kuwait99
29-03-2009, 06:16 AM
[color="black"]عيـــد ميــــلاد
...
قالت ابعادك اصعـب ابعـاد للحيـن
صبرت عنك والصبـر عنـك مافـاد
البـارح كملـت واحـد وعشـريـن
كنت انتظر منـك تجـي دون ميعـاد
سكت .. وقلت من القهر خاطري شين
في داخلي ثارت من الصدمة اجـواد
الحب وين .. وفرحـة اعيادنـا ويـن
الوقت ماخـلا لنـا حـب .. واعيـاد
تدريـن .. لا والله ماظـن تـدريـن
افراقنـا اهـون مـن مفـارق ابـلاد
ابعاد .. حنا عن بعض صح شهريـن
لكن ترى بُعد العرب اصعـب ابعـاد
لبنان تمشـي فـي اتجـاه لفلسطيـن
وحنا نذبح بعضنـا .. وسـط بغـداد
حتى الجهاد .. اللي موصي به الديـن
ماعـاد نفهـم للاسـف كلمـة جهـاد
هـذا جهـاده .. قنبلـة للمصلـيـن
وهذا جهـاده .. مدرسـه كلهـا اولاد
تبكي القلوب .. ولا بكت دمعة العيـن
لاهين بالدنيـا .. بحفـل عيـد ميـلاد
ورد .. وسهر .. واشواق شلة محبين
ضحكة فرح ميت على الوجـه تنقـاد
في ذمتك .. ابعادنا اصعب الحيـن ؟؟
والا العرب ابعادهم .. اصعب ابعاد ؟؟
...
يابدويه مو كذا رد الجمايل يابدويه
...
ماعرفتك !! والعذر اقبح من ذنـوب الخطيّـه
حتى شكلك صدقيني ان قلت لك : بعضه نسيته
اذكر اعيونك حورها من الخجل زايـد شويّـه
بس هذا اذكره وغيـره مـن الذكـرى محيتـه
لابعد اذكر .. شعرك اللي يحـب لعبـة يديّـه
سالفه شعـرك لحالـه لـو ابشـرح ماوفيتـه
واذكر ان فمك حضن جمرن ٍ حمر فوق ابرديّه
لابتسم لي رحت له كلي مـن اللهفـه وجيتـه
واذكر ان غمازة اخـدودك عـذاب ومهمهيّـه
وردتني لطريـق اللـي ابتـدى يـوم انتهيتـه
واذكر ان اطعونك اللي بالظهر كانـت قويّـه
ايه اعرفك بس اخاف الجرح يكبر لا طريتـه
انتي كنتي شي ثاني .. كنتي شي منـي وفيّـه
اقرب انسانه لقلبي حطمـت قلبـي فـي بيتـه
تذكرين .. الورد الاحمر يوم جبتي لي هديّـه
قلتي : تكفا لايموت الورد لك غالـي شريتـه
مات قلبي قبل يموت الـورد وجروحـه نديّـه
في يديني جبـت دم القلـب للـورد وسقيتـه
كنت احسب اني اضحي .. مادريت اني ضحيّه
كنت احسب ان العطى يثمر بعين اللي عطيتـه
راحت احلام العمر .. روحه كذا من غير جيّه
حتى زرعي اللي زرعته .. ماتوفقت وجنيتـه
من عقب ماكان ليّه .. صار لـه ماهـو بليّـه
من خذاه !! وقلبي يسئل عنـه لكـن مالقيتـه
دايم اسمع عن خوي ٍ خان فـي خـوة خويّـه
موقف ٍ يمكـن كتبتـه بالشعـر قبـل وقريتـه
المهم .. ماكنت احسـه ليـن ماجتنـي بليّـه
من يديك وحسستني وخاب كـل اللـي هقيتـه
يابدويّـه مـو كـذا رد الجمـايـل يابـدويّـه
البـداوه علمتنـي كيـف ارد اللـي خذيـتـه
في الزمن هذا .. محال الوافي يلقى له وفيّـه
الزمـن هـذا خذلنـي فـي محبتـك وبكيتـه
كنت اقول : الطيّبه احسن من علـوم الرديّـه
كنت اقول وكنت اقـول ولانفعنـي ماحكيتـه
مابقا عنـدي كـلام ولا بقـا بصـدري بقيّـه
مـن تفارقنـا بصـدري هالعتـاب ولاشكيتـه
هذا كله اللي عليك .. وقولـي انتـي ماعليّـه
بسمعك للصبح يمكـن منـك اسمـع مابغيتـه
اما شكلك اعرفه عـرف الموصـى للوصيّـه
قلت : ماعرفه .. وفي قلبي اقول:انـي فديتـه
ايه اعرفك والعذر اقبح مـن ذنـوب الخطيّـه
انتي شكلك صدقينـي راح امـوت ولانسيتـه
...
ابوس راس عنادها
..
راحت من يديني كذا وانا اناظـر فـي يـدي
لا قادر اوصل دربها ولا قادر اقوى بعادهـا
حسيت يوم افراقها كن جسدي ما هو جسـدي
مثل الشعوب اللي تحس غربة وهي ببلادهـا
قولولها محتاجهـا والشـوق حادينـي حـدي
تعبت من كثر السهـر البعـد نفسـي بادهـا
ضاع جهدي فدوة لها لو منها ضـاع جهـدي
احط موعد وانتظـر يمكـن تجـي بميعادهـا
هي بس ترجعلي وانا نذرٍ علي اذبـح فـدي
واني ماعاد انسى ابد تاريـخ عيـد ميلادهـا
ازعلتها وكان السبب تافه مثل وجـه الـردي
اني نسيـت اذكـر ابـارك للفـرح بعيادهـا
تطور الموقف وانا ماكنت في الموقف هـدي
كابرت انا ومثلي بعد هـي كابـرت بعنادهـا
الحق معها واعترف والحق مـا والله يغـدي
والغلطة ماتحسب على اللي لا غلط ماعادهـا
قولولها يشهد علـي الليـل والجـرح النـدي
ساعة عطتني ظهرها والقلب يصـرخ نادهـا
وان كانها عيت تجي وراحت ورى البعد تعدي
الله معاها بس تقـول البعـد وشهـو فادهـا
واذا سكتت او دنقت او طالعة صوب الجـدي
تراهـا ودهـا بالرجـوع وعنادهـا ماقادهـا
خلوها لي وانا اجي احـط يدهـا فـي يـدي
وكان العنـاد براسهـا ابـوس راس عنادهـا
...
ملح القصايد
..
ملح القصايد حدنـي لشـي مابيـه
ووردت له حمل الركايـب لحالـي
له هقوة(ن) فيني ولي هقوة(ن) فيه
والغالي مايشره على غيـر غالـي
اموت والله قبـل اخيّـب هقاويـه
لو احتمل شي(ن) يفـوق احتمالـي
انا من اللـي ذراع الايـام تلويـه
جماعـة(ن) مافرقتـهـا الليـالـي
عمي وخالي للشرف راس ووجيـه
من طيب مجنايه عمامـي خوالـي
ناس اتذكرها .. وهي ماهي هنيـه
وناس اتناساها .. ولو هـي قبالـي
اشـد طعنـات الزمـان وبلاويـه
طعنت ضهر بيد الرفيـق الموالـي
بيت(ن) لفاه الضيف عيـا يعشيـه
يعـل ماتلفـي عليـه الرجـالـي
الشعـر تشتـاق لخيالـي معانيـه
شوق القصايـد للبيـوت الجزالـي
حقه علي .. مثل الخوي يوم اخاويه
ارفعـه فـوق النايفـات الطوالـي
لعيون من راسه على القلب راكيـه
اللي فـدا قربـه حلالـي ومالـي
اني لسوي شي محـد(ن) مسويـه
ان شافـه العاقـل يصيبـه هبالـي
وان عودت يم الغلا شلـون مغليـه
لا صار له كل الغـلا اول وتالـي
يخطي على قلبي ولا قلت له ليـه
وكل ماجرحني قلت لـه لا تبالـي
فـداه لـو تـل المعاليـق بيـديـه
ثم حط لـه بيـن الحنايـا مجالـي
لجل يتخطا عروق قلبـي برجليـه
ويعضد يدينـه بالضلـوع متعالـي
دامي احبه حيل .. واعشق طواريه
خله يتل القلب كـل مـا طرالـي
ملح القصايد حدنـي لشـي مابيـه
ووردت له حمل الركايـب لحالـي
...
هبيلة نوف
...
تعال نلعب علـى المكشـوف
ما يصلـح اللعـب بالخافـي
البخل يا صاحبـي والخـوف
لاجـن بـرجـال ينعـافـي
الرجل... ودك صخي كفوف
دام الكـرم شيمـة الوافـي
الرجل... اليالفـوه ضيـوف
ما يطرد الضيـف واللافـي
لو كل رجل اعتذر بظـروف
ما شفت لك واحـد سنافـي
الجود من ما وجد مصـروف
واللي انوجـد قدمـه كافـي
اتعب على مكسب المعـروف
مع ذكرك الطيـب ينضافـي
ولا صرت حق غايتك ملهوف
ما يجوز تصعد على كتافـي
الفرصة اللي عليـك تطـوف
لا ترتجـي يعـود ماطافـي
تحمد الله عطـاك وصـوف
يستاهـل الحمـد بسـرافـي
تسمع، تكلم، تحس، تشـوف
تمشي مـع النـاس متعافـي
اترك هـوا لابـس النفنـوف
أبـو جديـل اشقـر ضافـي
لو ان بـس الجمـال اردوف
يا كثر مـن حضنهـا دافـي
لاشك يفرق جمـال الجـوف
ويا قل مـن قلبهـا صافـي
العشق خلي «هبيلـة نـوف»
يمشي وراهـا وهـو حافـي
والمشكلة طيـب ومعـروف
مير الغلا... جابة اكتاااافـي
....
الثـــريــــا
...
الحلم تفسيره صعب تتعب مـن الحلـم العقـول
مثل السنين اللي مضت شفهـا هذيـك أطلالهـا
والناس من خلقت وكل واحد ولـه راي وميـول
لا تزعل امـن البارحـه قـول الوعـد بقبالهـا
بقول لك حاجـه وابـي منـك لحسـادي تقـول
وان كان ما تقدر تقول قـل ثامـر اللـي قالهـا
من جيت للساحة وانا واصل ولا بحاجة وصـول
قصايدي توصـل ولـو قلـت دروب اوصالهـا
قصايدي ارضت لها ناس وزعـل منهـا زعـول
قصايـدي أبكـت قلـوب الله علـيـم بحالـهـا
قصايدي خلت لها شيخان مـن بـاب الفضـول
تسأل عن اسمي وحالتي احساسي شاغـل بالهـا
كم بنت ابوها ما عرفت اسمي عطت شعري قبول
ابيات شعـري امخزنـه فـي محفظـة جوالهـا
ما هو غرور ولا كبر بس انزعجت امن الطبول
اللـي تـدن اطبولهـا وشعارهـا تبـرا لـهـا
يبقى الصحيح اهو الصحيح الروس ما تتبع ذيول
وجه الرجـال وقدرهـا يحسـب بقـد أفعالهـا
والبارحه يوم اقصرت عني وأنـا كفـي تطـول
علمتـهـا لا تقـتـرب بقصـارهـا لطوالـهـا
سقت الحمول اللي اشتكى من حملها طير وذلول
ما خفت من غدر القلوب اللي غـدرت بعيالهـا
اصول فالساحه وأجول أجول فالساحه وأصـول
مـا همنـي لاجدهـا ولا عمـهـا ولا خالـهـا
انا كذا امن الله خلقني ما عـرف درب النـزول
عودت رجلي للصعب صار الصعب يحـلا لهـا
هذا وأنا لحالي اجل وشلون لو جيـت محمـول
شفت الثريا لو أصيـح لعبـس راح أرقـا لهـا
ربعي ليا صكت علي يبكي على الحكم معـزول
لي لابتن من دون قاصـر مـا نشـرب فنجالهـا
بني رشيد ليا اصطفق موج البحر سالت سيـول
يا سعد عين أم الضعيـف اللـي تكـون بجالهـا
يوم انها بالسيف والشلفا علـى ظهـور الخيـول
كـم مـن قبيلـة طيبـه امسـت بـلا خيالـهـا
يـا مـا عفينـا لخاطـر العقـال زلات مهبـول
ندمـح وعـقـال المهـبـل تلـفـت لهبالـهـا
لكن ليا منـا بطشنـا بطشنـا مـا هـو معقـول
ندعـس علـى روس المهبـل ورقبـة عقالهـا
قلته وانا ماني بمن قوم ابهتـه بحكـي معسـول
مـن روس قومـن اثبتـت افعالـهـا اقوالـهـا
اكرّم الطيب ولا تسـوى الفحـول الا الفحـول
مـا تلحـق الشكـه فحـل بدقاقهـا واجلالـهـا
اما الـردي اجنبـه مـال الخبـول الا الخبـول
مثـل المـره مالـي حكـي الا مـع رجالـهـا
بعض الرجال ليا مشى ويـاك خـذ ويـاك زول
بعض النسا تومي عليـه ليـا وقـف واومالهـا
يعجبك في زوله ولكن بالفعـل مـا مـن فعـول
يا كثرها افعال الرجال اللـي خدعتـك ازوالهـا
استغفر الله ونعمتك يـا الله عساهـا مـا تـزول
لـو النعـم فـي يـد غيـر الله علينـا زالـهـا
يالله ياللـي ترمـي اللقمـة علـى فـم معقـول
تغنيـه عـن مـد العـرب اجوادهـا وانذالهـا
انـك تسامحنـي اذا زليـت فـي قـوة وحـول
انا الضعيف اللـي تـرك نفسـه علـى موالهـا
كل ما ذكرت ان البدو كانت من اصحاب الرسول
استغـرب ان التفرقـة كيـف اقـدرت تغتالهـا
ويا صاحبي كثر الحكي ضيق على الصدر الملول
هـذي البـلاد ان ظامتـك دور ابـلاد ابدالهـا
هذا بخصوص الشعر حمل اخذه وباقي لك حمول
مثلك حموله كـل مـا زادت نهـض واشتالهـا
واذا خلصت امن الشعر حول على اللي ما تجول
الا بصـدري يـوم صـدري بيتهـا وظلالـهـا
سولف لها عني تـراه لسانهـا طبعـه خجـول
اقـرا كـلام عيونهـا وجـاوب علـى سؤالهـا
اذا اسألت عن عهدنا بنـت الاكابـر والاصـول
قل شاعرك ما صافـح كفـوف الرجـال لمالهـا
واذا اسألت عن حالتي طمنها كان انهـا جفـول
قل حالتي في خير دام انها فـي خيـر احوالهـا
واذا اسألت عن الوصل تبغى من يديـك الحلـول
قل شهـر كـان الله كتـب لازم اكـون قبالهـا
واذا اسألت عن الشعر تبيك من شعـري تقـول
قل هذي اخر ما كتب من قلـب صـادق قالهـا
...
الشعر احسه قطعت انسان مني ؟
..
ياناشدن ساحـات الاعـلام عنـي
ارتاح من كتب الرسايـل بالاقـلام
مبعد عن الساحـه وغثاهـا لأنـي
شاعر حقيقي ماني بحاجـة اعـلام
الشعر احسه قطعت انسـان منـي
كبرته بعيني علـى مـر الاعـوام
كتبت كـل اللـي احسـه وكنـي
اترجم احسـاس المخاليـق بالهـام
ومن شفت جنيـه لشاعـر وجنـي
عرفت ان المسأله صارت أوهـام
تركـت شعـار المجنـن تغـنـي
على لحن: ياشاعـر النـاس نيـام
ولجروح قلبي قلت: في صمت وني
ماودي تسمعها الامانـي والاحـلام
ظنيت في شعري ولاخـاب ظنـي
حشمته سواة الرجاجيـل الاحشـام
للمقفيـه ماقلـت تكفيـن حـنـي
ادوس ماضيها مثـل دوس الاقـدام
و للشيخ ماقلـت الركايـب تعنـي
ازيـن اسلـوب المدايـح لحكـام
وعن الملحـن والطبـل والمغنـي
حرمتها بحكم الشريعـة بالاسـلام
واليـوم رد العلـم للنـاس عنـي
وارتاح من كتب الرسايل والاقـلام
مبعد عن الساحـه وغثاهـا لأنـي
شاعر حقيقي ماني بحاجـة اعـلام
...
تدري وش اكثر موقفٍ فيه قصرت ؟؟
..
ياصاحبي لاتسئل اشلـون فكـرت
انـي اخونـك انـت والله مـدري
خونت فيك وخنت نفسي وقصـرت
غدرت حبٍ ماعرف يـوم غـدري
غرتنـي الدنيـا وخنـت وتغيـرت
ماقمت اشوف اللي من الناس حدري
لكـن انـا ابقـا انـا ماتنـكـرت
مهما حصل ماغير الوقـت قـدري
كل ماخذاني منك طييف وتذكـرت
حسيت شي يتلني وسـط صـدري
اذكر مواعيـدك اليامـن تأخـرت
تقول سامحني وانا اقـول : بـدري
ماكنت احـب احسسـك لاتعـذرت
اني انا زعـلان .. مـزداد قـدري
عاد انت لاتبخل وسامح الياصـرت
تقدر تسامحني يابـو وجـه بـدري
تدري وش اكثر موقفٍ فيه قصرت
يوم انت تذكرني وانا عنك مـدري
...
ماني بسائل مع منهو تخونيني
..
ماني بسائل مـع منهـو تخونينـي
بس بسئلك من متى وأنتي تخونينـي
قبل أمس كله معي للصبح سهرانـه
والبارحة أذكـر ابرقـد ماتخلينـي
واليوم أشوفك معه يدك وسـط يـده
وأمر قدامـك ولا كنـك تعرفينـي
وشلون! أبفهم تعالي واشرحي ليـه
نسيتـي لا مستحيـل إنـك نسيتـي
مامـداك تنسيـن يمكنـك تناسيتـي
وأنا الذي كل ماضاقـت ذكرتينـي
العام جيتي ودمعك مغـرقٍ جيبـك
قلتي: أخذني على صدرك وغطيني
ماكنت أخذلك اليـا منـك طلبتينـي
وأنا قبل ما أطلبك وإنتـي خذلتينـي
في عز ماحتجت لك في ضيقة الدنيا
جيتك أبي فزعتـك لكـن طعنتينـي
للحين أكذب انـا ماصـار قدامـي
مانـي بقـادر أصـدق لا تلومينـي
حتى الشعروالقصيد اللي على خبرك
أحس عقبـك أبـد ماعـاد يعنينـي
كتبت فيك الوفا والصـدق والطيبـة
قصايدٍ للأسف بتطيـح مـن عينـي
(من غدرالأيام جيتك كارهن نفسي)
أول قصيدة بعـد منتـي عرفتينـي
(ومحتاجلك حيل والله يقطع الحاجة)
آخر قصيدة بعـد منتـي تركتينـي
عرفتي الفرق بين الشعر والشاعـر
بس ماعرفتي وش اللي مرثعٍ فينـي
إحساسي اللي ذبحني وراح يذبحني
واللي يبي يقلب الدنيا على سنينـي
الناس تسمع قصيدي فيـك وتصفـق
وأنا أتذكرك يـوم إنـك تخونينـي
...
فزعة الموت
..
يالله ياللـي تفقـر وتغـنـي ابـيـوت
الارض بأمرك داخـل الكـون تسبـح
ادعيك تغفر لـي قبـل حـزة المـوت
مؤمـن قبـل يدعيـك بأسمـاك سبـح
في هالزمن ماعـاد بـه شـي مثبـوت
نمسي ولا ندري علـى ويـش نصبـح
بس الوكاد ان وجـه الايـام طاغـوت
لا زان يوم اعرف ترى الجـاي اقبـح
والصدر له مده من الضيـق مغمـوت
في داخلـه كـن سيـد الضيـق طبـح
ضيعت عمري افهـق المـوج للحـوت
وانا ادري ان الحوت في الموج يسبـح
اما انت ياللي تنطح الصوت في الصوت
الذيب يعوي وانـت يـا الكلـب تنبـح
ماينحني راسي واسم عبـس منحـوت
فـي قلوبنـا تجـارة المـوت مربـح
الشيخه ماهي لبـس جاكيـت وبشـوت
وماكل رجالـن علـى الطيـب يشبـح
شفني وشف ربعي رشايدتـي المـوت
حتـى ورى السـودان نصلـخ ونذبـح
عدونـا يبشـر بطعـنـات جـالـوت
من الدم يلقـا الذيـب والطيـر مسبـح
وخوينا ماهي انتخابـات كـم صـوت
هيّـن لـو انـه خاسـر سنيـن يربـح
لا والله الا فزعـت المـوت للـمـوت
ياننذبـح مــن دون عــزه يانـذبـح
...
حفلة افراق
..
اتعبت نفسي وجوالـي وأنـا افـره
عليك ياللي ما عـاد اتطيـق جوالـي
ادق واسئل عن احوالـك كـذا مـره
من طيبتي كل مامريـت فـي بالـي
ماكنت احسبك عديم احساس بالمـره
مستخسر انك ترد تسئل عن احوالـي
والله وطلع لك اسم يـا تابـع الجـره
ماكنك اللي ربيت اسنين في ظلالـي
اصغر من انك تذل القلـب وتضـره
كافي معك ضاعت اسنينه على الخالي
انكان نفسـك عشـان ابيـك مغتـره
والله لا اعلمك وشهي قيمـة امثالـي
ماتدري ان الحـرار قلوبهـا حـره
ان عزمت تقلب الاول علـى التالـي
قل للسنيـن العـذر لا عـاد تتشـره
في عز ما ضقت ما حصلتك قبالـي
خليتني والوجيـه البيـض مسمـره
تضحك علي الليالي بوجـه عذالـي
لكـن وعـد لاشتريلـك ورد واثـره
على فراقك واسـوي حفـل بلحالـي
واعزم هداياك اللـي داخـل الجـره
اللي قبل يوم كانـت ذكـرة الغالـي
واحرق هذاك الزمن وافتك من شـره
واعيش عمري بلا همـي وغربالـي
صدقني ما ضقت من فرقاك بالمـره
بس ما ذبحني سوا حاجـه بجوالـي
تدري وش اللي ذبح قلبي من الحـره
اني مخزنـك فـي جوالـي
....
كل عام وانت بخير
..
كل عام وانت بخير وايامك بخيـر
لايابعـدهـم كلـهـم ياغنـاتـي
انت بحياتي شي ثاني عـن الغيـر
تقدر تقول : اجمل حدث في حياتي
انت الفرح انت الوفـا والتباشيـر
انت امنيـه لا والله كـل امنياتـي
دايم افكر لو خسرتك وش يصيـر
وقول دايـم جعـل قبلـه وفاتـي
من قبل اعرفك ماحسبت المخاسير
واليوم شفني ماخسرتـك واحاتـي
اذا افترقنا بطلبك مطلـب صغيـر
لاتزورني بيـن النعـاس ومباتـي
اخاف لاجوني طيوفـك مساييـر
قلطهـم قلبـي تعشـوا ممـاتـي
ماقلت لك طبع الوجيـه المسافيـر
ماتغيب وان غابت ليالـي وتاتـي
يعني اذا بتغيب من غيـر تفكييـر
ترجع قبل لا ينكسـر لـك ثباتـي
ولا اخذني معك من وين ماتسيـر
مدامك الدرب الطويـل بجهاتـي
لو نفترض اني وصلت السما طير
احوم حومة حر والريـح عاتـي
المشكلـه انـي بليـاك ماطـيـر
لانك جناحـي للمطيـر ونجاتـي
الطيحه منك تترك اسنيـن تأثيـر
من قال لك ماراح تشمت عداتـي
لا والله الا طيحة الدلو في البيـر
ياكبرهـا منـك الملـم شتـاتـي
وص انت قلبك يذكر الحب بالخير
ولا انـا والله لقضـب وصـاتـي
امانتك .. في داخلك شوفني غيـر
وامانتي .. لقربـك قـرب ذاتـي
من كثر ماخانت غـلاك التعابيـر
معاك احس اصدق كلامي سكاتـي
لكن تعال وخـل عنـك المعاذيـر
شفني شسوي وسو عقبي سواتـي
ارفع يديك لمـن يـرد المقاديـر
وردد ورايـه ماتقولـه شفـاتـي
كل عام وانت بخير وايامك بخيـر
وانا معاك اعيـش باقـي حياتـي
...
الاماره
..
يا الشعر ما جيتـك ادوّر مكاسيـب
يغنينـي الله عـن طمـانٍ رقيـتـه
البارحه ضاقت وجيـه الاصاحيـب
البارحـه مـا باقـي شـيٍ خفيتـه
فـي ليلـهٍ كـلٍ يـدور معازيـب
خليـت بيبـان الامـاره وجيـتـه
سقت الركايب فوق روس المراقيب
ولا وقـفٍ إلا علـى بـاب بيـتـه
بيت الفقير اللي مضرا على الطيب
تراه اكرم شخـص لامـن نصيتـه
يعطيك من قلبه قبل مـدة الجييـب
يحس فـي قيمتـك واللـي بغيتـه
اليا خذا منك ذكـر طيبـك بغيـب
واليا عطا مـا قـال: هـذا عطيتـه
ماجيته اشكي قل مـال ومواجيـب
جيته ادوّر شي (( ابيـه ولقيتـه ))
جيته احس اني من الضيق مانيـب
قادر ارد مـن النفـس مـا خذيتـه
مرت ثلاث سنين شعـر ومكاتيـب
في درب ما احبـه ولكـن مشيتـه
في عيون جمهوري وعشاقي مصيب
وفي عيني اكبر ذنب ذنـبٍ جنيتـه
اصبحت شاعر له حفاوه وترحيـب
كسبت فوق اللي حسبـت وهقيتـه
لكن خسرت انسان خالي من العيب
والمشكله انه ما جفانـي .. جفيتـه
انسان غير وشفت غيـره عذاريـب
انسان يـوم انـي خسرتـه بكيتـه
لو القصيد اللي خذا قربـه يجيـب
بعـت القصايـد كلهـا واشتريتـه
يالشعر لا ياناس روحـوا مناديـب
عندي كلام ارتـاح لامـن حكيتـه
قولوله: اني مانـي بقـادر اغيـب
البعـد عنـه هدنـي مـا قويـتـه
قولوله: اني عفت كـل الرعابيـب
الشاهـد الله مـا عشقـت ونسيتـه
قولوله: ارجع للضلوع المصاويـب
للحيـن ترجـي مـا بنـاه وبنيتـه
الشمس وهي الشمس كل ليله تغيب
وشلـون مـا يعذرغيابـي فديـتـه
وكانه قبل عذري فدتـه المعازيـب
والشعر كلـه مـا كتبـت وقريتـه
...
هذي حياتك .. وانت حر بحياتك
...
لحظه قبل لا تطلـب البعـد وتغيـب
وتنهي معايـه مرحلـه مـن حياتـك
أخـذ الهدايـا والصـور والمكاتيـب
دامي خسرتـك مـا أبـي ذكرياتـك
يمكـن يكـون فراقنـا رأيٍ مصيـب
خيره .. كتبهـا الله جتنـي وجاتـك
مع اني ادري انـت ماعنـك تجنيـب
كنك موصينـي وقاضـب وصاتـك
رح واترك بقلبي لك أربع معازيـب
معزتـك طاريـك حبـك غـلاتـك
وإن شفتني أجمع شتاتي .. ماهو عيب
باكـر مـع الأيـام تجمـع شتاتـك
وإن شفتني شايل جـروحٍ معاطيـب
باكر يصير الجـرح أبـرز صفاتـك
أكبر مصيبه فـي زمـان العذاريـب
إنّـي أحبـك وأنـت حبـك لذاتـك
الطيب لـو إنـك تجازيـه بالطيـب
ماكان تالـي الوقـت هـذي سواتـك
يا صاحبي لا صرت أغلا الأصاحيب
لا تزعل بكيفـك وتطلـب رضاتـك
أنـا حبيبـك مبعـد الشـوح مانيـب
من ضيّع جهاتـه .. يـدور جهاتـك
إن كـان ماعديـت روس المراقيـب
ماني كفو أصـلاً أنـام فـي عباتـك
شفني مقدر عنـد عكـف الأشانيـب
مانيب مـن تومـي عليـه بعصاتـك
رح للفراق إللـي تركنـا مصاويـب
شمّت اعداتي قبـل تشمّـت أعداتـك
الله معك .. رح وين مـاودك تغيـب
هذي حياتك .. وأنـت حـر بحياتـك
...
طيــحة العــود
..
تعبت اقول لضيقتي سهـود ومهـود
اليا متـى هالعـذر بيكـون عـذري
البارحة يـوم اكثـر العالـم رقـود
عادت علي اللي تجي منيـن مـدري
الضيقة اللي كـل ماراحـت تعـود
مكانهـا مابيـن قلبـي وصــدري
ناسٍ تنام مدهنـة فـي دهـن عـود
وناسٍ تنـام مدهنـة بزيـت مقـري
لاواهني اللـي حلالـة مـن الـذود
تسعين وضحى كل ماضـاق يسـري
يسـج معهـا كـل ماهبـت النـود
يتبع مسيل السيل في القـاع يجـري
ماهوب مثلي من اقرب الناس مجحود
الله يسامـح مـن طعنـي بظهـري
من راح ماكنه على القـاع موجـود
مايدري انـه اول اسبـاب كسـري
كل ماطرالي قلت مـن قلـت الفـود
ياليـت منهـو راح ماعـاد يطـري
لو تستحي من فعلها ايامـي السـود
كان استحت مبطي ولا طال صبـري
قدمـت بالموجـود لخاطـر الجـود
لين التفـت ولابقـى شـي حـدري
عطيت من عمري ولا شفت مـردود
ياللأسـف للنـاس ضيعـت عمـري
واذا افرحوا واجد على طيحة العـود
هذا دليـل انـه فعـل شـي يغـري
بوقف لحالي واتبع الطيـب والـزود
اشره علي ان صغر الوقـت كبـري
ماني على بعض المخاليـق محـدود
امـوت مانزَلـت للنـاس قــدري
...
حاولت اغيّر فيك من كثر مغليك
..
البارحه مابيـن وشلـون يمديـك
في يوم واحـد ياحبيبـي تغيّـرت
الليـل خلانـي وخـلا طواريـك
تلعب بقلبي كـل ماداخلـي ثـرت
سويت شين حدني غصب ماجيـك
والا قبـل لاسيـر الليـل سيـرت
هدمت كل اللـي بنيـت بتجافيـك
هدمـت لا والله بالعـون دمـرت
خليتني ماقلت لي شلـون اخليـك
ليتك بحالي قبل مارحت ناظـرت
الله كريم يصبـر اشـواق مغليـك
لاقـام ينثرنـي غـلاك وتناثـرت
والله يسامح قلبـي اللـي مواليـك
اخذت كل اللي تبي منه وانكـرت
منهار جيت العام تسبق خطاويـك
واليوم ماكنك قبل جيت وانهـرت
في ذمتك لامن تذكـرت ماضيـك
من يطري في بالك اليامن تذكرت ؟
من كثر مافكرت وشلون اراضيـك
وياك في نفسي ولا يـوم فكـرت
على كثر ماكنـت متمسكـن فيـك
وعلى كثر ماحتجتنـي ماتعـذرت
جيتك وعندي حاجتن بيـن اياديـك
والمشكله تقدر عليهـا وقصـرت
رح بشر اللي ملتفت لـك يناديـك
قله تركتـه لخاطـرك ماتأخـرت
صدقني انها غلطتي يـوم اداريـك
ولا انت لولا غلطتي كان ماصرت
كبرتـك بعيـن البعيـد وحواليـك
ابيـك تكبـر والمصيبـه تكبـرت
حاولت اغيّر فيك من كثر مغليـك
قـدرت لكنـك عليّـه تغـيّـرت
..
اكره اثنين
..
قالوا امدح شيخ والا امدح اميـر
لجل تكسب مـن مديحـه فايـده
قلت انا في خير واحوالي بخيـر
ليه ادوّر شـي مانـي رايـده .؟
ادري ان مال الكبيـر الا الكبيـر
الـرجـال تـقـاد والا قـايـده
اكره اثنيـن : المنافـق والحقيـر
تستقـل طيـب الرجـال الرايـده
ان مدحت امدح وانا وجهي سفير
مدحـتٍ للحـق ماهـي سـايـده
وكانها ماجات من قلب وضميـر
مدحتـي ذمـه بحـقـه كـايـده
وش علي ان صاد له طيرٍ يطيـر
لاهـو بطيـري ولانـي صايـده
من خلقن الله احب اكـون غيـر
ما احـب اكـون حاجـه زايـده
الفقر ماعـذرب اخـلاق الفقيـر
في السنيـن الحاضـره والبايـده
في الزمن اشياء تعني لـي كثيـر
التمـام الشمـل حـول المـايـده
ومنظر البسمه على الطفل الصغير
فـي نهـار العيـد يـوم تعايـده
قلتها وعذري يصير اللي يصيـر
كـلٍ راسٍ يرتـخـي لوسـايـده
انتـبـه ويــاي للبيتـ الاخـيـر
اسمعـه منـي ولانـي عـايـده
تدري وش معنـاة رجـالٍ حقيـر
من يصاحب رجل لجـل الفايـده
...
ضيقة الطير
...
يارشيد رح قله ترى ثامـر بخيـر
عقبك وابحسن حال هالحين حالـه
طابت جروحه ومابقا داخله غيـر
شي ٍ يتـل القلـب كـل ماطرالـه
وكانه طلب منك عن الشي تفسيـر
جاوب سؤالـه لاتحاقـر سؤالـه
قله سمعت بيوم عن ضيقة الطيـر
وعن عشه اللي كان مرقـد عيالـه
الطير لامن ضاق من عشه يطيـر
خان الغصن والعـش دور بدالـه
وكانه فهم بتشـوف فيـه التعابيـر
لاغيّرت وجهه سرح عنـك بالـه
خله وروح لوضعه الحيـن تقديـر
ماودي يبكي وانـت واقـف قبالـه
يارشيد لو انه بـدا منـه تقصيـر
يبقالـه بقلبـي مـكـان ٍ لحـالـه
صحيح انا عقبه وانا اخوك في خير
لكن اليامن ضـاق جعلـي فدالـه
...
دمعه عزيزه
..
ياراكب اللـي تـو فـارق حفيـزه
من ديرتـه مطلـوب للـي تمنـاه
لارحت بيت اللـي حبيبـي لزيـزه
اليـا دخـلـت ابيتـهـم لاتـعـداه
حتى تشوف اللي سهومـه ركيـزه
داخل خفوقـي يـوم قفـى وخـلاه
قله يقول اللـي جروحـه عجيـزه
وشلون من عاشرت ترحل وتنساه .؟
محتاج لـه ياجعـل ربـي يعيـزه
لواحـدٍ يحتـاج قـربـه ويجـفـاه
ابكي من فراقه .. ونفسي عزيـزه
كل مالتفت .. وشفت مانـي بويـاه
حبه دخـل قلبـي بفتـره وجيـزه
سيّطر على قلبـي وحطـه بمخبـاه
من اولٍ .. مليـون ميـزه وميـزه
عندي بوقت ٍراح .. وراحت مزاياه
واليوم عندي بس ( دمعه عزيـزه )
كل مالتفـت وشفـت مانـي بويـاه
...
ولدي
..
لا ملامـه لا تشـره لا عتـاب
ماغدى لك شي مفروض يغـدي
لا تحاسبني على اسباب الغيـاب
في يدك ماصـار ماكـان بيـدي
لو رجعنـا وابتدينـا بالحسـاب
منتهي وياك مـن قبـل ابتـدي
كنت اشوفك غير لين القلب ذاب
في هواك وصار ماهو بجسـدي
وقتها لو لي ولد عمـره شبـاب
يمكن احبك كثـر حـب ولـدي
لكن اللي غاب .. يوم النور غاب
شي يحداني عن ايدينـك حـدي
تذكر اللي صار يا مال الذهـاب
ليلةٍ ماجيت وامسيـت اوحـدي
لا تغرك بسمتي وزيـن الثيـاب
داخلي ضايق من الوقت الـردي
السؤال اللي بقى مالـه جـواب
ياكثر مامر على الجرح النـدي
يا معودني على طـرد السـراب
وشتبي فيني اليا ضاع جهـدي ؟
صرت انا وياك نشبه للسحـاب
لا تجمعنـا تساقطـنـا بــردي
السحاب اليا تساقط بالاهضـاب
يحيي القاع الحزيـن الجرهـدي
بس حنا .. لا تساقطنـا عـذاب
نكسر القلب الكبيـر الاجـودي
...
لساك فاكر
..
كان الوعـد باكـر وانـا جيـت باكـر
شايل معـي موعـد وماضـي وتذكـار
قلـت الحقيقـه لموعـدك دوم ذاكــر
القلـب كنـه يتنظـر لـك علـى نـار
قالت بلهجـه غيـر ( لسّـاك فاكـر )
تضحك .. وانا واقف وانا شبـه منهـار
بغيت اقول .. وقالت : بصـوت ناكـر
( اصلا انا مذكر معك موعـد ٍ صـار )
قلت اسمعي مني وانـا اكـون شاكـر
انا اللذي حطيـت لـك بـاب واجـدار
واليـوم يـوم اصبـح وراك العساكـر
رفعتي راسك فوق بهتـان وانكـار !!!
قالت وهي تضحك على اسلوب ماكـر
( صدقت انا اضحك معك ياشمعة الدار )
قلـت الحقيقـه واضحـه إبـلا تذاكـر
ماكـل منهـو زل يلقـا لـه اعــذار
وانتـي نسيتينـي وانـا كنـت فـاكـر
اني بجـي ويكـون طعـم اللقـا حـار
لكـن وعـد منـي اذا عشـت بـاكـر
ماعاد لـك موعـد وماضـي وتذكـار
....
ياراس
...
ياراس لاترجـي رفيـقٍ يعـزك
ان كان ماعزيـت نفسـك بتنهـان
قام الردي يجسر عليـك ويـدزك
دارت عليك اليوم دورات الازمان
الناس ماتعطـف عليـك وتـرزك
ارفع مقامـك وارتفـع ياكحيـلان
والموقف اللي هز قلبـك وهـزك
لاتلتفت للي غدى ماضـيٍ كـان
يحز بالخاطر وانـا ادري يحـزك
انك تشوف الذل من اقرب انسـان
اصبر على همومٍ كثيـره تلـزك
وقف على حيلك ولو كنت تعبـان
عاند زمانك فـي طمـوحٍ يكـزك
لو قالوا : ان معاند الوقت خسران
قلوب خلـق الله بعضهـا تعـزك
واكثر من اللي تعزك قلوب عدوان
يعني اليامن طحت محـدٍ يـرزك
انكـان مارزيـت نفسـك بتنهـان
...
لباس العمامه
..
سـم بسـم الله ياطفـلٍ تحلـم
وارتفع للعز ياراعي الزعامـه
اقضب الهرجه وللموعد تولـم
قبل ترقا هامةٍ من فوق هامـه
صاحبي لاصرت ماتعرف تعلم
قبل تلحق لحيتك شرها وملامه
ودك الرجـال لامنـه تكـلـم
يثبت افعاله على موجب كلامه
سالفتنا غير عـن قلـب وتألـم
لاشكى معذور من لاهب غرامه
سالفتنا ضربـة استـاذ ومعلـم
شتتت فكر التلاميـذ ونظامـه
لكن اسمع قبل اقول اسلم وسلم
كل رجالٍ وله بصمـة ابهامـه
صاحبي بالحق لاتسكـت تكلـم
لاتحسب حساب لباس العمامـه
...
لولا وجودك انت عزي لحالي
..
لولا ظلام الليـل مابيّـن الصبـح
ولولا المواقف ماتبـان الرجالـي
ولولا الغرق محدٍ تعلم على السبح
ولولا الفرج خاويت سود الليالـي
ولولا الخساره تنعدم قيمة الربـح
ولولا وجودك انت عزي لحالـي
غلاك ذابحني وانـا قابـل الذبـح
لو منت غالي كان مارخصت غالي
لاتلتفـت للهـرج يامبعـد الشبـح
هرج القفا طبـع الـردي لاتبالـي
الكلب حول البيت يكثر من النبـح
والذيب يعوي بالرجـوم الطوالـي
وانا معك من غيبة الشمس للصبح
والصبح روح وخل طيفك قبالـي
...
مجرد صداقه
...
عادي معك أبقا وعـادي اخليـك
مثلك مثل غيرك مجـرد صداقـه
ماشوف عندي احساس متمسكٍ فيك
اقل مـن عـادي معـاك العلاقـه
غبتي حضرتي خافقي مايحاتيـك
القلـب مابيّـن عليـك اشتيـاقـه
انتـى تنادينـي وغيـري يناديـك
الحـب منـك ماسرقتـه سراقـه
لاتحسبين اللي يزعلـك يرضيـك
ولاكـل طاقـه بتقـارن بطـاقـه
انا وبس .. اللي اجيبـك ووديـك
وانتى على قربي تجيـك الشفاقـه
انا بديتك برجـع الحيـن وانهيـك
انسان مثلك سهـل جـدا فراقـه
من دنيتي هالحين ببعـدك وانفيـك
ابعيد يـااالله بعيـد كافـي طفاقـه
ادري جرحتك يوم انا قلـت مابيـك
والجرح يبطي لـو تغيـر مذاقـه
مستغربه من ايش حضرت معاليك
هـذا سلوبـي لا نعيـت العلاقـه
...
خراب بيوت
...
ياحي والله هـذاك الصـوت
اللى اتصـل امـس مشتاقـي
لحظة غيابه تجيـب المـوت
وشلون لـو ينـوي فراقـي
ياراكب اللى يسمـى حـوت
اقصاد .. والحال بك ضاقـي
اركب نبي .. نصيّف بيروت
لعيـون مبرومـت الساقـي
تدري وشنهو خـراب بيـوت
غيابها .. وقطـع الارزاقـي
مـن عقبهـا كنـي بتابـوت
ماعـوض غيابهـا البـاقـي
اللى اسمها بالحشى منحـوت
مـن حبهـا داخـل اعماقـي
تقـول : ان الليالـي تفـوت
وانا انتظر لك على اشواقـي
ماشفتني .. كاشخـه بالبـوت
امشي .. بثقة واحـدٍ هاقـي
الهيبه ماهـي بلبـس بشـوت
غيرتهـا بعـيـن عشـاقـي
من هيبتي لابست لـي كـوت
هيبة ملـك .. مـر سواقـي
قلت : اسكتي والوعد مثبوت
بكره اطفي الشـوق بعناقـي
فديـت دم الشفايـا الـتـوت
الموت الاحمـر ولا انذاقـي
خليط سكـر علـى ياقـوت
صفـت ثنـايـاك بـراقـي
ياصاحبي .. اركب لبيـروت
لعيـون مبرومـت الساقـي
نمشي على الرجل ولا الحوت
ماتفرق ان صـرت مشتاقـي
....
الزاجل المصري
...
تعال اباخذك عصر ٍ احسه قريب من عصـري
يضايقني العصر هذا وانا ماني وسيـع البـال
انا وشلون احبك والاحزام الناسـف بخصـري
بحبك في زمن كانت فعولـه تثبـت الاقـوال
رسايل عشق ينقلها الحمام الزاجـل المصـري
رسايل مادخلت في عالم الانتـر ولا الجـوال
وقصر فاخر على ضفة نهر احلا قصر قصري
وحدايق لي على مد النظـر متسـوره بجبـال
هنا .. لو تجتمع دنياي ماتقدر علـى حصـري
لأني معك والدنيا اضحكة لي والزمن ما مـال
انا شاعرك واتفاخر بحبـك وافـرح بنصـري
ولكن اسمع لشاعرك بأخر بيت لك وش قـال :
حبيبي لا تصدقني وتشري الزاجـل المصـري
ترى امزح معك خلينا على الجوال راس
....
عبس
...
ياوقـت لاتلبـس مواعيدنـا لبـس
كم لي وانا خايل واخايـل واخايـل
الكسر حديته على الجبر والجبـس
والدمع حديته علـى الخـد سايـل
فل القيود وبطـل اقفولـة الحبـس
خل الكويـت تعايـد اليـوم حايـل
اللي تشاور راعي اللبـس باللبـس
تبـا تماريبـه بـنـات الحمـايـل
ام الترف والمبسم السكـر الدبـس
عالت على قلبن لها الحـب شايـل
من يوم ماجتني تحبس الهوى حبس
تامر علي ولسانهـا حيـل طايـل
وشلون تامرني وانا من بني عبـس
لو يحكـي التاريـخ فيهـا قبايـل
رح قلها لو ريقي من الضما يبـس
مانـي بـدور بالرفيـق البـدايـل
كان الزمن مايل معي وخاطره عبس
ترى الزمن ماهو على طول مايـل
بكره تغادر ضيقة الصدر والكبـس
بـاب الاصايـل ينفتـح للأصايـل
تلقا اليدين مكسره قفولـة الحبـس
وتلقا الكويت مصافحه يـد حايـل
......
زهقت انا منـك كرهتـك ومليـت
تعبت مـن شكـك وكثـرة ظنونـك
من كثرة اسئلتك احـس استجنيـت
ياخي دخيـل الله ذبحنـي جنونـك
مليون مره انت في حقـي اخطيـت
لو غبت ساعه تفكر انـي اخونـك
وانـا ولا مـره خذلتـك وزليـت
تخيّل انـي بـس عايـش اصونـك
عيني تصير ان ضقت من بيتك البيت
وقلبي يصير الكون لاضاق كونـك
واللي صدمنـي لا بغيتـك تخليـت
وانا الذي لاضقت واحتجت عونـك
تقول لو تطلب عيوني لك اعطيـت
وش فايدة شوفي حبيبي بدونـك .؟
وطلبت منك شي عـادي وصديـت
وشلون لو اني طلبتـك عيونـك ؟؟؟
.....
غرتني الدنيا
...
غرتني الدنيا وانا اصبحـت مغـرور
وحطمت قلب اللي غمرنـي بطيبـه
اصبحت عايش خالي احساس وشعور
ماعـاد افهـم وش حبيـب وحبيبـه
غادي عن الدنيا لـي ايـام وشهـور
صارت حياتي فـي عيونـي غريبـه
ظلام لف الكـون ماعـاد بـه نـور
غربه خذت ثامر مـن ايـدي نهيبـه
بنيت بيني وبيـن نفسـي انـا سـور
ابعدت نفسي وهـذي اكبـر مصيبـه
ترى الذي مايسمع الـراي والشـور
كلمـه تـودي بـه وكلمـه تجيبـه
وانا غلطت وقلـت مانـي بمعـذور
ومن يعترف بالحق محدن يعيبـه !!!
وياصاح سامحني اذا جيت بقصـور
مثلك يسامـح لازعـل مـن قريبـه
لو منت غالي كـان مانـي بمجبـور
اجي و ادوّر عنك مـن بعـد غيبـه
اقسم بـرب البيـت ان لزمـن دور
واني بدونك عشـت حالـه صعيبـه
انام ضايق اصبـح الصبـح مقهـور
تخيّـل ان راسـي بـدا فيـه شيبـه
المسألـه ماهـي قصايـد وجمهـور
ولا هي بعد قصـة كرامـه وهيبـه
مسرور من هالناحيه حيـل مسـرور
مرتاح في وضعي كذا ومهتنـي بـه
ماهوب اكبر همي اصيـر مشهـور
كلن بياخذ مـن كتـب مـن نصيبـه
بس انت ارجع لي وانا اكون مشكور
واقلب يـدي وبوسهـا وابتـدي بـه
......
تومي بيدها
...
الله واكبـر ياهـذيـك المواعـيـد
ايـام ماكانـت تحـاتـي وعـدهـا
من قبـل لا تكثـر عليهـا المناقيـد
وتلبـس خطاياهـا عبـاه لجسدهـا
العام كانـت حلـم ليـل الصناديـد
من الحيا ماتجـاوب اللـي نشدهـا
واليوم صارت تصنع لكيدهـا كيـد
تعلمـت وشلـون تتـقـن نكـدهـا
تومي بيدها لواحـدن واقـف بعيـد
تحسبني ازعل يوم تومي بيدهـا !!!
ماتـدري ان فراقهـا كنـه العـيـد
مانـي بميـت مـن غلاهـا بعدهـا
القلب لو شوقه بعـد غابـت يزيـد
ذبحت قلبي فـي يـدي لـو فقدهـا
ماعادهـا كفـو السهـر والتناهيـد
مدامهـا خانـت مبـادي عهـدهـا
قولولهـا وانكانهـا شيخـة الغـيـد
تستر عن عيـون المناظـر نهدهـا
وانكان اصبح عذرها حـب تجديـد
مع موظةٍ يخـذل مطرهـا رعدهـا
لا والله الا زادة حـبـارة الصـيـد
وطيـور ماهـدة بيكثـر هـددهـا
العلـم بيّـن مايـبـي زود تأكـيـد
واضح وضوح الشمس للي شهدهـا
الشمس تطلع شرق يـوم الله يريـد
حكمه من الله ماطلعة مـن وحدهـا
الله أمرهـا تنـور الكـون تحديـد
وبعض البشر مع كل هذا تعبدها !!!!
يعني خلاصة هالحكـي والتشاهيـد
قولولهـا مـن قبـل تفقـد رشدهـا
انكانهـا مشتاقـه لـواحـد بعـيـد
تروح له .. ماهوب تومي بيدها !!!!
يومن معك مافيه شاعـر وجمهـور
مافيـه الا بـس حبيـب وحبيـبـه
.......
غلطة الشاطر
...
الغيمه اللي تجيب الظـل والماطـر
ظلت علي الدروب وشـح ماطرهـا
ضحيت واجد على شانك وانا ناطـر
الفرصه اللي ثلاث سنيـن ناطرهـا
اليا متـى ماتسيّـل حبـك القاطـر
مليت اسطر جروحٍ شاب ساطرهـا
ياكثر من قال انـي بالغـلا شاطـر
هو مادرى اني رجيتك سيل قاطرهـا
ياصاحبي لا طرالي ثوبـك العاطـر
يهون عندي غثى الدنيا وخواطرهـا
القلب فج الضلوع وجالـك مخاطـر
والكبد قو الصبـر والبعـد فاطرهـا
اما تسولف سوالف تشرح الخاطـر
ولا تكب السوالف لجـل خاطرهـا
كل شي عادي .. ولكن غلطة الشاطر
تبقا مع الناس وتبقا بقلـب شاطرهـا
.......
ادري مع غيري تخونيني الحين
...
ماودي اقلبهـا علـى راسـك الحيـن
ولاودي اسكت عنك .. واجرح ضميري
جونـي وقالـوا عنـك نـاسٍ كثيريـن
كلام يكبر عنـه .. حتـي الصغيـري
قالـوا نستـك : وقلـت والله لتموتيـن
وللحيـن باقـي لـي بقلبـك كثيـري
ابسألـك وشلـون يعنـي بتنسـيـن ؟
ولحمة كتافك .. كابره بفضـل خيـري
قالوا تبيها : وقلت يمكـن مـن سنيـن
يومه مصيرك مرتبـط مـع مصيـري
انتي .. مثل طيـرٍ كسيـر الجناحيـن
جبرت كسـره عقـب ماهـو كسيـري
ياكل من يدينـي .. سـوات المساكيـن
وصد وتنكر .. يومه اصبـح يطيـري
قالوا تخونـك : قلـت طبـع الردييـن
طبع الخيانـه مـن الردايـا يصيـري
كل يوم وانتـى ألـف مـره تخونيـن
ماهـي غريبـه خيانتـك للعشـيـري
ادري مـع غيـري تخونينـي الحيـن
وادري بعـد ساعـه تخونيـن غيـري
........
حبيبة صاحبي
....
يابنت هذا صاحبي واقرب النـاس
تبين اخونه بكل بساطـه عشانـك
والله لو انك خلقتـي مـن المـاس
وصرتي بعين الكل شيخة زمانـك
ان صاحبي يبقا مكانه على الراس
وانتي حبيبة صاحبي فـي مكانـك
وشلون ابادلك المشاعر والاحساس
واسرق من ايدينه غلاك وحنانـك
وانا ادري ان حبك بقلبه بلا قيـاس
وانتي تخونين الوفا يـوم صانـك
تخيّلي انـك مكانـه علـى سـاس
مع اقرب انسانه غدربـك وخانـك
يسهر معاها طاردن نـوم ونعـاس
في منظرن لو صار زعزع كيانك
شفتي شلون ان موقفك حيل حساس
شفتي شلـون انـه قليلـن امانـك
مثل الكبير اللي صغر حيل وانداس
انتي نزلتي من حترامـك وهانـك
لكن انا ببقا وفـي لقـرب النـاس
ماني بخاين فـي رفيقـي عشانـك
...
توك تجي
...
منك السموحـه والعـذر ياضنينـي
النفس طابـت ليـن قلبـي عذرهـا
ماعـاد باقـي شـي بينـك وبينـي
وانكان لك حاجـه تعـال اختصرهـا
اخذت من عمـري حـلاوة سنينـي
كافي علـى قلبـك اليامـن ذكرهـا
غصب الفراق يصير ماهـو بدينـي
اقـدار مكتوبـه ولاحـد(ن) قدرهـا
توك تجي .. واتقـول انـك تبينـي
وين انت يوم النفس تشكي كدرها ؟؟؟
كنـت اترجـى تتصـل يـوم فينـي
كنت بحياتي غير .. قبـل اتهجرهـا
خـلاص لا تتعـب قدمـك وتجينـي
كنت احترم جيّتك .. وصرت احتقرها
سبحان مـن خـلاك عـادي بعينـي
من عقب ماكنت انت تسوى نظرهـا
....
المكان
..
المكـان اللـي لنـا عــاده لـنـا
ماتغيّـر للمـكـان ولا الـزمـان
بس غبت وجبت من غبـت العنـا
وصرت اسولف للمكان شلون كان ؟
اتنـزح مـن هنـا ليـمـا هـنـا
لين انا ماضقت وضيّقـت المكـان
صرت احس اني انـا مانـي انـا
طبعي القاسي نسـى نفسـه ولان
من عذر لو قلبـي الصلـب انثنـا
فاقد(ن) لي شخص غالي من زمان
انت تدري عنـك انـا مالـي غنـا
بس مـدري ليـه تبخـل بالحنـان
ويـن اولـي كـل ماليلـي دنــا
وقمت اهوجس ليه خلاني وخان .؟
اتذكـر كـيـف نجـلـس كلـنـا
في ركن واحد ولا ضـاق الركـان
كـان موعدنـا ثمـان مـع الهنـا
وكنت انا دايم اجـي قبـل الثمـان
صاحبـي ماقـول غيـر الله لـنـا
لاغـدى مالـك ولا الدنيـا آمـان
.....
حكاية اسمه االثاني
...
اببعد والطريق اللي يـودي ياعسـاه يجيـب
بدالـي واحـدن تلقـا معـاه اللـي تمنيتـه
مدامك شايف الفرقا امل خيره وراي مصيب
انا حاضر علـى امـرك وامـرك ماتعديتـه
انا الغلطان واستاهل جفاك ومنـك التجنيـب
على فكره تـرى ماهمنـي بعـدك وتشتيتـه
كثر ماهمني شخصن بدايـة بعـده التعذيـب
قسـم بالله مامثلـه مـن الاجـواد خاويتـه
حسافه يالحبيب اللي من يديني زمان قريـب
ترك دنياه من شاني ولجـل دنيـاك صديتـه
هذاك اللي خلق ربي حياته كلها مـن طيـب
تضيق بعيني الدنيا واشـوف الخيـر لاجيتـه
تخيّل مـن تعرفنـا ولامـره لحقتـه عيـب
ذكرني والمصيبه ياكثـر مـا انـا تناسيتـه
كبير الفرق مابينك وبينـه ولسـؤال مجيـب
اذا ردت على فعلك وصيته وفعلـه وصيتـه
علي لاضاقت الدنيا وجيتك عن عيوني تغيب
وهذاك ان ضاقت الدنيا وجيته فاتحـن بيتـه
كلامه .. فلة حجاجه .. سلامه لابدا الترحيب
كبير بكل حالاته .. انا وشلـون خليتـه !!!
عطاني كل ما اطلب بلا منـه بـلا ترتيـب
على اقصاه يمكن الـف مـره بـس حديتـه
تركته ايه ما انكر وعـذري دايـم التجريـب
غريبه قصتي وياه والاغرب كيف جافيتـه !!
اشوف الدنيا صغيره بعيني اوكـره التغريـب
اضيع شهور عن دربـه وارد انكـان دليتـه
اجيه استسمح ارضاته واطالب حقي التقريب
انادي اسمه الثانـي عشـان ارضـاه ناديتـه
حكاية اسمه الثاني بسيطـه ماتبـي تحسيـب
عطاني اسم غيـر النـاس بلحالـي وسميتـه
انا متأكد ان جيته ودمعـي سايلـن للجيـب
بتصغر كل هالدنيا مثـل ماضقـت وابكيتـه
كبير بقلبه بحبـه كبيـر ولا مـلاه الشيـب
يقـرب كفـه الطاهـر لكفـي كـان مديتـه
اذا الله قدر ورده مثـل اول وصـار قريـب
عسى الله كل محتاجه يخليني ان خليته !!!!!
.....
بسكات
...
ياكثر شرهاتي عليـك انـت بالـذات
والا علـى غيـرك تراهـا قليـلـه
تعبت اجي بسكـات واروح بسكـات
ساكـت وانـا متنـي حمولـه ثقيلـه
مرات احس انـي لحالـي ومـرات
احـس مسنـود ٍ بجـيـش وقبيـلـه
عشت بمتاهـه غيـر كـل المتاهـات
كانـت مفيـده بـس ماهـي جميلـه
عرفت منها كيـف طعـم الخيانـات
وشلون ترخصـك النفـوس الذليلـه
خسرت .. لاوالله فدتـك الخسـارات
ياغـلا مـن الدانـه بعينـن بخيـلـه
ماقلت لـك قصـة بعيـد المسافـات
اللـي معـه بشتـه وسيفـه وخيلـه
ضحى بهم منشـان سـود ٍ وسيعـات
الله يعيـن اللـي مـفـارق خليـلـه
جيتك اشيل من التعـب كثـر مافـات
طرقي وهـدت سـود الايـام حيلـه
خذني من ايديـن الحـزن للمسـرات
ليله معـك عـن الـف ليلـه وليلـه
صوتك لحاله غير عن كل الاصـوات
وش غير ؟ حتى الغير ماهـو مثيلـه
غير انت وصوتك غير والشوق مامات
وتلومنـي لاجيـت قلـبـي اشيـلـه
دايم ترى اهـل القلـوب الحزينـات
تنشد عن الغالي وتجـي تشتكـي لـه
علاقتـي ويـاك غيـر العـلاقـات
لـو كـان ماهـي ياحبيبـي طويلـه
اشره على الغالي عليك انت بالـذات
والا الرخيص رخيص ماني بجي لـه
....
فيني بدوي
..
لاتـسـئـلـيـنـي عـن سـبـب ضـيـقــة الـبــال
مـبـطــي وانــا مـاذقــت طـعــم الـسـعــاده
ظــروف خـلــت حـالـتــي مـاهــي بـحــال
كـافــحــت لـيــمــا مـابــقــت بـــي إراده
بـنـيـت لـي فـي عـالــم الـصـبــر تـمـثــال
وبــاد الـزمــن تـمــثــال صــبــري إبـــاده
حـاولـت اوسـع خـاطــري بـلـعــب الاطـفــال
وكــل مـاسـلـيــت شــوي ضـاقــت زيـــاده
لــو الـمـشـاكــل حـلـهــا الـدمــع لا ســال
اسـتـغـفــر الله .. صــار دمــعــي عــبــاده
لـبـكـي بـكـا .. ضـيـقـه ولـوعــه وغـربــال
مـابـكــي بــكــا .. خـــوف ٍ وذل وشـــراده
يـابـنــت .. وديــار الـبــدو عـشــب ورمــال
ومـســرى بـلـيــا شــور كــلــه جــهــاده
وانــا سـريــت بـــوادي ٍ فــوقــه جــبــال
الـحــر مـاشــاف الـشـبــك يـــوم صـــاده
فـيـنـي بـدوي طـبـعــه ورى الـخـيــر رحــال
اكـثــر مـقـيـمــه فــوق مــركــب شـــداده
يـشــد ويـنــزل كـــل فــتــره بـمــنــزال
قـربــه صـعــب جــدا وسـهــل ابـتــعــاده
ان قــال فـرقــا .. مـاتـراجــع الـيــا قـــال
مـاتــقــدر الـدنــيــا تـكــســر عــنـــاده
فـيـنـا الـولــد .. يـســوا ثـمـانـيــن رجــال
فـيـنــا الـكــرم .. خـلـقــه وسـنــه وعــاده
وبـالـعـشـق اخـذت الـلـي مـواصـيـفـهـا ثـقـال
فــي زيـنـهــا مـاهــي بـحـاجــة شــهــاده
حـبـيـبـتــي .. مـازيـنــوهــا بـسـلــســال
مـــن زود مـاتــبــرق تـضــيــع الــقــلاده
اسـود شـعـرهـا .. لـلـبـسـت فـوقــه الـشــال
الـشــال الاســود .. يـنـصــدم مــن ســـواده
ارجـولـهــا خـلـخــال .. مــن دون خـلـخــال
خـلـقـتـهـا لـفـت انـظـار .. مـاهــي عـمــاده
لـو نـفـتـرض مــرت عـلــى شــارع الـجــال
فــاض الـبـحــر يـشـكــي عـلـيــهــا وداده
الارض تـهــتــز حــدرهــا هـــز زلــــزال
زلـزالـهـاتــعــشــق حــدوثـــه بـــــلاده
فـيـهـا الـحـلا .. عـايـل عـلـى كـلـهــا عــال
ان سـولـفــت بـالـلــيــل انــســى رقـــاده
بـس الـمـصـيـبـه حـظــك الـشـيــن لا مــال
الــيــارقـــد يــابــعـــد والله قـــعـــاده
وانــا مــع حـظــي .. بـعــض نــاس عــذال
زادوا عــلــي .. مـــن الـنــكــاده نــكــاده
صـحـيـح انـا عـايـش .. ولــو الـحــزن طــال
الـحـمــد لــلــه والـشــكــر والـشــهــاده
الـفـضــل لـلــه .. عـزنــي بـكــل الاحــوال
مـاذلـنــي بـحــاجــه تـشــمــت إعــبــاده
مـيــر الـبــلا ضـيـقــات الــوان واشــكــال
لاجــنــي خـلــنــي طــريــح الــوســـاده
هــذ انــا . يـانـاشـدتـنــي عـــن الــحــال
مـن كـثـر ضـيـقـاتـي نـسـيــت الـسـعــاااااده
....
الشهره
..
الشهره اللي وراهـا النـاس منجرفـه
ماهوب اكبر طموحي مصافـح ايديهـا
مانيـب جاهـل بهـا انكانهـا حـرفـه
اعـرف مداخيلهاواعـرف خوافيـهـا
اعرفـك يادربهـا واقـول ماعـرفـه
وان مر طاري لهـا صديـت طاريهـا
الشعر لـولا عيـون الجـادل الترفـه
والله لانسـى القصايـد مـع قوافيـهـا
ضيقات صدري كثيـره مالهـا صرفـه
من كثرها ماعرفـت شلـون ابحكيهـا
اشيـاء منهـا تبـات النفـس منقرفـه
ياكثـر ماحطمـت نفسـي وامانيـهـا
القدس راحت إناظرهـا مـن الشرفـه
وابن اليهـودي يـدوّج فـي ضواحيهـا
وحنا العرب ساكتين اسكـات معترفـه
نشوف بالعين ارض القـدس وش فيهـا
والدمعه اللـي مـن المسكيـن منذرفـه
ماحركـت شـي بالظـالـم معانيـهـا
الجوع .. والبرد .. ومسكن يشبه الغرفه
تقتل احـلام الفقـاره .. قبـل تحييهـا
والناس صارت بجرح النـاس محترفـه
يـارب ستـرك مـن الدنيـا وبلاويهـا
والحب تطعن بصدقه .. بنـت منحرفـه
من كثـر ماكذبـت .. تنسـى اساميهـا
وبعض السوالف تغثـك مابهـا طرفـه
تدبـل كبـودٍ تـدور مــن يسليـهـا
مثل البشـر بعضهـم مـاودك تعرفـه
زودٍ علـى ضيقتـك وجهـه يطّريهـا
.....
احساس طفله
...
يابنت وجـه الخيـر بيّـن ومعـروف
لـو ماتكلـم شافـت النـاس خـيـره
والوجه الاقشر ماهو بحاجة اوصـوف
يبـان حـتـى للعـيـون الضـريـره
من عاش يتبع خطـوة المـال ملهـوف
رزقٍ كتـبـه الله .. مافـيـه غـيـره
الخوف لو ينفع .. نفع صاحب الخوف
اللـي علـى حقـه يدينـه قصـيـره
الضعف ماغيّر قـدر نـاسٍ ضعـوف
عاشت صغيره ويـوم ماتـت صغيـره
كلمة احبك بس مـن اربـع حـروف
وتحكـي احاسيـس ومشاعـر كثيـره
الحب اكبر من سهـر ليـل وطيـوف
ماتفهمـه حتـى القلـوب الكسـيـره
تدرين اصدق حب يطلع مـن الجـوف
حب الفقير اللـي عشـق لـه فقيـره
احلامهم تكبـر مـن ملامـس كفـوف
وتكبر من اشـواق العشيـر لعشيـره
كنه معاها لو علـى ضلـع مكشـوف
داخـل قصـر يجمـع اميـر واميـره
احساسهم صادق بـلا كـذب وزيـوف
كلـن يقـول اللـي يريّـح ضمـيـره
احساس طفلـه عندهـا العيـد نفنـوف
تظـن مـن تلبسـه صـارت كبـيـره
وانا لحالي مجابه صفـوف وصفـوف
واليا خسـرت اقـول فـدوه وخيـره
اطيح ووقف وابعد الشـوف واطـوف
اخـذ قليـل الـزاد وارحـل لـديـره
اترك كثير الزاد في كسـب معـروف
تـرك الكثيـر يجملـك فـي مصيـره
يمكن يجيه انسان هالك مـن صـدوف
يلقـا مـن اللـي تاركـه مايجـيـره
شايف من الدنيا وعايف بشـر عـوف
اجنـاب والا مـن رجـال العشـيـره
مرت علي اظروف واظروف واظروف
ماريحـت حتـى العيـون السهـيـره
وللحين راسي راس وكتوفـي كتـوف
ماغيّـرت مـنـي ليـالـن عسـيـره
مدام فينـي حيـل وعيونـي تشـوف
والله معيّشـنـي بحـالـه سـتـيـره
والله لستقبـل علـى بابـي ضـيـوف
لـو مـا املـك الا دلتيـن وحصيـره
........
العشره
..
تدري وش اكبر صدمتن تنصدمهـا
لا حتجت لك غالي وقـام يتصـدد
علاقـة العشـره بلحظـه هدمهـا
من شـان حاجـه للمفـارق تهـدد
وكانه ندم .. مافـاد نـاسٍ ندمهـا
مافات مات .. ولا يفيـد ان تـودد
جعله فـدا نـاسٍ مواطـي قدمهـا
تسوالهـا ديـره وحكـمٍ مـشـدد
ناسٍ تساوت روسهـا مـع خدمهـا
زمانهـا راحـت عليـه وتـجـدد
اطلال صارت .. جاء زمان وردمها
حتـى مكـان اطلالهـا مايتـحـدد
وجودهـا ماهـوب يشبـه عدمهـا
على الاقـل اليـا عطـت ماتـردد
ماهيب مثل اللي ربوعـه صدمهـا
لاجاه فـي حاجـه رفيقـه تصـدد
.....
جمر المفارق
..
جمر المفارق بالحشا شهـور واقـد
القلب عقبك كـن يحمـس بمحمـاس
تـدري وربـي كنـي الكـون فاقـد
من غبت عني كن ماني مـع النـاس
طيفك يمر دايم علـي وانـت ماقـد
مريت في دربي مع الدرب عسـاس
مليـت وحجـاج الزمـن دوم عاقـد
تعـال فلـه مابقـا داخلـي بــاس
دنيـا بدونـك عافهـا القلـب ناقـد
من كثر ماشاف الكـدر والتعومـاس
بعض العرب كنه على الكبـد راقـد
والمشكله يدري ولا عنده حساس !!!!
شكله متعمـد داخلـه قلـب حاقـد
وده يضايقني وانـا ضايـق الـراس
ياصاحبي والله احـس كـون فاقـد
فاقدك وكنـي فاقـدٍ جملـت النـاس
......
محتاج لك حيل
...
محتاج لك حيل والله يقطـع الحاجـه
حدتني وجيت اداري دمعـة عيونـي
باين علي التعـب والضيـق وانتاجـه
منهار لونـي متغيّـر ماهـو بلونـي
لقيتك .. اللي يصـد معقـد حجاجـه
وانت اقرب الناس والغالي ومضنوني
لكن على الله بديه الضيـق وافراجـه
والا انت الله معك خابت بك ضنونـي
بلاش منك ومـن موقفـك واحراجـه
رح واتبع اللي خذوا منـي وخلونـي
من صد عني تـرى مانيـب محتاجـه
من دونه اعيش دامه عاش من دونـي
وان قـدر الله مـع الايـام نتـواجـه
تمـر مثلـك مثـل ناسـن يمرونـي
في عيوني تصير ماتسـوا ولا حاجـه
من عقب ماكنت تسوا الناس في عيوني
.....
حبيبي روح
...
حبيبـي روح لاتقعـد عشانـي لابغيـت تـروح
اذا ماعـاد لـك حاجـه بوجـودي لا تجاملنـي
عشاني .. لا عشان الملح والعشره ياروح الـروح
اذا دمـي ثقيـل اصبـح بعينـك ماتحملنـي !!!
تخيّـر بالـدروب وكـل دربٍ يعجبـك مفتـوح
وانا لا رحت عـن عينـي ابلقـا مـن يوصلنـي
تعـذر لا بـلاش انـك تعـذر ابتعـد مسـمـوح
تراضينـي سنيـن البعـد كـان البعـد يزعلنـي
علي لا ينشغل بالك ولـو كلـي غديـت جـروح
تهملـنـي ربــع واحـبـاب والله مايهملـنـي
ترى اصعب شي بالدنيا اذا صار الغـلا مذبـوح
بقلـب اللـي تحبـه وعاملـك باللـي تعاملنـي
احبك شي .. وشي ثاني خطاك ان قلت لك مدموح
تجاهلني وتبي ادمـح خطـاك انـك تجاهلنـي ؟
احبك لو علـى قلبـي دلالـك ترتكـي وتفـوح
هـذاك اول زمانـن فـات قبـل انـك تبدلـنـي
بحب اللي تحبه صرت تنطـر شوفتـه مشفـوح
انا ادري مـن عيونـك تفضحـك لـوّك تظللنـي
اشوفه في عيونك .. ياعيوني فـي سمـاك يلـوح
اخذ نفس المكـان اللـي لجـل يوصلـه نزلنـي
حبيبـي روح لا تقعـد عشانـي لابغيـت تـروح
انا ادري منت في حاجة وجـودي لاتجاملنـي !!!
...
البلوتوث
..
ياصاحبي لجلك شريـت البلوتـوث
عشان اصير انسان مثلـك معاصـر
كنت احسب انه لخدمة الناس مبعوث
اثره خراب بيـوت شـر ٍ مقاصـر
ياجعل ماهو لجيل الاسلام مـاروث
اكبر خطر للجيـل هـذا يحاصـر
شي ٍ يخلي راكـد العقـل ملهـوث
واللي يناصـر صاحبـه مايناصـر
آفه تحرث بقاع ماهـوب محـروث
تشوف فيها رقص هـز الخواصـر
يفرحبها جاهل من الجهل محثـوث
ويلقابهـا كمـل المهابيـل قاصـر
والحين دام ان الحدث صار محدوث
يارب ثبتني مـن عصـار عاصـر
وياصاحبي مابيك ولابـا البلوتـوث
ولابا اصير انسان مثلـك معاصـر
.....
دمعة البرد
...
طبع الندى يبكي وهو حاضن الورد
في عز ماهو فارغ الصدر مرتاح
مثل السحاب اللي بكا دمعة البـرد
تفرح به العربـان لا بارقـه لاح
اما انا قلبي غـدى قاسـيٍ عـرد
ماعاد يبكي لو فنت كـل الارواح
من يوم راح وشاف دمعي ولا رد
حرمت مابكي لي على واحدٍ راح
طرد المقفي يتعب القلب بالطـرد
يشوحه المقفي كما شـوح ملـواح
ترى حلاة الرجل في حزة الجـرد
مايقبل الهيّن .. ويوقف اليا طـاح
ان صدرم صدر .. وان وردم يرد
ياخذ حقوقه لو بها سيوف ورماح
والدمعه اللي شافهـا وراح مـارد
اخير دمعـه كانـت لواحـدٍ راح
...
منت اختياري
...
تعال ارسم على وجه الزمن بسمـه
تعبت من دنيتن فيها الحزن ضيفـي
القلب ضاق بجفاك ومل من جسمـه
صبرت مير الصبر كسر مجاديفـي
مرت سنه !!! والجدار معلق الرسمه
اخر هداياك وكانت بأخـر الصيفـي
ايام كان الخيـال يداعـب النسمـه
صنفت جزل القصايد قبل تصنيفـي
عشيتها من جزال افكـاري الدسمـه
غلفتها في يـدي وختمـت تغليفـي
وان عـودت للغـلا والله منحسمـه
هالمسأله شرفت من غيـر تكليفـي
غلاك عانه وسم في داخلي وسمـه
مكتوب فوق الوسم ( اغلا مواليفي )
منت اختياري ولكن صرت لي قسمه
الله كتب لي احبـك ماهـو بكيفـي
عاد انت يالله تعال ورجـع البسمـه
مليت من دنيتن فيها الحزن ضيفـي
.....
سافر
...
سافر واخـذ قلبـي معـك ويـن مارحـت
اخـذه معـك فـي غيبتـك وش ابيبـه .؟؟
يمكـن معـك يرتـاح لاشافـك ارتـحـت
يمـكـن يجيـبـك لـــي ولا تجـيـبـه
والا انــا لقفـيـت مـعـذور لاطـحـت
ياصعبـهـا فـرقـا حبـيـب لحبـيـبـه
مـن فـوق تقلـب غيبتـك دنيتـي تحـت
ياللـي فراقـك لــي اكـبـر مصيـبـه
اليا طـرا طاريـك مـن ضيقتـي صحـت
والدمـع يملـي كــم ثـوبـي وجيـبـه
انـا اشهـد انـك داخلـي منحـت نحـت
يابخـت منهـو صـرت حظـه نصيـبـه
مليوووون ضيقه ان جيت عن خاطري زحت
ارجـع فديـت الليـل يـوم تحكـي بــه
ياقلبـة الله فـي عيـونـي الـيـا لـحـت
كـنـك اسـيـرٍ جـابــه الله لحبـيـبـه
....
قلب بدوي
...
ماعلي خلاف اقول اللـي ابيـه
من فضل ربي علي انـي قـوي
الا حبك شي مـا اقـدر عليـه
كن حبك ضيف والقلـب بـدوي
انت بس اللـي ابيـه ولا اجيـه
عنك حظي لاوي ذراعي لـوي
صرت لي مشوار لاجيت ابتديه
ان لقيت الدرب ضيعت الخـوي
رد يامنهـو حياتـي فـي يديـه
لا تخلينـي وانـا لـك مهتـوي
ان خسرتك وين ابلقا لك شبيـه
وانت من كل شي نادر تحتوي .؟
وين رايح جعل هالزول افتديـه
وانت خابرني من البعد انكـوي
انت حتى الجرح منـك اشتهيـه
من غلاك اضمى عذابك وارتوي
انت لا سولفـت ماكنـي هنيـه
التزمت الصمت كنـي منطـوي
ليه اسولف لك وهي من غير ليه
تعرف انك تطوي احزاني طوي
انت حبك شي مـا اقـدر عليـه
كن حبك ضيف والقلـب بـدوي
...
اخير انسان
...
يتلني قلبـي علـى هرجتـك تـل
واجي اسولف لك ولـو ماسئلتـي
كنتي اصغيره .. بس اغلا من الكل
كنت اتامل خيـر لامـن كملتـي
لكن خساره مانفع : ياعسى وعـل
صرتي مثل ورده .. كبرتي وذبلتي
انتى وصلتي مرحله مالهـا حـل
اتفه سبب لا من حصل لك زعلتي
انكان قلبك من تعب عالمـي مـل
محد جبرك انتى بكيفـك دخلتـي
ابعتبـر نفسـي مثـل غـاديٍ دل
وانتى معايه .. مانجحتي فشلتـي
مرضى عليك ولا على نفسي الذل
اعادلـك بالـروح مهمـا عملتـي
انا اخير انسان .. في حقك يـزل
اموت .. وانتى بشيمتي مانخذلتـي
انا عطيتـك مـا تعـذرت بالقـل
وانتى بقول الحـق فينـي بخلتـي
انا رسمتـك غيمـةٍ للبشـر ظـل
اعلا مكانه فـي حياتـي وصلتـي
كنتى بمكانن مرتفع تحتـك الكـل
لكن خساره من مكانك .. نزلتـي
...
مرت وعدت
...
آمنـت ان الحـي بيقابـل الـحـي
من صدفةٍ للـدرب هـذا جرفتنـي
امشي بفالي صدفةٍ مـا ابـي شـي
فجأه عرضت لي شفتها وطوفتنـي
مرت وعـدت كنهـا ماهـي بهـي
ماكنهـا ياخـوك يـوم عرفتـنـي
عطيتها حب وغلا وقصـرت بـي
اوفيتها بـس للاسـف مـا وفتنـي
كانت اليا ضاقت تجـي كلهـا لـي
نسـت عطـاي وطيبتـي لالفتنـي
ماكن لي فيها غلا لـو هـو شـوي
ولكنهـا بسـود الليالـي جفتـنـي
وقفت اطالع منجرح منكـوي كـي
ساعه بمكاني منصـدم وقفتنـي !!!
بغيت اجيها وصدهـا كتّـف ايـدي
تبي الصراحه ياولد خوفتنـي !!!!!
خايف اجيها تقول لي وشتبـي فـي
.؟؟ولا تسوي نفسها ماعرفتني !!!!!!
......
غلطة حياتي
...
لا تنصـدم ماعـدت شـي بحياتـي
كلك على بعضك كرهتـك وعفتـك
مابيـك لـو انـه وجـودك غناتـي
حذفت انا اسمك من سجلي وحذفتك
صارت حياتي معك تشبـه مماتـي
مافيـك حاجـه طيّبـه لا وصفتـك
عمر الخطا ماكـان نـوع بصفاتـي
حتى مشيت العـام دربـك وشفتـك
انا غلطـت بحـق نفسـي وذاتـي
غلطه بدت من يوم جبتـك وضفتـك
داخل خفـوقٍ حـط حبـك مناتـي
كبرك في عيني وجيـت وعرفتـك
وصرت القريب اللي .. شتاته شتاتي
جرفتني كلـي .. وكلـك جرفتـك
لكن خسـاره منـت كفـوْ لسواتـي
اللي حصـل بيّـن رداك وكشفتـك
تدري بصراحه ايش غلطـة حياتـي
انـي نزلـت لمستـواك وعرفتـك
.....
جيتك
..
لاتلومني لاجيت كلي من اقصـاي
مافيـه غيـرك لاتضايقـت جيتـه
جيتك ولاغيرك ذكرتـه بمسـراي
جيتك وكل انسـان غيـرك نسيتـه
جيتك وانا ماني بأنـا تايـه الـراي
جيتك وانا مدري وش اللـي بغيتـه
جيتك وقلبي دقتـه تسبـق خطـاي
جيتـك اقـول مفارقـك ماقويتـه
ان مر يـومٍ بالعمـر منـت ويـاي
اشتاق لك شـوق المسافـر لبيتـه
مثل الهوا تحتاجه النـاس والمـاي
يحتاج لـك قلـبٍ هـواك وهويتـه
دامك معي ماقصرت يـوم دنيـاي
دامي خذيتـك وش بقـا ماخذيتـه
وانكان تنشدني بعد ليـه انـا جـاي
ابشـر بـردٍ يقنـعـك لاقريـتـه
جيت اعترف بالفرق يا اخر منـاي
بينك وبيـن اللـي عشانـك جفيتـه
اني ليامن جيت لك ( همك رضاي )
واني ليامن جيت لـه ( مالقيتـه )
لاتلومني لاجيت كلي من اقصـاي
مافيـه غيـرك لاتضايقـت جيتـه
.....
شيخة العوب
...
كل البشر في صوب وهالبنت في صوب
الكـامـل الله كـامـلـه ماتـعـابـي
ترفه وهـي تمشـي مسافـات ودروب
في عـز رحـلات الشقـى والعذابـي
لامن مشت فـي يدهـا ترفـع الثـوب
كـلٍ يناديهـا وهـي تـقـول مـابـي
مـن الدلـع سميتهـا شيخـة العـوب
حتـى دلعهـا منحنـي لـه عجـابـي
مركوبهـا ماهـوب أيـات مـركـوب
مـن مـر قـدامـي تلـنـه ركـابـي
لحقتهـا والهـرج زاهـب ومكـتـوب
لأي موقـف كنـت عامـل حسـابـي
قلـت السـلام وردت بأيـش مطلـوب
قلـت الخفـوق بخفـت الـدم ذابــي
قالت وش اللي حـدك لنـاري تـذوب
قلـت المشاعـر ماعليـهـا عتـابـي
قالـت تمثـل دور عاشـق ومحبـوب
قلـت الحقيـقـه افتـديـك بشبـابـي
قالت اخيـر الحـب ناهـب ومنهـوب
قلـت انهبينـي قبـل لانقـل صوابـي
قالت متى تكبـر عـن الحـب وتـوب
قلت الخبل مـن شـاف زينـك وتابـي
قالـت صراحـه ماتوقعتـك سـلـوب
قلت افهم انـك معجبـه فـي جوابـي
فجأه عرض لي واحدٍ عرضت خـروب
سلـم علـي وخاطـر البنـت طابـي
جاني مطفي ضارب فيـاض وشطـوب
ومـن قـو عينـه قـال يامرحبـابـي
واخذ يسولف لي وانـا فيـه مغصـوب
يسئـل عـن احوالـي وسبـة غيابـي
مايدري انـه بعرضتـه كسـر قلـوب
لا واعـذابـي مـنـه لا واعـذابــي
رقد على كبدي وانا بوقـت محسـوب
البنت راحـت والرجـى منـه خابـي
وقفت عاجـز كنـي انسـان مغلـوب
من قـرد حظـي كـل هـذا جرابـي
اتـلا عهدهـا تلتفـت لفـت رعبـوب
مالله كتبهـا قسـمـةٍ فــي كتـابـي
اقفـت تمشـى فـي مسافـات ودروب
قلبـي يناديهـا وهـي تقـول مـابـي
....
ارفعك بيدي لسما
...
لاجيـت افكـر بالوجيـه المفاليـح
وفرقت بين الناس عالـي و واطـي
فكرّت بك ضمن الوجيه المشافيـح
متقلطـن ببسـاط ماهـو بساطـي
علاقتـي ويـاك تحتـاج توضيـح
من شفت في بعض الامور اختلاطي
مثلك خطا يحتاج وقفـه وتصحيـح
بيّن مثـل تفريـق ماخـذ وعاطـي
ربيت من صغري على هبة الريـح
ولبست لي ثوبن كمومـه اخياطـي
يوم انت تلعب في يديـن المراجيـح
انا انطح الضيفان وافرش سماطـي
ماعابني لاصرت ظمـن المجاريـح
اغلا جروحي بين الاظلاع ساطـي
العيب لاسقت القـدم دون تصريـح
وخليتهـا بـدرب الردييـن تاطـي
والمشكله انك تحرث النار وتصيـح
اركد قبـل لافـك عنـك رباطـي
خابرك ماتبعـد قريـب المراويـح
زايد عـن العالـم بكثـر الهياطـي
اكبر طموحـك لاتعطـرت بالريـح
تطلع تمشى بين شاطـي وشاطـي
عندي سؤال وخابرن فيـه تجريـح
لكن ضـروري تسمعـه بأنبساطـي
ارفعك بيدي لسمـا ترجـع اتطيـح
قلي شسوي فيك لا صرت واطي .؟
...
الرساله
...
ياللي حرمت القلب مبطي من الصوت
لاتحرمـه هالحـيـن رد الرسـالـه
ايام عمري معـك لحظـات وتفـوت
وش تنتظر لاضاع عمـري بدالـه ؟
يعني عشان اسمك على القلب منحوت
ماعـاد تسئـل ليـه وش هالنذالـه ؟
ان كان قصدك شوفتي وسط تابـوت
خلنا علـى ماقيـل كلـن بفالـه !!!
اليا طرى طاريـك حسيـت بالمـوت
اليا متى هالحال ماهـي بحالـه .؟؟؟
من غبت وصارت غيبتك شي مثبوت
الناس تنشـد ليـه ثامـر لحالـه .؟
زعلان حدي منك ضايـق ومغمـوت
وكل من سئلني عنك ضقت بسؤالـه
عز الله اني معـك مانـي بمبخـوت
امشي يمين الـدرب تمشـي شمالـه
عزآآآه يالدنيا عقب بحـت الصـوت
صار الرجى منك ترد الرسالـه !!!!
...
احبك
...
انا لاقلت لي شلونك وانـا ضايـق اقـول بخيـر
مدامك سائـلٍ عنـي اكيـد ان ضيقتـي راحـت
انا من كثر ماحبـك اشوفـك فـي عيونـي غيـر
تضيق النفس من غيرك ولامـن شفتـك ارتاحـت
احبك كثر .. ماتطـري فبالـي وتشغـل التفكيـر
كثـر .. ماشيلـك بعينـي ونـاسٍ منهـا طاحـت
احبك كثر .. ما ادمح خطـاك ان خانـك التعبيـر
كثر .. ماخانت الرفقـه بكتـم اسرارهـا وباحـت
احبك كثـر .. صقـارٍ تولـع فـي محبـة طيـر
كثـر .. مادلـة الطيّـب بريحـة هيلهـا فاحـت
احبك كثر .. ماحس بشعـور انـي عليـك اغيـر
كثر .. مازيح هالغيره عن افكـاري ولا انزاحـت
احبك كثر .. مالك داخلـي حـب وغـلا وتقديـر
كثر .. ماغبت عن عيني ودموع امفارقك ساحـت
تصدق !! من عرفتك صرت احبك .. واكره التغيير
وانا اللي كنت اعشق كـل نجمـه بالسمـا لاحـت
تأكد كـل ماتسئـل عـن حوالـي اكـون بخيـر
مدامك سائـلٍ عنـي اكيـد ان ضيقتـي راحـت
......
ليلة افراق
..
الليلـه هـذي واضـحـه ليـلـة افــراق
حـاولـت اعديـهـا وعـيّـت تـعــدي
اظــروف ماتنـطـاق ولا راح تنـطـاق
صـد القـدر ماهـو بـصـدك وصــدي
تعـال اخذنـي بـيـن ايـاديـك مشـتـاق
قـبـل انتـفـارق حــط يــدك بـيـدي
بجلـس معـك ساعـه حبايـب وعـشـاق
مـن بعدهـا كيفـك ولـو صـرت ضـدي
فينـي خليـط اشـواق باشـواق بـاشـواق
واصل معـك مـن كثـرت الشـوق حـدي
ودي ألمـك واحضنـك حضنـت عـنـاق
ياشـيـب عيـنـي كــل مـاقـلـت ودي
في خاطري .. وش خاطري ؟ خاطري ضاق
الكـون كـلـه ضــاق مـاهـو بـقـدي
حتى الدموع اللي استحـت كبـر واخـلاق
تساقطـت مـن فــوق خــدك وخــدي
لوحة شعـر تبكـي علـى بيـض الاوراق
بيّحـت فيهـا مـن ردى الـحـظ ســدي
ليلـة جفـا وافــراق مامثـلـه افــراق
حـاولـت اعديـهـا وعـيّـت تـعــدي
....
اضحك حبيبي
...
راسك علامك رافعه يـوم احاكيـك
الضاهر اني فوق حجمـك عطيتـك
لحظه .. نبي نرجع دقيقـه لماضيـك
بذكـرك فـي أي حـالـه لقيـتـك
كـان الضيـاع ودمعتينـك تخاويـك
منهار وفي عـز انهيـارك خذيتـك
وارخصت عمري لجل احبك واداريك
هدمت قصـر الـذل فيـك وبنيتـك
كـان الغـلا شمعـه تنـور لياليـك
لو اظلمت دنيـاك جيـت وضويتـك
يالاسف كنت امدحك وافتخـر فيـك
رفعت من شانـك وعليـت صيتـك
كنت انت .. عندي غير مقدر اخليـك
اموت واحيا ان قلـت سـم وفديتـك
واليوم اشوفك خنـت حتـى مباديـك
صغرت في عيني وانا اللي هويتـك
الضيـف لـو انـه عـدوٍ معاديـك
غصبٍ عليـك تقـدره وسـط بيتـك
ياصاحبي بتمـوت مانـي براجيـك
واشره علي انكـان حتـى طريتـك
لاصار ذل النفس فـي قلـب يغليـك
يقطعـك ياقلـب ٍ هـواك وشريتـك
اضحك حبيبـي دام وقتـك مسليـك
بكره تموت مـن القهـر لا نسيتـك
ثـــامــــر شــبــيـــب[/color]
...
قالت ابعادك اصعـب ابعـاد للحيـن
صبرت عنك والصبـر عنـك مافـاد
البـارح كملـت واحـد وعشـريـن
كنت انتظر منـك تجـي دون ميعـاد
سكت .. وقلت من القهر خاطري شين
في داخلي ثارت من الصدمة اجـواد
الحب وين .. وفرحـة اعيادنـا ويـن
الوقت ماخـلا لنـا حـب .. واعيـاد
تدريـن .. لا والله ماظـن تـدريـن
افراقنـا اهـون مـن مفـارق ابـلاد
ابعاد .. حنا عن بعض صح شهريـن
لكن ترى بُعد العرب اصعـب ابعـاد
لبنان تمشـي فـي اتجـاه لفلسطيـن
وحنا نذبح بعضنـا .. وسـط بغـداد
حتى الجهاد .. اللي موصي به الديـن
ماعـاد نفهـم للاسـف كلمـة جهـاد
هـذا جهـاده .. قنبلـة للمصلـيـن
وهذا جهـاده .. مدرسـه كلهـا اولاد
تبكي القلوب .. ولا بكت دمعة العيـن
لاهين بالدنيـا .. بحفـل عيـد ميـلاد
ورد .. وسهر .. واشواق شلة محبين
ضحكة فرح ميت على الوجـه تنقـاد
في ذمتك .. ابعادنا اصعب الحيـن ؟؟
والا العرب ابعادهم .. اصعب ابعاد ؟؟
...
يابدويه مو كذا رد الجمايل يابدويه
...
ماعرفتك !! والعذر اقبح من ذنـوب الخطيّـه
حتى شكلك صدقيني ان قلت لك : بعضه نسيته
اذكر اعيونك حورها من الخجل زايـد شويّـه
بس هذا اذكره وغيـره مـن الذكـرى محيتـه
لابعد اذكر .. شعرك اللي يحـب لعبـة يديّـه
سالفه شعـرك لحالـه لـو ابشـرح ماوفيتـه
واذكر ان فمك حضن جمرن ٍ حمر فوق ابرديّه
لابتسم لي رحت له كلي مـن اللهفـه وجيتـه
واذكر ان غمازة اخـدودك عـذاب ومهمهيّـه
وردتني لطريـق اللـي ابتـدى يـوم انتهيتـه
واذكر ان اطعونك اللي بالظهر كانـت قويّـه
ايه اعرفك بس اخاف الجرح يكبر لا طريتـه
انتي كنتي شي ثاني .. كنتي شي منـي وفيّـه
اقرب انسانه لقلبي حطمـت قلبـي فـي بيتـه
تذكرين .. الورد الاحمر يوم جبتي لي هديّـه
قلتي : تكفا لايموت الورد لك غالـي شريتـه
مات قلبي قبل يموت الـورد وجروحـه نديّـه
في يديني جبـت دم القلـب للـورد وسقيتـه
كنت احسب اني اضحي .. مادريت اني ضحيّه
كنت احسب ان العطى يثمر بعين اللي عطيتـه
راحت احلام العمر .. روحه كذا من غير جيّه
حتى زرعي اللي زرعته .. ماتوفقت وجنيتـه
من عقب ماكان ليّه .. صار لـه ماهـو بليّـه
من خذاه !! وقلبي يسئل عنـه لكـن مالقيتـه
دايم اسمع عن خوي ٍ خان فـي خـوة خويّـه
موقف ٍ يمكـن كتبتـه بالشعـر قبـل وقريتـه
المهم .. ماكنت احسـه ليـن ماجتنـي بليّـه
من يديك وحسستني وخاب كـل اللـي هقيتـه
يابدويّـه مـو كـذا رد الجمـايـل يابـدويّـه
البـداوه علمتنـي كيـف ارد اللـي خذيـتـه
في الزمن هذا .. محال الوافي يلقى له وفيّـه
الزمـن هـذا خذلنـي فـي محبتـك وبكيتـه
كنت اقول : الطيّبه احسن من علـوم الرديّـه
كنت اقول وكنت اقـول ولانفعنـي ماحكيتـه
مابقا عنـدي كـلام ولا بقـا بصـدري بقيّـه
مـن تفارقنـا بصـدري هالعتـاب ولاشكيتـه
هذا كله اللي عليك .. وقولـي انتـي ماعليّـه
بسمعك للصبح يمكـن منـك اسمـع مابغيتـه
اما شكلك اعرفه عـرف الموصـى للوصيّـه
قلت : ماعرفه .. وفي قلبي اقول:انـي فديتـه
ايه اعرفك والعذر اقبح مـن ذنـوب الخطيّـه
انتي شكلك صدقينـي راح امـوت ولانسيتـه
...
ابوس راس عنادها
..
راحت من يديني كذا وانا اناظـر فـي يـدي
لا قادر اوصل دربها ولا قادر اقوى بعادهـا
حسيت يوم افراقها كن جسدي ما هو جسـدي
مثل الشعوب اللي تحس غربة وهي ببلادهـا
قولولها محتاجهـا والشـوق حادينـي حـدي
تعبت من كثر السهـر البعـد نفسـي بادهـا
ضاع جهدي فدوة لها لو منها ضـاع جهـدي
احط موعد وانتظـر يمكـن تجـي بميعادهـا
هي بس ترجعلي وانا نذرٍ علي اذبـح فـدي
واني ماعاد انسى ابد تاريـخ عيـد ميلادهـا
ازعلتها وكان السبب تافه مثل وجـه الـردي
اني نسيـت اذكـر ابـارك للفـرح بعيادهـا
تطور الموقف وانا ماكنت في الموقف هـدي
كابرت انا ومثلي بعد هـي كابـرت بعنادهـا
الحق معها واعترف والحق مـا والله يغـدي
والغلطة ماتحسب على اللي لا غلط ماعادهـا
قولولها يشهد علـي الليـل والجـرح النـدي
ساعة عطتني ظهرها والقلب يصـرخ نادهـا
وان كانها عيت تجي وراحت ورى البعد تعدي
الله معاها بس تقـول البعـد وشهـو فادهـا
واذا سكتت او دنقت او طالعة صوب الجـدي
تراهـا ودهـا بالرجـوع وعنادهـا ماقادهـا
خلوها لي وانا اجي احـط يدهـا فـي يـدي
وكان العنـاد براسهـا ابـوس راس عنادهـا
...
ملح القصايد
..
ملح القصايد حدنـي لشـي مابيـه
ووردت له حمل الركايـب لحالـي
له هقوة(ن) فيني ولي هقوة(ن) فيه
والغالي مايشره على غيـر غالـي
اموت والله قبـل اخيّـب هقاويـه
لو احتمل شي(ن) يفـوق احتمالـي
انا من اللـي ذراع الايـام تلويـه
جماعـة(ن) مافرقتـهـا الليـالـي
عمي وخالي للشرف راس ووجيـه
من طيب مجنايه عمامـي خوالـي
ناس اتذكرها .. وهي ماهي هنيـه
وناس اتناساها .. ولو هـي قبالـي
اشـد طعنـات الزمـان وبلاويـه
طعنت ضهر بيد الرفيـق الموالـي
بيت(ن) لفاه الضيف عيـا يعشيـه
يعـل ماتلفـي عليـه الرجـالـي
الشعـر تشتـاق لخيالـي معانيـه
شوق القصايـد للبيـوت الجزالـي
حقه علي .. مثل الخوي يوم اخاويه
ارفعـه فـوق النايفـات الطوالـي
لعيون من راسه على القلب راكيـه
اللي فـدا قربـه حلالـي ومالـي
اني لسوي شي محـد(ن) مسويـه
ان شافـه العاقـل يصيبـه هبالـي
وان عودت يم الغلا شلـون مغليـه
لا صار له كل الغـلا اول وتالـي
يخطي على قلبي ولا قلت له ليـه
وكل ماجرحني قلت لـه لا تبالـي
فـداه لـو تـل المعاليـق بيـديـه
ثم حط لـه بيـن الحنايـا مجالـي
لجل يتخطا عروق قلبـي برجليـه
ويعضد يدينـه بالضلـوع متعالـي
دامي احبه حيل .. واعشق طواريه
خله يتل القلب كـل مـا طرالـي
ملح القصايد حدنـي لشـي مابيـه
ووردت له حمل الركايـب لحالـي
...
هبيلة نوف
...
تعال نلعب علـى المكشـوف
ما يصلـح اللعـب بالخافـي
البخل يا صاحبـي والخـوف
لاجـن بـرجـال ينعـافـي
الرجل... ودك صخي كفوف
دام الكـرم شيمـة الوافـي
الرجل... اليالفـوه ضيـوف
ما يطرد الضيـف واللافـي
لو كل رجل اعتذر بظـروف
ما شفت لك واحـد سنافـي
الجود من ما وجد مصـروف
واللي انوجـد قدمـه كافـي
اتعب على مكسب المعـروف
مع ذكرك الطيـب ينضافـي
ولا صرت حق غايتك ملهوف
ما يجوز تصعد على كتافـي
الفرصة اللي عليـك تطـوف
لا ترتجـي يعـود ماطافـي
تحمد الله عطـاك وصـوف
يستاهـل الحمـد بسـرافـي
تسمع، تكلم، تحس، تشـوف
تمشي مـع النـاس متعافـي
اترك هـوا لابـس النفنـوف
أبـو جديـل اشقـر ضافـي
لو ان بـس الجمـال اردوف
يا كثر مـن حضنهـا دافـي
لاشك يفرق جمـال الجـوف
ويا قل مـن قلبهـا صافـي
العشق خلي «هبيلـة نـوف»
يمشي وراهـا وهـو حافـي
والمشكلة طيـب ومعـروف
مير الغلا... جابة اكتاااافـي
....
الثـــريــــا
...
الحلم تفسيره صعب تتعب مـن الحلـم العقـول
مثل السنين اللي مضت شفهـا هذيـك أطلالهـا
والناس من خلقت وكل واحد ولـه راي وميـول
لا تزعل امـن البارحـه قـول الوعـد بقبالهـا
بقول لك حاجـه وابـي منـك لحسـادي تقـول
وان كان ما تقدر تقول قـل ثامـر اللـي قالهـا
من جيت للساحة وانا واصل ولا بحاجة وصـول
قصايدي توصـل ولـو قلـت دروب اوصالهـا
قصايدي ارضت لها ناس وزعـل منهـا زعـول
قصايـدي أبكـت قلـوب الله علـيـم بحالـهـا
قصايدي خلت لها شيخان مـن بـاب الفضـول
تسأل عن اسمي وحالتي احساسي شاغـل بالهـا
كم بنت ابوها ما عرفت اسمي عطت شعري قبول
ابيات شعـري امخزنـه فـي محفظـة جوالهـا
ما هو غرور ولا كبر بس انزعجت امن الطبول
اللـي تـدن اطبولهـا وشعارهـا تبـرا لـهـا
يبقى الصحيح اهو الصحيح الروس ما تتبع ذيول
وجه الرجـال وقدرهـا يحسـب بقـد أفعالهـا
والبارحه يوم اقصرت عني وأنـا كفـي تطـول
علمتـهـا لا تقـتـرب بقصـارهـا لطوالـهـا
سقت الحمول اللي اشتكى من حملها طير وذلول
ما خفت من غدر القلوب اللي غـدرت بعيالهـا
اصول فالساحه وأجول أجول فالساحه وأصـول
مـا همنـي لاجدهـا ولا عمـهـا ولا خالـهـا
انا كذا امن الله خلقني ما عـرف درب النـزول
عودت رجلي للصعب صار الصعب يحـلا لهـا
هذا وأنا لحالي اجل وشلون لو جيـت محمـول
شفت الثريا لو أصيـح لعبـس راح أرقـا لهـا
ربعي ليا صكت علي يبكي على الحكم معـزول
لي لابتن من دون قاصـر مـا نشـرب فنجالهـا
بني رشيد ليا اصطفق موج البحر سالت سيـول
يا سعد عين أم الضعيـف اللـي تكـون بجالهـا
يوم انها بالسيف والشلفا علـى ظهـور الخيـول
كـم مـن قبيلـة طيبـه امسـت بـلا خيالـهـا
يـا مـا عفينـا لخاطـر العقـال زلات مهبـول
ندمـح وعـقـال المهـبـل تلـفـت لهبالـهـا
لكن ليا منـا بطشنـا بطشنـا مـا هـو معقـول
ندعـس علـى روس المهبـل ورقبـة عقالهـا
قلته وانا ماني بمن قوم ابهتـه بحكـي معسـول
مـن روس قومـن اثبتـت افعالـهـا اقوالـهـا
اكرّم الطيب ولا تسـوى الفحـول الا الفحـول
مـا تلحـق الشكـه فحـل بدقاقهـا واجلالـهـا
اما الـردي اجنبـه مـال الخبـول الا الخبـول
مثـل المـره مالـي حكـي الا مـع رجالـهـا
بعض الرجال ليا مشى ويـاك خـذ ويـاك زول
بعض النسا تومي عليـه ليـا وقـف واومالهـا
يعجبك في زوله ولكن بالفعـل مـا مـن فعـول
يا كثرها افعال الرجال اللـي خدعتـك ازوالهـا
استغفر الله ونعمتك يـا الله عساهـا مـا تـزول
لـو النعـم فـي يـد غيـر الله علينـا زالـهـا
يالله ياللـي ترمـي اللقمـة علـى فـم معقـول
تغنيـه عـن مـد العـرب اجوادهـا وانذالهـا
انـك تسامحنـي اذا زليـت فـي قـوة وحـول
انا الضعيف اللـي تـرك نفسـه علـى موالهـا
كل ما ذكرت ان البدو كانت من اصحاب الرسول
استغـرب ان التفرقـة كيـف اقـدرت تغتالهـا
ويا صاحبي كثر الحكي ضيق على الصدر الملول
هـذي البـلاد ان ظامتـك دور ابـلاد ابدالهـا
هذا بخصوص الشعر حمل اخذه وباقي لك حمول
مثلك حموله كـل مـا زادت نهـض واشتالهـا
واذا خلصت امن الشعر حول على اللي ما تجول
الا بصـدري يـوم صـدري بيتهـا وظلالـهـا
سولف لها عني تـراه لسانهـا طبعـه خجـول
اقـرا كـلام عيونهـا وجـاوب علـى سؤالهـا
اذا اسألت عن عهدنا بنـت الاكابـر والاصـول
قل شاعرك ما صافـح كفـوف الرجـال لمالهـا
واذا اسألت عن حالتي طمنها كان انهـا جفـول
قل حالتي في خير دام انها فـي خيـر احوالهـا
واذا اسألت عن الوصل تبغى من يديـك الحلـول
قل شهـر كـان الله كتـب لازم اكـون قبالهـا
واذا اسألت عن الشعر تبيك من شعـري تقـول
قل هذي اخر ما كتب من قلـب صـادق قالهـا
...
الشعر احسه قطعت انسان مني ؟
..
ياناشدن ساحـات الاعـلام عنـي
ارتاح من كتب الرسايـل بالاقـلام
مبعد عن الساحـه وغثاهـا لأنـي
شاعر حقيقي ماني بحاجـة اعـلام
الشعر احسه قطعت انسـان منـي
كبرته بعيني علـى مـر الاعـوام
كتبت كـل اللـي احسـه وكنـي
اترجم احسـاس المخاليـق بالهـام
ومن شفت جنيـه لشاعـر وجنـي
عرفت ان المسأله صارت أوهـام
تركـت شعـار المجنـن تغـنـي
على لحن: ياشاعـر النـاس نيـام
ولجروح قلبي قلت: في صمت وني
ماودي تسمعها الامانـي والاحـلام
ظنيت في شعري ولاخـاب ظنـي
حشمته سواة الرجاجيـل الاحشـام
للمقفيـه ماقلـت تكفيـن حـنـي
ادوس ماضيها مثـل دوس الاقـدام
و للشيخ ماقلـت الركايـب تعنـي
ازيـن اسلـوب المدايـح لحكـام
وعن الملحـن والطبـل والمغنـي
حرمتها بحكم الشريعـة بالاسـلام
واليـوم رد العلـم للنـاس عنـي
وارتاح من كتب الرسايل والاقـلام
مبعد عن الساحـه وغثاهـا لأنـي
شاعر حقيقي ماني بحاجـة اعـلام
...
تدري وش اكثر موقفٍ فيه قصرت ؟؟
..
ياصاحبي لاتسئل اشلـون فكـرت
انـي اخونـك انـت والله مـدري
خونت فيك وخنت نفسي وقصـرت
غدرت حبٍ ماعرف يـوم غـدري
غرتنـي الدنيـا وخنـت وتغيـرت
ماقمت اشوف اللي من الناس حدري
لكـن انـا ابقـا انـا ماتنـكـرت
مهما حصل ماغير الوقـت قـدري
كل ماخذاني منك طييف وتذكـرت
حسيت شي يتلني وسـط صـدري
اذكر مواعيـدك اليامـن تأخـرت
تقول سامحني وانا اقـول : بـدري
ماكنت احـب احسسـك لاتعـذرت
اني انا زعـلان .. مـزداد قـدري
عاد انت لاتبخل وسامح الياصـرت
تقدر تسامحني يابـو وجـه بـدري
تدري وش اكثر موقفٍ فيه قصرت
يوم انت تذكرني وانا عنك مـدري
...
ماني بسائل مع منهو تخونيني
..
ماني بسائل مـع منهـو تخونينـي
بس بسئلك من متى وأنتي تخونينـي
قبل أمس كله معي للصبح سهرانـه
والبارحة أذكـر ابرقـد ماتخلينـي
واليوم أشوفك معه يدك وسـط يـده
وأمر قدامـك ولا كنـك تعرفينـي
وشلون! أبفهم تعالي واشرحي ليـه
نسيتـي لا مستحيـل إنـك نسيتـي
مامـداك تنسيـن يمكنـك تناسيتـي
وأنا الذي كل ماضاقـت ذكرتينـي
العام جيتي ودمعك مغـرقٍ جيبـك
قلتي: أخذني على صدرك وغطيني
ماكنت أخذلك اليـا منـك طلبتينـي
وأنا قبل ما أطلبك وإنتـي خذلتينـي
في عز ماحتجت لك في ضيقة الدنيا
جيتك أبي فزعتـك لكـن طعنتينـي
للحين أكذب انـا ماصـار قدامـي
مانـي بقـادر أصـدق لا تلومينـي
حتى الشعروالقصيد اللي على خبرك
أحس عقبـك أبـد ماعـاد يعنينـي
كتبت فيك الوفا والصـدق والطيبـة
قصايدٍ للأسف بتطيـح مـن عينـي
(من غدرالأيام جيتك كارهن نفسي)
أول قصيدة بعـد منتـي عرفتينـي
(ومحتاجلك حيل والله يقطع الحاجة)
آخر قصيدة بعـد منتـي تركتينـي
عرفتي الفرق بين الشعر والشاعـر
بس ماعرفتي وش اللي مرثعٍ فينـي
إحساسي اللي ذبحني وراح يذبحني
واللي يبي يقلب الدنيا على سنينـي
الناس تسمع قصيدي فيـك وتصفـق
وأنا أتذكرك يـوم إنـك تخونينـي
...
فزعة الموت
..
يالله ياللـي تفقـر وتغـنـي ابـيـوت
الارض بأمرك داخـل الكـون تسبـح
ادعيك تغفر لـي قبـل حـزة المـوت
مؤمـن قبـل يدعيـك بأسمـاك سبـح
في هالزمن ماعـاد بـه شـي مثبـوت
نمسي ولا ندري علـى ويـش نصبـح
بس الوكاد ان وجـه الايـام طاغـوت
لا زان يوم اعرف ترى الجـاي اقبـح
والصدر له مده من الضيـق مغمـوت
في داخلـه كـن سيـد الضيـق طبـح
ضيعت عمري افهـق المـوج للحـوت
وانا ادري ان الحوت في الموج يسبـح
اما انت ياللي تنطح الصوت في الصوت
الذيب يعوي وانـت يـا الكلـب تنبـح
ماينحني راسي واسم عبـس منحـوت
فـي قلوبنـا تجـارة المـوت مربـح
الشيخه ماهي لبـس جاكيـت وبشـوت
وماكل رجالـن علـى الطيـب يشبـح
شفني وشف ربعي رشايدتـي المـوت
حتـى ورى السـودان نصلـخ ونذبـح
عدونـا يبشـر بطعـنـات جـالـوت
من الدم يلقـا الذيـب والطيـر مسبـح
وخوينا ماهي انتخابـات كـم صـوت
هيّـن لـو انـه خاسـر سنيـن يربـح
لا والله الا فزعـت المـوت للـمـوت
ياننذبـح مــن دون عــزه يانـذبـح
...
حفلة افراق
..
اتعبت نفسي وجوالـي وأنـا افـره
عليك ياللي ما عـاد اتطيـق جوالـي
ادق واسئل عن احوالـك كـذا مـره
من طيبتي كل مامريـت فـي بالـي
ماكنت احسبك عديم احساس بالمـره
مستخسر انك ترد تسئل عن احوالـي
والله وطلع لك اسم يـا تابـع الجـره
ماكنك اللي ربيت اسنين في ظلالـي
اصغر من انك تذل القلـب وتضـره
كافي معك ضاعت اسنينه على الخالي
انكان نفسـك عشـان ابيـك مغتـره
والله لا اعلمك وشهي قيمـة امثالـي
ماتدري ان الحـرار قلوبهـا حـره
ان عزمت تقلب الاول علـى التالـي
قل للسنيـن العـذر لا عـاد تتشـره
في عز ما ضقت ما حصلتك قبالـي
خليتني والوجيـه البيـض مسمـره
تضحك علي الليالي بوجـه عذالـي
لكـن وعـد لاشتريلـك ورد واثـره
على فراقك واسـوي حفـل بلحالـي
واعزم هداياك اللـي داخـل الجـره
اللي قبل يوم كانـت ذكـرة الغالـي
واحرق هذاك الزمن وافتك من شـره
واعيش عمري بلا همـي وغربالـي
صدقني ما ضقت من فرقاك بالمـره
بس ما ذبحني سوا حاجـه بجوالـي
تدري وش اللي ذبح قلبي من الحـره
اني مخزنـك فـي جوالـي
....
كل عام وانت بخير
..
كل عام وانت بخير وايامك بخيـر
لايابعـدهـم كلـهـم ياغنـاتـي
انت بحياتي شي ثاني عـن الغيـر
تقدر تقول : اجمل حدث في حياتي
انت الفرح انت الوفـا والتباشيـر
انت امنيـه لا والله كـل امنياتـي
دايم افكر لو خسرتك وش يصيـر
وقول دايـم جعـل قبلـه وفاتـي
من قبل اعرفك ماحسبت المخاسير
واليوم شفني ماخسرتـك واحاتـي
اذا افترقنا بطلبك مطلـب صغيـر
لاتزورني بيـن النعـاس ومباتـي
اخاف لاجوني طيوفـك مساييـر
قلطهـم قلبـي تعشـوا ممـاتـي
ماقلت لك طبع الوجيـه المسافيـر
ماتغيب وان غابت ليالـي وتاتـي
يعني اذا بتغيب من غيـر تفكييـر
ترجع قبل لا ينكسـر لـك ثباتـي
ولا اخذني معك من وين ماتسيـر
مدامك الدرب الطويـل بجهاتـي
لو نفترض اني وصلت السما طير
احوم حومة حر والريـح عاتـي
المشكلـه انـي بليـاك ماطـيـر
لانك جناحـي للمطيـر ونجاتـي
الطيحه منك تترك اسنيـن تأثيـر
من قال لك ماراح تشمت عداتـي
لا والله الا طيحة الدلو في البيـر
ياكبرهـا منـك الملـم شتـاتـي
وص انت قلبك يذكر الحب بالخير
ولا انـا والله لقضـب وصـاتـي
امانتك .. في داخلك شوفني غيـر
وامانتي .. لقربـك قـرب ذاتـي
من كثر ماخانت غـلاك التعابيـر
معاك احس اصدق كلامي سكاتـي
لكن تعال وخـل عنـك المعاذيـر
شفني شسوي وسو عقبي سواتـي
ارفع يديك لمـن يـرد المقاديـر
وردد ورايـه ماتقولـه شفـاتـي
كل عام وانت بخير وايامك بخيـر
وانا معاك اعيـش باقـي حياتـي
...
الاماره
..
يا الشعر ما جيتـك ادوّر مكاسيـب
يغنينـي الله عـن طمـانٍ رقيـتـه
البارحه ضاقت وجيـه الاصاحيـب
البارحـه مـا باقـي شـيٍ خفيتـه
فـي ليلـهٍ كـلٍ يـدور معازيـب
خليـت بيبـان الامـاره وجيـتـه
سقت الركايب فوق روس المراقيب
ولا وقـفٍ إلا علـى بـاب بيـتـه
بيت الفقير اللي مضرا على الطيب
تراه اكرم شخـص لامـن نصيتـه
يعطيك من قلبه قبل مـدة الجييـب
يحس فـي قيمتـك واللـي بغيتـه
اليا خذا منك ذكـر طيبـك بغيـب
واليا عطا مـا قـال: هـذا عطيتـه
ماجيته اشكي قل مـال ومواجيـب
جيته ادوّر شي (( ابيـه ولقيتـه ))
جيته احس اني من الضيق مانيـب
قادر ارد مـن النفـس مـا خذيتـه
مرت ثلاث سنين شعـر ومكاتيـب
في درب ما احبـه ولكـن مشيتـه
في عيون جمهوري وعشاقي مصيب
وفي عيني اكبر ذنب ذنـبٍ جنيتـه
اصبحت شاعر له حفاوه وترحيـب
كسبت فوق اللي حسبـت وهقيتـه
لكن خسرت انسان خالي من العيب
والمشكله انه ما جفانـي .. جفيتـه
انسان غير وشفت غيـره عذاريـب
انسان يـوم انـي خسرتـه بكيتـه
لو القصيد اللي خذا قربـه يجيـب
بعـت القصايـد كلهـا واشتريتـه
يالشعر لا ياناس روحـوا مناديـب
عندي كلام ارتـاح لامـن حكيتـه
قولوله: اني مانـي بقـادر اغيـب
البعـد عنـه هدنـي مـا قويـتـه
قولوله: اني عفت كـل الرعابيـب
الشاهـد الله مـا عشقـت ونسيتـه
قولوله: ارجع للضلوع المصاويـب
للحيـن ترجـي مـا بنـاه وبنيتـه
الشمس وهي الشمس كل ليله تغيب
وشلـون مـا يعذرغيابـي فديـتـه
وكانه قبل عذري فدتـه المعازيـب
والشعر كلـه مـا كتبـت وقريتـه
...
هذي حياتك .. وانت حر بحياتك
...
لحظه قبل لا تطلـب البعـد وتغيـب
وتنهي معايـه مرحلـه مـن حياتـك
أخـذ الهدايـا والصـور والمكاتيـب
دامي خسرتـك مـا أبـي ذكرياتـك
يمكـن يكـون فراقنـا رأيٍ مصيـب
خيره .. كتبهـا الله جتنـي وجاتـك
مع اني ادري انـت ماعنـك تجنيـب
كنك موصينـي وقاضـب وصاتـك
رح واترك بقلبي لك أربع معازيـب
معزتـك طاريـك حبـك غـلاتـك
وإن شفتني أجمع شتاتي .. ماهو عيب
باكـر مـع الأيـام تجمـع شتاتـك
وإن شفتني شايل جـروحٍ معاطيـب
باكر يصير الجـرح أبـرز صفاتـك
أكبر مصيبه فـي زمـان العذاريـب
إنّـي أحبـك وأنـت حبـك لذاتـك
الطيب لـو إنـك تجازيـه بالطيـب
ماكان تالـي الوقـت هـذي سواتـك
يا صاحبي لا صرت أغلا الأصاحيب
لا تزعل بكيفـك وتطلـب رضاتـك
أنـا حبيبـك مبعـد الشـوح مانيـب
من ضيّع جهاتـه .. يـدور جهاتـك
إن كـان ماعديـت روس المراقيـب
ماني كفو أصـلاً أنـام فـي عباتـك
شفني مقدر عنـد عكـف الأشانيـب
مانيب مـن تومـي عليـه بعصاتـك
رح للفراق إللـي تركنـا مصاويـب
شمّت اعداتي قبـل تشمّـت أعداتـك
الله معك .. رح وين مـاودك تغيـب
هذي حياتك .. وأنـت حـر بحياتـك
...
طيــحة العــود
..
تعبت اقول لضيقتي سهـود ومهـود
اليا متـى هالعـذر بيكـون عـذري
البارحة يـوم اكثـر العالـم رقـود
عادت علي اللي تجي منيـن مـدري
الضيقة اللي كـل ماراحـت تعـود
مكانهـا مابيـن قلبـي وصــدري
ناسٍ تنام مدهنـة فـي دهـن عـود
وناسٍ تنـام مدهنـة بزيـت مقـري
لاواهني اللـي حلالـة مـن الـذود
تسعين وضحى كل ماضـاق يسـري
يسـج معهـا كـل ماهبـت النـود
يتبع مسيل السيل في القـاع يجـري
ماهوب مثلي من اقرب الناس مجحود
الله يسامـح مـن طعنـي بظهـري
من راح ماكنه على القـاع موجـود
مايدري انـه اول اسبـاب كسـري
كل ماطرالي قلت مـن قلـت الفـود
ياليـت منهـو راح ماعـاد يطـري
لو تستحي من فعلها ايامـي السـود
كان استحت مبطي ولا طال صبـري
قدمـت بالموجـود لخاطـر الجـود
لين التفـت ولابقـى شـي حـدري
عطيت من عمري ولا شفت مـردود
ياللأسـف للنـاس ضيعـت عمـري
واذا افرحوا واجد على طيحة العـود
هذا دليـل انـه فعـل شـي يغـري
بوقف لحالي واتبع الطيـب والـزود
اشره علي ان صغر الوقـت كبـري
ماني على بعض المخاليـق محـدود
امـوت مانزَلـت للنـاس قــدري
...
حاولت اغيّر فيك من كثر مغليك
..
البارحه مابيـن وشلـون يمديـك
في يوم واحـد ياحبيبـي تغيّـرت
الليـل خلانـي وخـلا طواريـك
تلعب بقلبي كـل ماداخلـي ثـرت
سويت شين حدني غصب ماجيـك
والا قبـل لاسيـر الليـل سيـرت
هدمت كل اللـي بنيـت بتجافيـك
هدمـت لا والله بالعـون دمـرت
خليتني ماقلت لي شلـون اخليـك
ليتك بحالي قبل مارحت ناظـرت
الله كريم يصبـر اشـواق مغليـك
لاقـام ينثرنـي غـلاك وتناثـرت
والله يسامح قلبـي اللـي مواليـك
اخذت كل اللي تبي منه وانكـرت
منهار جيت العام تسبق خطاويـك
واليوم ماكنك قبل جيت وانهـرت
في ذمتك لامن تذكـرت ماضيـك
من يطري في بالك اليامن تذكرت ؟
من كثر مافكرت وشلون اراضيـك
وياك في نفسي ولا يـوم فكـرت
على كثر ماكنـت متمسكـن فيـك
وعلى كثر ماحتجتنـي ماتعـذرت
جيتك وعندي حاجتن بيـن اياديـك
والمشكله تقدر عليهـا وقصـرت
رح بشر اللي ملتفت لـك يناديـك
قله تركتـه لخاطـرك ماتأخـرت
صدقني انها غلطتي يـوم اداريـك
ولا انت لولا غلطتي كان ماصرت
كبرتـك بعيـن البعيـد وحواليـك
ابيـك تكبـر والمصيبـه تكبـرت
حاولت اغيّر فيك من كثر مغليـك
قـدرت لكنـك عليّـه تغـيّـرت
..
اكره اثنين
..
قالوا امدح شيخ والا امدح اميـر
لجل تكسب مـن مديحـه فايـده
قلت انا في خير واحوالي بخيـر
ليه ادوّر شـي مانـي رايـده .؟
ادري ان مال الكبيـر الا الكبيـر
الـرجـال تـقـاد والا قـايـده
اكره اثنيـن : المنافـق والحقيـر
تستقـل طيـب الرجـال الرايـده
ان مدحت امدح وانا وجهي سفير
مدحـتٍ للحـق ماهـي سـايـده
وكانها ماجات من قلب وضميـر
مدحتـي ذمـه بحـقـه كـايـده
وش علي ان صاد له طيرٍ يطيـر
لاهـو بطيـري ولانـي صايـده
من خلقن الله احب اكـون غيـر
ما احـب اكـون حاجـه زايـده
الفقر ماعـذرب اخـلاق الفقيـر
في السنيـن الحاضـره والبايـده
في الزمن اشياء تعني لـي كثيـر
التمـام الشمـل حـول المـايـده
ومنظر البسمه على الطفل الصغير
فـي نهـار العيـد يـوم تعايـده
قلتها وعذري يصير اللي يصيـر
كـلٍ راسٍ يرتـخـي لوسـايـده
انتـبـه ويــاي للبيتـ الاخـيـر
اسمعـه منـي ولانـي عـايـده
تدري وش معنـاة رجـالٍ حقيـر
من يصاحب رجل لجـل الفايـده
...
ضيقة الطير
...
يارشيد رح قله ترى ثامـر بخيـر
عقبك وابحسن حال هالحين حالـه
طابت جروحه ومابقا داخله غيـر
شي ٍ يتـل القلـب كـل ماطرالـه
وكانه طلب منك عن الشي تفسيـر
جاوب سؤالـه لاتحاقـر سؤالـه
قله سمعت بيوم عن ضيقة الطيـر
وعن عشه اللي كان مرقـد عيالـه
الطير لامن ضاق من عشه يطيـر
خان الغصن والعـش دور بدالـه
وكانه فهم بتشـوف فيـه التعابيـر
لاغيّرت وجهه سرح عنـك بالـه
خله وروح لوضعه الحيـن تقديـر
ماودي يبكي وانـت واقـف قبالـه
يارشيد لو انه بـدا منـه تقصيـر
يبقالـه بقلبـي مـكـان ٍ لحـالـه
صحيح انا عقبه وانا اخوك في خير
لكن اليامن ضـاق جعلـي فدالـه
...
دمعه عزيزه
..
ياراكب اللـي تـو فـارق حفيـزه
من ديرتـه مطلـوب للـي تمنـاه
لارحت بيت اللـي حبيبـي لزيـزه
اليـا دخـلـت ابيتـهـم لاتـعـداه
حتى تشوف اللي سهومـه ركيـزه
داخل خفوقـي يـوم قفـى وخـلاه
قله يقول اللـي جروحـه عجيـزه
وشلون من عاشرت ترحل وتنساه .؟
محتاج لـه ياجعـل ربـي يعيـزه
لواحـدٍ يحتـاج قـربـه ويجـفـاه
ابكي من فراقه .. ونفسي عزيـزه
كل مالتفت .. وشفت مانـي بويـاه
حبه دخـل قلبـي بفتـره وجيـزه
سيّطر على قلبـي وحطـه بمخبـاه
من اولٍ .. مليـون ميـزه وميـزه
عندي بوقت ٍراح .. وراحت مزاياه
واليوم عندي بس ( دمعه عزيـزه )
كل مالتفـت وشفـت مانـي بويـاه
...
ولدي
..
لا ملامـه لا تشـره لا عتـاب
ماغدى لك شي مفروض يغـدي
لا تحاسبني على اسباب الغيـاب
في يدك ماصـار ماكـان بيـدي
لو رجعنـا وابتدينـا بالحسـاب
منتهي وياك مـن قبـل ابتـدي
كنت اشوفك غير لين القلب ذاب
في هواك وصار ماهو بجسـدي
وقتها لو لي ولد عمـره شبـاب
يمكن احبك كثـر حـب ولـدي
لكن اللي غاب .. يوم النور غاب
شي يحداني عن ايدينـك حـدي
تذكر اللي صار يا مال الذهـاب
ليلةٍ ماجيت وامسيـت اوحـدي
لا تغرك بسمتي وزيـن الثيـاب
داخلي ضايق من الوقت الـردي
السؤال اللي بقى مالـه جـواب
ياكثر مامر على الجرح النـدي
يا معودني على طـرد السـراب
وشتبي فيني اليا ضاع جهـدي ؟
صرت انا وياك نشبه للسحـاب
لا تجمعنـا تساقطـنـا بــردي
السحاب اليا تساقط بالاهضـاب
يحيي القاع الحزيـن الجرهـدي
بس حنا .. لا تساقطنـا عـذاب
نكسر القلب الكبيـر الاجـودي
...
لساك فاكر
..
كان الوعـد باكـر وانـا جيـت باكـر
شايل معـي موعـد وماضـي وتذكـار
قلـت الحقيقـه لموعـدك دوم ذاكــر
القلـب كنـه يتنظـر لـك علـى نـار
قالت بلهجـه غيـر ( لسّـاك فاكـر )
تضحك .. وانا واقف وانا شبـه منهـار
بغيت اقول .. وقالت : بصـوت ناكـر
( اصلا انا مذكر معك موعـد ٍ صـار )
قلت اسمعي مني وانـا اكـون شاكـر
انا اللذي حطيـت لـك بـاب واجـدار
واليـوم يـوم اصبـح وراك العساكـر
رفعتي راسك فوق بهتـان وانكـار !!!
قالت وهي تضحك على اسلوب ماكـر
( صدقت انا اضحك معك ياشمعة الدار )
قلـت الحقيقـه واضحـه إبـلا تذاكـر
ماكـل منهـو زل يلقـا لـه اعــذار
وانتـي نسيتينـي وانـا كنـت فـاكـر
اني بجـي ويكـون طعـم اللقـا حـار
لكـن وعـد منـي اذا عشـت بـاكـر
ماعاد لـك موعـد وماضـي وتذكـار
....
ياراس
...
ياراس لاترجـي رفيـقٍ يعـزك
ان كان ماعزيـت نفسـك بتنهـان
قام الردي يجسر عليـك ويـدزك
دارت عليك اليوم دورات الازمان
الناس ماتعطـف عليـك وتـرزك
ارفع مقامـك وارتفـع ياكحيـلان
والموقف اللي هز قلبـك وهـزك
لاتلتفت للي غدى ماضـيٍ كـان
يحز بالخاطر وانـا ادري يحـزك
انك تشوف الذل من اقرب انسـان
اصبر على همومٍ كثيـره تلـزك
وقف على حيلك ولو كنت تعبـان
عاند زمانك فـي طمـوحٍ يكـزك
لو قالوا : ان معاند الوقت خسران
قلوب خلـق الله بعضهـا تعـزك
واكثر من اللي تعزك قلوب عدوان
يعني اليامن طحت محـدٍ يـرزك
انكـان مارزيـت نفسـك بتنهـان
...
لباس العمامه
..
سـم بسـم الله ياطفـلٍ تحلـم
وارتفع للعز ياراعي الزعامـه
اقضب الهرجه وللموعد تولـم
قبل ترقا هامةٍ من فوق هامـه
صاحبي لاصرت ماتعرف تعلم
قبل تلحق لحيتك شرها وملامه
ودك الرجـال لامنـه تكـلـم
يثبت افعاله على موجب كلامه
سالفتنا غير عـن قلـب وتألـم
لاشكى معذور من لاهب غرامه
سالفتنا ضربـة استـاذ ومعلـم
شتتت فكر التلاميـذ ونظامـه
لكن اسمع قبل اقول اسلم وسلم
كل رجالٍ وله بصمـة ابهامـه
صاحبي بالحق لاتسكـت تكلـم
لاتحسب حساب لباس العمامـه
...
لولا وجودك انت عزي لحالي
..
لولا ظلام الليـل مابيّـن الصبـح
ولولا المواقف ماتبـان الرجالـي
ولولا الغرق محدٍ تعلم على السبح
ولولا الفرج خاويت سود الليالـي
ولولا الخساره تنعدم قيمة الربـح
ولولا وجودك انت عزي لحالـي
غلاك ذابحني وانـا قابـل الذبـح
لو منت غالي كان مارخصت غالي
لاتلتفـت للهـرج يامبعـد الشبـح
هرج القفا طبـع الـردي لاتبالـي
الكلب حول البيت يكثر من النبـح
والذيب يعوي بالرجـوم الطوالـي
وانا معك من غيبة الشمس للصبح
والصبح روح وخل طيفك قبالـي
...
مجرد صداقه
...
عادي معك أبقا وعـادي اخليـك
مثلك مثل غيرك مجـرد صداقـه
ماشوف عندي احساس متمسكٍ فيك
اقل مـن عـادي معـاك العلاقـه
غبتي حضرتي خافقي مايحاتيـك
القلـب مابيّـن عليـك اشتيـاقـه
انتـى تنادينـي وغيـري يناديـك
الحـب منـك ماسرقتـه سراقـه
لاتحسبين اللي يزعلـك يرضيـك
ولاكـل طاقـه بتقـارن بطـاقـه
انا وبس .. اللي اجيبـك ووديـك
وانتى على قربي تجيـك الشفاقـه
انا بديتك برجـع الحيـن وانهيـك
انسان مثلك سهـل جـدا فراقـه
من دنيتي هالحين ببعـدك وانفيـك
ابعيد يـااالله بعيـد كافـي طفاقـه
ادري جرحتك يوم انا قلـت مابيـك
والجرح يبطي لـو تغيـر مذاقـه
مستغربه من ايش حضرت معاليك
هـذا سلوبـي لا نعيـت العلاقـه
...
خراب بيوت
...
ياحي والله هـذاك الصـوت
اللى اتصـل امـس مشتاقـي
لحظة غيابه تجيـب المـوت
وشلون لـو ينـوي فراقـي
ياراكب اللى يسمـى حـوت
اقصاد .. والحال بك ضاقـي
اركب نبي .. نصيّف بيروت
لعيـون مبرومـت الساقـي
تدري وشنهو خـراب بيـوت
غيابها .. وقطـع الارزاقـي
مـن عقبهـا كنـي بتابـوت
ماعـوض غيابهـا البـاقـي
اللى اسمها بالحشى منحـوت
مـن حبهـا داخـل اعماقـي
تقـول : ان الليالـي تفـوت
وانا انتظر لك على اشواقـي
ماشفتني .. كاشخـه بالبـوت
امشي .. بثقة واحـدٍ هاقـي
الهيبه ماهـي بلبـس بشـوت
غيرتهـا بعـيـن عشـاقـي
من هيبتي لابست لـي كـوت
هيبة ملـك .. مـر سواقـي
قلت : اسكتي والوعد مثبوت
بكره اطفي الشـوق بعناقـي
فديـت دم الشفايـا الـتـوت
الموت الاحمـر ولا انذاقـي
خليط سكـر علـى ياقـوت
صفـت ثنـايـاك بـراقـي
ياصاحبي .. اركب لبيـروت
لعيـون مبرومـت الساقـي
نمشي على الرجل ولا الحوت
ماتفرق ان صـرت مشتاقـي
....
الزاجل المصري
...
تعال اباخذك عصر ٍ احسه قريب من عصـري
يضايقني العصر هذا وانا ماني وسيـع البـال
انا وشلون احبك والاحزام الناسـف بخصـري
بحبك في زمن كانت فعولـه تثبـت الاقـوال
رسايل عشق ينقلها الحمام الزاجـل المصـري
رسايل مادخلت في عالم الانتـر ولا الجـوال
وقصر فاخر على ضفة نهر احلا قصر قصري
وحدايق لي على مد النظـر متسـوره بجبـال
هنا .. لو تجتمع دنياي ماتقدر علـى حصـري
لأني معك والدنيا اضحكة لي والزمن ما مـال
انا شاعرك واتفاخر بحبـك وافـرح بنصـري
ولكن اسمع لشاعرك بأخر بيت لك وش قـال :
حبيبي لا تصدقني وتشري الزاجـل المصـري
ترى امزح معك خلينا على الجوال راس
....
عبس
...
ياوقـت لاتلبـس مواعيدنـا لبـس
كم لي وانا خايل واخايـل واخايـل
الكسر حديته على الجبر والجبـس
والدمع حديته علـى الخـد سايـل
فل القيود وبطـل اقفولـة الحبـس
خل الكويـت تعايـد اليـوم حايـل
اللي تشاور راعي اللبـس باللبـس
تبـا تماريبـه بـنـات الحمـايـل
ام الترف والمبسم السكـر الدبـس
عالت على قلبن لها الحـب شايـل
من يوم ماجتني تحبس الهوى حبس
تامر علي ولسانهـا حيـل طايـل
وشلون تامرني وانا من بني عبـس
لو يحكـي التاريـخ فيهـا قبايـل
رح قلها لو ريقي من الضما يبـس
مانـي بـدور بالرفيـق البـدايـل
كان الزمن مايل معي وخاطره عبس
ترى الزمن ماهو على طول مايـل
بكره تغادر ضيقة الصدر والكبـس
بـاب الاصايـل ينفتـح للأصايـل
تلقا اليدين مكسره قفولـة الحبـس
وتلقا الكويت مصافحه يـد حايـل
......
زهقت انا منـك كرهتـك ومليـت
تعبت مـن شكـك وكثـرة ظنونـك
من كثرة اسئلتك احـس استجنيـت
ياخي دخيـل الله ذبحنـي جنونـك
مليون مره انت في حقـي اخطيـت
لو غبت ساعه تفكر انـي اخونـك
وانـا ولا مـره خذلتـك وزليـت
تخيّل انـي بـس عايـش اصونـك
عيني تصير ان ضقت من بيتك البيت
وقلبي يصير الكون لاضاق كونـك
واللي صدمنـي لا بغيتـك تخليـت
وانا الذي لاضقت واحتجت عونـك
تقول لو تطلب عيوني لك اعطيـت
وش فايدة شوفي حبيبي بدونـك .؟
وطلبت منك شي عـادي وصديـت
وشلون لو اني طلبتـك عيونـك ؟؟؟
.....
غرتني الدنيا
...
غرتني الدنيا وانا اصبحـت مغـرور
وحطمت قلب اللي غمرنـي بطيبـه
اصبحت عايش خالي احساس وشعور
ماعـاد افهـم وش حبيـب وحبيبـه
غادي عن الدنيا لـي ايـام وشهـور
صارت حياتي فـي عيونـي غريبـه
ظلام لف الكـون ماعـاد بـه نـور
غربه خذت ثامر مـن ايـدي نهيبـه
بنيت بيني وبيـن نفسـي انـا سـور
ابعدت نفسي وهـذي اكبـر مصيبـه
ترى الذي مايسمع الـراي والشـور
كلمـه تـودي بـه وكلمـه تجيبـه
وانا غلطت وقلـت مانـي بمعـذور
ومن يعترف بالحق محدن يعيبـه !!!
وياصاح سامحني اذا جيت بقصـور
مثلك يسامـح لازعـل مـن قريبـه
لو منت غالي كـان مانـي بمجبـور
اجي و ادوّر عنك مـن بعـد غيبـه
اقسم بـرب البيـت ان لزمـن دور
واني بدونك عشـت حالـه صعيبـه
انام ضايق اصبـح الصبـح مقهـور
تخيّـل ان راسـي بـدا فيـه شيبـه
المسألـه ماهـي قصايـد وجمهـور
ولا هي بعد قصـة كرامـه وهيبـه
مسرور من هالناحيه حيـل مسـرور
مرتاح في وضعي كذا ومهتنـي بـه
ماهوب اكبر همي اصيـر مشهـور
كلن بياخذ مـن كتـب مـن نصيبـه
بس انت ارجع لي وانا اكون مشكور
واقلب يـدي وبوسهـا وابتـدي بـه
......
تومي بيدها
...
الله واكبـر ياهـذيـك المواعـيـد
ايـام ماكانـت تحـاتـي وعـدهـا
من قبـل لا تكثـر عليهـا المناقيـد
وتلبـس خطاياهـا عبـاه لجسدهـا
العام كانـت حلـم ليـل الصناديـد
من الحيا ماتجـاوب اللـي نشدهـا
واليوم صارت تصنع لكيدهـا كيـد
تعلمـت وشلـون تتـقـن نكـدهـا
تومي بيدها لواحـدن واقـف بعيـد
تحسبني ازعل يوم تومي بيدهـا !!!
ماتـدري ان فراقهـا كنـه العـيـد
مانـي بميـت مـن غلاهـا بعدهـا
القلب لو شوقه بعـد غابـت يزيـد
ذبحت قلبي فـي يـدي لـو فقدهـا
ماعادهـا كفـو السهـر والتناهيـد
مدامهـا خانـت مبـادي عهـدهـا
قولولهـا وانكانهـا شيخـة الغـيـد
تستر عن عيـون المناظـر نهدهـا
وانكان اصبح عذرها حـب تجديـد
مع موظةٍ يخـذل مطرهـا رعدهـا
لا والله الا زادة حـبـارة الصـيـد
وطيـور ماهـدة بيكثـر هـددهـا
العلـم بيّـن مايـبـي زود تأكـيـد
واضح وضوح الشمس للي شهدهـا
الشمس تطلع شرق يـوم الله يريـد
حكمه من الله ماطلعة مـن وحدهـا
الله أمرهـا تنـور الكـون تحديـد
وبعض البشر مع كل هذا تعبدها !!!!
يعني خلاصة هالحكـي والتشاهيـد
قولولهـا مـن قبـل تفقـد رشدهـا
انكانهـا مشتاقـه لـواحـد بعـيـد
تروح له .. ماهوب تومي بيدها !!!!
يومن معك مافيه شاعـر وجمهـور
مافيـه الا بـس حبيـب وحبيـبـه
.......
غلطة الشاطر
...
الغيمه اللي تجيب الظـل والماطـر
ظلت علي الدروب وشـح ماطرهـا
ضحيت واجد على شانك وانا ناطـر
الفرصه اللي ثلاث سنيـن ناطرهـا
اليا متـى ماتسيّـل حبـك القاطـر
مليت اسطر جروحٍ شاب ساطرهـا
ياكثر من قال انـي بالغـلا شاطـر
هو مادرى اني رجيتك سيل قاطرهـا
ياصاحبي لا طرالي ثوبـك العاطـر
يهون عندي غثى الدنيا وخواطرهـا
القلب فج الضلوع وجالـك مخاطـر
والكبد قو الصبـر والبعـد فاطرهـا
اما تسولف سوالف تشرح الخاطـر
ولا تكب السوالف لجـل خاطرهـا
كل شي عادي .. ولكن غلطة الشاطر
تبقا مع الناس وتبقا بقلـب شاطرهـا
.......
ادري مع غيري تخونيني الحين
...
ماودي اقلبهـا علـى راسـك الحيـن
ولاودي اسكت عنك .. واجرح ضميري
جونـي وقالـوا عنـك نـاسٍ كثيريـن
كلام يكبر عنـه .. حتـي الصغيـري
قالـوا نستـك : وقلـت والله لتموتيـن
وللحيـن باقـي لـي بقلبـك كثيـري
ابسألـك وشلـون يعنـي بتنسـيـن ؟
ولحمة كتافك .. كابره بفضـل خيـري
قالوا تبيها : وقلت يمكـن مـن سنيـن
يومه مصيرك مرتبـط مـع مصيـري
انتي .. مثل طيـرٍ كسيـر الجناحيـن
جبرت كسـره عقـب ماهـو كسيـري
ياكل من يدينـي .. سـوات المساكيـن
وصد وتنكر .. يومه اصبـح يطيـري
قالوا تخونـك : قلـت طبـع الردييـن
طبع الخيانـه مـن الردايـا يصيـري
كل يوم وانتـى ألـف مـره تخونيـن
ماهـي غريبـه خيانتـك للعشـيـري
ادري مـع غيـري تخونينـي الحيـن
وادري بعـد ساعـه تخونيـن غيـري
........
حبيبة صاحبي
....
يابنت هذا صاحبي واقرب النـاس
تبين اخونه بكل بساطـه عشانـك
والله لو انك خلقتـي مـن المـاس
وصرتي بعين الكل شيخة زمانـك
ان صاحبي يبقا مكانه على الراس
وانتي حبيبة صاحبي فـي مكانـك
وشلون ابادلك المشاعر والاحساس
واسرق من ايدينه غلاك وحنانـك
وانا ادري ان حبك بقلبه بلا قيـاس
وانتي تخونين الوفا يـوم صانـك
تخيّلي انـك مكانـه علـى سـاس
مع اقرب انسانه غدربـك وخانـك
يسهر معاها طاردن نـوم ونعـاس
في منظرن لو صار زعزع كيانك
شفتي شلون ان موقفك حيل حساس
شفتي شلـون انـه قليلـن امانـك
مثل الكبير اللي صغر حيل وانداس
انتي نزلتي من حترامـك وهانـك
لكن انا ببقا وفـي لقـرب النـاس
ماني بخاين فـي رفيقـي عشانـك
...
توك تجي
...
منك السموحـه والعـذر ياضنينـي
النفس طابـت ليـن قلبـي عذرهـا
ماعـاد باقـي شـي بينـك وبينـي
وانكان لك حاجـه تعـال اختصرهـا
اخذت من عمـري حـلاوة سنينـي
كافي علـى قلبـك اليامـن ذكرهـا
غصب الفراق يصير ماهـو بدينـي
اقـدار مكتوبـه ولاحـد(ن) قدرهـا
توك تجي .. واتقـول انـك تبينـي
وين انت يوم النفس تشكي كدرها ؟؟؟
كنـت اترجـى تتصـل يـوم فينـي
كنت بحياتي غير .. قبـل اتهجرهـا
خـلاص لا تتعـب قدمـك وتجينـي
كنت احترم جيّتك .. وصرت احتقرها
سبحان مـن خـلاك عـادي بعينـي
من عقب ماكنت انت تسوى نظرهـا
....
المكان
..
المكـان اللـي لنـا عــاده لـنـا
ماتغيّـر للمـكـان ولا الـزمـان
بس غبت وجبت من غبـت العنـا
وصرت اسولف للمكان شلون كان ؟
اتنـزح مـن هنـا ليـمـا هـنـا
لين انا ماضقت وضيّقـت المكـان
صرت احس اني انـا مانـي انـا
طبعي القاسي نسـى نفسـه ولان
من عذر لو قلبـي الصلـب انثنـا
فاقد(ن) لي شخص غالي من زمان
انت تدري عنـك انـا مالـي غنـا
بس مـدري ليـه تبخـل بالحنـان
ويـن اولـي كـل ماليلـي دنــا
وقمت اهوجس ليه خلاني وخان .؟
اتذكـر كـيـف نجـلـس كلـنـا
في ركن واحد ولا ضـاق الركـان
كـان موعدنـا ثمـان مـع الهنـا
وكنت انا دايم اجـي قبـل الثمـان
صاحبـي ماقـول غيـر الله لـنـا
لاغـدى مالـك ولا الدنيـا آمـان
.....
حكاية اسمه االثاني
...
اببعد والطريق اللي يـودي ياعسـاه يجيـب
بدالـي واحـدن تلقـا معـاه اللـي تمنيتـه
مدامك شايف الفرقا امل خيره وراي مصيب
انا حاضر علـى امـرك وامـرك ماتعديتـه
انا الغلطان واستاهل جفاك ومنـك التجنيـب
على فكره تـرى ماهمنـي بعـدك وتشتيتـه
كثر ماهمني شخصن بدايـة بعـده التعذيـب
قسـم بالله مامثلـه مـن الاجـواد خاويتـه
حسافه يالحبيب اللي من يديني زمان قريـب
ترك دنياه من شاني ولجـل دنيـاك صديتـه
هذاك اللي خلق ربي حياته كلها مـن طيـب
تضيق بعيني الدنيا واشـوف الخيـر لاجيتـه
تخيّل مـن تعرفنـا ولامـره لحقتـه عيـب
ذكرني والمصيبه ياكثـر مـا انـا تناسيتـه
كبير الفرق مابينك وبينـه ولسـؤال مجيـب
اذا ردت على فعلك وصيته وفعلـه وصيتـه
علي لاضاقت الدنيا وجيتك عن عيوني تغيب
وهذاك ان ضاقت الدنيا وجيته فاتحـن بيتـه
كلامه .. فلة حجاجه .. سلامه لابدا الترحيب
كبير بكل حالاته .. انا وشلـون خليتـه !!!
عطاني كل ما اطلب بلا منـه بـلا ترتيـب
على اقصاه يمكن الـف مـره بـس حديتـه
تركته ايه ما انكر وعـذري دايـم التجريـب
غريبه قصتي وياه والاغرب كيف جافيتـه !!
اشوف الدنيا صغيره بعيني اوكـره التغريـب
اضيع شهور عن دربـه وارد انكـان دليتـه
اجيه استسمح ارضاته واطالب حقي التقريب
انادي اسمه الثانـي عشـان ارضـاه ناديتـه
حكاية اسمه الثاني بسيطـه ماتبـي تحسيـب
عطاني اسم غيـر النـاس بلحالـي وسميتـه
انا متأكد ان جيته ودمعـي سايلـن للجيـب
بتصغر كل هالدنيا مثـل ماضقـت وابكيتـه
كبير بقلبه بحبـه كبيـر ولا مـلاه الشيـب
يقـرب كفـه الطاهـر لكفـي كـان مديتـه
اذا الله قدر ورده مثـل اول وصـار قريـب
عسى الله كل محتاجه يخليني ان خليته !!!!!
.....
بسكات
...
ياكثر شرهاتي عليـك انـت بالـذات
والا علـى غيـرك تراهـا قليـلـه
تعبت اجي بسكـات واروح بسكـات
ساكـت وانـا متنـي حمولـه ثقيلـه
مرات احس انـي لحالـي ومـرات
احـس مسنـود ٍ بجـيـش وقبيـلـه
عشت بمتاهـه غيـر كـل المتاهـات
كانـت مفيـده بـس ماهـي جميلـه
عرفت منها كيـف طعـم الخيانـات
وشلون ترخصـك النفـوس الذليلـه
خسرت .. لاوالله فدتـك الخسـارات
ياغـلا مـن الدانـه بعينـن بخيـلـه
ماقلت لـك قصـة بعيـد المسافـات
اللـي معـه بشتـه وسيفـه وخيلـه
ضحى بهم منشـان سـود ٍ وسيعـات
الله يعيـن اللـي مـفـارق خليـلـه
جيتك اشيل من التعـب كثـر مافـات
طرقي وهـدت سـود الايـام حيلـه
خذني من ايديـن الحـزن للمسـرات
ليله معـك عـن الـف ليلـه وليلـه
صوتك لحاله غير عن كل الاصـوات
وش غير ؟ حتى الغير ماهـو مثيلـه
غير انت وصوتك غير والشوق مامات
وتلومنـي لاجيـت قلـبـي اشيـلـه
دايم ترى اهـل القلـوب الحزينـات
تنشد عن الغالي وتجـي تشتكـي لـه
علاقتـي ويـاك غيـر العـلاقـات
لـو كـان ماهـي ياحبيبـي طويلـه
اشره على الغالي عليك انت بالـذات
والا الرخيص رخيص ماني بجي لـه
....
فيني بدوي
..
لاتـسـئـلـيـنـي عـن سـبـب ضـيـقــة الـبــال
مـبـطــي وانــا مـاذقــت طـعــم الـسـعــاده
ظــروف خـلــت حـالـتــي مـاهــي بـحــال
كـافــحــت لـيــمــا مـابــقــت بـــي إراده
بـنـيـت لـي فـي عـالــم الـصـبــر تـمـثــال
وبــاد الـزمــن تـمــثــال صــبــري إبـــاده
حـاولـت اوسـع خـاطــري بـلـعــب الاطـفــال
وكــل مـاسـلـيــت شــوي ضـاقــت زيـــاده
لــو الـمـشـاكــل حـلـهــا الـدمــع لا ســال
اسـتـغـفــر الله .. صــار دمــعــي عــبــاده
لـبـكـي بـكـا .. ضـيـقـه ولـوعــه وغـربــال
مـابـكــي بــكــا .. خـــوف ٍ وذل وشـــراده
يـابـنــت .. وديــار الـبــدو عـشــب ورمــال
ومـســرى بـلـيــا شــور كــلــه جــهــاده
وانــا سـريــت بـــوادي ٍ فــوقــه جــبــال
الـحــر مـاشــاف الـشـبــك يـــوم صـــاده
فـيـنـي بـدوي طـبـعــه ورى الـخـيــر رحــال
اكـثــر مـقـيـمــه فــوق مــركــب شـــداده
يـشــد ويـنــزل كـــل فــتــره بـمــنــزال
قـربــه صـعــب جــدا وسـهــل ابـتــعــاده
ان قــال فـرقــا .. مـاتـراجــع الـيــا قـــال
مـاتــقــدر الـدنــيــا تـكــســر عــنـــاده
فـيـنـا الـولــد .. يـســوا ثـمـانـيــن رجــال
فـيـنــا الـكــرم .. خـلـقــه وسـنــه وعــاده
وبـالـعـشـق اخـذت الـلـي مـواصـيـفـهـا ثـقـال
فــي زيـنـهــا مـاهــي بـحـاجــة شــهــاده
حـبـيـبـتــي .. مـازيـنــوهــا بـسـلــســال
مـــن زود مـاتــبــرق تـضــيــع الــقــلاده
اسـود شـعـرهـا .. لـلـبـسـت فـوقــه الـشــال
الـشــال الاســود .. يـنـصــدم مــن ســـواده
ارجـولـهــا خـلـخــال .. مــن دون خـلـخــال
خـلـقـتـهـا لـفـت انـظـار .. مـاهــي عـمــاده
لـو نـفـتـرض مــرت عـلــى شــارع الـجــال
فــاض الـبـحــر يـشـكــي عـلـيــهــا وداده
الارض تـهــتــز حــدرهــا هـــز زلــــزال
زلـزالـهـاتــعــشــق حــدوثـــه بـــــلاده
فـيـهـا الـحـلا .. عـايـل عـلـى كـلـهــا عــال
ان سـولـفــت بـالـلــيــل انــســى رقـــاده
بـس الـمـصـيـبـه حـظــك الـشـيــن لا مــال
الــيــارقـــد يــابــعـــد والله قـــعـــاده
وانــا مــع حـظــي .. بـعــض نــاس عــذال
زادوا عــلــي .. مـــن الـنــكــاده نــكــاده
صـحـيـح انـا عـايـش .. ولــو الـحــزن طــال
الـحـمــد لــلــه والـشــكــر والـشــهــاده
الـفـضــل لـلــه .. عـزنــي بـكــل الاحــوال
مـاذلـنــي بـحــاجــه تـشــمــت إعــبــاده
مـيــر الـبــلا ضـيـقــات الــوان واشــكــال
لاجــنــي خـلــنــي طــريــح الــوســـاده
هــذ انــا . يـانـاشـدتـنــي عـــن الــحــال
مـن كـثـر ضـيـقـاتـي نـسـيــت الـسـعــاااااده
....
الشهره
..
الشهره اللي وراهـا النـاس منجرفـه
ماهوب اكبر طموحي مصافـح ايديهـا
مانيـب جاهـل بهـا انكانهـا حـرفـه
اعـرف مداخيلهاواعـرف خوافيـهـا
اعرفـك يادربهـا واقـول ماعـرفـه
وان مر طاري لهـا صديـت طاريهـا
الشعر لـولا عيـون الجـادل الترفـه
والله لانسـى القصايـد مـع قوافيـهـا
ضيقات صدري كثيـره مالهـا صرفـه
من كثرها ماعرفـت شلـون ابحكيهـا
اشيـاء منهـا تبـات النفـس منقرفـه
ياكثـر ماحطمـت نفسـي وامانيـهـا
القدس راحت إناظرهـا مـن الشرفـه
وابن اليهـودي يـدوّج فـي ضواحيهـا
وحنا العرب ساكتين اسكـات معترفـه
نشوف بالعين ارض القـدس وش فيهـا
والدمعه اللـي مـن المسكيـن منذرفـه
ماحركـت شـي بالظـالـم معانيـهـا
الجوع .. والبرد .. ومسكن يشبه الغرفه
تقتل احـلام الفقـاره .. قبـل تحييهـا
والناس صارت بجرح النـاس محترفـه
يـارب ستـرك مـن الدنيـا وبلاويهـا
والحب تطعن بصدقه .. بنـت منحرفـه
من كثـر ماكذبـت .. تنسـى اساميهـا
وبعض السوالف تغثـك مابهـا طرفـه
تدبـل كبـودٍ تـدور مــن يسليـهـا
مثل البشـر بعضهـم مـاودك تعرفـه
زودٍ علـى ضيقتـك وجهـه يطّريهـا
.....
احساس طفله
...
يابنت وجـه الخيـر بيّـن ومعـروف
لـو ماتكلـم شافـت النـاس خـيـره
والوجه الاقشر ماهو بحاجة اوصـوف
يبـان حـتـى للعـيـون الضـريـره
من عاش يتبع خطـوة المـال ملهـوف
رزقٍ كتـبـه الله .. مافـيـه غـيـره
الخوف لو ينفع .. نفع صاحب الخوف
اللـي علـى حقـه يدينـه قصـيـره
الضعف ماغيّر قـدر نـاسٍ ضعـوف
عاشت صغيره ويـوم ماتـت صغيـره
كلمة احبك بس مـن اربـع حـروف
وتحكـي احاسيـس ومشاعـر كثيـره
الحب اكبر من سهـر ليـل وطيـوف
ماتفهمـه حتـى القلـوب الكسـيـره
تدرين اصدق حب يطلع مـن الجـوف
حب الفقير اللـي عشـق لـه فقيـره
احلامهم تكبـر مـن ملامـس كفـوف
وتكبر من اشـواق العشيـر لعشيـره
كنه معاها لو علـى ضلـع مكشـوف
داخـل قصـر يجمـع اميـر واميـره
احساسهم صادق بـلا كـذب وزيـوف
كلـن يقـول اللـي يريّـح ضمـيـره
احساس طفلـه عندهـا العيـد نفنـوف
تظـن مـن تلبسـه صـارت كبـيـره
وانا لحالي مجابه صفـوف وصفـوف
واليا خسـرت اقـول فـدوه وخيـره
اطيح ووقف وابعد الشـوف واطـوف
اخـذ قليـل الـزاد وارحـل لـديـره
اترك كثير الزاد في كسـب معـروف
تـرك الكثيـر يجملـك فـي مصيـره
يمكن يجيه انسان هالك مـن صـدوف
يلقـا مـن اللـي تاركـه مايجـيـره
شايف من الدنيا وعايف بشـر عـوف
اجنـاب والا مـن رجـال العشـيـره
مرت علي اظروف واظروف واظروف
ماريحـت حتـى العيـون السهـيـره
وللحين راسي راس وكتوفـي كتـوف
ماغيّـرت مـنـي ليـالـن عسـيـره
مدام فينـي حيـل وعيونـي تشـوف
والله معيّشـنـي بحـالـه سـتـيـره
والله لستقبـل علـى بابـي ضـيـوف
لـو مـا املـك الا دلتيـن وحصيـره
........
العشره
..
تدري وش اكبر صدمتن تنصدمهـا
لا حتجت لك غالي وقـام يتصـدد
علاقـة العشـره بلحظـه هدمهـا
من شـان حاجـه للمفـارق تهـدد
وكانه ندم .. مافـاد نـاسٍ ندمهـا
مافات مات .. ولا يفيـد ان تـودد
جعله فـدا نـاسٍ مواطـي قدمهـا
تسوالهـا ديـره وحكـمٍ مـشـدد
ناسٍ تساوت روسهـا مـع خدمهـا
زمانهـا راحـت عليـه وتـجـدد
اطلال صارت .. جاء زمان وردمها
حتـى مكـان اطلالهـا مايتـحـدد
وجودهـا ماهـوب يشبـه عدمهـا
على الاقـل اليـا عطـت ماتـردد
ماهيب مثل اللي ربوعـه صدمهـا
لاجاه فـي حاجـه رفيقـه تصـدد
.....
جمر المفارق
..
جمر المفارق بالحشا شهـور واقـد
القلب عقبك كـن يحمـس بمحمـاس
تـدري وربـي كنـي الكـون فاقـد
من غبت عني كن ماني مـع النـاس
طيفك يمر دايم علـي وانـت ماقـد
مريت في دربي مع الدرب عسـاس
مليـت وحجـاج الزمـن دوم عاقـد
تعـال فلـه مابقـا داخلـي بــاس
دنيـا بدونـك عافهـا القلـب ناقـد
من كثر ماشاف الكـدر والتعومـاس
بعض العرب كنه على الكبـد راقـد
والمشكله يدري ولا عنده حساس !!!!
شكله متعمـد داخلـه قلـب حاقـد
وده يضايقني وانـا ضايـق الـراس
ياصاحبي والله احـس كـون فاقـد
فاقدك وكنـي فاقـدٍ جملـت النـاس
......
محتاج لك حيل
...
محتاج لك حيل والله يقطـع الحاجـه
حدتني وجيت اداري دمعـة عيونـي
باين علي التعـب والضيـق وانتاجـه
منهار لونـي متغيّـر ماهـو بلونـي
لقيتك .. اللي يصـد معقـد حجاجـه
وانت اقرب الناس والغالي ومضنوني
لكن على الله بديه الضيـق وافراجـه
والا انت الله معك خابت بك ضنونـي
بلاش منك ومـن موقفـك واحراجـه
رح واتبع اللي خذوا منـي وخلونـي
من صد عني تـرى مانيـب محتاجـه
من دونه اعيش دامه عاش من دونـي
وان قـدر الله مـع الايـام نتـواجـه
تمـر مثلـك مثـل ناسـن يمرونـي
في عيوني تصير ماتسـوا ولا حاجـه
من عقب ماكنت تسوا الناس في عيوني
.....
حبيبي روح
...
حبيبـي روح لاتقعـد عشانـي لابغيـت تـروح
اذا ماعـاد لـك حاجـه بوجـودي لا تجاملنـي
عشاني .. لا عشان الملح والعشره ياروح الـروح
اذا دمـي ثقيـل اصبـح بعينـك ماتحملنـي !!!
تخيّـر بالـدروب وكـل دربٍ يعجبـك مفتـوح
وانا لا رحت عـن عينـي ابلقـا مـن يوصلنـي
تعـذر لا بـلاش انـك تعـذر ابتعـد مسـمـوح
تراضينـي سنيـن البعـد كـان البعـد يزعلنـي
علي لا ينشغل بالك ولـو كلـي غديـت جـروح
تهملـنـي ربــع واحـبـاب والله مايهملـنـي
ترى اصعب شي بالدنيا اذا صار الغـلا مذبـوح
بقلـب اللـي تحبـه وعاملـك باللـي تعاملنـي
احبك شي .. وشي ثاني خطاك ان قلت لك مدموح
تجاهلني وتبي ادمـح خطـاك انـك تجاهلنـي ؟
احبك لو علـى قلبـي دلالـك ترتكـي وتفـوح
هـذاك اول زمانـن فـات قبـل انـك تبدلـنـي
بحب اللي تحبه صرت تنطـر شوفتـه مشفـوح
انا ادري مـن عيونـك تفضحـك لـوّك تظللنـي
اشوفه في عيونك .. ياعيوني فـي سمـاك يلـوح
اخذ نفس المكـان اللـي لجـل يوصلـه نزلنـي
حبيبـي روح لا تقعـد عشانـي لابغيـت تـروح
انا ادري منت في حاجة وجـودي لاتجاملنـي !!!
...
البلوتوث
..
ياصاحبي لجلك شريـت البلوتـوث
عشان اصير انسان مثلـك معاصـر
كنت احسب انه لخدمة الناس مبعوث
اثره خراب بيـوت شـر ٍ مقاصـر
ياجعل ماهو لجيل الاسلام مـاروث
اكبر خطر للجيـل هـذا يحاصـر
شي ٍ يخلي راكـد العقـل ملهـوث
واللي يناصـر صاحبـه مايناصـر
آفه تحرث بقاع ماهـوب محـروث
تشوف فيها رقص هـز الخواصـر
يفرحبها جاهل من الجهل محثـوث
ويلقابهـا كمـل المهابيـل قاصـر
والحين دام ان الحدث صار محدوث
يارب ثبتني مـن عصـار عاصـر
وياصاحبي مابيك ولابـا البلوتـوث
ولابا اصير انسان مثلـك معاصـر
.....
دمعة البرد
...
طبع الندى يبكي وهو حاضن الورد
في عز ماهو فارغ الصدر مرتاح
مثل السحاب اللي بكا دمعة البـرد
تفرح به العربـان لا بارقـه لاح
اما انا قلبي غـدى قاسـيٍ عـرد
ماعاد يبكي لو فنت كـل الارواح
من يوم راح وشاف دمعي ولا رد
حرمت مابكي لي على واحدٍ راح
طرد المقفي يتعب القلب بالطـرد
يشوحه المقفي كما شـوح ملـواح
ترى حلاة الرجل في حزة الجـرد
مايقبل الهيّن .. ويوقف اليا طـاح
ان صدرم صدر .. وان وردم يرد
ياخذ حقوقه لو بها سيوف ورماح
والدمعه اللي شافهـا وراح مـارد
اخير دمعـه كانـت لواحـدٍ راح
...
منت اختياري
...
تعال ارسم على وجه الزمن بسمـه
تعبت من دنيتن فيها الحزن ضيفـي
القلب ضاق بجفاك ومل من جسمـه
صبرت مير الصبر كسر مجاديفـي
مرت سنه !!! والجدار معلق الرسمه
اخر هداياك وكانت بأخـر الصيفـي
ايام كان الخيـال يداعـب النسمـه
صنفت جزل القصايد قبل تصنيفـي
عشيتها من جزال افكـاري الدسمـه
غلفتها في يـدي وختمـت تغليفـي
وان عـودت للغـلا والله منحسمـه
هالمسأله شرفت من غيـر تكليفـي
غلاك عانه وسم في داخلي وسمـه
مكتوب فوق الوسم ( اغلا مواليفي )
منت اختياري ولكن صرت لي قسمه
الله كتب لي احبـك ماهـو بكيفـي
عاد انت يالله تعال ورجـع البسمـه
مليت من دنيتن فيها الحزن ضيفـي
.....
سافر
...
سافر واخـذ قلبـي معـك ويـن مارحـت
اخـذه معـك فـي غيبتـك وش ابيبـه .؟؟
يمكـن معـك يرتـاح لاشافـك ارتـحـت
يمـكـن يجيـبـك لـــي ولا تجـيـبـه
والا انــا لقفـيـت مـعـذور لاطـحـت
ياصعبـهـا فـرقـا حبـيـب لحبـيـبـه
مـن فـوق تقلـب غيبتـك دنيتـي تحـت
ياللـي فراقـك لــي اكـبـر مصيـبـه
اليا طـرا طاريـك مـن ضيقتـي صحـت
والدمـع يملـي كــم ثـوبـي وجيـبـه
انـا اشهـد انـك داخلـي منحـت نحـت
يابخـت منهـو صـرت حظـه نصيـبـه
مليوووون ضيقه ان جيت عن خاطري زحت
ارجـع فديـت الليـل يـوم تحكـي بــه
ياقلبـة الله فـي عيـونـي الـيـا لـحـت
كـنـك اسـيـرٍ جـابــه الله لحبـيـبـه
....
قلب بدوي
...
ماعلي خلاف اقول اللـي ابيـه
من فضل ربي علي انـي قـوي
الا حبك شي مـا اقـدر عليـه
كن حبك ضيف والقلـب بـدوي
انت بس اللـي ابيـه ولا اجيـه
عنك حظي لاوي ذراعي لـوي
صرت لي مشوار لاجيت ابتديه
ان لقيت الدرب ضيعت الخـوي
رد يامنهـو حياتـي فـي يديـه
لا تخلينـي وانـا لـك مهتـوي
ان خسرتك وين ابلقا لك شبيـه
وانت من كل شي نادر تحتوي .؟
وين رايح جعل هالزول افتديـه
وانت خابرني من البعد انكـوي
انت حتى الجرح منـك اشتهيـه
من غلاك اضمى عذابك وارتوي
انت لا سولفـت ماكنـي هنيـه
التزمت الصمت كنـي منطـوي
ليه اسولف لك وهي من غير ليه
تعرف انك تطوي احزاني طوي
انت حبك شي مـا اقـدر عليـه
كن حبك ضيف والقلـب بـدوي
...
اخير انسان
...
يتلني قلبـي علـى هرجتـك تـل
واجي اسولف لك ولـو ماسئلتـي
كنتي اصغيره .. بس اغلا من الكل
كنت اتامل خيـر لامـن كملتـي
لكن خساره مانفع : ياعسى وعـل
صرتي مثل ورده .. كبرتي وذبلتي
انتى وصلتي مرحله مالهـا حـل
اتفه سبب لا من حصل لك زعلتي
انكان قلبك من تعب عالمـي مـل
محد جبرك انتى بكيفـك دخلتـي
ابعتبـر نفسـي مثـل غـاديٍ دل
وانتى معايه .. مانجحتي فشلتـي
مرضى عليك ولا على نفسي الذل
اعادلـك بالـروح مهمـا عملتـي
انا اخير انسان .. في حقك يـزل
اموت .. وانتى بشيمتي مانخذلتـي
انا عطيتـك مـا تعـذرت بالقـل
وانتى بقول الحـق فينـي بخلتـي
انا رسمتـك غيمـةٍ للبشـر ظـل
اعلا مكانه فـي حياتـي وصلتـي
كنتى بمكانن مرتفع تحتـك الكـل
لكن خساره من مكانك .. نزلتـي
...
مرت وعدت
...
آمنـت ان الحـي بيقابـل الـحـي
من صدفةٍ للـدرب هـذا جرفتنـي
امشي بفالي صدفةٍ مـا ابـي شـي
فجأه عرضت لي شفتها وطوفتنـي
مرت وعـدت كنهـا ماهـي بهـي
ماكنهـا ياخـوك يـوم عرفتـنـي
عطيتها حب وغلا وقصـرت بـي
اوفيتها بـس للاسـف مـا وفتنـي
كانت اليا ضاقت تجـي كلهـا لـي
نسـت عطـاي وطيبتـي لالفتنـي
ماكن لي فيها غلا لـو هـو شـوي
ولكنهـا بسـود الليالـي جفتـنـي
وقفت اطالع منجرح منكـوي كـي
ساعه بمكاني منصـدم وقفتنـي !!!
بغيت اجيها وصدهـا كتّـف ايـدي
تبي الصراحه ياولد خوفتنـي !!!!!
خايف اجيها تقول لي وشتبـي فـي
.؟؟ولا تسوي نفسها ماعرفتني !!!!!!
......
غلطة حياتي
...
لا تنصـدم ماعـدت شـي بحياتـي
كلك على بعضك كرهتـك وعفتـك
مابيـك لـو انـه وجـودك غناتـي
حذفت انا اسمك من سجلي وحذفتك
صارت حياتي معك تشبـه مماتـي
مافيـك حاجـه طيّبـه لا وصفتـك
عمر الخطا ماكـان نـوع بصفاتـي
حتى مشيت العـام دربـك وشفتـك
انا غلطـت بحـق نفسـي وذاتـي
غلطه بدت من يوم جبتـك وضفتـك
داخل خفـوقٍ حـط حبـك مناتـي
كبرك في عيني وجيـت وعرفتـك
وصرت القريب اللي .. شتاته شتاتي
جرفتني كلـي .. وكلـك جرفتـك
لكن خسـاره منـت كفـوْ لسواتـي
اللي حصـل بيّـن رداك وكشفتـك
تدري بصراحه ايش غلطـة حياتـي
انـي نزلـت لمستـواك وعرفتـك
.....
جيتك
..
لاتلومني لاجيت كلي من اقصـاي
مافيـه غيـرك لاتضايقـت جيتـه
جيتك ولاغيرك ذكرتـه بمسـراي
جيتك وكل انسـان غيـرك نسيتـه
جيتك وانا ماني بأنـا تايـه الـراي
جيتك وانا مدري وش اللـي بغيتـه
جيتك وقلبي دقتـه تسبـق خطـاي
جيتـك اقـول مفارقـك ماقويتـه
ان مر يـومٍ بالعمـر منـت ويـاي
اشتاق لك شـوق المسافـر لبيتـه
مثل الهوا تحتاجه النـاس والمـاي
يحتاج لـك قلـبٍ هـواك وهويتـه
دامك معي ماقصرت يـوم دنيـاي
دامي خذيتـك وش بقـا ماخذيتـه
وانكان تنشدني بعد ليـه انـا جـاي
ابشـر بـردٍ يقنـعـك لاقريـتـه
جيت اعترف بالفرق يا اخر منـاي
بينك وبيـن اللـي عشانـك جفيتـه
اني ليامن جيت لك ( همك رضاي )
واني ليامن جيت لـه ( مالقيتـه )
لاتلومني لاجيت كلي من اقصـاي
مافيـه غيـرك لاتضايقـت جيتـه
.....
شيخة العوب
...
كل البشر في صوب وهالبنت في صوب
الكـامـل الله كـامـلـه ماتـعـابـي
ترفه وهـي تمشـي مسافـات ودروب
في عـز رحـلات الشقـى والعذابـي
لامن مشت فـي يدهـا ترفـع الثـوب
كـلٍ يناديهـا وهـي تـقـول مـابـي
مـن الدلـع سميتهـا شيخـة العـوب
حتـى دلعهـا منحنـي لـه عجـابـي
مركوبهـا ماهـوب أيـات مـركـوب
مـن مـر قـدامـي تلـنـه ركـابـي
لحقتهـا والهـرج زاهـب ومكـتـوب
لأي موقـف كنـت عامـل حسـابـي
قلـت السـلام وردت بأيـش مطلـوب
قلـت الخفـوق بخفـت الـدم ذابــي
قالت وش اللي حـدك لنـاري تـذوب
قلـت المشاعـر ماعليـهـا عتـابـي
قالـت تمثـل دور عاشـق ومحبـوب
قلـت الحقيـقـه افتـديـك بشبـابـي
قالت اخيـر الحـب ناهـب ومنهـوب
قلـت انهبينـي قبـل لانقـل صوابـي
قالت متى تكبـر عـن الحـب وتـوب
قلت الخبل مـن شـاف زينـك وتابـي
قالـت صراحـه ماتوقعتـك سـلـوب
قلت افهم انـك معجبـه فـي جوابـي
فجأه عرض لي واحدٍ عرضت خـروب
سلـم علـي وخاطـر البنـت طابـي
جاني مطفي ضارب فيـاض وشطـوب
ومـن قـو عينـه قـال يامرحبـابـي
واخذ يسولف لي وانـا فيـه مغصـوب
يسئـل عـن احوالـي وسبـة غيابـي
مايدري انـه بعرضتـه كسـر قلـوب
لا واعـذابـي مـنـه لا واعـذابــي
رقد على كبدي وانا بوقـت محسـوب
البنت راحـت والرجـى منـه خابـي
وقفت عاجـز كنـي انسـان مغلـوب
من قـرد حظـي كـل هـذا جرابـي
اتـلا عهدهـا تلتفـت لفـت رعبـوب
مالله كتبهـا قسـمـةٍ فــي كتـابـي
اقفـت تمشـى فـي مسافـات ودروب
قلبـي يناديهـا وهـي تقـول مـابـي
....
ارفعك بيدي لسما
...
لاجيـت افكـر بالوجيـه المفاليـح
وفرقت بين الناس عالـي و واطـي
فكرّت بك ضمن الوجيه المشافيـح
متقلطـن ببسـاط ماهـو بساطـي
علاقتـي ويـاك تحتـاج توضيـح
من شفت في بعض الامور اختلاطي
مثلك خطا يحتاج وقفـه وتصحيـح
بيّن مثـل تفريـق ماخـذ وعاطـي
ربيت من صغري على هبة الريـح
ولبست لي ثوبن كمومـه اخياطـي
يوم انت تلعب في يديـن المراجيـح
انا انطح الضيفان وافرش سماطـي
ماعابني لاصرت ظمـن المجاريـح
اغلا جروحي بين الاظلاع ساطـي
العيب لاسقت القـدم دون تصريـح
وخليتهـا بـدرب الردييـن تاطـي
والمشكله انك تحرث النار وتصيـح
اركد قبـل لافـك عنـك رباطـي
خابرك ماتبعـد قريـب المراويـح
زايد عـن العالـم بكثـر الهياطـي
اكبر طموحـك لاتعطـرت بالريـح
تطلع تمشى بين شاطـي وشاطـي
عندي سؤال وخابرن فيـه تجريـح
لكن ضـروري تسمعـه بأنبساطـي
ارفعك بيدي لسمـا ترجـع اتطيـح
قلي شسوي فيك لا صرت واطي .؟
...
الرساله
...
ياللي حرمت القلب مبطي من الصوت
لاتحرمـه هالحـيـن رد الرسـالـه
ايام عمري معـك لحظـات وتفـوت
وش تنتظر لاضاع عمـري بدالـه ؟
يعني عشان اسمك على القلب منحوت
ماعـاد تسئـل ليـه وش هالنذالـه ؟
ان كان قصدك شوفتي وسط تابـوت
خلنا علـى ماقيـل كلـن بفالـه !!!
اليا طرى طاريـك حسيـت بالمـوت
اليا متى هالحال ماهـي بحالـه .؟؟؟
من غبت وصارت غيبتك شي مثبوت
الناس تنشـد ليـه ثامـر لحالـه .؟
زعلان حدي منك ضايـق ومغمـوت
وكل من سئلني عنك ضقت بسؤالـه
عز الله اني معـك مانـي بمبخـوت
امشي يمين الـدرب تمشـي شمالـه
عزآآآه يالدنيا عقب بحـت الصـوت
صار الرجى منك ترد الرسالـه !!!!
...
احبك
...
انا لاقلت لي شلونك وانـا ضايـق اقـول بخيـر
مدامك سائـلٍ عنـي اكيـد ان ضيقتـي راحـت
انا من كثر ماحبـك اشوفـك فـي عيونـي غيـر
تضيق النفس من غيرك ولامـن شفتـك ارتاحـت
احبك كثر .. ماتطـري فبالـي وتشغـل التفكيـر
كثـر .. ماشيلـك بعينـي ونـاسٍ منهـا طاحـت
احبك كثر .. ما ادمح خطـاك ان خانـك التعبيـر
كثر .. ماخانت الرفقـه بكتـم اسرارهـا وباحـت
احبك كثـر .. صقـارٍ تولـع فـي محبـة طيـر
كثـر .. مادلـة الطيّـب بريحـة هيلهـا فاحـت
احبك كثر .. ماحس بشعـور انـي عليـك اغيـر
كثر .. مازيح هالغيره عن افكـاري ولا انزاحـت
احبك كثر .. مالك داخلـي حـب وغـلا وتقديـر
كثر .. ماغبت عن عيني ودموع امفارقك ساحـت
تصدق !! من عرفتك صرت احبك .. واكره التغيير
وانا اللي كنت اعشق كـل نجمـه بالسمـا لاحـت
تأكد كـل ماتسئـل عـن حوالـي اكـون بخيـر
مدامك سائـلٍ عنـي اكيـد ان ضيقتـي راحـت
......
ليلة افراق
..
الليلـه هـذي واضـحـه ليـلـة افــراق
حـاولـت اعديـهـا وعـيّـت تـعــدي
اظــروف ماتنـطـاق ولا راح تنـطـاق
صـد القـدر ماهـو بـصـدك وصــدي
تعـال اخذنـي بـيـن ايـاديـك مشـتـاق
قـبـل انتـفـارق حــط يــدك بـيـدي
بجلـس معـك ساعـه حبايـب وعـشـاق
مـن بعدهـا كيفـك ولـو صـرت ضـدي
فينـي خليـط اشـواق باشـواق بـاشـواق
واصل معـك مـن كثـرت الشـوق حـدي
ودي ألمـك واحضنـك حضنـت عـنـاق
ياشـيـب عيـنـي كــل مـاقـلـت ودي
في خاطري .. وش خاطري ؟ خاطري ضاق
الكـون كـلـه ضــاق مـاهـو بـقـدي
حتى الدموع اللي استحـت كبـر واخـلاق
تساقطـت مـن فــوق خــدك وخــدي
لوحة شعـر تبكـي علـى بيـض الاوراق
بيّحـت فيهـا مـن ردى الـحـظ ســدي
ليلـة جفـا وافــراق مامثـلـه افــراق
حـاولـت اعديـهـا وعـيّـت تـعــدي
....
اضحك حبيبي
...
راسك علامك رافعه يـوم احاكيـك
الضاهر اني فوق حجمـك عطيتـك
لحظه .. نبي نرجع دقيقـه لماضيـك
بذكـرك فـي أي حـالـه لقيـتـك
كـان الضيـاع ودمعتينـك تخاويـك
منهار وفي عـز انهيـارك خذيتـك
وارخصت عمري لجل احبك واداريك
هدمت قصـر الـذل فيـك وبنيتـك
كـان الغـلا شمعـه تنـور لياليـك
لو اظلمت دنيـاك جيـت وضويتـك
يالاسف كنت امدحك وافتخـر فيـك
رفعت من شانـك وعليـت صيتـك
كنت انت .. عندي غير مقدر اخليـك
اموت واحيا ان قلـت سـم وفديتـك
واليوم اشوفك خنـت حتـى مباديـك
صغرت في عيني وانا اللي هويتـك
الضيـف لـو انـه عـدوٍ معاديـك
غصبٍ عليـك تقـدره وسـط بيتـك
ياصاحبي بتمـوت مانـي براجيـك
واشره علي انكـان حتـى طريتـك
لاصار ذل النفس فـي قلـب يغليـك
يقطعـك ياقلـب ٍ هـواك وشريتـك
اضحك حبيبـي دام وقتـك مسليـك
بكره تموت مـن القهـر لا نسيتـك
ثـــامــــر شــبــيـــب[/color]