُرْبـه
لكن الله ما كتب .. والحظ قاصر
إفترقنا .. وكلّ منّـا راح درْبـه
واشترك بفراقنا عـدّة عناصـر
أشهد انّ المال والعذّال .. ضَرْبه
كنّه البيرق وانا الفرعون ناصـر
أجْدر الشعّار فيه .. ولا ظفرْ بـه

...

سيرة الحب


..

ليـش مستغـرب وتـزعـل يــوم ادوّر عـنـد غـيـرك
"قلـب واحسـاس ومشاعـر" صـرت فاقدهـا مـعـك
لا تحاسبنـي .. وحاسـب نفسـك.. وحكّـم ضمـيـرك
لــو أجـدْهـا مـعْـك .. مـانـي ْمــدوّر .. الاّ باتـبـعـك
كنـت أقـول: الحـب يـوم انّـه رمانـي فــي مسـيـرك
نفـسـه الـلـي فـيــك ضيّـعـنـي .. وفـيـنـي ضـيّـعـك
والقليـل اللـي أحـسّـه مـنْـك.. يغـنـي عــن كثـيـرك
صـرت ماحسّـه.. كأنّـي لــو أجـوعـك مــا اشبـعـك
قلت: اثيـرك .. كيـف؟ مـدري.. المهـم انّـي أثيـرك
قـمـت اســوّي كــل مــا يرضـيـك.. حـتــى أقـنـعـك
والبلـى مـا نلْـت يـاخـي مـنْـك .. فـيّـك أو هجـيـرك
موقـعـك.. مهـمـا أســوّي مـعـك.. نفـسـه مـوقـعـك
غامـض احسـاس وبليـد ْمـن اوّلـك حـتـى أخـيـرك
مــا تحسّسـنـي ْبـوجـودي .. مــا كـأنّــي مطـمـعـك
صرت اشكّ اصـلاً بأنّـي كنـت فـي لحظـه عشيـرك
ومثـل هــذا الـشـك .. مـابـه شــكّ .. والله يمنـعـك
ضقـت .. حتـى مـا بقالـي غيـر اجيـك وأستشيـرك
كيف تبغاني أسولـف فيـك .. اشوفـك .. أسمعـك !!
حسّ فيني شويّ .. تكفى .. شوفني كيف استجيرك
حــاول انّــك تثـبـت انّــي سـاكــنٍ بـيــن اضـلـعـك
أعطنـي مـن بعـض مـا أعطيـك .. تلقانـي أسـيـرك
خلنـي أقـصـى طمـوحـك .. وإنــت أشّــر بإصبـعـك
آآآه لـو أقـدر أعيـرك بعـض احاسيسـي.. لاعـيـرك
والله ان يـنـزف نـزيـف الــدمّ - لجـلـي - مـدمـعـك
يمكـن انّـك لـو تعيـش الجـرح تعـرف قـدْر طـيـرك
تـعـرف الـلــي لـــو وجـعـتـه .. مايـفـكّـر يـوجـعـك
لجـل ذلـك مـا اقـدر آجامـلْـك .. واستحـمـل نكـيـرك
فـوق هـذا.. مـا اسمـح لنفـسـي أخـونـك واخـدعـك
باتركـك .. وان كنـت بابقـى رغـم فرقانـا ضريـرك
وانـت خـلّ اهمـالـك لشخـصـي .. وشغـلـك ينفـعـك
دام ربّـي ماكـتـب يجـمـع مصـيـري مــع مصـيـرك
يـقـطـع الله سـيــرة الـحــب ورجـــاه .. ويقـطـعـك
ناوي ارحل وانـت ماقصـرت بـي .. مكثـور خيـرك
وادْع بالتوفـيـق لـــي .. مـادمــت جـــاي اودّعـــك
لـو مـعـك قـلـب وتبيـنـي.. مارحـلـت لـحـدّ غـيـرك
كيف معـك اقضـي حياتـي .. وانـت قلبـك مـو معـك

...

فتـاة عرعر

..

يامشاعـل موتـك مــن الـبـرد يمـكـن فـيـه خِـيـره
طالما من الفقـر مِتـي قبـل مـوت البـرد .. جـوع
فـي زمـان البـذخ الاعمـى والمـزايـن والعشـيـره
والغـلا .. والنفـط سعـره مـن طلـوعٍ فـي طلـوع
مابقـى لـك فـي ربـوع وخارطـة شبـه الجـزيـره
غـيـر قـبـرٍ .. يتّـسـع لــك يــوم عافـتـك الـربـوع
نعـمـه .. انّ قبـورنـا مـجّـان .. والتـربـه وفـيــره
ولاّ كــان امْــداك جـثــه هـامــده مـــدّة اسـبــوع
مــن "15 شـتــاء".. وعيـشـتـك عـيـشـه مـريــره
مدري جلدك نوع؟ واحْنا جلودنـا مـن غيـر نـوع
الحـراره صفـر واحْْنـا صفـر واصفـارك كبـيـره
وكـل صفـرٍ منـك فـاق اصفـارنـا قــدْر وطـبـوع
يامشاعـل.. بـرد عرعـر مـادرى عـن زمهـريـره
مـن ينـام اللـيـل بفـراشـه عـلـى ضــيّ الشـمـوع
تـحـت سـقـف الغـرفـه ودفايـتـه جـانـب سـريـره
وانتـي سقفـك "صندقـه" وشْموعـك آلـت للميـوع
إنطفيـتـي وانطـفـت أحـلامـك الـعـذرا الصغـيـره
لكـن اشعلتـي بمـوتـك نــار .. واذرفْـتـي دمــوع
صكْصكَة أسنانـك مـن البـرد فـي الليلـه الأخيـره
غيـر موتـك .. مـا لقـت لصـراخ صكتهـا سمـوع
كـنّـك الاّ تحتـريـن الشـمـس فــي عــزّ الظهـيـره
لجل يُصهر من جسدْك الثلج .. ويخـفّ الصقـوع
لـيـت بامكـانـي اســوّي شــي واعــذاري كثـيـره
لكـن الشكـوى علـى الله .. مـا لتوديـعـك رجــوع
ذنبـك إنّـك مــن نـتَـاج الفـقـر والـحـال الكسـيـره
وعذري اني شخص يسكت خوف ويجيد الركوع
لا غـــدى الـكـرتـون بطّـانـيّـة الـنــاس الـفـقـيـره
موتـي مـوتـة عــزّ راسٍ غـيـر قـابـل للخـضـوع
طالـمـا تقصرعـيـون الـنـاس والأيـــدي بـصـيـره
والله ان البـرد .. بـرد احسـاس لا بـرد الضلـوع

..


أمان ياربي أمان

..

قال: لا يغرّك جمال الشكل .. أو سحر العيـون
الجمـال الصـحّ .. أخـلاق.. وذرابـه.. واتــزان
قلـت: هـذي جُملـه اكثـر مـن يـردّدهـا الشـيـون
وانـت أخلاقـك جنـان وشكلـك اكثـر مـن جنـان
قـال: اجـل تتوقـع انّـي دايـم "الأحلـى" بـكـون؟
قلت: اكيد بعيني انت "الاحلى" في كـل الزمـان
قال: اذا شيّبت بكره وصار لونـي .. غيـر لـون
قلت: صدقّني لو انّك شيـب .. عمـرك مـا يبـان
قــال: لا .. مسّختـهـا ..والـعـاده انـتـم تكـذبـون
قلت: من تقصد ب"إنتم" محَد غيري بذا المكان؟
قـال: أقصـد كـل شاعـر فيـه مـسّ مـن الجنـون
قلـت: بسـم الله علـي انسـان مانـي حـول جــان
قال: بطّل.. قلت: أبطل إيش؟؟ يـا أحلـى حنـون
قـال: بطّـل تاكـل بعقـلـي حــلاوه بـهـا اللـسـان
قلت: لا والله أقول الصدق واحسن بي الظنـون
بس انا محتاج وقت .. فعطني مـن وقتـك ثـوان
إجتمعـنـا ذات مــره .. للـدراسـه فــي شـئــون
الـحـلاوه .. والنعـومـه.. والـذرابـه.. والحـنـان
وبعـد تفكيـر ومشـورة كـل مـن هـم يبخـصـون
وبعـد عــدّة إجتمـاعـات.. ونقـاشـات.. ولـجـان
وبعد حكْيي عنْك وانت الحكيَ عنّك ذو شجـون
تــمّ إصــدار البـيـان التـالـي .. فاسـمـع للبـيـان
إنـت أسبـاب البطـالـه.. والجريـمـه.. والـديـون
وانحراف اخلاق هـذا الجيـل .. والله المستعـان
إنتشـار الخمـر.. والسـمّ المـخـدر.. والمـجـون
وانهيار السوق .. والإرهاب .. وانواع الهـوان
إنـت لـولاك إنـت ماكـان امتلـت كـل السـجـون
دامــك اسـبـاب المشـاكـل وامتحـانـك إمـتـحـان
الخـلايـق طايحـيـن فبعـضـهـم ذبـــح وطـعــون
وكل من كانوا اخوان الحيـن مـا عدْهـم اخـوان
يـامـفـرّق فـــي عـلاقــات الأهـالــي والـبـنـون
كل هذا إنت تدري ليه صـار ؟؟ ومـن عشـان؟؟
صـار باسبابـك عشانـك مــوت وفتـونـك فـتـون
تقـدّر تسـوّي بقلـوب الـنـاس حـفـل ومهـرجـان
شوف لامن جيت تمشـي فـي شوارعهـم بهـون
خلـق تتحـاذف علـيـك مــن الحـلـى والهيلـمـان
واجـهـزة أمـــن الـبـلـد مستـنـفـره بالمـكـرفـون
"أخلـوا الشـارع عشـان يمـرّ عـود الخيـزران"
وانــت مـــا تـرتــاح إلاّ لا لـبـسـت البنـطـلـون
لجـل تسمـع عـن طــلاق فـلانـه ومقـتـل فــلان
يـا امبراطـور الحِسـان البيـض كـان الله بـعـون
كـل مـن عـاش بزمانـك يـا امبراطـور الحِسـان
الحلـى لــو كــان جنسـيّـه .. فخـلـق الله بــدون
وانت وحدك تحمـل الجنسيّـه.. وخذًهـا ضمـان
لـو تـروح ل"تركيـا" أرض الطبيعـه والـزيـون
صاحوا من شوفـة حـلاك "أمـان ياربـي أمـان"


...


الصــدمه

...

يـا صدمتـي فـي أكثـر احبابـي .. ويـا خيبـة ظنونـي
يا ضيق صدري .. لا ذكـرت انّـي عليهـم مـا كذبْـت
يـا طعـنـةٍ خلتـنـي انـسـى مــن سبايبـهـا .. طعـونـي
يـا جـرح مالـه طـبّ حتـى لـو أقـول:- اليـوم طـبْـت
البارحـه والله يكـون بـعـون احاسيـسـي .. وعـونـي
أحــاول اهــرب مــن عمايلـهـم ولـكـن مــا هـربْــت
ما كنت احسّ انـي أنـا أنـا .. وهـذا الكـون .. كونـي
أمُـرّ فـي حالـة ضيـاع .. وشبـه غيبـوبـه .. وكـبْـت
أحباب!! أي أحباب ذول اللـي علـى موتـي خذونـي
الظاهـر انـي شبْـت .. ياعالـم .. وانـا مـا بعـد شبْـت
سألـت نفسـي هُـم يبونـي صــدق؟؟ ولا ّ مــا يبـونـي
أجـبْـت نفـسـي وليتـنـي عـلـى سـؤالـي مــا أجـبْــت
اللـي لهـم مُــدّه وهــم فــي داخـلـي .. واستغفلـونـي
يـامـا استغـلـوا طيبـتـي معـهـم وكــل الـلـي وهـبْـت
وهبتهـم قلبـي.. وشعـري.. وكلـمـا حـولـي ودونــي
تعـبْـت معـهـم بــس مــا كـنّـي رغــم هــذا.. تعـبْـت
شعـرت فـعـلاً بالـعـذاب.. وغـصّـة الـدمـع بعيـونـي
قرّبتـهـم مـنّـي وانــا الـلـي كـنـت احسْبـنّـي قـربْــت
عشانهـم قــررت ابـيـع الـلـي مــن العـالـم شـرونـي
عشـانـهـم بـطّـلـت لـعــب .. ولـيـتـنـي والله لـعـبْــت
مادامهـم مـا قـدّروا صدقـي .. ومعـهـم جرجـرونـي
لـو ادري آخرهـا كـذا .. مـن أول الـدرب انسحبْـت
أحبابهـم واجـد .. ولا ادري ليـه بالـذات اخدعونـي؟
مع ان عمـري مـا خدعـت انسـان .. أو حتـى قلبْـت
يـا قوّهـا صدمـه .. وانـا لـون الغـدر مـاهـو بلـونـي
وربّـي مــا أنــلام لــو بـعـد الــذي ســوّوه .. غـبْـت
ماكنت ناقص صدمه اخرى في حياتـي واصدمونـي
مصـدوم خِلقـه .. ليـن مـات الحـب فينـي وانعطبْـت
الحيـن مـدري كيـف اعاملهـم .. وهُـم مــا قـدّرونـي
ما استوعبوا للّي كتبْـت مـن الجـروح .. ومـا كتبْـت
الله يجازيهـم عـلـى استنـزافـي .. وحـرقـة جفـونـي
مـا كنـت حاسبهـم يبيعـون الغـلا .. يـومـي حسـبْـت
اثْــر الغـلـط مـنـي لأنــي كـنـت اسلّـمـهـم جـنـونـي
لكـنّـي أعلـنـهـا صـريـحـه "تـبْــت والله ثـــم تـبْــت"
مـا عـاد لــي رغـبـه أجــدّد فــي علاقتـهـم طعـونـي
خسرت في هذا الطريق اضعاف ضعف اللي كسبْت
أحسن لي ابعد واشتري نفسـي .. ولا خيبـة ظنونـي
إن طبْت من جرحي .. وإلا ّ.. جِعْلِني ما يـوم طبْـت

...

آنسات وسيدات المجتمع

..

مــع احتـرامـي ْلآنـسـات وسـيّــدات المجـتـمـع
حبيـبـتـي عـنــدي وبـــس الآنـســه والـسـيّـده
هـذي قناعـه واجــب انّــه يحترمـهـا المستـمـع
حـتـى ولــو مــا كـانـت ْبـرأيـه قـنـاعـه جـيّــده
أنـا ومـع كــل النـسـا اطـبّـق سيـاسـات القـمـع
لكـنّـي اضـعـف يـالـربـع قـــدّام بـنــت وحـيّــده
مدري هي احلى من خُلق او انّي اطمع من طِمَع
الـزبـده ان البـنـت هــذي فــي حـشـاي ْمعـيّـده
يا هي عبـاره عـن خليـط مـن الفواكـه والشمـع
أحـلـى مـجـسّـم إمـــرأه سـبـحـان ربّ ٍ شـيّــده
مـالا تشـوف العيـن أو حتـى مـع الإذن انسمـع
حاجـه تجيـب العيـد فــي قـلـب الـرجـل وتقـيّـده
حاولـت اجمّعـهـا بعيـونـي والبـلـى مــا تنجـمـع
صــوره تـفـكّ الأنسـجـه.. والكنـتـرول ْ تـبـيّـده
يامـا شكـن منهـا البنـات وسـال مدمعهـن دمــع
لا حـاولـن تقلـيـد بـعـض اوصافـهـا المتـسـيّـده
أجمـل جميـلات البشـر والشاعـر اللـي قـد لمـع
نجـمـه.. مطـيّـح عـنـدهـا والعـاطـفـه تتـصـيّـده
الـرأي رأيـه والنتيجـه نـاس ضـدّ.. ونـاس مـع
يـعـارض الـلـي عـارضـه ويـأيّــد الـلــي أيّـــده
يقـول:- مافيـه آنـسـه أو سـيّـده فــي المجتـمـع
حبيـبـتـه عـنــده وبـــس الآنــســه والـسـيّــده
وعـنـده بـعـد كلـمـه يـبـي تقديـمـهـا للمسـتـمـع
يـقـول لــه: قــل للبـنـات " مْحاولتـكـم جـيّـده"

...

إعتبرني مرحله

..

أنــت لا طـقّـت بـراسـك (حــب) جـيـت تحبّـنـي
وغبت لا من طقّت براسك (غياب).. وما التقيك
ياخـي.. إمـا تحتـفـظ بــي صــح ّ.. ولاّ.. ذبّـنـي
ما انـت مجبـور ٍ علـي.. ومانـي مجبـور ٍ عليـك
شاطـر انـك بـس مـن وقــت ولـوقـت.. تشبّـنـي
وتنبسط لا صرت انـادي: واللـي يرحـم والديـك
حـس فينـي.. لـبّ احاسيسـي ونــداي.. ولبّـنـي
شوف انا وشلون صرت امـوت.. وتعلّقـت فيـك
كـنّ قلبـي حالـفٍ: مــا غـيـرك انــت .. يطبّـنـي
ْفـلا تعلّقنـي كـذا .. مــا بـيـن احـبـك واحتـريـك
خلّنـي بينـك وبـيـن الـصـدر اعـيـش.. وخبّـنـي
ولا تطلّعنـي.. لانّـي لـو طلعـت اصـلاً .. باجـيـك
لا تجامـلـنـي بـوجــه.. ومــــن وراي تـسـبّـنـي
ولا تسوّي لي (متيّـم) .. وانـت تخفـي مـا لديـك
مــا انــت نـاقـص تربـيـه حـتـى تقـلّـي: ربّـنـي
وانـت مثبـت لـي مـن اول.. تربيـة أمـك وابيـك
لـو انــا مـانـي بكـفـوَ.. اتركـنـي عـنـك وكبّـنـي
واعتبرني مرحلـه.. واغسـل مـن الرجعـه يديـك
يعنـي لا طقـت براسـك "حـب" .. لا لا تحبّـنـي
مـا اعتقـد لا غبـت بعـد اليـوم .. ممكـن ألتقيـك

..

جرح الخيانه

..

يعني من قلّ المصايب صاب هـذا الصـدر ضيـق
ولاّ يعـنـي مــن حــلاة الـحــظ وعْـلــوّ المـكـانـه
ذي حياتي من مضيقٍ .. في مضيقٍ .. في مضيق
ولـو بحثـت الصبـر فينـي مـا أجـد للصبـر خانـه
عادتي .. لا ضقت ادوّر حضـن وعيـون الرفيـق
مشكله .. لا صار ضيقـي منـه واحزانـي عشانـه
يوم قال: اسمح لي برجـع وانـت كمّـل هالطريـق
لازم تـقـدّر .. وتنـسـى .. ننتـهـي كــل ٍ وشـانــه
قلت: صبـرك .. يرحـم الله والدينـك .. مـا أطيـق
ماني ناقص فوق جرح اقدارنـا .. جـرح الخيانـه
حاجتـي لـك حـاجـة الأيـتـام .. وايـديـن الغـريـق
طالبك طلبه .. ترانـي أعشقـك .. صُـون الأمانـه
وراح مــا كـنّـه سمعـنـي والتـفـت لـفـتـة طـلـيـق
وقـال: أخيـراً مـا بغينـا .. وللفـراق اطلـق عنانـه
عنـدهـا أدركــت فـعــلاً قـيـمـة الـحــب العـتـيـق
وقلـت: هـذي آخرتهـا .. مـا تـجـاوزت امتحـانـه
ضيق صدر وجرح قلب ودمع عين ونشْـف ريـق
هـذا كـل اللـي جنيـت ومـا قـدرت اجنـي حنـانـه
أستـر لنفسـي أعيـش بضنْـك واحــزان وحـريـق
ولا أمـوت مـن القهـر وتكـون موتتـهـا .. جبـانـه
طالمـا بينـي وبيـن الـمـوت .. مــا حـاجـه تعـيـق
غير خوفـي مـن غضـب ربـي وانـا مُسلـم ديانـه
يارقيق الشكل .. وش خليت لاحساسـي الرقيـق؟
كـود صـدمـه .. نـارهـا نــار .. ولعانتـهـا لعـانـه
لا نويـت امسـح جميـع اوراقـي الأولـى .. أفيـق
وانصدم في واقعـي المُـزري وفـي قسـوة زمانـه
مدري .. كنّّ الحزن فيني شاف لـه نِعـم الصديـق
مـدري .. يمكـن كنـت فعـلاً كفـو للحـزن وتكانـه
والـفـرح .. كالـثـوب لـكـن يـبـدو انّــه مــا يلـيـق
دام لبْـسـه لايّ خـاسـر مــا وراه .. الا الإهـانــه
آآآه ياحزنـي ترفّـق .. صاحـبـك جـرحـه عمـيـق
أشهـد انّــك يارفـيـق العـمـر .. طيّـحـت الميـانـه
مثلـي مثـل اللـي يراهـن خلْـق ربّـي فـي عشـيـق
والبلى راهـن .. ويـدري خاسـر العشـق ورهانـه
ويعني من قلّ الخساير صاب ذاك الشـاب ضيـق
يكفي .. لا هالوقت وقته .. ولا مكانه هـو مكانـه

..

مسئوليّتي

..

الواجب انّـك لا تعدّيـت الحـدود وطفْتهـا
أقلّ حاجه تحتـرم نفسـك وتحشـم جيّتـي
جوانبي الأخرى تـرا للحيـن ماقـد شفْتهـا
فالأفضل انّك تتقي شـري.. وتأمـن سيّتـي
كنت احسب انّك فاهم ْلشخصيّتي وانصفْتهـا
أثْرك إلين اليوم ما انـت بفاهـم ْلشخصيّتـي
أجل!!.. ألاعيبـك إذا ويّـاي.. مـا خفّفْتهـا
عقليّتك.. وشلون ترقـى لمستـوى عقليّتـي؟
ياهي كثير اشياء صارت منْك ما استلطفْتهـا
أقلّها كذبـك.. وانـا فـي عـزّ مصداقيّتـي
واخطاء لا يمكن تطوف .. برغبتي .. طوّفْتها
حتى أبيّن لك مـدى صدقـي وطيبـة نيّتـي
ياخي انا كل المشاعر لجلـك .. استنزفْتهـا
وانت (ف) برودك للأسف.. قتلت رومنسيّتي
حتى أحاسيسك عشاني .. مـا بعـد كلفْتهـا
ما كنّك انت اللـي ورى تحطيمـك ْلنفسيّتـي
أطالب بكامل حقوقي منْك .. وانت اجحفْتهـا
تقول كنّي من ال"بـدون" اطالـب بجنسيّتـي
خلّيتني مصدوم فيـك وهقوتـي .. اخلفْتهـا
واصبحت فاقد شيء مـن طبعـي وتلقائيّتـي
يعني ترا عفويّتي من تحت راسك .. عفْتهـا
مع اني واحد دوم احـب اتعامـل بعفويّتـي
لكنّي أتلفـت العلاقـه.. مثـل مـا أتلفْتهـا
مـا دام إنسانيّتـك .. ماهـي .. لإنسانيّتـي
أبشر .. وانا اللي دمعتي لليوم مـا كفكفْتهـا
إنّي لاعلمْك البكا .. واثبـت لـك استاذيّتـي
واجعلْك قصه من صميم التجربـه.. ألّفْتهـا
دفعت فيهـا كبريـاء احساسـي.. وحنيّتـي
صدقني .. حاولت آتغاضى والعواقب.. خفْتها
لكني اخشى لو تطيح بنـاس مـن نوعيّتـي
إحساسها مرهف.. ولو حاولت واستهدفْتهـا
ماني بساكت.. وانتبه من سخطـي وسلبيّتـي
أفعالك اصلاً لامسَت شخصي وانا صرّفْتهـا
وشلون اصرّفها.. إذا هي لامسَـت قوميّتـي
تستاهل انّك تنجحد مـن نـاس مـا شرّفْتهـا
واوّل ترددت اجْحدك ..والحيـن بامكانيّتـي
ما دامك ْتعدّيـت ويّـاي الحـدود ..وطفْتهـا
غسلت يـدّي منّـك.. وأخليـت مسئوليّتـي

..

نسبه

..

حلمت انّي أصير انسـان مستثمـر وكـاش
وشفت طفرة سوق الاسهم قلت: فرصه واسنحَت
ويعني ياخي لي متى؟ وانـا اتحـرّى للمعـاش
خلّ اخشّ السوق غيري ناس خشّت .. واربحَت
خذْت قرض وقمت اضارب فالقيادي والخشـاش
وجا على وجهي انهيار السوق ويدحـدر تحَـت
قلت: يمكن فترة التصحيح .. وتاليهـا انتعـاش
طالـت المـدّه علينـا .. والدراهـم روّحــت
ليتني أقدر أبيع وبعـت .. لـو حتّـى بْبـلاش
البلى انّي ماقدرت وليـت الاسهـم .. صححَـت
كل يوم امرّ اشوف المحفظه حمـرا .. ومـاش
يبدو ان الوضع مُـزري .. والأمانـي إنمحَـت
مابي الاّ راس مالي وتوبـه ماعِدْنـي بخـاش
واضح انّ السوق لعبه .. والهواميـر افلحـت
معظم الشعب السعودي طاح .. والهيئة طنـاش
جتْ على روس الصغار وفلّستهـم .. واذبحَـت
ما كأنّ الوضع إلاّ حلقـه مـن حلقـات طـاش
وشهر فبراير نحسّه شهر مأسـاوي .. بحَـت
إبتلشْنا .. واشهد انّـه كـان شـرّ الابتـلاش
لا القوانين انصفتنـا .. ولا الأمـور توضّحَـت
مالنا ياكود ربّي ثـم ابـو متعـب .. وعـاش
المليك اللي على يـدْه الموازيـن .. ارجحَـت
ننتظر فرض القـرارات السليمـه .. والنقـاش
صلّح فْبعض الأمور .. وبعضهـا مـا تصلحَـت
هذا انا لي حول عام ولايـزال الوضـع مـاش
وحالتـي مثـل المؤشّـر قفّلـت نسبـه تحـت

..

تجي يارب

..
على الموعد بلهفـه جيـت لا مانـع ولا تأخيـر
لفيت من العصر هايم مع ان الموعـد المغـرب
وجتني بس انا مدري شعرت الجيّة هـذي غيـر
وهي تقرب من عيوني شعرت ان الممات اقرب
وقلت الله يهوّنها عسى فـي جيّتـك لـي خيـر
انا من شفتك أقبلتـي وانـا خايـف ومستغـرب
على كثر الحكي مـدري كأنـه خانهـا التعبيـر
وقالت لي جمل وأشيـاء لا تكتـب ولا تعـرب
هدَت فجأه.. تطالعني وأنا فـي حاجـة التفسيـر
لجل نحكي بهدوء اكثر سألت: الحلوة وش تشرب
فصاحت بي انا احبك ولك في هالحشـا تقديـر
وتدري ان المثل فينا وفـي احساسنـا يُضـرب
صحيح انّك وفي وانّك بري من تهمـة التقصيـر
ولكن ذي عوايدهـم مـن ايـام وزمـن يثـرب
تكون البنت لابن العم ورغبـات الكبـار تصيـر
وتدري الاقربون اولى .. مع انك للخفوق أقرب
وتدري للقـدر كلمـة.. لعـادات الأهـل تأثيـر
لذا أرجوك تتركني وانـا مـن دنيتـك باهـرب
شعرت بحكيها كنّـه قصـاص وامـر بالتعزيـر
شعرت الدنيا ضاقت بي من المشرق ليا المغرب
مشت خلّت وراها طفل ما يـدرك وش التدبيـر
يحسب ان الغرام اشعار شاعر واغنيـة مطـرب
ضحكت وماقدرت اني ألاقي لضحكتـي تبريـر
من اللي بوقتنا مرّه ضحك مـن لدغـة العقـرب
رفضت أستوعب اللي صار ولا استسلمت للتغيير
ثمان سنين اجي نفس المكـان بحـزة المغـرب
برغم ان الثمان سنيـن جـرح وكلّفتنـي كثيـر
أنا لليوم اجي وادعي.. تجي يارب .. تجي يارب

..

يا مدلـّـعه

..

يامدلّعه.. لاتدّعين الضيق .. وانتـي فـي سعـه

الضيق للي ما اتّسع له صـدر محبوبـه لضـاق
القلب نفسـه عنـد متبهـذل .. وعنـد مدلعـه

الفرق في صدق المشاعر.. والأحاسيس الرقـاق
الله ياكم لـي وانـا منـك الوفـاق .. استطلعـه

والحين .. لا إنتي .. ولا قلبك .. ولا حتى الوفاق
آخر حكايـة حـب وأول جـرح كنـت اتوقعـه

اللي برواق تحبني.. تقـدر تفارقنـي.. بـرواق
إحساسك أصلا ما يناسبنـي.. وانـا مـا انفعـه

ما دام لي مبدأ .. ولك رغبـه بتغييـر الرفـاق
الناس قالت: من يبيعك واشترى غيـرك.. بعـه

لا تلحق اللي منك ما يستاهـل اسبـاب اللحـاق
إختـرت امـوت ولا يقولـون الخلايـق: إمعـه

وأخترت افارق.. والصدق يا كره كرهي للفـراق
اصبحت مثـل اللـي يـدوّر للجهـات الأربعـه

راح الجهات الأربع.. ومازال في نفـس النطـاق
المشكلـه .. ودّه يفضفـض ميـر كـلٍ يصفعـه

من حيث ما وجّه بوجهه .. للاسف يلقى طـراق
الحـزن يجتاحـه وشكّـل فـي حياتـه زوبعـه

وإحساس باهمال الجميع.. يضاهي إحساس المعاق
الظاهر إن الناس في قلـب المـو اجـع مبدعـه

والظاهر إني صرت ممّن.. لا يطيق .. ولا يُطاق
الحب.. من ذا اللي يقول: الحـب دنيـا ممتعـه

في ذمّتي ما يقولها لو كـان ممّـا ذقـت .. ذاق
إن شاف نفس اللي اشوف.. وما سمعته يسمعـه

يختار له نار الفراق .. ولا يجـي جنّـة عنـاق
العاشق اللي ما معـه غيـر إ نتفاضـة مدمعـه

الله يكون بعون قلبـه .. واحتراقـه .. إحتـراق
إن جيت تلقـى حالتـه حالـه وشبـه مضيّعـه

أحيان يتنفس ولكـن أغلـب الحـال .. اختنـاق
إنهد حيله.. وإنجرح .. وإحتاس فـي هالمعمعـه

محتار ما يدري على ويش الزعـل والإنشقـاق
إنصـب تفكيـره علـى (مـاذا وراء الأقنـعـه)

مسكين كان آخـر ضحيّـه للخيانـه .. والنفـاق
الحين يا ضدّه تكـون النـاس .. ولاّ يـا معـه

ما يعترف بالأوسطيّـه .. و الثقـه .. والإتفـاق
أرثي لحاله عندما يكتـب علـى الرمـل اصبعـه

(هذي نهاية ما يسمّونـه .. محبّـه وإشتيـاق)
الصدمه اللي سبّبـت هالحـال .. جـدا موجعـه

أشبه بصدمة أمّـة الإسـلام فـي أرض العـراق
مجنون ليلـى يتبـع أهـواءه .. وحنّـا نتبعـه

يعني انا وآلاف غيري .. نندرج ضمن السيـاق
الصدق .. لو همّ الرجـل فـي كلمتيـن ٍ تقلعـه

ما تمنعه أحيان .. كلمـة (يبغـض الله الطـلاق)
السالفـه أكبـر مـن انـه يمتنـع .. او تمنعـه

ما دامت الدعوه.. مصير إنسان مربـوط بوثـاق
إن حبّ ..حـبّ.. الله يعينـه والحشـا متولعـه

من وين ما قلبه يسوقه من ورى خشمـه يسـاق
الود ودك.. لا وصـل للوضـع هـذا .. تقنعـه

(مهما إستمر الحب.. يبقى آخر الحب .. إفتراق)
أكبر غلط لـو شخـص متبهـذل يحـب مدلعـه

والبنت.. ما تقدر توسّع خاطره لو يـوم ضـاق


...


القبطــــان

..

صيف هذا العام أسوأ صيف عشته في حياتـي
باختصار اكثر .. مررت بمرحله جدا حزينـه
كنت عايش في صراع كبير من ذاتـي لذاتـي
كنت ضايق .. واشعر انّي بعد ضيّقت المدينـه
كنت اخطّط وانتظر صيف السنه هذي واحاتـي
لجل اعيش اجمل إجازة حب مـا بينـي وبينـه
الحبيب اللي مـن اول كـان أجمـل ذكرياتـي
وصار أبشع ذاكره في داخـل اعماقـي دفينـه
والله اشوى لو صدمني فجـأه بغيـر امنياتـي
ولا أموت بأمنياتي غـدر مـن طعنـة يمينـه
ضيّق الدنيا بعيني صدق.. واحتـرت بجهاتـي
كنت أشبه مـا أكـون بحـال قبطـان السفينـه
لا ارتفع موج البحر والريـح هبّـت والتفاتـي
كان عكس الإتجـاه اللـي يحسّـس بالسّكِينـه
راكبين اثنين عرض البحر والمركـب مؤاتـي
للغرق .. أو .. واحدٍ منّا يضحّي عـن ضنينـه
يعني كان الحل واحد .. يامماته .. يـا مماتـي
البلى في ناتج الحلّيـن.. امـوت مـن الغبينـه
قال: ويش الحل؟ قلت: التضحيه من واجباتـي
لازم آضحّي عشان اعطيك بعـض الطمأنينـه
قال: إفرض لو خذاك البحر.. قلت: اعلن وفاتي
قول: مات فلان لجل اعيش .. والمولى يعينـه
قال: طيب.. لا رحلت شلـون بتهنّـى مباتـي
قلت: فكّر في رجوعي بس .. وانطرني لحينـه
وانتبه تنسى و تكفى كل شـي الا .. وصاتـي
إنتبه للقلب تكفى .. قـال: فـي أيـدي أمينـه
قمت اودعْه بْسكات ودمعتـي تشـرح سكاتـي
وماذبحني ضيـق إلا يـوم انـا اقبّـل جبينـه
وارمي نفسي للبحر واختلّ في موجه.. ثباتـي
والبحر لبعيد اخذْني وصرت لامواجـه رهينـه
لكن الله مدّ في عمـري.. ونجّانـي بصلاتـي
ما وعيت الاّّ وانا مابين شـطّ .. وبيـن طينـه
والحبيب اللي نجى .. ماكـان متوقـع نجاتـي
جيت من بعد الغياب المُر.. ادوّر عـن حنينـه
ما لقيته في المدينه وانشغل بالـي .. واحاتـي
ورحت من باب انشغالي اسأل الجيران.. وينه؟
قيل: سافر في إجازة حـب دام الصيـف آتـي
جاه غيرك ياخـذه مـن قبـل يوميـن بْيدينـه
وقتها دنّقت راسي حـزن .. حسيـت بشتاتـي
وقتها حسيت نفسـي طفـل .. أهلـه بايعينـه
وش حصل لابن اللذينا؟ ولاّ انا وش هي سواتي
مـا تقـول الاّ كأنّـي ذابـحٍ لـه .. والدينـه
ذا وانا اللي لجل عينه مـا بخلـت بتضحياتـي
والقهر .. لابارك الله فيـه .. مـا بيّـن بعينـه
دام حتى ما حفظ لي عشرتي واحسن جزاتـي
ويش برجي منه؟ لابـو عشرتـه.. لابوسنينـه
كان هذا احساسي اللي دوم اعيشه وسط ذاتـي
ولاّ انا ما جيت بحر ومانـي قبطـان السفينـه
بس انا اللي كنت اخطط لجل احقـق امنياتـي
في إجازة صيف ضاعت غدر من طعنة يمينـه
رحت بيتي.. مـا معـاي الاّ أقلّـب ذكرياتـي
واقفل الغرفه عليّ .. وأسمـع اغانـي حزينـه
لجل ذلك.. كان هذا الصيف الاسوأ في حياتـي
لجل ذلك.. كنت أتعس شخص عايش في المدينه

...

شكــــراً

..

لـو خـسـرتـك مـا خـسـرت الـعـمــر.. والـدنـيــا مـتــاع
وادري انــي لــو خـسـرتــك مــا خـســرت .. الا قـلـيــل
بـس فـكّـر زيـن.. تـعـرف مــن خـســر فـيـنــا.. وضــاع
وتـعــرف انّــك لــو تــلــفّ الأرض .. وتـــدوّر بــديــل
والله ان تـبـطــي .. ولــو لـفّـيــت فــي كــل الـبــقــاع
ولـو تـسـوّي وش تـسـوّي مــا انــت لاقــي لــي مـثـيــل
ويـن تـلـقـى مـثـل شـخـصـي شـخـص.. وطـبـاعـي طـبـاع
وويـن تـلـقـى مـثـل قـلـبـي قـلـب.. أو مـثـلــي خـلـيــل
الـبـشــر واجــد .. نـعــم .. لـكــنّ فــرق الإنـطــبــاع
يـجـعـلـك يـمّـي تـمـيـل .. ويــمّ غـيــري مــا تـمـيــل
يــا رفـيـقــي .. إنـتـبــه.. واحـســن إلــيّ الإسـتـمــاع
لـلـمـواقــف دور فــي كـشــف الـمـزيّــف.. والأصــيــل
وانـت مـاقـصّــرت فـيـنــي مـوقـفــك .. جــدا شـجــاع
طـعـنـتـك فـي الـظـهـر فـعـلا كـانــت اثـبــات ودلـيــل
بـيّــض الله وجـهــك الـلــي سـاتــره تـحــت الـقــنــاع
ورايـتـك بـيـضــا مـعــاي ويـاعـســى عـمــرك طـويــل
يـعـنـي اعـطـيـك الـثـقــه وتـردّهــا ب(لــوي) الــذراع؟؟
يـاخـي مـا شـا الله عـلـيــك ابـدعــت فــي رد الـجـمـيــل
مـدري كـيـف اشـكـرْك مــدري كـيــف ارد الـصــاع صــاع
كـنـت احـسْـب انّـك عـزيـز الـنـفـس .. تـطـلـع لـي ذلـيـل
كــم وانــا عـيّـيــت اصــدّق فـيــك قـدرالـمـسـتـطــاع
مـن غـبـائـي كـنـت أسـكـت واعـذرك.. واثْــر الـحـصـيــل
جــرح قـلــبٍ .. مـيـزتــه فــي كــل يـــوم الإتــســاع
ودمـع عـيـنٍ يـنـهـمـر مـن ضـيـقـتـي.. فــي كــل لـيــل
والله انــي كـنــت احـبــك حــب .. واتْـبــعْــك اتّــبــاع
كـنـت لـجـل ارضـي غـرورك بـس اســوّي الـمـسـتـحـيــل
كـنـت اعـمـى فـيــك .. لالا .. كـنــت مـيّــت لـلـنـخــاع
كـنـت مـدري كـيـف؟؟ لـكـن كـنـت صـادق مـعــك حـيــل
كـنـت امـارس فـي غـرامــي لــك سـيـاســة الانـصـيــاع
وكـنــت لاغــي مـعــك فـكــرة أعـتــزل أو أسـتـقـيــل
إنـدفـعــت بــكــل مـافـيــنــي .. وســـوء الإنــدفــاع
يـجـبــر الإنـســان أحـيـانــاً .. يـفـكّــر بـالـرحــيــل
صـدمـتـي فـيـك انــت.. خـلـتـنــي أفـكّــر بـاقـتـنــاع
إن قـتــل الـنـفــس راحــه لــو أنــا كـنــت الـقـتـيــل
إنـفـجـر راســي مــن الـتـفـكـيــر.. واشـتــدّ الـصــداع
كـيـف اجـل بـافـتـكّ مـن جـرحــك ودوشــة "قــال قـيــل"
صـرت سـيـره فـي حـلـوق الـنـاس.. وتـالــي هـالـضـيــاع
"أنـتـحـر؟؟ مـعـقـول!!" يــا ألـلــه وش هــذا الـغـلـيــل؟؟
رحـمـتــك يــارب لامــن ضـاقــت امـنـحـنــي وســـاع
أنـت حـسْـبـي فـي الـزمـان الـجـايــر ونـعــم الـوكـيــل
لا غــدى "مـسـتـقـبـلــي والـمـاضــي" اطــراف الـنــزاع
وصـفـحـة الـمـاضـي سـواد وشـيء مــن هــذا الـقـبـيــل
ْفـلازم انـسـى لـجــل أنـهــي بـداخـلــي هــذا الـصــراع
ولازم اتـقــوّى .. عـشــان احـقّــق الـنـصــر الـجـلـيــل
وطـالـمــا إن الـهـجــوم افـضــل وسـيــلــه لـلــدفــاع
مـسـتـحـيـل ارضـخ لـو ان الـحـمــل يـاربـعــي ثـقـيــل
والـبـخـيـل الـلـي نـسـانـي واشـتــري فـيـنــي .. وبــاع
يــذلــف الله لا يــــردّه .. والله بــجــرحــي كــفــيــل
وان ســأل عـنّــي وجـاكــم بــعــد فــتــرة إنـقــطــاع
عـلـمــوه انّــي نـسـيـتــه بــس انــا مـانــي بـخـيــل
طـالـمـا كــان الـسـبــب فــي قـوّتــي .. قـبــل الــوداع
بـلـغــوه ْبــلا سـلامــي خـالــص الـشـكــر الـجـزيــل

..

النصيب

..

أبد .. ما جيت ابارك لك ولكن جيت باوصّيك

على اللي ناوي ٍ تدخل بها الليلـه .. مُعذّبْتـي
ترى لولا الظروف اللي عطتْك وحدّت محاكيك

قسم بالله ما تدخل عليهـا لـو علـى رْقبْتـي
ولكنّ النصيب اقوى ولا ادري ويش اسوّي فيك

نعم .. صارت معزّبتك .. ولا صارت معزّبْتي
كذا شاءت بنا الأقدار تحرمني لجـل تعطيـك

كذا لازم عشان تفوز إنت .. أخسر بتجربْتـي
تراها غاليه جـداً .. وتكفـى .. والله يخليـك

تدللهـا .. تدلعهـا .. تنسّيـهـا مصاحبْـتـي
أنا من كثر ما اغليها أحس اني بديـت اغليـك

ولا تسـأل بأيّـة حـق ولا ّ وش مناسبْـتـي
لإنك لو بتسألني بتسمع شـيء مـا يرضيـك

لذا ياخـوي لا تسـأل ولا تسمـع لأجوبْتـي
أبيك تحطها في داخل عيونـك وبيـن ايديـك

وهي دلوعه اعتـادت علـى كثـرة مداعبْتـي
فداعبها شوي شـوي حتـى تشتهـي طاريـك

وشاغبها إلين تقـول لـك: بطّـل مشاغبْتـي
واذا هي مالها خلقك..ولا تضحك ولا تسلّيـك

تحمّلها وإسألهـا: يـا عمـري ليـه عصّبْتـي
وبالك اسمع انّك يوم تضربها وهـي تشكيـك

ما يحتاج اورّي لك بفـن الضـرب موهبْتـي
صحيح انك بتملكهـا ومعـك العقـد بالتمليـك

وانا عارف حدود الله ومـن حقـك معاقبْتـي
ولكن قلّها المجنـون وصّانـي وهـو يعنيـك

يقول انّـه بينتظـرك ولـو شيّـب وشيّبْتـي
وانا مجنونها اللي ما نساها وانت مـا يمديـك

تغطّي ذكرياتي في هواها.. وربْـع تجربْتـي
أحس اني تماديت بكلامي.. والغضب حاديـك

ولو انّك في مكاني ما تفكّـر فـي محاسبْتـي
كفاك اني تركت الليله اشغالي عشـان اجيـك

دخلت القاعه برجلي ولا ادري ويش عاقبْتـي
وانا ما جيت اخرّب عرسك الليلـه ولا أذّيـك

أنا جيتك عشان اخاطبـك واسمـع مخاطبْتـي
توصّى..وانتبه..واحرص عليهـا والله يهنّيـك

ترى كل الكلام اللي طلَع من ضيقـيَ وكبْتـي
ولكن ما قدرت انّي أقوله وانـت مـا يخفيـك

أخاف انّـي إذا قلتـه تقـوم وتقطـع رْقبْتـي

...

صــرخة هــدى

...

كأس عالم.. تصفيه.. جمهور واعلام وكُرَه
والبشـر لألمانيـا متوجّـهـه نظراتـهـا
بينما واحنا نشجّـع منتخبنـا .. وننصـره
نمتدح من مرّر الكوره.. ومن هـو شاتهـا
صار في "شطآن غـزّه" تصفيـه متكـرره
تصفيه تفْرق.. مع ان المفرده هـي ذاتهـا
تصفيه تخلو من اصوات البشر.. والجمهره
كان ضرب المدفعيّه والرصاص اصواتهـا
تصفيه والمنتخب "رجّال واطفـال ومَـرَه"
عائله فـي نزهـةٍ للبحـر مـن نزهاتهـا
مادروا للمـوت موعـد والحيـاة ْمقـدّره
والعرب لاهين في الكوره وفـي جولاتهـا
قصْف بعثرهم على رمل الشواطي بعثـره
ماتجـدْ غيـر الجثـث متراميـه بشْتاتهـا
وطفلةٍ عاشت ولكن في خضـمّ المجـزره
راح ابوها.. وامها.. واخوانها.. واخواتها
أقسم انّ الصدمه اكبر من حدود السيطـره
واقسم انّ النفس ماتستوعب اللـي جاتهـا
حاله ْمن الذعر.. والهستيريا.. والمرمـره
بين اهلْها والصحيح اقـول: بيـن امواتهـا
كان أكثر مايغصّ الريق وسـط الحنجـره
عند ابوها طايحه وتصيح مـن حسراتهـا
"لا تخليني يا يابه .. لا تـروح المقبـره"
صيحةٍ هزّت جميع الكون.. بيـن شْفاتهـا
مسخره.. واللي خلقني ما بعدْها مسخـره
وامّـة المليـار مسلـم غارقـه بسْباتهـا
يقلع الله عجزنـا .. والعالـم المستهتـره
وين من يمسح بمنديـل الدمـا.. دمعاتهـا؟
ليت فينا مثل قلب "المعتصـم أو عنتـره"
كـان مانحسـب لإسرائيـل مـع قوّاتهـا
ولو توكّلنا على الله في زمـان السمسـره
كانت امّتنا - وربّـي- عوّضـت مافاتهـا
بس اذكّـر قـد تفيـد المؤمنيـن التذكـره
بعدما دوّت "هُدى" في مسمعي صرخاتهـا
لي متى واحنا نواجـه ذنبهـم بالمغفـره؟
لي متى؟ والصمت ألغى أمّتـي.. واماتهـا
لي متى والقتل فينا "نشجبـه - نستنكـره"
لي متى والقدس ذكرى وانطوت صفحاتها؟
يا هُدى والعفو ماهو شرط عنـد المقـدره
صرنا نعفو غصْب والعربان ذي عاداتهـا
ليت بثّت "تصفيـة أهلـك" قنـاه ْمشفّـره
كان قلنا: ما درينا عن "هُـدى" ومأساتهـا
بس مامن عذْر والاّ احنـا نـدوّر معـذره
لا تذكّرنـا الحيـاه بطيشهـا.. وشهواتهـا
صرختك جتنا.. نعـم .. لكنّهـا متأخّـره
والبطوله إبتدت والحيـن جـات اوقاتهـا
بينما واللعب حامي.. والعـرب مستنفـره
وفي نجوم المونديال .. ْمركّـزَه شاشاتهـا
تنطلق "كوره" علينـا مـن العـدوّ مدبّـره
وعيلتك تنشات "جوول" بهجمه من هجماتها
فإمنحينا فرصه نشوف البطولـه والكُـرَه
بعدها يمكن بنسأل "عيلتك مـن شاتهـا"؟؟؟

...

إلا رسول الله

..

يـا نـبـيّــي لــو كـتـبــت الـشـعــر .. مـاهــو ْبـواجـبــي
واتـجـاهـك واجـب اكـبـر مــن قـصـيــد ومــن مـقـالــه
بــس انــا حـبّـيــت اثـيــر الـعـاطـفــه.. مــن جـانــبــي
واثـبـت انـك مـسـتـحـلّ الـقـلـب واحـسـنـت احـتـلالــه
حـتـى لـو مـازلـت أحْـبــي فــي ضـلالاتــي .. حَـبِــي
واســأل الله الـهــدايــه والــخــلاص ْمـــن الـضــلالــه
كــل شــي الا انــت "لالا" يـاغـلــى مــن أمّــي وابــي
يـالـيـتـيـم الـلـي مـلـكْـت الـكـون واتـمـمْــت الـرسـالــه
إنـت رمـز الـمـسـلـمـيــن الـطـاهــر.. الـحــرّ.. الأبــي
وكــلّ مـنّــا يـفـتـديــك بـنـفــســه .. وأغــلــى عـيــالــه
مـارضـيــنــا يـرســمــك رسّـــام كـاريـكْــتــر غــبـــي
يـاعـســى فــي رسْـمـتــه تـنــشــلّ يـمــنــاه وشـمــالــه
يـوصـفــك بـالـســوء والإرهــاب وانــت آخــر نــبــي
ودعْـوتــك لـلــه وحــده "ِسـلْــم وانـصــاف وعــدالــه"
بــــس هــــذا واقــــع وفــكـــر الــعـــدوّ الأجــنــبـــي
ضـدّنــا فــي كــل شــيء يــمــارس انـــواع الـنــذالــه
طـالـمــا تـعـريـفـهــم لـلــرأي: "قُـــول الــلــي تــبــي"
يـعـنـي وش مـمـكـن نـلاقـي مــن ورى شـلّــة حـثـالــه
إنــحــلال اخــلاقــي وديــنــي .. وفــكــر ْتـعـصــبــي
وانـسـلاخ ْمـن الـقـيَـم والــذوق .. واحـيــاء الـجـهـالــه
وانـحـطـاط افـظـع مـن الـلـي تـوصـلـه نــزوة صـبــي
والـبـلـى مـن شـعـب تـافـه و "الـبـقـر"هـي راس مـالـه
لا يـظـنّــونــا نــيـــام .. وهــمّــنــا بــــس " ْطــربـــي"
وارقـصـي يـابـنـت فـيـنــا نـفــس رقــص الـبـرتـقـالــه
لا .. وربّــي مــا سـكــت لـلـسـالـفــه قــلــب عْــرُبــي
وقـلــب كـــل انــســان وحّـــد ربّــنــا جـــلّ َ جــلالــه
صـوتـنــا واحــد عـلــى رغــم الــخــلاف الـمـذهــبــي
والـرسـوم الـلــي أســاءت لـلـرســول.. اكـبــر دلالــه
"قــاطــع انـتـاجـاتــهــم" هـــذي خــلاصــة مـطـلــبــي
واقــرأ الآتــي .. وفـكّــر زيـــن لا رحـــت الـبـقــالــه
"كــل شـــي إلا رســـول الله حـبـيــبــي وصـاحــبــي"
خـلّــهــم يـــدرون إنّـــا عـصْـبــتــه .. وانّـــا رجــالــه
وانّ هــــذا واجــبـــك يــاخـــي .. وهــــذا واجـــبـــي
وانّ سـيّــدنــا "مـحــمــد" عـنّــهــم .. تــكــرم نـعــالــه


...

إبتسم

...

ياماخذ الدنيا وساعة صـدر ومـزاح وضحـك
علّمني كيف اتخلّص من الضيق واضحك وابتسم
لاصرت ماتلقى صديقٍ .. يحتويـك وينصحـك
في وقت ماتاخذ به مْن الأصدقا .. غير الإسـم
تخيّل انّك في مكاني وانـت كـل ٍ .. يجرحـك
والهمّ كِسْرة خبـز مابينـك وبينـك .. تنقسـم
والناس حولك تذبحك مـن زود ماهـي تذبحـك
ماباقي الاّ يوسمون الطعْن في ظهرك .. وسـم
وان جيت تشكي قالوا: اسكت بس والله يصلحك
الجرح جرحك .. والبلى بلواك .. والأمر انحسم
والصبر .. لو ماكل جنبٍ في منامك .. ريّحـك
البال .. ماهيب راحته من راحة اعضاء الجسـم
ولاّ انت يومك رحت تشكي وش معاك ومربحك؟
من صاحب ٍ بالعجـز وانـواع التخـاذل يتّسـم
يقسم لك .. انّه لو درى في ضيقتك مايفظحـك
والمشكله .. يمشي ويفظح فيك .. ويضيع القسم
تفرض عليه المصلحه لو ما يذمّـك .. يمدحـك
يعني كأنّه لوحةٍ حسْـب المصالـح .. تنرسـم
وتضيع ما تدري من اللي لانخيتـه .. يمنحـك
الوقت صكّاته كثيـر .. وطعْـم صكّاتـه دسـم
والقهر .. لامن جيت تفرح ماتلاقـي مطرحـك
في عالم ٍ من ضيق صدر اهْله .. تدوّر للنسـم
فانْ ضاق صدرك وسّعه ياشيخ .. واقلبها ضحك
معْك الحياه بتبتسم بـس انْـت الاوّل "إبتسـم"

...

بغـداد

..


بغداد .. منْك المعذره والصفْح لا صرتي حطام
واحْنا انتفرّج حالنـا حـال الشعـوب البايـده
القدس وهْي القدس تصرخ تسعه وخمسين عـام
وشلون اجل ترجين يـا بغـداد .. منّـا فايـده؟
يا قهر "ابو جعفر" على ماصار في "دار السلام"
والقهر الاعظم "خير أمـه أُخرجـت" متكايـده
والوضع ماهو بحاجة استنكار أو شجْب وكـلام
المره هذي .. جرعـة التجريـح فينـا زايـده
والحقّ لو ينقال قيل: المشكلـه نفـس النظـام
وش ذنب شعب ٍ تُنتهـك أرضـه بسبّـة قايـده
والعالم المكتظّ فوضى عارمه وشحْن وخصـام
يستنكرون البعض منهـم .. والكثيـر مْحايـده
والله لنْ ترضى النصارى واليهود .. ولا تنـام
حتـى تصيـر المسْكنـه والـذِلّ فينـا سايـده
الله يا مجد العرب وايّام كـان الشـام .. شـام
أيامهـا كانـت جيـوش المسلميـن .. الكايـده
الحين ما غيـر انتبـادل بالشتايـم .. والمـلام
بْوضعنا من حـقّ "واشنطـن" تكـون الرايـده
صرنا هدفْها .. والدليل انّـه إذا حـان الطعـام
تتقـدّم ارواح العـرب والمسلميـن .. المايـده
حاجه تجيب العـار والفشْلـه وتمنحنـا وسـام
أفقر شعوب الأرض لو معنـا الدراهـم وايـده
والفقر .. فقر المجد والعـزّه وتاريـخ العِظـام
اللي بنوا الماضي التليـد .. وماقدرنـا نْعايـده
بغداد .. آسف بس انا مضطر اصرّح في الختام
إنّا عرب .. والكارثه مـا مـن ورانـا فايـده

...

[غريــ الدار ــب]

إلا رسول الله

..

يـا نـبـيّــي لــو كـتـبــت الـشـعــر .. مـاهــو ْبـواجـبــي
واتـجـاهـك واجـب اكـبـر مــن قـصـيــد ومــن مـقـالــه
بــس انــا حـبّـيــت اثـيــر الـعـاطـفــه.. مــن جـانــبــي
واثـبـت انـك مـسـتـحـلّ الـقـلـب واحـسـنـت احـتـلالــه
حـتـى لـو مـازلـت أحْـبــي فــي ضـلالاتــي .. حَـبِــي
واســأل الله الـهــدايــه والــخــلاص ْمـــن الـضــلالــه
كــل شــي الا انــت "لالا" يـاغـلــى مــن أمّــي وابــي
يـالـيـتـيـم الـلـي مـلـكْـت الـكـون واتـمـمْــت الـرسـالــه
إنـت رمـز الـمـسـلـمـيــن الـطـاهــر.. الـحــرّ.. الأبــي
وكــلّ مـنّــا يـفـتـديــك بـنـفــســه .. وأغــلــى عـيــالــه
مـارضـيــنــا يـرســمــك رسّـــام كـاريـكْــتــر غــبـــي
يـاعـســى فــي رسْـمـتــه تـنــشــلّ يـمــنــاه وشـمــالــه
يـوصـفــك بـالـســوء والإرهــاب وانــت آخــر نــبــي
ودعْـوتــك لـلــه وحــده "ِسـلْــم وانـصــاف وعــدالــه"
بــــس هــــذا واقــــع وفــكـــر الــعـــدوّ الأجــنــبـــي
ضـدّنــا فــي كــل شــيء يــمــارس انـــواع الـنــذالــه
طـالـمــا تـعـريـفـهــم لـلــرأي: "قُـــول الــلــي تــبــي"
يـعـنـي وش مـمـكـن نـلاقـي مــن ورى شـلّــة حـثـالــه
إنــحــلال اخــلاقــي وديــنــي .. وفــكــر ْتـعـصــبــي
وانـسـلاخ ْمـن الـقـيَـم والــذوق .. واحـيــاء الـجـهـالــه
وانـحـطـاط افـظـع مـن الـلـي تـوصـلـه نــزوة صـبــي
والـبـلـى مـن شـعـب تـافـه و "الـبـقـر"هـي راس مـالـه
لا يـظـنّــونــا نــيـــام .. وهــمّــنــا بــــس " ْطــربـــي"
وارقـصـي يـابـنـت فـيـنــا نـفــس رقــص الـبـرتـقـالــه
لا .. وربّــي مــا سـكــت لـلـسـالـفــه قــلــب عْــرُبــي
وقـلــب كـــل انــســان وحّـــد ربّــنــا جـــلّ َ جــلالــه
صـوتـنــا واحــد عـلــى رغــم الــخــلاف الـمـذهــبــي
والـرسـوم الـلــي أســاءت لـلـرســول.. اكـبــر دلالــه
"قــاطــع انـتـاجـاتــهــم" هـــذي خــلاصــة مـطـلــبــي
واقــرأ الآتــي .. وفـكّــر زيـــن لا رحـــت الـبـقــالــه
"كــل شـــي إلا رســـول الله حـبـيــبــي وصـاحــبــي"
خـلّــهــم يـــدرون إنّـــا عـصْـبــتــه .. وانّـــا رجــالــه
وانّ هــــذا واجــبـــك يــاخـــي .. وهــــذا واجـــبـــي
وانّ سـيّــدنــا "مـحــمــد" عـنّــهــم .. تــكــرم نـعــالــه


...

يـا نـبـيّــي لــو كـتـبــت الـشـعــر .. مـاهــو ْبـواجـبــي
واتـجـاهـك واجـب اكـبـر مــن قـصـيــد ومــن مـقـالــه

يعطيك العافيه يالغلا

وتسلـم ولاهنت

تحياتي لكـ