الحوار المثالي الساخن بين الشباب والبنات

[اشحلاااتي]

<div align="center">الحوار المثالي و السـاخن بين الشبـاااب والبنــاااات




(( الحوار المثالي بين الشبــاااب و البنــااات ))



سئمنا من كثرة الحوارات التقليدية المنغلقة و الأفكار المتقوقعة

والمواضيع المتكررة اللتي أصابتنا بالملل بسطحيتها و محدوديتها



لذلك خطرت لي فكرة هذا الحوار [ الساخن ]

وهو عبارة عن حوار مثير بين فريقين


فريق [ الرجال ]

فريق [ النساء ]



وضعتها من باب المداعبة وتخفيف حدة التوتر بين الفريقين.

هناك أمور يكرهها الرجل في المرأه أو لا يستطيع فهمها

(( و ))


هناك أمور تكرهها المرأة في الرجل أو لا تستطيع فهمها

مثل اختنا بلو قيرل تقوول الرجل اذا غضب قال للمرأه الضلع الاعوج ؟؟


وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.


[ بداية الحوار ]

سيقوم فريق البنات بطرح تساؤل عن أمر معين لا يعجبهم في الرجال
وسيقوم فريق الرجال بالرد وتبرير الموقف


وبعد إعطاء الإجابات والمبررات الكافية يصبح فريق الرجال في وضع الهجوم
ويطرح سؤال على فريق البنات.....وهكذا يستمر الحوار


[ملاحظة]



يحق للجميع المشاركه وابداء الرأي


وأرجوا أن نكون مع الحق دائماً بعيداً عن الإنتماء و التحيز

(( صافرة البداية ))


" سؤال من فريق البنات موجه إلى فريق الشباب "

ليش الشاب يغازل بنات الناس بس من يجي احد يغازل اختة قامت الكفوف والهواش مع هذة الشخص
مفروض الشاب لازم بعد يخاف على بنت بلدة؟؟

قلنا مانبي زعل ونبي اجابه ممتازه




تحيـــااااتي للجميع بالتوفيق </div>

[همس]

انا اؤيد هالسؤال

يلا شباااااااااااااب جاوبوا

وانت بعد جزا لازم تجاوب


يعطيك العافيه جزا بصراحه موضوع حلووووووووووو (@***33;@)

[اشحلاااتي]

اووكي همووسه انا بجااوب

بس اتمنى انج تصدقيني انا ماقوول الا الصرااحه

انا من النااس اللي ساكن الجهرااء

بحياااتي كلها ماطلعت سوق او مجمع او سينما او اي شيء وغازلت

والله بعمري ماغاازلت انا من النااس اللي اتمنى تكوون لي حبيبه بس

ماعرف اغاازل رقمت بالنت مره وحده ومادقت هههه والله جد

وكلنا ندري ان المغاازل غلط لان محد يرضى على اهله

بس اغلب الشبااب مبتلين انا عن نفسي الحمدلله ماغاازلت بحيااتي كلها

انا اسافر كثير بس هم ماغازل تعرفت على اماراتيه وعلى سعوديه بمصر

معرفه صداقه بس هم يووم رجعوو لديرتهم ماعطيتهم رقمي

لايغرج لقافتي بالمنتدى تراا استحي هههههههه

بس لاتطيحين الميانه معااي افلهاا سوالف هههههههههه

وانا بالبيت عايش انا وجدتي والخدم بسسسس

يزورونا عمامي واهلي تقريبا بالاسبوع 3 مراات واغلب وقتي يكوون بالمخيم

او بالديوانيه او اخذ جدتي اروح فيها الفنار هههههه

تحب تشتري ماركاات عندها جينز تلبسه اللي مشقق من عند الفخذ

يعني مووضه
جلدهاا متصفط وطالع من الشقووق ههههههههههه

الله يخليها لي

وانا الحين بمرحله قاااط سنااره يعني ابي اصيد اي بنت اعيش معاها

والقدر يحكم بينا بس خل احبها زين بالاول ونرتاح لبعض وتكون لي واكون لها

وتخاف علي واخاف عليها وتثق فيني واثق فيها ولها ماتبي

ههههههههه

واخيرا الجوااب

كل شخص مراهق يبي يغازل ومايبي احد يغازل اهله

من غير ليش فطره ههههههههه

[blue_girl]

ماعرف اغاازل رقمت بالنت مره وحده ومادقت هههه والله جد

لووووووووول .. بس يالله خيرها بغيرها .. وتكبر وتنسى

المهم انة اسأل سؤال رقم 2 :

ليش الشاب اذا حب ما يتزوج اللي يحبها .. حتى لو كان صادق بحبه ( طبعا الأكثرية وليس الجميع ؟ ) .. لكن لمن

يجي يتزوج يختار وحدة ما كلمها من قبل او ما سوى معاها علاقة .... ليش ؟؟؟؟؟؟؟؟

[اشحلاااتي]

مشكووره يا اخت بلو قيرل على المشاركه الساخنه هههههه

ليش الشاب اذا حب ما يتزوج اللي يحبها .. حتى لو كان صادق بحبه ( طبعا الأكثرية وليس الجميع ؟ ) .. لكن لمن

انتي احسن شيء انج ماجمعتي

انا اجااوب

اولاا اذا الواحد كلم وحده وحبها القدر يحكمهم

2- الزوااج يجي على العلاقه اذا كانت من البدايه علاقه حب شريف
مااعتقد ان الواحد يتردد بالزوااج اذا كاان واثق كل الثقه فيها
لاتنسين ان اللي يبي يتزوجها بتكوون ام لعياله

3- انتي قلتي الاكثريه لان اكثريه البنااات مايبون علاقه زوااج يبون علاقه لعب يعني تلقينها تقول حق رفيجاتها انا اكلم فلاان واحبه وعندها استعداد تكلم ربع حبيبها

4- البنت اللي فيها خير اتزوج اذا كاان الولد فيه خير

5- الكلاام يجمع الجنسين ان كان ولد ام بنت بس اهم شيء نوعيت علاقه حبهم

وانشالله اكوون جاوبت الجواب الكافي

[blue_girl]

شكرا على الاجابة الواضحة اخوي جزا ..... وانة انتظر اسئلة الشباب لأن للحين محد سأل (??) .... لهالدرجة اهم مستانسين منا ؟؟

[اشحلاااتي]

هههههههههههههههههههه ههههههههه والله يا بلوو قيرل

ماادري يمكن مايدلوون هالمكاان ههههههه

حدهم فووق ماينزلوون تحت بالمنتدى

على حسب تصووري ههههههه

ومشكووره

[blue_girl]

يللا عيل دام راعي الخويرة مو موجود باخذ فرصتي وباحش في الشباب

.. احم احم ..



قاعدة ارتب افكاري ..



طبعا اكثرية الناس يعتقدون ان المرأة تاكل اكثر من الريال .. بس الواقع

والتجارب تقول عكس جذي ..


مثلا في الجامعة لمن اروح الكافتريا .. الاقي البنات مسكينات .. اذا فكرت

تاكل تاخذ لها عصير الربيع وسلطة زيتون .. واذا كانت حدها يوعانة تاخذ

لها طبق مكرونة صغير وعصير .. بينما الشباب الله لا يوريكم .. طبق عيش

ولحم حجم عائلي .. + قوطي بيبسي + علكة اكسترا لتنظيف الأسنان ..

هذا اذا كان شبعان .. اما في حالة الجوع .. فما يخلي عيش ولا تكا لحم ولا

دجاج ولا عصائر ولا مقبلات ولا سلطات ولا شيش طاووق ولا مدخن ولا

سمج ...>>>> عيوني عليكم باردة لا تقولون احسد ..

الخلاصة : ليش الريال ما يعترف انه نص موارد الكرة الأرضية تروح

ببطنه ؟؟؟؟؟