فقير الحظ
16-10-2009, 03:41 AM
ديوان الشاعر فواز الزناتي
&& حكـــايــة الشــــــوق &&
يالشوق .. يا منبع .. حكاية هل الشوق=يا جامع ٍ.. قصر الغلا .. والرهاوه
قصر !! ورهاوه !! .. كيف ؟ .. دقق بالفروق =كنّك جعلت من .. الصداقه .. عداوه
يعني حسابك .. غير .. عن كل مخلوق=بين إنفعالاتك .. وقلبك غشاوه
لاقلت يا هادي .. تحوّلت .. مطفوق=وان قلت يامطفوق .. جيت .. بهداوه
وان قلت يا قاسي .. تحكيت .. برفوق=وان قلت يابو اللين .. جيت .. بقساوه
تدري !! جرحت القلب .. واسرفت بالبوق=ودامك جرحت القلب !! يا شين داوه
القلب حاكم .. شعبه .. بهيئة عروق=لكن على قلبي .. خذيت الأتاوه
بس الحقيقه !! .. أنت منبع من الذوق=لا صرت .. رايق .. بانشراح ونقاوه
لا جيت تغضي .. كنّك .. غضاي غرنوق=وتغمز بعينك .. وابتديت الشقاوه
معدنك طيّب .. بس .. تزعل ولا تروق=مثل الطفل .. ان كان تاخذ .. ( كاكاوه )
يزعل عليك .. وما يبي منك .. طاروق =وشوي يقبلّك .. وكله حفاوه
حاليك ربي .. والحلا .. فيك مخلوق=من يومك .. صغيّر .. تحب الحلاوه
من تحتك .. السكر .. مغطيك لي فوق= وزود ٍ على السكر .. شوية طراوه
حمرة شفاتك .. غير .. والعنق مفهوق =قلادته تسمو .. مع .. اهل السماوه
بنظرتك لقلوبنا .. رمح مزروق=بعينك الحنكه .. ورمشك ضراوه
بقفايتك نغرب .. وبقبالك شروق =وصمتك فقر .. بس .. بحكيك الثراوه
معسول ناب .. ولا تحكيت منطوق !! =باسلوب متحظّر .. واصالة بداوه
( صوت الربابه ) .. غير عن .. ( نفخة البوق )=مير أنت جامعهن .. وزي الحلاوه
لكنّ أبطلب منك .. لا تدخل السوق =أخاف لا تنضلك .. ( عين الفلاوه )
...
&& الـبــــالـتــــــــ وك &&
حبك غدى .. مثل ( البطاقه ) .. يوم قلبي صار ( بُوك )=ذي حالة ٍ .. يطلق عليها .. أشبه ( بحالة عناق )
حافظك عن طيش السروق .. ومالكك مثل الصكوك=وابعدت عنـّك .. كل عذال الهوى .. واهل النفاق
تدري بأني أضحك .. إليا شفتهم بي شككوك !!! =كثير .. من شفته ( سليم الجسم ) .. وبقلبه ( معاق )
هم مادروا .. إن الرصيد بحبنا .. ماله بنوك =وإن الرصيد بحبنا .. مفهوم .. معناه إشتياق
ماهي سوالف .. مش حالك .. أو سوالف ( بالتوك ) =إلا محبه صادقه .. خارج .. ( مساحات النطاق )
تعال يا أول أمل .. منفاك قلبي لو نفوك =وآخر أمل .. ما أعتقد منه .. يصحيني طراق
( يا دجلة القلب ) و ( فراته ) يا مماليك الملوك=يا مملكة ( نعمان ابن منذر ) وانا قلبي ( عراق )
أنا أحبك ؟!! .. إي ورب البيت .. مافيها شكوك=صحيح انا عزّابي .. ولكن .. عليّـه بالطلاق
أمشي معك .. لو تنكسر ساقي ..او وسط الدرب شوك = القلب ابدى بالجباره .. دام يُجبر كسر ساق
شهادتي منـّك .. ( حسن سيره ) .. معَ .. ( حسن السلوك )=وشهادتك مني .. بأنك بالهوى .. ( عذب المذاق )
ولو تقدر .. تقيس الخطاوي من هنا .. حتى تبوك=تراك منت بواصل ٍ .. قدرك .. ولا حول السياق
غلاك أقلع .. في حشاي وراكب ٍ .. وسط المكوك =وفراقنا شمس ٍ .. وماهو .. واصل ٍ حد الفراق
والغيره .. وسوء النوايا .. ما توفّي .. لا دهوك = خلاص .. وقف .. خلنا .. يا عمري ( بحالة عناق )
....
&& على طرف جاكيتها &&
مابين هم وحشرجـة صـوت ٍ مـن الفرحـه خلـي=جتني واشـوف ان دمعهـا غـرّق طـرف جاكيتهـا
جتني وكاسيهـا الحـزن وتقـول ( متغيّـر علـي )=تقـول حسّـت فـي شعـور إنـي أنــا خليتـهـا
طاحت مابين أحضـان قلبـي وابتـدت نـار تغلـي=مابيـن طيّـات الضلـوع اللـي تـحـاوط بيتـهـا
يا بيتهـا ؟ لـو بنشـدك عـن قلبـي اللـي ممتلـي=من حبها .. ومن عشقهـا .. وقمـة حنيـن لصيتهـا
قلي بعـض ممـا تذكـر .. وأرسـل لريحـة هلـي=اللي وانـا مـدري .. كـذا .. أخطيـت ثـم بكيتهـا
قلبي غدا مثل الحجر ( لا حطّه السيلُ مـن علـي )=من ثقـل حمـل الصدمـه اللـي ماعـرف توقيتهـا
وشلون انا اتغيّـر عليهـا ؟ .. دام صـارت منزلـي=وانـا الـذي عـن بـد تلعـات الرقـاب أغليتـهـا
حطيتهـا بيـن الكواكـب واسـتـدارت كالحُـلـي=ليـن إجتمعنـا فـي مــدارات الـغـلا وحبيتـهـا
الريح ثارت .. وانتثـر شـوق .. وتناسيـت زعلـي=لانـي أشـوف إن الخـطـا منـهـا ولا خطّيتـهـا
أنـا ادري انـي مبتليهـا .. وادري انـي مبتـلـي=وادري بعـد زوّدتهـا .. كـم حـبـه .. وغثيتـهـا
بفراقي وبغيابـي اللـي لا سئلـت .. قلـت عملـي=حجـه .. وتـدري إنهـا حـجـه .. ولا حجّيتـهـا
فديتهـا .. مـدام مامنـهـا شبـيـه .. ولا حـلـي=وعشان مـا منهـا حلـيّ .. ولا شبيـه .. أهديتهـا
قلبي .. وروحي .. والدما .. وابعاد فكر ٍ تصطلـي=تاصـل الـى ابعـد مسـافـة حــب لا ناديتـهـا
ولاصارت .. إتجيني خيال .. أنسى خرافات فشلـي=واحس فـي نشـوة نجاحـي .. وانتشـي لاجيتهـا
لكن .. ليا صحصحت .. وأقفت .. شفتني لحالي خلي=واشوفني مـن عقـب ضمتهـا .. كـذا .. أغديتهـا
أعض من جور الندم .. أصابعـي .. واغلـي غلـي=واقـول ليتـك يالزمـن .. وقفـت مـن ضميتـهـا
فديتـهـا .. أم الـغـلا وام الجـديـل المخمـلـي=اللـي حشـا مـا نـادت بـ( فـواز ) ولا لبيتـهـا
ومدامها صارت كذا .. يا ليـت تسمـع مـا يلـي :=لا يا عساني مـا اعيـش .. إن كـان مـا راضيتهـا
إلين اشوف إن صوتها .. صوت ٍ .. من همومه خلي=وأصير أنا .. دمعة فرح .. علـى طـرف جاكيتهـا
....
&& أصصصصصص &&
إن قلت لي إصبر أبا قول لك أص =صبرت صبر ٍ مثل صبر المهادي
لاجيت أبعلن للبشر وأكتبك نَص = إتقول تو الليل ياهوووه بادي
وأنا لاوامر حضرتك دوم مختص= قدّيت لامرك كل من كان غادي
قلبي غدى خامه وبيدينك تقص= فصلت لي ثوب الغلا بالأيادي
يا ( حليو ) صوتك من حشا الروح يمتص=كل الهموم بذوق واسلوب هادي
يا حَب رمان ٍ على بعضه إرتص= طعمه بوادي والملذات وادي
يا لولو يا ألماس يا من الذهب فص= وش فصّه ؟ إلا شي ماهو بعادي
بشفاتك القاضي .. وبعيونك اللص= ورمان صدرك ..صار سجن إنفرادي
نظرات من عينك .. وسلهامتك خص=جيش ٍ غزاني هايج ٍ بالطرادي
وبخصرك السيّاف .. وخطوتك تقتص = من كل راس ٍ صك فيه العنادي
حرام كل من شافك .. بريقه يغص = لا تلومني لا قلت .. لا وا هجادي
لا يا بعد من غنّت .. الآآآآه والنص = وبنت البلاد .. اللي ترجّ البلادي
بحّر .. وناظر .. طالع .. وباوع .. وبص = بعيوني .. تلقى صورتك يا مرادي
من مثلك يرص الغلا داخلي رص=ما تسمح لفجوه .. بقلبي تنادي
لا غبت .. جا برد ٍ .. يقص العظم قص = وان جيت .. لا يا زين .. جو البرادي
ما تنبني بيوت .. الغلا .. ببيض الجص= ولا يكعي .. العذال .. حذف الهوادي
لذلك إسمع .. بعلنك للبشر نص = لو قلت أن الليل .. هالحين بادي
ذبحتني يا شين .. مالك سوى .. أصص=خلاص أنا ( فواز ) ماني ( مهادي )
........
&& إلى من يهمه الأمر &&
ضاق صدري والقصيد إستوالي =أرسلت فكري للجزيلات عسّاس
أرقى مع الجزلات في كل عالي=وأنقى ذهبها .. وأطيب الدر ّ والماس
أشيل حملي وأرتكي له لحالي=لو إن بعض همومها ماله قياس
عديت لأيام الزمن والليالي = أضحك لها !! .. لكن لفتني بالأتعاس
لو ( ماتــ/بــالي ) .. منـّـها .. ( ماتــبالي )=عزّاه يا .. بالي .. وانا اعرفك حساس
دنيا غريبه مالها أول وتالي =فيها من أصناف البشر .. ناس وأجناس
كم فيه .. غالي .. صار ماهو بغالي=وكم فيه .. قصر ٍ .. طاح وانهدّ للساس
وكم فيه .. طعنه بالظهر .. تشتكالي=واكبر دليل .. الرمح .. من يد جساس
وكم فيه .. مزن ٍ .. لاح لي بالخيالي =واصبح طشاشه .. ما يندّي بالأيباس
وكم فيه .. راس .. اصبح من العقل خالي=من هول .. ما شافت عيونه .. من أدناس
وكم فيه .. شيخ ٍ .. صار ماله ظلالي= ( والشِسْع نَعْــل ) يصير تاج ٍ على الراس
هذا زمان .. مجمعين .. الريالي =ماهو زمن .. سيف ٍ .. على قب الافراس
هذا الزمان .. الطيب .. ماله مجالي =لاصار جحدانك .. مثل .. شربة الكاس
ولا ضاعت .. الهقوه .. برجل ٍ موالي=رمعتك .. تضرب فيه .. باخماس واسداس
فيه تهقى .. مثل .. إمهقاة .. ( السّحالي) =ثم خيّب الهقوه . وعادت .. للافلاس
اقدى ( السديري ) يوم جاب المقالي =حزّة يسجلها .. بحبر ٍ وقرطاس
( لاخاب ظنـّـك بالرفيق الموالي=مالك مشاريه ٍ على باقي الناس )
لكن !!!.. ليا صارت حمولي .. ثقالي =إمن الرفيق !!! .. أصبر .. ولاني ببلاس
لو هو .. يدربيها .. سواة الجبالي=أصد عنـّـه .. وانتشي كل .. نسناس
أخاف .. لا يشمت بنا .. يا حلالي = أهل النفوس .. الشفح .. راعين الأطفاس
عزاي .. كيف ٍ من بكور .. الدلالي = لا قمت أفكر .. وأرشفه .. وأقعِد الراس
يفطن عليّـه .. بيت .. دايم فبالي=بيت .. ( اللميع ) .. اللي له الفهم نبراس
( الطيب .. ماله ضيعة ٍ .. بالرجالي=يضيع ..مابين .. الثعالب والابساس )
........
&& فـــــــوازويـــــــ ـه &&
صارت علوم الغلا .. مابين ليه ؟؟ .. وبين ليه ؟؟=ما همّني تشفيرة المعنى .. وكبر اللافته
أجي وأبيّن عشقي .. لأغلى من أغليته وأبيه =ماهي علوم.. السيّد الصحّاف .. مع صحافته
أبيّن العشق المخبّى .. داخل القلب النزيه =نزاهته من طهرها .. حتى ذنوبه خافته
جيته وانا شاعر .. يبي .. يظهر بعض مما لديه =بالمختصر .. ودّه فقط .. يظهر بعض ثقافته
إن كان تغريه الفصاحه .. في سوالف( سيبويه ) =أصير أكبر محترف فصحى .. من إحترافته
وأغيّر إسمي لجل عينه .. واكتبه ( فوازويه)= واصير له .. عالم نحو .. محد ٍ وصل وصافته
عشان حتّى لو يزل ّ بفصحته ..يوم آحكيه= أغمّض عيوني عن الزلّه .. وقولوا طافته
جيته وانا العاقل .. ولكن .. رحت ابو عقل ٍ سفيه = أثقل ليا منّه ثقل .. واطير مع لقافته
حبّه مكانه .. ما يبي له .. كيف ؟؟ .. ولا شلون ؟؟ .. ليه ؟؟= حبّه مثل حب العراق وعشقه إلرصافته
ومن يوم ما غنّت لنا فيروز .. ( بوّس لي عينيه ) =حسيت أنا بنعمة عيوني .. من بعد ما شافته
أحس كنّه لي شمال البوصله .. يستر عليه = من وين ما فرّيت قلبي .. يمّه إنعطافته
إليا وقف .. جنب القمر .. ضاع القمر .. كل ٍ نسيه = تضعف إضاءات القمر .. تصبح إضاءه خافته
مبلي من الله بلوة ٍ .. ما مثلها مبلي شبيه = باليه ربي .. في مجاعة خصره .. إبنحافته
يغريني .. في إسلوبه الهادي .. وبالطبع النبيه= وبرقّته .. وبطيبته .. وبعطفه .. ولطافته
إمن الهداوه .. والحلاوه .. والطراوه .. تعتريه =أحلا تقاسيم الدلع .. غنّت على رهافته
يذوب فيني سكّره .. واصير حالي وارتويه = حتّى ولو بي سكري .. نفسي أبد ما عافته
أحلا العسل .. والتوت .. واحلا موت .. عضّة شفتيه= أموت والله كانّي .. ما ذقت طعم كنافته
لا والله إلا الموت .. إن كانه ترجّاني أجيه = وعن ضمّته حالت .. مابيني وبينها .. مسافته
هذي علومي بالغلا .. لأغلا من أغليته وابيه = ماهي علوم .. السيّد الصحّاف .. مع صحافته
....
&& ماني أنا فواز .. ولاني زناتي &&
لا هان من يسمع يا ثامر ولا هنت=يا مسندي .. يا محزمي .. يا غناتي
جاني كلام وفي كلامك تمعنت=لا هان رجل ٍ بالحميّا يحاتي
لكن يابن عمي لو إنك تفطنت=فيني وتعرفني وتعرف صفاتي
دامي على درب الرجوله تمعدنت !!=صعب الذهب يصدى إذا صار ذاتي
لا مرّت الزينه معاها تهيجنت=وإن مرّت السيّه كما الريح عاتي
كم راس شيبته .. وكم راس جننت=يخسون .. ما يرمون عنّي عباتي
وأنا ابدوي ٍ بالبداوه تعربنت=وأسمى طبوع اليعربيّه سماتي
إن خوّن الخوّان .. وقفت ما خنت=وإن حاول يفرّق .. جمعت الشتاتي
والدين أردّه كان .. دولار .. أو سنت=وأسمى الفعايل هي خلاصة مناتي
صغير سن .. وقاسي العظم ما لنت=ركزة جبال طويق .. رمز لثباتي
رجيح عقل .. وللجزيله تمكنت=ماسك جزيل العلم .. مسكة عصاتي
وأكبر دليل إني بعقلي تفننت=إسمع ثلاث بيوت .. خذها وصاتي
آطا على خشم الشعر .. كاني أيقنت=إنه يسبب لي ردى .. في حياتي
وكان الرجوله صارت بذلّة البنت=يحرم علي إني لاخاشر خواتي
وكان الردى مسلم .. كفرت وتشيطنت=وكان أعلن بكفره .. أبعلن صلاتي
وأبي ليامن مت .. وكلي تطحّنت=يبقى الذكر موجود .. عقب المماتي
وأنا بكلامك يابن عمي تمعنت=وأسمع كلامي .. وأسمع الهرج آتي
إن كان جاك العلم .. إني أنا لنت=ماني أنا فواز .. ولاني زناتي
...
&& ســـــوا & موبــايـلـي &&
شفتها.. تطري علي الارض في وقت الربيع= أرويت منها فياض قلبي وامتلت مسايلي
وان جيتها.. مثل العنود إن ذيّرت كل القطيع =ظبي ٍ جفول ولا قدرت أصيده بحبايلي
وبمشيها .. نغمات بيتهوفن أبو الذوق الرفيع =لا قال يالله يالبيانو في يدي تمايلي
وبفراقها .. حزني حزن شالح على آخوه الفديع=العين تبرق لين دمعي هلّته مخايلي
وان اقبلت لي .. كل ما في دربي بأرضي يضيع=تنحاس موجات إتصالي .. وتنعمس رسايلي
وان سلهمت لي .. ذبت .. لا ما ذبت .. لا والله أميع=أفقد إجابات السؤال .. وماعرف دلايلي
مدري رضاعتها حلا .. ولا الحلا معها رضيع = يعني سلالتها حلا .. وانا الشعر سلايلي
شاعر .. وابوصفها وصوف ٍ عدّت الوصف البديع=شاعر مفكّر .. يكفي يكتب آخر إسمه .. وايلي
ما اسومها .. وابشتريها .. لو أرى العالم تبيع=دام الوفا .. يطغى على طبعي .. وعلى خصايلي
لكنّ وشّوله علي تشره .. اذا وقتي فضيع!!=اللي يغثونه .. (سوا) .. يشره على .. (موبايلي) ؟!!
والله لو بيدي .. لصير الدرع .. والسد المنيع =وانا كلامي تثبته .. ياخر غلا فعايلي
قربك دفا .. والبعد منك .. يا بعد عمري صقيع=قربك وبعدك .. في يديهم .. أمني وهوايلي
لو تدري عن سكّرك خلق الله أقل ما تستطيع !!=مقاطعة تمر الحسا .. والحِقْه تمر ٍ حايلي
.....
&& احيا بحبك ولا انا فحبك آمووووت !!! &&
من يـوم شفتـك أرهـق الفكـر شييـن
أحيا بحبـك ولا انـا فحبـك آمـوت !!
حيرتنـي واشعلـت بالفـكـر نـاريـن
نار الغلا ونـار ٍ بهـا الشـوق مكبـوت
همـي طوانـي واسهـر الليـل ليلـيـن
ولبست انا همي مثل مـا البـس الكـوت
جيتك بقـول اللـي شغـل بالـي سنيـن
واشكيلـك همـوم ٍ رمتـنـي بتـابـوت
اسمـع كلامـي يالغـلا وافهمـه زيــن
الصـوت ماينفـع ليـا فاتـه الـفـوت
تعـال افسـر لـك غـلايـه وبعـديـن
تفهـم معانـي هـرج قلتـه ومثـبـوت
بنيت لك سـور ٍ كمـا السـور بالصيـن
وسط الحشا وفي داخـل القلـب منحـوت
يا احلى من اعذب صوت واترف من اللين
حبـك تغلغـل داخـل الجـوف ويفـوت
يا اغلى من اغلى شي وازين من الزيـن
لامـاس..لا لولـو..ولا انتـي بياقـوت
لاوا عذابـي كـل مـا قـالـت اهلـيـن
ويا تل قلبـي كـل مـا جـرت الصـوت
يقطف من خدودك ثمـر شجـرة التيـن
وبشفتـك نلقابـهـا حـمـرة الـتـوت
جوري على الخديـن ومريوشـة العيـن
طاغـي جمالـك والحـلا فيـك طاغـوت
وان شفت عينـك سيـف لكـن بحديـن
من غير سيفـك مثلـي مايقبـل المـوت
دامي من رجـال ٍ علـى العـز عجليـن
شيوخ سيـف وماهـي بشيخـة بشـوت
رميتنـي بشلفـاك وبالصـدر رمحـيـن
كنـي قتيـل بمعركـة عيـن جـالـوت
خسارتـي ويــاك تحـسـب بثنتـيـن
ياللـي لعبـت بحسبتـي لعـب بيلـوت
يفداك شعري والقلم يـا اريـش العيـن
كل حرف..وكـل كلمه..وتفـداك البيـوت
وللحيـن انـا محتـار مابيـن شيـيـن
أحيا بحبـك ولا انـا فحبـك آمـوت !!!
...
&& انا بالشعر لي هيبه تضاهي هتلر الألمان &&
سلام الله على اهل الشعر واهل القاف والالحان
سلام ٍ يلفح بمسكـه جميـع الشعـر والحانـه
سلام ٍ ريحته منها يفـوح العطـر والريحـان
يصوغه هاجسي لاهل الشعر مع كـل أعوانـه
وعلى مبدى كلام الحق أببدى هرجي المليـان
كلام ٍ وجهـه رجـل ٍ كـلام الحـق نيشانـه
انا جيت الشعر سيّد وانا اسمي ( سيّد القيفان )
ولاني جاي ابا اتعلم بحور الشعـر واوزانـه
انا جيت الشعر أعطي ولاني للشعـر جيعـان
ليامن صاروا اهل الشعر اكثر نـاس جيعانـه
انا شاعر ولي كلمه ولي معنى ولـي اعـوان
لو اني بس اطق اصبع تجيني ألـف شيطانـه
جنون الشعر اسخّرها واركّدها علـى ميـزان
وترجح كفّتي دايـم ولا لـي نفـس عطشانـه
انا بحر ٍ من بحور الشعـر لكـن بـلا قيعـان
ولامن هاجت امواجي يضيع الكـون باكوانـه
انا بالشعر لي قدري وأُعرف به رفيـع الشـان
وجميع الناس معترفه وتعرف قـدري وشانـه
انا لاهل الشعر معروف وكل ٍ شافنـي نيشـان
وحرفي من ذهب صغته وجاك الحرف بالوانه
عجب كانك تشب النار وتبغى تحرق البركـان
وتعرف شاعر ٍ مثلي يثـور الشعـر بركانـه
انا بالشعر لي هيبه تضاهـي هتلـر الألمـان
ليامـن وقّـف ولـوّح وصـوّت بيـن ألمانـه
اقول الشعر واصوغه ولاني بالشعـر بلشـان
واذا ما صغت انا حرفي يضيع الشعر وقيفانـه
انا كافي يطب اسمي يزعزع ساحـة الميـدان
اجل وشلون اذا اسمي يصير الشعـر ميدانـه
انا اسمي بالوغا دايم يزعزع سيّـد الشجعـان
ليا ثـار الشعـر دخـان وزاد الشـر دخانـه
انا ربـي خلقنـي للشعـر قايـد ولـه ربّـان
وهبني وهبـة ٍ منّـه عظيـم الشـان سبحانـه
وترى ما كـل بـاب ٍ ينفتـح يتسكّـر ابيبـان
وانا قد الكلام اللـي اقـول ومسـرج عنانـه
يبي يرضى يبي يزعل يصك براسه الجـدران
انا ما همني واحـد يغـث الشعـر وازمانـه
وانا راضي على نفسي وواثق والثقـه عنـوان
وابي كل ٍ يشوف اللي كتبتـه واعلـن اعلانـه
وماد اني انا شاعر ولي كلمـه ولـي اعـوان
اخاف أني اطق اصبع تجـرّك ألـف شيطانـه
.....
&& من قولته ( أهلين ) .. لا.. ( بي بايته ) &&
ليا وجودي وجد من كٍسرت عصاه=شايب عمى ماله سوى عصايته
وليا وجودي وجد من شاف إخوياه= من عقب عوجات السنين الفايته
وجدي على اللي يوم أنادي قال هاه !!= عنده .. تقشّف بالحكي .. وروايته
لبيه يا صوته .. ملكني في حلاه= من قولته ( أهلين ) .. لا .. ( بي بايته)
ياخبل جواله وهو يوحي صداه= إن كان ماهو ذايب ٍبحكايته
من زود.. غنجه .. والترف .. لا قال آه = إيذوب قلبي .. والصّور بمرايته
ثورة حلاته تبهر اللي قد رئاه = سبحان ربي .. فيه.. جسّد آيته
حسنه مثير وما تصنّع في صباه = كن الدلع طفل ٍ تحت تربايته
غنّت مواويل الدلع سيرة إخطاه =يوم إن طقّات الكعب تسلايته
غنّا وأنا أكثر واحد ٍ يعشق غناه=لبا الحروف اللي حَوَت غنّايته
مثل المليك ودايم أبحث عن رضاه=بايعت له قِدْم الملا بولايته
جاني .. وأنا أتحمل عواقب ما جناه =خلوه يظلمني بحكم إجنايته
يخطي .. وانا اللي دايم أتحمل خطاه =كنّه قلم شخبط .. وأنا محايته
طالب غبي .. مع غيره .. وزايد غباه = لكن معاه .. أشطر ولد بقرايته
أحب ناره .. وآتلذذ في سناه =حتى ولو تعذيب قلبي غايته
القوس شدّه .. والسهم بيده .. رماه=نيشان قلبي .. صوّبه برمايته
ما كنّي إلا طير حر ٍ في سماه = أطير وازقح .. ما بلغت إنهايته
أموت واحيا .. في حلاه .. وفي حياه=وأقطع لسان اللي يجيب وشايته
يفداه كل الكون .. وكل اللي حواه = وتفداه كل أهل الوجيه الهايته
وأروح فدوة صوته .. وفدوة حلاه = من قولته ( أهلين ) .. لا.. ( بي بايته)
....
( إنتهيــــــنا ) &&
لحظه ولحظه .. إيش قلت ؟ ( إنتهينا) ؟؟=من هو عطاك الحق تنهي الحكايه
ما تدري إنا توّنا إبتدينا=تو الحكايه توها بالبدايه
لا تقول لي تمزح .. وتضحك علينا!!=المزح في أمر ٍ كهذا جنايه
مجني عليّه وأنت منك إش جنينا ؟=يا صاحبي ما شفت منّك عنايه
بس ليش ننسى يالغضي ما كلينا!!=وأنت تعرفني واتعرف مستوايه
الزير قلبه قاسي وما يلينا=وأنا حفيد الزير هذا بلايه!!
لا جيتني مفرّع عسى الله يعينا=وإن جيت بلثامك ولابس عبايه
أيقنت إن الموت حق ويقينا=وإنك مبين الناس للزين آيه
مثبّت ٍ باغلال قفلك يدينا=ومن الجواره قلت أطلق يدايه
تضرب وتبكي .. تسبق وتشتكينا=ياخي كفايه شوفني كيف تايه
لاغبت قلبي صار صحراء سينا=وبقربك أصبح حاكم ٍ للولايه
كم مرة ٍ عنّك سوالف حكينا= وأغار حتى من كلام أصدقايه
لو أروي القصه .. ومثلاً روينا ؟ = يعجر رواة الكون حصر الروايه
شاعرك صار أسطورة العاشقينا=ركزت لي في كل مرقاب رايه
يحفظك ربي عن كلام اللعينا=اللي تمرّس في علوم الوشايه
حكمة أرسطو مالها حل فينا=لا صار سقراط إبتلش بالنهايه
كأن ربي قد عطاك جبينا= يَشِع نوراً قد أضاء سمايه
وصيت قلبك بس لو تحتوينا=أرجوك لا تنسى حقوق الوصايه
نروي ضماك ومنك لا مارتوينا=يا ماخذ التعذيب فيني هوايه
أبضرب اليسرى بكف اليمينا=وآبتحسّر كان منت بمعايه
وما عاد أبسمع منك قول (إنتهينا)=لاني أحبك لين (مالا نهايه)
.....
&& إتــســونامي &&
أبستفز البيت والقافيه=وانعش قصيدي بالحروف الحيه
.
واركب شياطيني قبل تركبني=واعسف شياطيني مع الجنيه
.
شاعر واقدّر هاجسي والفكره=لي منهجيه مستقله فيه
.
ما همني شهره وقولة شاعر= طموحي أرضي روحي الشعريه
.
بحر ٍ غزير ولا تصافق موجي = يضيع منهو ناوي ٍ لي نيه
.
زلزال شعري كنّه إتسونامي= هز البشر والكوره الأرضيه
.
مهما أكن سلبي أنا إيجابي=من منطق إيجابية السلبيه
.
مزحي تشوفه تحسب إنه جدي=وشلون لو وريتك الجديه ؟!!
.
يعني لو إنه بوش طاح بيدّي=مافكته قوات ٍ أمريكيه
.
إن فزّع ربوعه أفزّع ربعي=ربعي هل الحرب وهل الدحيه
.
ضارين للدحّات واسأل كسرى=يوم الأميره جاتنا مبليه
.
من لابة ٍ باسم الظفر معروفه=محنا بلعبة طاق يا طاقيه
.
ومافيه داع إني أوضّح أكثر=دام المعزّه والوفى ماريه
.
وللحين ماخشيت في موضوعي=هذا فقط تعريف بالشخصيه
.
موضوعي نقطه سبّبت في ضعفي=نقطه ولكن تعتبر فعليه
.
هذاك لامن بس نادوا باسمه=فزّيت كن بي أزمة ٍ قلبيه
.
لاشفت كيف الزين به متعنصر=تطري عليّ الثوره القوميه
.
به منهجية هتلر المتغطرس=وبه فلسفة أرسطو الفكريه
.
إليا تكلم في كلامه بارع=مثل إمتحدث في جهه رسميه
.
أموت وأحيا بس أسمع صوته=وأذوب مع بحّاته الصوتيه
.
من عطره إستخلاص ريح الجوري=يعني بدونه ما بقت جوريه
.
إن كان سوّى ( هه ) بس بشاله=سوق العطور ايطيح للربيه
.
الورد كلّه يتضح بشفاته=لبّا هذيك الشفّه الورديه
.
الليل لونه يرتوي من عينه=فديت لون عيونه الحَوريه
.
شعره مفاهيم الشموخ الذاتي=يبين مع وقفاته السحريه
.
من نور وجهه ما قدرت أشوفه=لازم معي نظارة ٍ شمسيه
.
حكم ٍ حكمني فيه مدري شلونه؟!=لاهو بشرع ولا ديموقراطيه
.
مجنون فيني وايتحلّف فيني=والله لتبطي تنطر الحريه
.
أحفيت رجلي بس في حارتهم =من كثر روحاتي وكثر الجيه
.
وان كان صوّت يا غلاي إقرب لي=هاتو لي الإسعاف والدوريه
.........
&& الأُذنُ تَعْشَقْ قَبْلَ العَينُ أحْيَاناً &&
(الأُذنُ تَعْشَقْ قَبْلَ العَينُ أحْيَاناً ) وانا هالحين =صدقّت منهو قالها والحب بالقلب إبتدى
صوتك .. صدى إحساس ينبض كيف كلمة ( عاشقين )=يعني تواصل بين نبض القلب وحدود الصدى
صوتك .. توحّد للمشاعر بين نبض .. وبين عين =يعني .. تحوّل صوتك لنبض .. وتكوّن لي مدى
صوتك .. يمثّل لي ضياعي في خطوط الراحتين=تلقاني أنت .. ومن يدورني ؟ .. يقول أبكم غدى
صم الجبال الشاهقه لو توحي لصوتك تلين =وشلون أجل في حالتي ؟ .. مالي على الدعوى جدى
تايه .. وضايع فيك .. مغرم .. وأنت سيد العارفين =إن السبب سيف الهوى يومه على القلب إعتدى
تعبت وآنا آدوّرك ليمن لقيتك يالحنين =وأنا أحمد الله يوم جهدي فيك ما روّح سدى
دام المحبه بيني وبينك غدت شي ٍ ثمين =يموت ما يقدر يشكك في غلاي إبن الردى
أنا أعشقك .. من أخمص أقدامك .. إلى حد الجبين =وأغوص في أبحر غرامك .. إخذني كلي فدى
وأنا أببقالك ذهب .. دامك ذهب في كل حين=لن الذهب يا صاحبي ما يلمس أطرافه صدى
حسن الجمال اليوسفي مع طلّتك له طلّتين=يا طلّة البدر المنير اللي لنا نوره هدى
لبيك .. ثم لبّا الخدود اللي تقل تفاحتين =ولبّا حَمار الوجنه اللي .. لون رمّان إرتدى
صر لي مثل ورده تفتّح بالصباح .. وقول زين =وأصير أنا كنّي أراضي تنتظر ( قطر الندى )
الموت .. والتابوت .. والحزن .. وهمومي .. والأنين = أقدر بأني آتساهل بامرها لكن عدى !!
إني أفارق غرّتك يابو جبين ٍ لو يبين =في ليل دامس .. شق نور الصبح والليل إنحدى
جزاك مقدر أوصله خلّك على عرف ويقين =أبقى مثل ذاك الغريب اللي على يديك إهتدى
وأبقى سنادك لو يجور الوقت وتعوج السنين= وأنا بجنبك كل ما ناديت لبيت الندى
لكنّي أخشى زمرة الحسّاد وعيون اللعين =اللي رفض باسم الله يسمي عليك وما إقتدى
لكن مدام إني ( أحبك ) وإنكتبنا ( عاشقين )=يموت ما يقدر يشكك في غلاي إبن الردى
ومدام إذني تعشقك . من قبل أشوفك يالحنين =شفتك .. وحبك .. ( صوت مع صوره ) بقلبي إبتدى
........
&& ماكل من دخن يدخن لاجل كيف ؟&&
جانا الشتا وأعلن هجومه على الصيف=والصيف راح ومقفي ٍ بابتعاده
والليل طال وقرّبي يالسواليف=مدام ليلي حالك ٍ في سواده
والنار شبّت بالضلوع المعاكيف=نار ٍ حطبها ما يورّث سماده
للهرج عندي يالنشاما تعاريف=والعاقل اللي يفتهم في مراده
إعرف قبل لا تمسك بيدّك السيف=أما الظفر ولا حياة القراده
الرجل فعله يتّضح بالمواقيف=والطير فعله يتضح من هداده
وما اشره على (عرعر) بزلة هل (طريف)=كل ٍ حسب دينه يحصّل سداده
ومدام (نايف) حش في غيبة (منيف)=وش يفرقه عن حش (نوره) بــ (غاده)؟؟
الهرج لامنه بدى فيه تحريف=كنّه بيالة شاي مرّه وساده
قول الحقيقه للرجل زود تشريف=والكذب خيبه هدّم الله عماده
وما كل شي ٍ له سبب واضح ٍ شيف=بعض السوايا كل ابوها زياده
تعال أبضرب لك مثل فيه توصيف=أبسط مثال وبعتبرها شهاده
ماكل من دخن يدخن لاجل كيف !!=بعض البشر تدخينهم بس عاده
وإن طحت في خوّة خبول ٍ ملاقيف=عز الله إنك محري ٍ بالنقاده
لا حشّمو مجلس ولا قدّرو ضيف=ما عندهم غير الكلك والرباده
وباقي معي كلمه تعم السواليف=كلمه من القايد تخص القياده
عذر القوي لامن شكى طقت إضعيف=عذر البعير إليا شكى من قراده
.....
&& بـــرلمـــان الـــقـــلـــب &&
أناأُطالب برلمان القلب تحديد المصير=روحي إجمعي نوّاب قلبك ثم بعدين اطلبي
روحي إجمعي نبضك وشريانك ورى الضلع القصير=وقلبك رئيس الجلسه وشوفيه ويش اللي يبي ؟
واتخذوا آراكم وثم أعطوني الراي الأخير=خلاص أنا ما عدت أطيق .. أما بلا .. ولا ارحبي
أنا أبدلي بالشهاده كيف ما صارت تصير=واخلّي الدعوى تصير أما حبي .. ولا دبي
بقول كل اللي أعرفه عنك يا وجه العبير=وان العطور اصورّ منّك يا غلاي ومكسبي
منتي قصيده قلتها أشكي من الوضع المرير=ومنتي قصيده قلتها من شان أكشّخ مكتبي
أنتي قصيده غير .. فعلاً لنّك أنتي غير غير=لاجيت أبكتبها أشب النار وآزيد إحطبي
ما قالها ذاك الفرزدق .. لا .. ولا مرّت جرير=ولا شواعير الثراث اليعربي والأجنبي
وما قالها أخطل صغير .. ولو طلع أخطل كبير!!=ماهمني بالشعر انا اتعب 1500 صبي
أشيل حمل جمال ماني بشايل ٍ حمل البعير=لجل عيون اللي لها نظرات تسبيني سبي
في هجرها .. أسير حافي من على الرمضا أسير=والشمس فوقي .. والعجاج يحوفني زاد تعبي
وفي وصلها .. كني على أطراف ضفّات الغدير=أشرب من الما وارتوي .. وانسى عذاب معذّبي
وبغيابها .. كني عصاة شويّب ٍ مبطي ضرير=مغير يكمخ بي من الجدران موّت لي عصبي
وحظورها.. مثل البشاره من بعد عودة أسير=بعيون أمه لا حضنها وقال يالروح إقربي
أحلم بها مثل الغنى بعيون رجال ٍ فقير=وأحلم بها حلم العقيم إن شاف له طفل يحبي
أنا أبيها لو على خبزه وتفرش لي حصير=وش ليّه بحمر النعم عندي هواي ومشربي
من فمّها شهد ٍ مصفّى والشعر مثل الحرير=جفول محد ٍ ناشها تجفل مثل طبع الظبي
لا من مشت كل الورود إتموت من حسن ٍ يُثير=إتموت غيره من حدود الشرق .. لين المغربي
لو تطلب إني آتنازل عن ذكائي .. قلت خير =أبا آتغابا لجل خاطرها واصير أغبى غبي
الحب ما يعرف صغير وما عرف يحشم كبير= متساوي ٍ بالحب قدر العبد والحر الأبي
والحين كانك ما اقتنعتي .. ما ابي كل المصير=وإذا اقتنعتي .. أقدر آقول ابجراءه (اطلبي)
.......
&& مشـــكــــ حرف السين ـــــلة &&
أمس المسا أمسيـت ممسـي بلانـاس
وامسى نسيم ٍ يهمس بنسمتـه همـس
وسمعت حس ٍ سلّم بهمس واحسـاس
واسعد مسايه والمسـا كسّـر العمـس
يسعد مسا الاحساس يا سحر الالمـاس
ألبستني سحر ٍ لبس والتمـس لمـس
لابس حسن من راسك لساسك السـاس
والحسن يسبقه السنع وانغمس غمـس
حسنك سما مع ساريات السمـا حـاس
واحتست مع حوسة سماك بسما الشمس
حسنك سلب واستيسر وحاس هوجـاس
وعومستني بسيـرة سواليفنـا أمـس
ما تنّسي لو ينسن خمـس الاحسـاس
منساك يا سالب حواسيسـي الخمـس
منساك لو ينسى المسا أُنـس نسنـاس
ومنساك لو انسى السواليف والرمـس
ومنساك لو ينسى الوساويـس خنّـاس
ومنساك لو يطمس سنا شمسنا طمـس
وسمعت حسّك سلم بهمـس وانعـاس
واسعد مسايه والمسـا كسّـر العمـس
.....
&& أنـــا إرهــــــــــــابي &&
أنـا ودي فقـط إنـي أمـارس حـق دستـوري
لأنـي صارلـي مـده وأنـا متمالـك أعصابـي
فقدت الصبر أبي ثوره تشكـل حزبـي الثـوري
وأعلـن عـن قيـام المعركـه وأجهّـز أنيابـي
أبطغى فوق دكتاتـور حكمـه حكـم جمهـوري
أبا سـوّي إنقلابـات وبصيـر لحكمـه إرهابـي
أبا فجّر وأبا دمّر وأحوس أرضه علـى بحـوري
بخربهـا وأبعميهـا وأصيـر المجـرم الهـابـي
سكتنا لإحتلالـه يـوم حلحـل عقـدة شعـوري
تخيّل !! يجمـع جيوشـه عليّـه ويتعزوابـي ؟!!
ولكني ليا شفتـه وشفـت القصـر الأسطـوري
رفعـت الرايـه أعلـن بالـولاء لسيّـد أحبابـي
وأخذت أناشـد الدنيـا بسـلام ٍ غيـر منظـوري
عن الحرب وخلافات الشعوب .. وعندي أسبابي ؟
هذاك الوجه لا شفتـه عرفـت بفتنـة عصـوري
فديت النظره بعينـه إلـى مـن صـار متصابـي
فديته بسمة الدنيـا إلـى مـن زاد بـي جـوري
فديته من سكن فينـي وصـك بوجهـي أبوابـي
فديته كـان طاوعنـي أو إنـه طنّـش بشـوري
فديتـه لافهـم قصـدي أو إنـه صـار متغابـي
فديته .. ثم فديته .. ثم فديتـه .. كلمـه بـزوري
رقت تطلع على لسانـي وأدونهـا علـى كتابـي
عجيب !! إن صارت العله سبب أفعال دكتـوري
والأعجب !! إنه بيزعل على لحظه مـن غيابـي
ألا يا حظي من شاعر مدامـه صـار جمهـوري
مدامـه وجّـه بوجهـي لشـرق وثـم صلابـي
ألا يا خلطة المسـك .. وألا يـا وردة الجـوري
وألا يا بهجة الدنيـا .. وألا يـا مالـك إعجابـي
وألا يا ثمرة سنيني .. وألا يـا أجمـل شهـوري
وألا يا ماخذ ٍ قلبـي لـو إنـي بيـن أصحابـي
أنا ( شو بحبك بتدحك ) بقولـة وائـل كفـوري
واحبك ( ضاحك الثغر ) بقولة شاعـر أعرابـي
أموت بكل كلماته سـواءا (هـاي) أو (سـوري)
وألا يا ويل حالـي ويـل لامـن قالّـي (مابـي)
قبل ضايع مع الطوشه عرفت ألحيـن وش دوري
بحطه داخـل عيونـي وأغطـي فوقـه أهدابـي
أنـا لاشفـت هالطلـه يـزوّد نورهـا نــوري
لو إني إيش أبا وصّف يطول الهـرج وإسهابـي
وأنا هالحين مـا ودي أمـارس حـق دستـوري
لأنه أفرج بحكمـه علـي ( ومانـي إرهابـي )
.....
&& إنكســـــــار الضــــــــــوء &&
أبتّقي شرّك مدامي بالهوى محسن إليك=دامي إنتشلتك يا حبيبي من دهاليز الضياع
وعلمتك إن الكون فيه اللي يبيك وما يبيك=وعلمتك إن الكون زايل وإن هالدنيا متاع
وعلمتك إن الدمع ماهو علة ٍ من مقلتيك=الدمع هو جرح الشعور بقلب حسّاس الطباع
وعلمتك إني بعت كل الكون ( لحظة أشتريك )=وعلمتك إن أصعب مواقيف الهوى ( لحظة وداع )
وعلمتك إن الطيش قد أحكم بإغلاقه عليك =وعلمتك إن الموت أهون من إهانه للشجاع
وعلمتني كيف أشتكيلك .. كيف أنا منك أشتكيك !!؟=يعني إبساطه أحتكم للقلب في فضّ النزاع
وعلمتني كيف أعشقك .. واحياك .. ثم آموت فيك=دامك ركزت بمركبي يا صاحبي مثل الشراع
تعال واجمعني غلا واحضن يديني في يديك=يا اجمل وأنقى من وطا هالارض في كل البقاع
موطأ قدمك بأرض حبّي .. كل موطأ يهتويك=ويبقى أثرك بكل شبر ٍ بارضنا ولا ذراع
نظرة عيونك ينتشربي سحرها لحظة أجيك=مثل إنكسار الضوء عقبه ينتشر كل الشعاع
تعال أبروي هالضما يا مهجتي من شفّتيك=ويبقى على مر العصور الماء ماله أي داع
أيوووه لا خليتني مابين ذيك وبين ذيك=أفقد شعوري وارتفع بين السما ومابين قاع
خذني والبّي أمرك السامي عليّه يالمليك=يامن لغيرك ما رضيت أقبل بذرّة إنصياع
(كيْفَ السبيلْ ) إنّا انتواصل دُلني كي أحتويك=(يامن هواه ْ أعزّهُ واذلني ) وامره مطاع
ياللي مسحت الذاكره خليت لي كلمة ( أبيك ) =أبيك .. أبيك .. ابيك .. أبيك .. بوسط دمي للنخاع
لاشفت تفصيلة قوامك مع تسلهم ناظريك=أتووووه وآغني على أيّووووه يا عيون ٍ وساع
مشيت غنجك المترفه توحي بأنك أنت ( شِيك )=تعال أبشبع ناظريّه دام أنا عيوني جياع
ياللي ذبحت الورد .. دمه يتضح في وجنتيك=توّي عرفت إنك شرس واشرس من أطباع السباع
أنا اعشقك حتى الثماله وأستحاله أرتويك=شفني تجرعتك غلا وأكره معاك الإمتناع
عرفت انا كيف ابتدي بك .. بس معرف أنتهيك=بعدك سقوط لحبّي وقربك سياده وارتفاع
وأرجع أقول الدمع ماهو علة ٍ في مقلتيك=الدمع هو جرح الشعور بقلب حسّاس الطباع
عرفت ليش أبتّقي شرّك وانا محسن إليك ؟=لنّي إنتشلتك من ضياع .. وطحت في نفس الضياع
.......
&& فلسفة شاعر &&
شوف الحرار .. يعلّمك .. وشلون فن الإرتقاء=والإرتقا .. ماهو سهل .. لكنّ لا تستصعبه
لان الذكي .. يعرف متاهات الزمن .. وقت البقاء=لا صار زاده ما يكفّي .. والأراضي مجدبه
والإنتصاب .. يذكّرك وشلون قهر .. الإنحناء=وشلون ياخذ من حقوقه .. غصب عنّه يسلبه
وما تنعرف .. لحظة وداعه .. لولا لحظات اللقاء=ولولا وجود المال .. ما شفنا الشقى في مطلبه
والماء .. منهو يمسكه ؟؟ .. لو ما تبنّاه .. الوعاء=ما كان شفت أحد ٍ .. يصب الما .. والآخر يشربه
وكل شي .. وله ابدايه .. مثل ماله إنتهاء=مثل الدرج .. مهما علا .. ملزوم يبدى .. بعتبه
وأنا اشوف .. إن الخشب نبني من أجزاءه .. بناء=بس الغبي .. وأهل الجهل .. تفكيرهم .. كسر خشبه
شاعر وعندي فلسفه .. تبهر عقول الحكماء=توّي صغير السن .. لكن .. شايب ٍ مس شنبه
شاعر ٍ .. خلّا القوافي .. تنحني لا قال .. لاء=ولا تكلّم .. أنصتت .. جمهور يسمع مطربه
والكذب .. كلن يمقته .. لكن بقول .. الشعراء=أن الشّعر .. لازاد كذبك فيه .. يطلع أعذبه
وأنا بزيد الكذب .. لجل عيون .. من صبحه .. مساء =كان صبّح والشعر .. مفلول .. ليل ٍ يقلبه
حدة نظره المسرفه .. تكسر شموخ .. الكبرياء=إلا شموخي بالهوى .. ما تكسره .. بس تكسبه
وأنا معاه .. أكيد بستخدم .. سياسة إحتواء =لان القضايا .. ما تحل .. ابدون محور .. تقضبه
لانه قضيه مبهمه .. بين البراءه .. والدهاء=وجهه بريء .. ونظرة عيونه .. دواهي مذنبه
هو تنفّاس الحشى .. وهو منبع .. أسرار الهواء=وفوق متنه منحني .. راس الظلام .. ومنكبه
وكان إلتفت .. شفت الرموش الناعسات .. أم الغطاء =أم الغطاء .. المخملي .. اللي أبوصف وأكتبه
ما كنّه إلا .. بشت ٍ أسود .. من بشوت الأمراء=ولا لوزير ٍ .. بالوزارة .. قد تعلّا منصبه
وشفت الغيوم .. شلون تلعب .. في وسط صدر السماء =وفطّن عليّ .. شلون حبك .. في حشايه .. ملعبه
........
&& الشانزليزيه &&
لبيه من فمّك لها طعم ثاني=محلاك يا عمري ومحلاة لبيه
لا قلتها شي ٍ هنا بالمحاني =يطير يمّك دون محد ٍ يناديه
رميت بشت الحزن يوم إرتداني=ولبست بشت من الفرح أنت مهديه
إسمك على شفاتي وحفّة لساني=مغير أتمتم بالحروف ومعانيه
قلبي لك العالم من أقصى وداني=من غرب شيكاغو إلى الصين تايبيه
ومصيافك بقلبي وعليك المكاني=وانصحك تختارين بالشانزليزيه
وش يعني إن سهيل نجم ٍ يماني ؟=ونورك ضوى من فوق نور ٍ يضوّيه
ما كنّك إلا قطعة ٍ من كياني=وما كنّي إلا قطعة ٍ منّه وفيه
لا قالّي .. أبشر .. وإذا قال ماني=وإن قالّي .. لأه .. وإذا قالّي إيه
لو قال مهما قال ومهما جفاني=عندي سوا يا ناس أنا اللي مخليه
خلوه ياخذ راحته لا يعاني =أخاف حتّى الورد يقدر يأذّيه
أنا أبتليت ويوم ربّي بلاني=بزر ٍ على دروب الهوى قمت أربيه
أعطي .. ويقول ابخيل .. لا ما عطاني=ياخذ .. ولامنّه خذا .. قال ماابيه
يلعب على أعصابي وفيني أناني= ما يرضى أي إنسان غيره أحاكيه
أدهشني إسلوبه وزوّد جناني= عن عمد يخطي .. وردّه بقولة أمبيه !!
أستغرب إنّه كيف مني خذاني؟=كيف؟ .. ومتى؟ .. وشلون؟ .. أردفهن بليه؟
هو ما خذاني بس إلا إحتواني =أبو الكلام العذب لا فضّ من فيه
لبسه .. وذوقه .. شعره الأقحواني=رمشه .. إليا سلهم وقام يرخيه
شفاته .. إليا عضّهاإكتواني=يا ناس .. كن الله من الشهد مسقيه
إليا تخطّى فيه خطاه إتزاني=مثل الحمام إليا درج في تخطيه
الورد يخجل لا خذاه وعطاني =حتّى الخجل تحمرّ منّه وجنتيه
قيصر بنى للرّوم عرش ومباني=وعرشك أقص إيدي إذا طاق يبنيه
وللحين أنا عالم من أقصى وداني=من غرب شيكاغو إلى الصين تايبيه
ومصيافك بقلبي وعليك المكاني=وأنصحك تختارين بالشانزليزيه
.....
&& بورصة العشاق &&
مؤشر حبك بقلبي مقفّل نسبته تقفيل=وأنا اطلب منّك زيادة محبه فوق راس المال
لأن أسهم غلاك أشبه بأسهم مالها تمثيل=تعدت حدها المطلوب لـ حتى موعد الإقفال
لو أطرح أسهمك بالسوق؟ علّت سوقهم تعليل=وخلّت كل هالعالم تسابق لأسهمك بخبال
يشوفونك كذا تطلع ولا أنت بعارف التنزيل=طلوعك فوق يغريهم ولكن صعب ما تنّال
طلوع أسهم .. نزول أسهم .. سهمك مايبي تعديل=ثبت ومؤشره أخضر وحاله دوم عال العال
تعدى الراجحي .. وسابك .. مع الصحرى .. تعدى حيل=ولا سهم البلاد اللي تخطف خشم الألف ريال
ولا الكهرب .. وصاوفولا .. ولا مكيرش .. ولا التمويل=ولا سدافكو .. وزراعيه .. وحديد .. وغيرهن أشكال
أنا أول مكتتب سجل بقلبك حزة التسجيل=وقفّل عقبي التسجيل وهمّلت البشر إهمال
وهالحينه بعد ما قفّل التسجيل والتبديل=تعالي بوصفك وصفك بعد ما أعلنوا إقفال
هلا يا نفحة الغربي على شط البحر والنيل=هلا يا ريحة الجوري هلا ياغيم فوق جبال
هلابك كثر ما أتقلب على جمر الغضى بالليل =هلا يا صوت أبو نوره ليامن جرّها موال
تميل بمشيتك والكون شاف خطاك وصار يميل=وملت ومالت وملنا ومال الكون كلّه مال
تحط الحب في قلبي وتحط من الغلا وتشيل=وأنا فاتح فمي ساهي أناظر كيف حط وشال!!
ليامن غبت أنا قلبي مثل زرع ٍ غشاه السيل=عروق القلب شلّعها غيابك كل عرق لحال
أشوفك صوت .. وأتسمّع صدى صوتك أنا (بدربيل)=وصلت لمرحله عقبك أشوف الصوت مثل أزوال
جنون .. وهلوسه قامت تراودني يا ويلي ويل = وش الحيله ؟ وش الدبره ؟ وأنا وحدي بليال طوال
أحبك كثر ما يتعب أخو بدوه لحكر الهيل=وأحبك كثر ما يعشق ابن بطوطه الترحال
أنا لشفاتك الضحكه .. وأنا لدموعك المنديل=وأنا لجروحك البلسم .. وأنا لوقوفك الأطلال
ومؤشر حبك وأسهم غلاك مقفّله تقفيل=وأنا للحين أبي منك محبه فوق راس المال
........
&& انا ازيد جنون كانك تماديت &&
وين انت غايب عننا يا هوى الروح=ياللي مكانك داخلي لو تخليت
تخذلني دموعي وبالدمع مفضوح=ودمعي سواة السيل حدّر وهليت
في داخلي حرب وسكاكين وجروح=تفتل بشرياني وتنقض ومليت
وان شفت لي وسط السما خافق يلوح=فزيت وارقب وآتحرى وناديت
ناديت ليل ٍ انسحب واعلن نزوح=ورحت ورجعت وروحتي مثل ماجيت
جرحت قلبي وابتدى فيه ساموح=وقمت آتذكر وش جرى يوم مريت
يا ريحة الريحان مع عطر ٍ يفوح=يبري جروح ٍ بالحشا منهن ازريت
انا فدا لعيونك اللي بهن بوح=وشعري بعد فدوه لهن بيت مع بيت
شرّعت لك باب الصدر باب مفتوح=لكن على حدب المحاني تمثنيت
انت القمر لا شافك يضيّح الضوح=يعني على منزل قمرنا تعلّيت
حتى الجمال بجنبك يصير مملوح=ما تنفعه قولة .. لما .. وكيف .. أو ليت
متمرد بحسنك وطاغي ومسموح=وانا ازيد جنون كانك تماديت
وان جيت جينا وكان روّحت بنروح=يعني وراك ندوهج ان رحت وان جيت
فيك الحلا وفيك الدلع حيل ملموح=تكسب خطايا بالبشر لا تثنّيت
منك الحكي كل عسل ضحك ومزوح=ومنك الذرابه تستمد الآتيكيت
ومنك الزلل ويّا الغلط دوم مدموح=وكم غلطة ٍ لعيونك السود مشيت
دلة همومك فارت وقامت تفوح=وانا من همومك قدعت وتقهويت
ابنثر اسمك كل حرف ٍ على لوح=واليا نثرته اجمعه لا تهجّيت
اخاف لا شفت اسمك عيوني تنوح=ولا لساني ينربط لو تجرّيت
من قائمة جوالي الكل ممسوح=يعني لعينك معطي الناس ( ديليت )
وان قلت لك عجّل تقول انت مشفوح ؟= وتردني ( ببليز ) وتقولي ( ويت )
عرشك بنيته سيّدي حكم وصروح=وقسم ولائي ( منذ مبطي ) لك اديت
وان جيت جينا وكان روّحت بنروح= يعني وراك ندوهج ان رحت وان جيت
.........
&& أعلمه على دروب المحبه .... فلمّا اشتد ساعده رماني &&
أعلمه على دروب المحبه=( فلمّا اشتدّ ساعده رماني )
وانا اللي كنت من قلبي أحبه=إلينه بالهوى صد وجفاني
بفوّض امري لربي وربه= وربي شاهد اني دوم أعاني
قبل كنت الهوى وجرحي وطبه=وكنت بدنيتي مصدر أماني
وكنت الدم وبعروقي مصبه=لو إني لا أراك ولا تراني
قطفتك يالعنب حبه وحبه=لأني شفت فيك احلا الأماني
واذا هب الهوى وغربي مهبه=اطير من الوله وآجيك عاني
وجمعت حروفي كني وسط شبه=كتبتك إيه ومن غيرك قراني
وخليت البشر فيك اتشبه= وابقطع راس من عنك حداني
لو إنه شيخ والله غير أدبه=واموت بعز دام الكون فاني
وكنت أزعل اذا اي انسان سبه=لو إنه واحد من أغلا اخواني
بنيت بداخلي قصر ٍ بقبه= مثل قصرٍ لتبعنا اليماني
دخلت البحر وبه مليون غبه=دخلته راضي ولحد ٍ رماني
ولكن كنت انا احسبك إتنبه= لما فيني وما منك دهاني
تنكّرت لهواي وعفت حبه=وانا عفت الهوى يومه نساني
تدوس الجمر وتحاول تشبه=وعرفت إنك أناني يا أناني
وش ابغى بالقشر من دون لبه؟ = عسى تفهم جزيلات المعاني
وشطبت اسمك ولست من الأحبه=ولست بقدر لطفي وامتناني
وجزاي إني من اول كنت احبه=تمادى بالهوى وصد وجفاني
وعلمته على دروب المحبه=( فلمّا اشتدّ ساعده رماني )
.........
لجل عينك ........,,
لجل عينك ينحنـي راس القصيـد ولـك يلبّـي
انت يا سيد الملوك اللي مكانـك فـوق عالـي
لجل عينك شيّدت لك مملكه فـي وسـط قلبـي
سدتها والعرش عرشـك مابهـا اي احتمالـي
لجل عينك تجمع شتات الحـروف اللـي تنبّـي
عن ولاء لحضرتك يـا سيـد اسيـاد الجمالـي
لجل عينك انسى كل قلـب ٍ تعلّـق فيـه حبّـي
ولجل عينك انسى كل الكون وانسى كـل غالـي
عينك (الما) و(الضما) والشوق بالقلب امتخبّـي
تظهره عيني لعينك وانـت عينـك مـا تبالـي
عينك السحر الدفين وسحرها من سحـر ربّـي
تسحر عيون البشر من رمش سلهامـه خيالـي
من عرفت الحب وانت الحب وبالقلـب امتربّـي
من عقب كانت همومي تنتشر والقلـب خالـي
قـدرك بقلبـي كبيـر ومـا تنبّـاه امتنـبّـي
مهما تعصف بك رياح ومهما طالت بـك ليالـي
والزمن هذا يجور ومـن كثـر جـوره لعبّـي
لين صرت اشوف (عمي) والحقه واقول (خالي)
والسبب الحق وراك وماني عارف وين دربـي
لانك اللـي مالـك ٍ روحـي وتفكيـري وبالـي
لو تقول (الشرق) غرب اصدقك ويصير (غربي)
ولو (جنوبك) بالشمال اصبح جنوبي (بالشمالي)
انت الاول والخير وفـي وسـط كفيـك طبّـي
وقالو اللي مالـه اول صـدق مالـه اي تالـي
ماهو بمحتاج مدحي فيه ومـو محتـاج سبّـي
الله اللي كملـه بالزيـن وابعـد عـن جدالـي
ولجل عينه مو قصيدي حتى انـا ايضـاً البّـي
للملك سيد الملوك اللـي مكانـه فـوق عالـي
.....
&& أمّوووووووووووره &&
أمسيت جالس واحكر البن مع هيله= جالس ونفسي مع الغالين مسروره
إلين جتني كذا دقه وتقفيله= الدقه اللي تحوس القلب وشعوره
ورفعت جوالي وردت بلا حيله= وقمنا نسولف واخذنا الهرج في دوره
وسمعي على العالي لاخر حد مرخيله=أوحيت صوت ٍ يغيض الغصن وطيوره
صوت ٍ به الجاذبيه صعب تحليله= ما حلّه نيوتن ولاهو بمقدوره
وقمنا انتجاذب حكي ما اجيد تمثيله = وسألت عن اسمها معنى ومنظوره
قالت أميره ولا احتاج تعليله=أنا اميره وكل الناس مأموره
أميرة الورد والأحساس تشكيله =إن قلت أميره او لا لا قلت أمّوره
أُصدر قراري وآن الأن تعديله= لك مملكة قلبي وانتي إمبراطوره
يالموت..يالتوت..ياحل ا صوت أوحيله= يالعذب..يالذرب..يالأ حساس وبحوره
يالشوق..يالذوق..هات الهم أنا آشيله=عطني همومك ياطب القلب ودكتوره
القلب يمحل ليامن غاب له ليله=وشلون لا غاب بالأيام وشهوره ؟
متمركي وكنّه اللي يعمّر أرقيله=في وسط قلبي ويزيد الجمر من جوره
ياناس..ياهوه..يخزي العين ابو قذيله=له غرة ٍ من سواد الليل ممطوره
قومي إلفحي يا هواي وذبي الشيله=وخلي جميع الخلايق فيك مبهوره
يا ام الحلا..والدلع..وعيون ك إكحيله=يعني بقولة أهل لبنان شحروره
لك نظرة ٍ تِسقط الطاير وتوميله=وبطلتك تشبهين إيمان بنّوره
لاشفتها أطيح طيحت من فقد حيله=ولا أنادي وكنّي مشجع الكوره
ماهي حكاية هوى قيس وهوى ليله=وماهي بقصة هوى مطلق معَ نوره
من لا يعرفك حرم يعيش له ليله=وان عاش عيشة فرس يرثع وذا دوره
........
&& عتاب الاحباب &&
مع نهايات السكـوت وفـي بدايـات العتـاب
ابتدى هرج المعاتـب بيـن محبـوب وحبيـب
وابتدت نيران تقدح من سبـب طـول الغيـاب
هرج نيرانه تسائـل كيـف تنسانـي ؟ تغيـب؟
كيف تتركني وترحل فـي زمـن كلـه ذيـاب
وانت عارف كيف صرت لغير صوتك مستجيب
كيف تتركني بزمان ٍ صارت سهولـه هضـاب
وصارت الارض السويّه كنها مجرى الشعيـب
وغابت نجومك جميع ولا لمحنـا لـك شهـاب
وصارت القمرا تون وشمسنا تبغـى المغيـب
وصرت ساير في دروب ٍ مالها مسرى وبـاب
لين حارت بي دروبي وصرت بالدنيا غريـب
وقمت اسافر في دروبـي لكـن بليـا زهـاب
منقطع والنار تصلى والهوى جرحـه عطيـب
ويوم شافت في عيوني نار مصدرهـا العـذاب
هلّت من العين دمـع وقامـت تزيـد النحيـب
قالت اسمع ما تركتـك بـس بالدنيـا صعـاب
وما تركتك مع ذيابـه الا انـا اعرفـك ذيـب
بي خانتني ظروفـي والرجـا بالوقـت خـاب
لكـن الشكـوى لمنهـو للدعـاوي مستجيـب
دنيتـي والله بدونـك كلهـا ليـل وضـبـاب
مستحيل انساك وانسى دنيتك يا اغلـى حبيـب
انـت حبـك امتلكنـي وانغمـر بـالـدم ذاب
انت لو تبعد دروبـك باقـي ٍ عنـدي قريـب
وابشر برجعه تنبي عـن ايـاب بـلا ذهـاب
ابك انا ببقى معاك العمر لـو راسـي يشيـب
وارتعش قلبي ولان واعلـن القلـب انسحـاب
من عقب كانت جروحه تشعلـه نـار ولهيـب
وقلت انا بملي شروطي ولازم نوفّي النصـاب
قبـل ترجـع للمحبـه والهـوى لازم نُجيـب
ابغـى منـك ترتدينـي بالغـلا مثـل الثيـاب
وابغى منك جرح لكن جرح ما ابغـى يطيـب
وابغى منك تحتويني مع حروفـي فـي كتـاب
يحتوي اجـزل معانـي قالهـا قلـب ٍ لبيـب
وجدديلي شوق نوت بحب ابـن عمـي عقـاب
وابشري باللـي يخليـك الجليلـه مـع كليـب
وقامت تهل الدموع من الفرح مثـل السحـاب
وكافئتنـي بضمـة ٍ خلتنـي بكـون رحـيـب
وابتدى صمت وسكوت وانتهى هـرج العتـاب
وانتهى هرج المعاتب بيـن محبـوب وحبيـب
........
&& الشوووق جااااااابه &&
آه من قلب ٍ تعنّا بالهـوى والشـوق جابـه
ودّه انـه يلتقـي قلبـه بقلـب اللـي يـوده
في حضوره ينشرح صدري ويتعب في ذهابه
والغلا والشوق في قلبي ترى محـد ٍ يعـده
ما ذبحني غير حبك هلنـي مثـل السحابـه
من بعـد كانـت حياتـي كلهـا هاتـه ووده
ماني قادر اصبر وقلبي تزايـد بـه خرابـه
وآعذابي منك يومـك بالجفـا قلبـي تـرده
وآعذاب القلب من قرب الجفا يقرب عذابـه
والقلوب بحبها تصبر وهـي مـي مستعـده
حبي الاول بدابـه وارجـع اقـول انتهابـه
ابتدي به وانتهي به والغضي ما بـاح سـده
انت ياللي واحش ٍ قلبي وقلبي وش جرابـه
من هو غيرك ؟ عارف ٍ قدر الغلا ويّا الموده
آآه من وقت ٍ قسى ونسير مع دربـه نهابـه
مثل من هو ساري بليل ٍ ظلامه فيـه شـده
وطالت الغيبه وانا صرت اتبع الظل وسرابه
من بحرنا فالخليج الين ماصـل بحـر جـده
ومن بعد هرج العتب هل الدموع وفك بابـه
والهوى ضـده ولكـن الهـوى عيّـا يـرده
ويوم شفته قمت اعاتب قلبي وازيـد بعتابـه
ليش ؟ قبل تشوف هذا الحسن تقسى ثم تصده
جالس ٍ مثل القمر والنور واضح من جنابـه
يا سلام الله على نور العيـون ونـور خـده
والشعر ليل ٍ يهـل الليـل ويزيـد انسكابـه
مثل شلال ٍ يصب اعـذب ميـاه ٍ مستجـده
والحكي لامن حكى تلقى كلامه بـه ذرابـه
ما تكلف فيه لكـن هـذا طبعـه مـا يهـده
نعرف الدنيا وجدوده مـا عرفناهـا غيابـه
وتنكر الايام وقت ٍ غـاب فيـه ومـا تعـده
وكان قلبه قد تعنّا بالهـوى والشـوق جابـه
والله انـه التقـى قلبـي بقلـب ٍ لـه يـوده
....
يقولون بدى ستار اكاديمي الجديد وبدت الفله
ياليت لي قلب ٍ علـى الهـم قـاوي
يصبر على ضيم السنين الطويـلات
يصبر على جور الزمـن والبـلاوي
في وقت فيه الحي يشبـه للامـوات
في هالزمن شفنا كثيـر المسـاوي
شفنا القشر والشين مامن مسـرات
واشوفلي ناس ٍ لهـا قلـب خـاوي
تعيش عيشه مالهـا اي طموحـات
تعيـش تتبـع للهوى والـهـواوي
ماغير اكل ونوم وروحـه وجيّـات
وضياعهم مابيـن هنـد ومضـاوي
ومابين آخر موضه وبيـن قصـات
وزاد الضياع بشلة ابـن الخـلاوي
اللي لهم تصويت بالآف الاصـوات
مابيـن تصفيـق وكـلام وغنـاوي
ومابين هزّات الغوانـي ورقصـات
شي ٍ يعل القلـب وللقلـب كـاوي
يحرق عروق القلب ويزيـد ونّـات
نسوا فلسطين ونسوا كـل غـاوي
ونسوا فعل شارون في وقت غارات
ونسوا عراق ٍ مـا لقالـه مـداوي
ينزف جروحه ضايع بظلم وشتـات
يـا عـل يلويهـم مــن الله لاوي
إن كان ما يصحون في وقت الازمات
يالله يــا رحـمـن يالله تــاوي
وتلطف بعبد ٍ لك اقـام الصـلاوات
يالله ياللـي لـك تسـاق الدعـاوي
يا واحد ٍ أنـزل كريمـات الآيـات
يالله جيتـك سايـق ٍ لـك رجـاوي
رجوى ضعيف ٍ علته جـر الآهـات
آه ٍ على وقت ٍ به النـور ضـاوي
وقت الرجال أهل اليمان الطويـلات
وقت الرجال اللـي بعـاد الهقـاوي
ما كنهم خلقـوا سـوى للبطـولات
وقـت ٍ رجالـه طيبيـن العـزاوي
عز ومعزه واجتمـاع ٍ كمـا الـذات
وقت ٍ بـه الرجـال مثـل النـداوي
لاطار من فوق السما وجاك مـوّات
الصيده اليامن لهـا صـار نـاوي
يجيبهـا لـو دونهـا مستحـيـلات
تلقاه لاجـل الديـن دايـم فـداوي
يبيع عمـره مـا توانـا لساعـات
يا ليتنـي معهـم رفيـق ٍ مخـاوي
اعيش معهم وآتناسى الـذي فـات
لكن ماهي كيـف ولاهـي منـاوي
هذا قدر للـي يعيشـه ومـن مـات
وبطلبك ياجـزل العطـا والعطـاوي
إنك تصبرني علـى جـر الآهـات
...
لمن يحب .. الخوّه.. البر.. المقناص
يالله ياللي تسيّـر الكـون بأقـدار
ياللي بوقـت الضيـق كـل ٍ يدلـه
ياللي تعرف اللي خفى ويّا الاسرار
يامن تعقـد الأمـر وبيديـك حلـه
يالواحـد المعبـود حـي ٍ وجبـار
يامن جميـع الخلـق لـه مستذلـه
يالله ياللـي رحمتـك دون مقـدار
محد ٍ حسب مقدارهـا لـو فطنلـه
يالله جيتك من عنا الوقـت منهـار
ودموع عينـي كالمطـر مستهلـه
ضاقت بي الدنيا وضاقت بي الـدار
واسبابهـا ثقـل الهمـوم المجلـه
عشت بزمان ٍ علني كلـه امـرار
محـد ٍ يمـر بدورتـه مـا يعلـه
محد ٍ يعرف الخوّه وحشمة الجـار
والكـل يمشـون بهـوان ومذلـه
عيشت غثا وهمومها دايـم كبـار
حتى الصغيّـر شايـل الهـم كلـه
وانا اشهد اني بهالزمن حيل محتار
هذا زمـن عـز العفـن والمذلـه
لكن وش نسوي وهالوقـت دوّار ؟
وزادت مشاكل وقتنـا الطيـن بلـه
وينك زمان ٍ قد مضى فيه الأحرار ؟
أصعب سؤال وينتظـر مـن يحلـه
هذاك وقـت ٍ فيـه للمرجلـه كـار
كل ٍ بنى بيت الكـرم منـزل ٍ لـه
معاك من خوّة هل الطيب الأخيـار
أرداهم اللـي لا نطـق مـا تملـه
خوّة نشاما من طويليـن الاشبـار
ناس ٍ لهم بالطيـب وقفـه وشَلـه
وهات الحطب يامسندي واوقد النار
وشقر القهاوي حطها وسـط دلـه
واحكر لنا الفنجال مـوزون ببهـار
وفي بطـن بغدايـه يالقـرم زلـه
ثم الحقه يا صاحبي شوي مسمـار
حتّى يتسـوّى كـل شـي بمحلـه
وعطني من الفنجال مزّه وهو حـار
خلّه يداوي علتـي ايييييـه خلـه
وتشوف في مد النظر أرضنا انهار
من خير ربـي أرضنـا مستظلـه
ويبدى طلوعه باذر ٍ حبـه صغـار
ويكسي قفار الاض مـا فيـه خِلـه
والارض يصبح عشبها كنّه أشجار
ويامحلا المقيال مـن تحـت ظلـه
وتلعبك أريـاح البختـري ونـوّار
وريح النفل تشفي من القلب علـه
والبل يمينك والغنـم منّهـا يسـار
ماكنّهـا ألا لارضـنـا مستحـلـه
واليا ارتعت ما تاكل شعير وشـوار
تاكل من العشب الخضر وقت حِلـه
والطير معنا لاكفـخ حلّـق وطـار
وبمخلبـه غـز السمينـه وتـلـه
حر ٍ ونسل أحرار من ماكر أحـرار
اليا زهمته ما طرى يقـول لـلـه
تطرب لشوفه من مجاميع الأنظـار
وأخاف من عين الحسـد لا تدلـه
هذي حياة ٍ تبري القلـب لانهـار
وتبري هجوس ٍ بالمرض مستعلـه
.......
@ لا وا هنيّه @
وا هنـي اللـي عـن الهـم سالـي
دالـه ولا يـدري ولا ينشـد الـبـال
في صحصـح ٍ والنـار تحـت الدلالـي
يطرب علـى كيـف ٍ مهيّـل بفنجـال
ضـوح النجـوم يسامـره والهـلالـي
والمـي جنبـه يــدرج وكـنّـه زلال
مايشكـي مـن الهـم والقلـب خالـي
والهـم قفّـا مـا لقـى منـه مدخـال
مرتاح مـن همّـه علـى كـل حالـي
ماهـو كمـا حالـي ويرثالهـا الحـال
حالـي تجـر الآآآآه طـول الليـالـي
وتـزداد آآآآهاتـي إذا ليلـنـا طــال
وآثر السبب باللـي شغـل كـل بالـي
غرو ٍ نثرنـي ثـم جمعنـي بسلسـال
جامع مزايـا الزيـن حسـن ودلالـي
ومن الترف يمطـر كمـا هـل همّـال
والغنـج خصلـه زودت بـي هبـالـي
وخلّـت عيونـي يـوم شافتـه تنحـال
لامـن مشـى بخطـاه كبـر وتعالـي
وصووووت الخطا غنت به الارض موال
واليا الفحت في شعرهـا الكـل مالـي
والليـل كنّـه بالشعـر صـب شـلال
وبعيونهـا شفـت العـذاب المـوالـي
والمووووت باللثمه ليا حطّـت الشـال
مووووت ٍ يـروع القلـب أول وتالـي
ومن الخباثه سلهمـت رمـش باهمـال
يـا سيّـد أسيـاد الحـلا والجمـالـي
هبّلت بي يـا لعنبـوووا حـي الهبـال
واليـا طلبتـه مـن وصالـه وصالـي
أقفـا ولا هـمّـه ولا لــد باقـبـال
واليا سألتـه قـال : مالـك ومالـي ؟؟
أنا بكيفـي... مالكـم عندنـا وصـال
وان كان أجيه يميـن... روّح شمالـي
وان كان جيت يسار... للغـرب رحّـال
هـذا لعبّـي مثـل لـعـب العيـالـي
ما يـدري انـي ميـت ٍ فيـه باخبـال
ياللي سلبـت مـن الغـلا كـل غالـي
وحطيتـه بقلبـي وقفّـلـت باقـفـال
حسب الوعد ليتـك تجـي يـا حلالـي
ترسم لي البسمه وانـا اعيـد الآمـال
حتّى انـا انسـى الآآآه طـول الليالـي
وتنسانـي آآآهاتـي إذا ليلنـا طــال
.....
وين نووورك ؟؟؟
القمـر لـه نـور بيّـن لكـن ايـام الخسـوف
يختفـي نـوره ولا نلقـى لنـا نـور ٍ بـديـل
وان نطرنا الصبح نلقـى شمسنـا فيهـا كسـوف
حال اظلم لـي دروبـي وحـال خلانـي عليـل
والسبب فرقى حبيب ٍ كـان لـه نـور ٍ يطـوف
مـن حوالينـا ويضـوي دربنـا والليـل لـيـل
وين نورك؟ يجعل اللي ما تـرى عينـه يشـوف
وين نورك؟ نستـدل بضوحـه بـدرب ٍ طويـل
وين نورك؟ ينقذ الولهـان مـن ظلـم الظـروف
لاطغت واقست عليه وصـارت ظروفـه تعيـل
وين نورك؟ ينتشل همـي وينـزع كـل خـوف
ويـن نـورك؟ يعـدل الميـزان والكفـه تميـل
وين نـورك؟ يابعـد كـل المزاييـن الخشـوف
نـورك اللـي امطـر الدنيـا وخلاهـا تسـيـل
ارجع ولملم شتاتـي صفنـي صفـت صفـوف
صفت بيوم اللقـا فزعـه لاجـل عيـن الدخيـل
ارجـع ولملـم حياتـي لمهـا بيـن الكـفـوف
من بعد كانـت حياتـي بيـن حـط وبيـن شيـل
انـت نبـض ٍ للقلـوب وانـت للعينيـن شـوف
وانت للروح الدوا يـا عـذب مـدري سلسبيـل
مقدر اوصف بك وصوفك انت احلا من الوصوف
انـت اعـذب مـن كـلام ٍ قالـه العالـم وقيـل
والعقل معروف ساسي والثقـل عنـي معـروف
ميـر عقبـك قالـو العالـم علـيّـه مستـزيـل
يالكتاب اللي جمع شملي بشمل احـلا الحـروف
يالذهـب ياللـي لقيتـك مندفـن تحـت النثيـل
لمني مثـل اللحـن لاصـار بالعـود معـزوف
لمني ثم ضمنـي باقصـى حنانـك حيـل حيـل
ابغـى يـوم ٍ نجتمـع فيـه ونغـنـي اوف اوف
في ضلال الشجره اللـي ضلهـا دايـم ضليـل
بـس انـا ويـاك وغيـوم ٍ تلاعبنـا وقــوف
والحمامـه فوقنـا وارخيـت اسمـع للهديــل
ومع ذعاذيع الصبا في روضة ٍ تزهـى الهنـوف
وان غشانـا الليـل اطربنـا بنسنـاس ٍ علـيـل
ليـن نصحـى والبلابـل فوقنـا مثـل الرفـوف
صفقت اعجاب وانبهرت مـن الحـب الاصيـل
هذي العيشه ومن غيـر الهـوى عيشـه نعـوف
ومن عقـب هـذي تعـال البّسـك تـاج ٍ جليـل
والقمر هـذا بعـذره يختفـي وقـت الخسـوف
استحـى منـك ونـورك صـار للقمـرا بديـل
........
(( حال العرب ))
بدى في داخلي جرح ٍ وجرحي له زمن ما طـاب
وثارت داخلـي فتنـه وعيّـت تركـد جنونـي
بلايه وين اولي به ؟ اذا همـي وقـف عالبـاب
تحرى كلمتـي تطلـع وعانـق مطلـع فنونـي
انا في داخلـي نـار ٍ توقّـد مثـل جمـر ٍ ذاب
يسيل بداخـل ضلوعـي يزيـد بنـاره طعونـي
ودمعي حاير بعيني إلي مِن ضـاق ثـم إنسـاب
واكيد ان السبب ماهو بصاحب لـي ولا عونـي
وأشوف ان السبب واضح ولا احد ٍ يجهل الأسباب
نشوف الباطل اللـي يرتفـع والحـق مدفونـي
متى كنّا العرب سلعه نباع ونشتـرى بحسـاب؟
متى منّا العرب نسكت على الذل وعلى الهوني ؟
سؤال ٍ كل ما اشوفه تجيني لحظة إستغـراب !!
سـؤال ٍ حيّـر العاقـل وزاد جنـون مجنونـي
واقلّب داخلي ذكرى اراجع ماضـي ٍ لـي غـاب
ألاقي ماضي ٍ ساطـع بنـوره يجهـر عيونـي
ألاقي وحدة ٍ تجمع صفوف ابعـاد مـع اقـراب
لأن الهم رفع الديـن ويصبـح ديـن مصيونـي
وحنّـا حالنـا شتّـى وصرنـا كلنـا أحــزاب
نهيم بوادي لحفـظ السـلام انطيـع شارونـي
ألا يا لعنبوا جد السلام اللـي جعلنـا اصحـاب
سـلام ٍ مثّلـه كافـر وزود الكفـر صهيونـي
وزاد الطين بلّـه يـوم جونـا شلّـة الإرهـاب
عسى الله يلعن أولهم وياخذ مـن لهـم عونـي
جماعات ٍ تستر في لبـاس الديـن والأصحـاب
وهم شر ٍ على الدنيـا وشـر الأرض والكونـي
واقول بخاتمة هرجي عسى الله ينصر اللي تـاب
وينصر ديننـا هـذا ويصبـح ديـن مصيونـي
.....
ديوان
الشاعر فواز الزناتي
&& حكـــايــة الشــــــوق &&
يالشوق .. يا منبع .. حكاية هل الشوق=يا جامع ٍ.. قصر الغلا .. والرهاوه
قصر !! ورهاوه !! .. كيف ؟ .. دقق بالفروق =كنّك جعلت من .. الصداقه .. عداوه
يعني حسابك .. غير .. عن كل مخلوق=بين إنفعالاتك .. وقلبك غشاوه
لاقلت يا هادي .. تحوّلت .. مطفوق=وان قلت يامطفوق .. جيت .. بهداوه
وان قلت يا قاسي .. تحكيت .. برفوق=وان قلت يابو اللين .. جيت .. بقساوه
تدري !! جرحت القلب .. واسرفت بالبوق=ودامك جرحت القلب !! يا شين داوه
القلب حاكم .. شعبه .. بهيئة عروق=لكن على قلبي .. خذيت الأتاوه
بس الحقيقه !! .. أنت منبع من الذوق=لا صرت .. رايق .. بانشراح ونقاوه
لا جيت تغضي .. كنّك .. غضاي غرنوق=وتغمز بعينك .. وابتديت الشقاوه
معدنك طيّب .. بس .. تزعل ولا تروق=مثل الطفل .. ان كان تاخذ .. ( كاكاوه )
يزعل عليك .. وما يبي منك .. طاروق =وشوي يقبلّك .. وكله حفاوه
حاليك ربي .. والحلا .. فيك مخلوق=من يومك .. صغيّر .. تحب الحلاوه
من تحتك .. السكر .. مغطيك لي فوق= وزود ٍ على السكر .. شوية طراوه
حمرة شفاتك .. غير .. والعنق مفهوق =قلادته تسمو .. مع .. اهل السماوه
بنظرتك لقلوبنا .. رمح مزروق=بعينك الحنكه .. ورمشك ضراوه
بقفايتك نغرب .. وبقبالك شروق =وصمتك فقر .. بس .. بحكيك الثراوه
معسول ناب .. ولا تحكيت منطوق !! =باسلوب متحظّر .. واصالة بداوه
( صوت الربابه ) .. غير عن .. ( نفخة البوق )=مير أنت جامعهن .. وزي الحلاوه
لكنّ أبطلب منك .. لا تدخل السوق =أخاف لا تنضلك .. ( عين الفلاوه )
...
&& الـبــــالـتــــــــ وك &&
حبك غدى .. مثل ( البطاقه ) .. يوم قلبي صار ( بُوك )=ذي حالة ٍ .. يطلق عليها .. أشبه ( بحالة عناق )
حافظك عن طيش السروق .. ومالكك مثل الصكوك=وابعدت عنـّك .. كل عذال الهوى .. واهل النفاق
تدري بأني أضحك .. إليا شفتهم بي شككوك !!! =كثير .. من شفته ( سليم الجسم ) .. وبقلبه ( معاق )
هم مادروا .. إن الرصيد بحبنا .. ماله بنوك =وإن الرصيد بحبنا .. مفهوم .. معناه إشتياق
ماهي سوالف .. مش حالك .. أو سوالف ( بالتوك ) =إلا محبه صادقه .. خارج .. ( مساحات النطاق )
تعال يا أول أمل .. منفاك قلبي لو نفوك =وآخر أمل .. ما أعتقد منه .. يصحيني طراق
( يا دجلة القلب ) و ( فراته ) يا مماليك الملوك=يا مملكة ( نعمان ابن منذر ) وانا قلبي ( عراق )
أنا أحبك ؟!! .. إي ورب البيت .. مافيها شكوك=صحيح انا عزّابي .. ولكن .. عليّـه بالطلاق
أمشي معك .. لو تنكسر ساقي ..او وسط الدرب شوك = القلب ابدى بالجباره .. دام يُجبر كسر ساق
شهادتي منـّك .. ( حسن سيره ) .. معَ .. ( حسن السلوك )=وشهادتك مني .. بأنك بالهوى .. ( عذب المذاق )
ولو تقدر .. تقيس الخطاوي من هنا .. حتى تبوك=تراك منت بواصل ٍ .. قدرك .. ولا حول السياق
غلاك أقلع .. في حشاي وراكب ٍ .. وسط المكوك =وفراقنا شمس ٍ .. وماهو .. واصل ٍ حد الفراق
والغيره .. وسوء النوايا .. ما توفّي .. لا دهوك = خلاص .. وقف .. خلنا .. يا عمري ( بحالة عناق )
....
&& على طرف جاكيتها &&
مابين هم وحشرجـة صـوت ٍ مـن الفرحـه خلـي=جتني واشـوف ان دمعهـا غـرّق طـرف جاكيتهـا
جتني وكاسيهـا الحـزن وتقـول ( متغيّـر علـي )=تقـول حسّـت فـي شعـور إنـي أنــا خليتـهـا
طاحت مابين أحضـان قلبـي وابتـدت نـار تغلـي=مابيـن طيّـات الضلـوع اللـي تـحـاوط بيتـهـا
يا بيتهـا ؟ لـو بنشـدك عـن قلبـي اللـي ممتلـي=من حبها .. ومن عشقهـا .. وقمـة حنيـن لصيتهـا
قلي بعـض ممـا تذكـر .. وأرسـل لريحـة هلـي=اللي وانـا مـدري .. كـذا .. أخطيـت ثـم بكيتهـا
قلبي غدا مثل الحجر ( لا حطّه السيلُ مـن علـي )=من ثقـل حمـل الصدمـه اللـي ماعـرف توقيتهـا
وشلون انا اتغيّـر عليهـا ؟ .. دام صـارت منزلـي=وانـا الـذي عـن بـد تلعـات الرقـاب أغليتـهـا
حطيتهـا بيـن الكواكـب واسـتـدارت كالحُـلـي=ليـن إجتمعنـا فـي مــدارات الـغـلا وحبيتـهـا
الريح ثارت .. وانتثـر شـوق .. وتناسيـت زعلـي=لانـي أشـوف إن الخـطـا منـهـا ولا خطّيتـهـا
أنـا ادري انـي مبتليهـا .. وادري انـي مبتـلـي=وادري بعـد زوّدتهـا .. كـم حـبـه .. وغثيتـهـا
بفراقي وبغيابـي اللـي لا سئلـت .. قلـت عملـي=حجـه .. وتـدري إنهـا حـجـه .. ولا حجّيتـهـا
فديتهـا .. مـدام مامنـهـا شبـيـه .. ولا حـلـي=وعشان مـا منهـا حلـيّ .. ولا شبيـه .. أهديتهـا
قلبي .. وروحي .. والدما .. وابعاد فكر ٍ تصطلـي=تاصـل الـى ابعـد مسـافـة حــب لا ناديتـهـا
ولاصارت .. إتجيني خيال .. أنسى خرافات فشلـي=واحس فـي نشـوة نجاحـي .. وانتشـي لاجيتهـا
لكن .. ليا صحصحت .. وأقفت .. شفتني لحالي خلي=واشوفني مـن عقـب ضمتهـا .. كـذا .. أغديتهـا
أعض من جور الندم .. أصابعـي .. واغلـي غلـي=واقـول ليتـك يالزمـن .. وقفـت مـن ضميتـهـا
فديتـهـا .. أم الـغـلا وام الجـديـل المخمـلـي=اللـي حشـا مـا نـادت بـ( فـواز ) ولا لبيتـهـا
ومدامها صارت كذا .. يا ليـت تسمـع مـا يلـي :=لا يا عساني مـا اعيـش .. إن كـان مـا راضيتهـا
إلين اشوف إن صوتها .. صوت ٍ .. من همومه خلي=وأصير أنا .. دمعة فرح .. علـى طـرف جاكيتهـا
....
&& أصصصصصص &&
إن قلت لي إصبر أبا قول لك أص =صبرت صبر ٍ مثل صبر المهادي
لاجيت أبعلن للبشر وأكتبك نَص = إتقول تو الليل ياهوووه بادي
وأنا لاوامر حضرتك دوم مختص= قدّيت لامرك كل من كان غادي
قلبي غدى خامه وبيدينك تقص= فصلت لي ثوب الغلا بالأيادي
يا ( حليو ) صوتك من حشا الروح يمتص=كل الهموم بذوق واسلوب هادي
يا حَب رمان ٍ على بعضه إرتص= طعمه بوادي والملذات وادي
يا لولو يا ألماس يا من الذهب فص= وش فصّه ؟ إلا شي ماهو بعادي
بشفاتك القاضي .. وبعيونك اللص= ورمان صدرك ..صار سجن إنفرادي
نظرات من عينك .. وسلهامتك خص=جيش ٍ غزاني هايج ٍ بالطرادي
وبخصرك السيّاف .. وخطوتك تقتص = من كل راس ٍ صك فيه العنادي
حرام كل من شافك .. بريقه يغص = لا تلومني لا قلت .. لا وا هجادي
لا يا بعد من غنّت .. الآآآآه والنص = وبنت البلاد .. اللي ترجّ البلادي
بحّر .. وناظر .. طالع .. وباوع .. وبص = بعيوني .. تلقى صورتك يا مرادي
من مثلك يرص الغلا داخلي رص=ما تسمح لفجوه .. بقلبي تنادي
لا غبت .. جا برد ٍ .. يقص العظم قص = وان جيت .. لا يا زين .. جو البرادي
ما تنبني بيوت .. الغلا .. ببيض الجص= ولا يكعي .. العذال .. حذف الهوادي
لذلك إسمع .. بعلنك للبشر نص = لو قلت أن الليل .. هالحين بادي
ذبحتني يا شين .. مالك سوى .. أصص=خلاص أنا ( فواز ) ماني ( مهادي )
........
&& إلى من يهمه الأمر &&
ضاق صدري والقصيد إستوالي =أرسلت فكري للجزيلات عسّاس
أرقى مع الجزلات في كل عالي=وأنقى ذهبها .. وأطيب الدر ّ والماس
أشيل حملي وأرتكي له لحالي=لو إن بعض همومها ماله قياس
عديت لأيام الزمن والليالي = أضحك لها !! .. لكن لفتني بالأتعاس
لو ( ماتــ/بــالي ) .. منـّـها .. ( ماتــبالي )=عزّاه يا .. بالي .. وانا اعرفك حساس
دنيا غريبه مالها أول وتالي =فيها من أصناف البشر .. ناس وأجناس
كم فيه .. غالي .. صار ماهو بغالي=وكم فيه .. قصر ٍ .. طاح وانهدّ للساس
وكم فيه .. طعنه بالظهر .. تشتكالي=واكبر دليل .. الرمح .. من يد جساس
وكم فيه .. مزن ٍ .. لاح لي بالخيالي =واصبح طشاشه .. ما يندّي بالأيباس
وكم فيه .. راس .. اصبح من العقل خالي=من هول .. ما شافت عيونه .. من أدناس
وكم فيه .. شيخ ٍ .. صار ماله ظلالي= ( والشِسْع نَعْــل ) يصير تاج ٍ على الراس
هذا زمان .. مجمعين .. الريالي =ماهو زمن .. سيف ٍ .. على قب الافراس
هذا الزمان .. الطيب .. ماله مجالي =لاصار جحدانك .. مثل .. شربة الكاس
ولا ضاعت .. الهقوه .. برجل ٍ موالي=رمعتك .. تضرب فيه .. باخماس واسداس
فيه تهقى .. مثل .. إمهقاة .. ( السّحالي) =ثم خيّب الهقوه . وعادت .. للافلاس
اقدى ( السديري ) يوم جاب المقالي =حزّة يسجلها .. بحبر ٍ وقرطاس
( لاخاب ظنـّـك بالرفيق الموالي=مالك مشاريه ٍ على باقي الناس )
لكن !!!.. ليا صارت حمولي .. ثقالي =إمن الرفيق !!! .. أصبر .. ولاني ببلاس
لو هو .. يدربيها .. سواة الجبالي=أصد عنـّـه .. وانتشي كل .. نسناس
أخاف .. لا يشمت بنا .. يا حلالي = أهل النفوس .. الشفح .. راعين الأطفاس
عزاي .. كيف ٍ من بكور .. الدلالي = لا قمت أفكر .. وأرشفه .. وأقعِد الراس
يفطن عليّـه .. بيت .. دايم فبالي=بيت .. ( اللميع ) .. اللي له الفهم نبراس
( الطيب .. ماله ضيعة ٍ .. بالرجالي=يضيع ..مابين .. الثعالب والابساس )
........
&& فـــــــوازويـــــــ ـه &&
صارت علوم الغلا .. مابين ليه ؟؟ .. وبين ليه ؟؟=ما همّني تشفيرة المعنى .. وكبر اللافته
أجي وأبيّن عشقي .. لأغلى من أغليته وأبيه =ماهي علوم.. السيّد الصحّاف .. مع صحافته
أبيّن العشق المخبّى .. داخل القلب النزيه =نزاهته من طهرها .. حتى ذنوبه خافته
جيته وانا شاعر .. يبي .. يظهر بعض مما لديه =بالمختصر .. ودّه فقط .. يظهر بعض ثقافته
إن كان تغريه الفصاحه .. في سوالف( سيبويه ) =أصير أكبر محترف فصحى .. من إحترافته
وأغيّر إسمي لجل عينه .. واكتبه ( فوازويه)= واصير له .. عالم نحو .. محد ٍ وصل وصافته
عشان حتّى لو يزل ّ بفصحته ..يوم آحكيه= أغمّض عيوني عن الزلّه .. وقولوا طافته
جيته وانا العاقل .. ولكن .. رحت ابو عقل ٍ سفيه = أثقل ليا منّه ثقل .. واطير مع لقافته
حبّه مكانه .. ما يبي له .. كيف ؟؟ .. ولا شلون ؟؟ .. ليه ؟؟= حبّه مثل حب العراق وعشقه إلرصافته
ومن يوم ما غنّت لنا فيروز .. ( بوّس لي عينيه ) =حسيت أنا بنعمة عيوني .. من بعد ما شافته
أحس كنّه لي شمال البوصله .. يستر عليه = من وين ما فرّيت قلبي .. يمّه إنعطافته
إليا وقف .. جنب القمر .. ضاع القمر .. كل ٍ نسيه = تضعف إضاءات القمر .. تصبح إضاءه خافته
مبلي من الله بلوة ٍ .. ما مثلها مبلي شبيه = باليه ربي .. في مجاعة خصره .. إبنحافته
يغريني .. في إسلوبه الهادي .. وبالطبع النبيه= وبرقّته .. وبطيبته .. وبعطفه .. ولطافته
إمن الهداوه .. والحلاوه .. والطراوه .. تعتريه =أحلا تقاسيم الدلع .. غنّت على رهافته
يذوب فيني سكّره .. واصير حالي وارتويه = حتّى ولو بي سكري .. نفسي أبد ما عافته
أحلا العسل .. والتوت .. واحلا موت .. عضّة شفتيه= أموت والله كانّي .. ما ذقت طعم كنافته
لا والله إلا الموت .. إن كانه ترجّاني أجيه = وعن ضمّته حالت .. مابيني وبينها .. مسافته
هذي علومي بالغلا .. لأغلا من أغليته وابيه = ماهي علوم .. السيّد الصحّاف .. مع صحافته
....
&& ماني أنا فواز .. ولاني زناتي &&
لا هان من يسمع يا ثامر ولا هنت=يا مسندي .. يا محزمي .. يا غناتي
جاني كلام وفي كلامك تمعنت=لا هان رجل ٍ بالحميّا يحاتي
لكن يابن عمي لو إنك تفطنت=فيني وتعرفني وتعرف صفاتي
دامي على درب الرجوله تمعدنت !!=صعب الذهب يصدى إذا صار ذاتي
لا مرّت الزينه معاها تهيجنت=وإن مرّت السيّه كما الريح عاتي
كم راس شيبته .. وكم راس جننت=يخسون .. ما يرمون عنّي عباتي
وأنا ابدوي ٍ بالبداوه تعربنت=وأسمى طبوع اليعربيّه سماتي
إن خوّن الخوّان .. وقفت ما خنت=وإن حاول يفرّق .. جمعت الشتاتي
والدين أردّه كان .. دولار .. أو سنت=وأسمى الفعايل هي خلاصة مناتي
صغير سن .. وقاسي العظم ما لنت=ركزة جبال طويق .. رمز لثباتي
رجيح عقل .. وللجزيله تمكنت=ماسك جزيل العلم .. مسكة عصاتي
وأكبر دليل إني بعقلي تفننت=إسمع ثلاث بيوت .. خذها وصاتي
آطا على خشم الشعر .. كاني أيقنت=إنه يسبب لي ردى .. في حياتي
وكان الرجوله صارت بذلّة البنت=يحرم علي إني لاخاشر خواتي
وكان الردى مسلم .. كفرت وتشيطنت=وكان أعلن بكفره .. أبعلن صلاتي
وأبي ليامن مت .. وكلي تطحّنت=يبقى الذكر موجود .. عقب المماتي
وأنا بكلامك يابن عمي تمعنت=وأسمع كلامي .. وأسمع الهرج آتي
إن كان جاك العلم .. إني أنا لنت=ماني أنا فواز .. ولاني زناتي
...
&& ســـــوا & موبــايـلـي &&
شفتها.. تطري علي الارض في وقت الربيع= أرويت منها فياض قلبي وامتلت مسايلي
وان جيتها.. مثل العنود إن ذيّرت كل القطيع =ظبي ٍ جفول ولا قدرت أصيده بحبايلي
وبمشيها .. نغمات بيتهوفن أبو الذوق الرفيع =لا قال يالله يالبيانو في يدي تمايلي
وبفراقها .. حزني حزن شالح على آخوه الفديع=العين تبرق لين دمعي هلّته مخايلي
وان اقبلت لي .. كل ما في دربي بأرضي يضيع=تنحاس موجات إتصالي .. وتنعمس رسايلي
وان سلهمت لي .. ذبت .. لا ما ذبت .. لا والله أميع=أفقد إجابات السؤال .. وماعرف دلايلي
مدري رضاعتها حلا .. ولا الحلا معها رضيع = يعني سلالتها حلا .. وانا الشعر سلايلي
شاعر .. وابوصفها وصوف ٍ عدّت الوصف البديع=شاعر مفكّر .. يكفي يكتب آخر إسمه .. وايلي
ما اسومها .. وابشتريها .. لو أرى العالم تبيع=دام الوفا .. يطغى على طبعي .. وعلى خصايلي
لكنّ وشّوله علي تشره .. اذا وقتي فضيع!!=اللي يغثونه .. (سوا) .. يشره على .. (موبايلي) ؟!!
والله لو بيدي .. لصير الدرع .. والسد المنيع =وانا كلامي تثبته .. ياخر غلا فعايلي
قربك دفا .. والبعد منك .. يا بعد عمري صقيع=قربك وبعدك .. في يديهم .. أمني وهوايلي
لو تدري عن سكّرك خلق الله أقل ما تستطيع !!=مقاطعة تمر الحسا .. والحِقْه تمر ٍ حايلي
.....
&& احيا بحبك ولا انا فحبك آمووووت !!! &&
من يـوم شفتـك أرهـق الفكـر شييـن
أحيا بحبـك ولا انـا فحبـك آمـوت !!
حيرتنـي واشعلـت بالفـكـر نـاريـن
نار الغلا ونـار ٍ بهـا الشـوق مكبـوت
همـي طوانـي واسهـر الليـل ليلـيـن
ولبست انا همي مثل مـا البـس الكـوت
جيتك بقـول اللـي شغـل بالـي سنيـن
واشكيلـك همـوم ٍ رمتـنـي بتـابـوت
اسمـع كلامـي يالغـلا وافهمـه زيــن
الصـوت ماينفـع ليـا فاتـه الـفـوت
تعـال افسـر لـك غـلايـه وبعـديـن
تفهـم معانـي هـرج قلتـه ومثـبـوت
بنيت لك سـور ٍ كمـا السـور بالصيـن
وسط الحشا وفي داخـل القلـب منحـوت
يا احلى من اعذب صوت واترف من اللين
حبـك تغلغـل داخـل الجـوف ويفـوت
يا اغلى من اغلى شي وازين من الزيـن
لامـاس..لا لولـو..ولا انتـي بياقـوت
لاوا عذابـي كـل مـا قـالـت اهلـيـن
ويا تل قلبـي كـل مـا جـرت الصـوت
يقطف من خدودك ثمـر شجـرة التيـن
وبشفتـك نلقابـهـا حـمـرة الـتـوت
جوري على الخديـن ومريوشـة العيـن
طاغـي جمالـك والحـلا فيـك طاغـوت
وان شفت عينـك سيـف لكـن بحديـن
من غير سيفـك مثلـي مايقبـل المـوت
دامي من رجـال ٍ علـى العـز عجليـن
شيوخ سيـف وماهـي بشيخـة بشـوت
رميتنـي بشلفـاك وبالصـدر رمحـيـن
كنـي قتيـل بمعركـة عيـن جـالـوت
خسارتـي ويــاك تحـسـب بثنتـيـن
ياللـي لعبـت بحسبتـي لعـب بيلـوت
يفداك شعري والقلم يـا اريـش العيـن
كل حرف..وكـل كلمه..وتفـداك البيـوت
وللحيـن انـا محتـار مابيـن شيـيـن
أحيا بحبـك ولا انـا فحبـك آمـوت !!!
...
&& انا بالشعر لي هيبه تضاهي هتلر الألمان &&
سلام الله على اهل الشعر واهل القاف والالحان
سلام ٍ يلفح بمسكـه جميـع الشعـر والحانـه
سلام ٍ ريحته منها يفـوح العطـر والريحـان
يصوغه هاجسي لاهل الشعر مع كـل أعوانـه
وعلى مبدى كلام الحق أببدى هرجي المليـان
كلام ٍ وجهـه رجـل ٍ كـلام الحـق نيشانـه
انا جيت الشعر سيّد وانا اسمي ( سيّد القيفان )
ولاني جاي ابا اتعلم بحور الشعـر واوزانـه
انا جيت الشعر أعطي ولاني للشعـر جيعـان
ليامن صاروا اهل الشعر اكثر نـاس جيعانـه
انا شاعر ولي كلمه ولي معنى ولـي اعـوان
لو اني بس اطق اصبع تجيني ألـف شيطانـه
جنون الشعر اسخّرها واركّدها علـى ميـزان
وترجح كفّتي دايـم ولا لـي نفـس عطشانـه
انا بحر ٍ من بحور الشعـر لكـن بـلا قيعـان
ولامن هاجت امواجي يضيع الكـون باكوانـه
انا بالشعر لي قدري وأُعرف به رفيـع الشـان
وجميع الناس معترفه وتعرف قـدري وشانـه
انا لاهل الشعر معروف وكل ٍ شافنـي نيشـان
وحرفي من ذهب صغته وجاك الحرف بالوانه
عجب كانك تشب النار وتبغى تحرق البركـان
وتعرف شاعر ٍ مثلي يثـور الشعـر بركانـه
انا بالشعر لي هيبه تضاهـي هتلـر الألمـان
ليامـن وقّـف ولـوّح وصـوّت بيـن ألمانـه
اقول الشعر واصوغه ولاني بالشعـر بلشـان
واذا ما صغت انا حرفي يضيع الشعر وقيفانـه
انا كافي يطب اسمي يزعزع ساحـة الميـدان
اجل وشلون اذا اسمي يصير الشعـر ميدانـه
انا اسمي بالوغا دايم يزعزع سيّـد الشجعـان
ليا ثـار الشعـر دخـان وزاد الشـر دخانـه
انا ربـي خلقنـي للشعـر قايـد ولـه ربّـان
وهبني وهبـة ٍ منّـه عظيـم الشـان سبحانـه
وترى ما كـل بـاب ٍ ينفتـح يتسكّـر ابيبـان
وانا قد الكلام اللـي اقـول ومسـرج عنانـه
يبي يرضى يبي يزعل يصك براسه الجـدران
انا ما همني واحـد يغـث الشعـر وازمانـه
وانا راضي على نفسي وواثق والثقـه عنـوان
وابي كل ٍ يشوف اللي كتبتـه واعلـن اعلانـه
وماد اني انا شاعر ولي كلمـه ولـي اعـوان
اخاف أني اطق اصبع تجـرّك ألـف شيطانـه
.....
&& من قولته ( أهلين ) .. لا.. ( بي بايته ) &&
ليا وجودي وجد من كٍسرت عصاه=شايب عمى ماله سوى عصايته
وليا وجودي وجد من شاف إخوياه= من عقب عوجات السنين الفايته
وجدي على اللي يوم أنادي قال هاه !!= عنده .. تقشّف بالحكي .. وروايته
لبيه يا صوته .. ملكني في حلاه= من قولته ( أهلين ) .. لا .. ( بي بايته)
ياخبل جواله وهو يوحي صداه= إن كان ماهو ذايب ٍبحكايته
من زود.. غنجه .. والترف .. لا قال آه = إيذوب قلبي .. والصّور بمرايته
ثورة حلاته تبهر اللي قد رئاه = سبحان ربي .. فيه.. جسّد آيته
حسنه مثير وما تصنّع في صباه = كن الدلع طفل ٍ تحت تربايته
غنّت مواويل الدلع سيرة إخطاه =يوم إن طقّات الكعب تسلايته
غنّا وأنا أكثر واحد ٍ يعشق غناه=لبا الحروف اللي حَوَت غنّايته
مثل المليك ودايم أبحث عن رضاه=بايعت له قِدْم الملا بولايته
جاني .. وأنا أتحمل عواقب ما جناه =خلوه يظلمني بحكم إجنايته
يخطي .. وانا اللي دايم أتحمل خطاه =كنّه قلم شخبط .. وأنا محايته
طالب غبي .. مع غيره .. وزايد غباه = لكن معاه .. أشطر ولد بقرايته
أحب ناره .. وآتلذذ في سناه =حتى ولو تعذيب قلبي غايته
القوس شدّه .. والسهم بيده .. رماه=نيشان قلبي .. صوّبه برمايته
ما كنّي إلا طير حر ٍ في سماه = أطير وازقح .. ما بلغت إنهايته
أموت واحيا .. في حلاه .. وفي حياه=وأقطع لسان اللي يجيب وشايته
يفداه كل الكون .. وكل اللي حواه = وتفداه كل أهل الوجيه الهايته
وأروح فدوة صوته .. وفدوة حلاه = من قولته ( أهلين ) .. لا.. ( بي بايته)
....
( إنتهيــــــنا ) &&
لحظه ولحظه .. إيش قلت ؟ ( إنتهينا) ؟؟=من هو عطاك الحق تنهي الحكايه
ما تدري إنا توّنا إبتدينا=تو الحكايه توها بالبدايه
لا تقول لي تمزح .. وتضحك علينا!!=المزح في أمر ٍ كهذا جنايه
مجني عليّه وأنت منك إش جنينا ؟=يا صاحبي ما شفت منّك عنايه
بس ليش ننسى يالغضي ما كلينا!!=وأنت تعرفني واتعرف مستوايه
الزير قلبه قاسي وما يلينا=وأنا حفيد الزير هذا بلايه!!
لا جيتني مفرّع عسى الله يعينا=وإن جيت بلثامك ولابس عبايه
أيقنت إن الموت حق ويقينا=وإنك مبين الناس للزين آيه
مثبّت ٍ باغلال قفلك يدينا=ومن الجواره قلت أطلق يدايه
تضرب وتبكي .. تسبق وتشتكينا=ياخي كفايه شوفني كيف تايه
لاغبت قلبي صار صحراء سينا=وبقربك أصبح حاكم ٍ للولايه
كم مرة ٍ عنّك سوالف حكينا= وأغار حتى من كلام أصدقايه
لو أروي القصه .. ومثلاً روينا ؟ = يعجر رواة الكون حصر الروايه
شاعرك صار أسطورة العاشقينا=ركزت لي في كل مرقاب رايه
يحفظك ربي عن كلام اللعينا=اللي تمرّس في علوم الوشايه
حكمة أرسطو مالها حل فينا=لا صار سقراط إبتلش بالنهايه
كأن ربي قد عطاك جبينا= يَشِع نوراً قد أضاء سمايه
وصيت قلبك بس لو تحتوينا=أرجوك لا تنسى حقوق الوصايه
نروي ضماك ومنك لا مارتوينا=يا ماخذ التعذيب فيني هوايه
أبضرب اليسرى بكف اليمينا=وآبتحسّر كان منت بمعايه
وما عاد أبسمع منك قول (إنتهينا)=لاني أحبك لين (مالا نهايه)
.....
&& إتــســونامي &&
أبستفز البيت والقافيه=وانعش قصيدي بالحروف الحيه
.
واركب شياطيني قبل تركبني=واعسف شياطيني مع الجنيه
.
شاعر واقدّر هاجسي والفكره=لي منهجيه مستقله فيه
.
ما همني شهره وقولة شاعر= طموحي أرضي روحي الشعريه
.
بحر ٍ غزير ولا تصافق موجي = يضيع منهو ناوي ٍ لي نيه
.
زلزال شعري كنّه إتسونامي= هز البشر والكوره الأرضيه
.
مهما أكن سلبي أنا إيجابي=من منطق إيجابية السلبيه
.
مزحي تشوفه تحسب إنه جدي=وشلون لو وريتك الجديه ؟!!
.
يعني لو إنه بوش طاح بيدّي=مافكته قوات ٍ أمريكيه
.
إن فزّع ربوعه أفزّع ربعي=ربعي هل الحرب وهل الدحيه
.
ضارين للدحّات واسأل كسرى=يوم الأميره جاتنا مبليه
.
من لابة ٍ باسم الظفر معروفه=محنا بلعبة طاق يا طاقيه
.
ومافيه داع إني أوضّح أكثر=دام المعزّه والوفى ماريه
.
وللحين ماخشيت في موضوعي=هذا فقط تعريف بالشخصيه
.
موضوعي نقطه سبّبت في ضعفي=نقطه ولكن تعتبر فعليه
.
هذاك لامن بس نادوا باسمه=فزّيت كن بي أزمة ٍ قلبيه
.
لاشفت كيف الزين به متعنصر=تطري عليّ الثوره القوميه
.
به منهجية هتلر المتغطرس=وبه فلسفة أرسطو الفكريه
.
إليا تكلم في كلامه بارع=مثل إمتحدث في جهه رسميه
.
أموت وأحيا بس أسمع صوته=وأذوب مع بحّاته الصوتيه
.
من عطره إستخلاص ريح الجوري=يعني بدونه ما بقت جوريه
.
إن كان سوّى ( هه ) بس بشاله=سوق العطور ايطيح للربيه
.
الورد كلّه يتضح بشفاته=لبّا هذيك الشفّه الورديه
.
الليل لونه يرتوي من عينه=فديت لون عيونه الحَوريه
.
شعره مفاهيم الشموخ الذاتي=يبين مع وقفاته السحريه
.
من نور وجهه ما قدرت أشوفه=لازم معي نظارة ٍ شمسيه
.
حكم ٍ حكمني فيه مدري شلونه؟!=لاهو بشرع ولا ديموقراطيه
.
مجنون فيني وايتحلّف فيني=والله لتبطي تنطر الحريه
.
أحفيت رجلي بس في حارتهم =من كثر روحاتي وكثر الجيه
.
وان كان صوّت يا غلاي إقرب لي=هاتو لي الإسعاف والدوريه
.........
&& الأُذنُ تَعْشَقْ قَبْلَ العَينُ أحْيَاناً &&
(الأُذنُ تَعْشَقْ قَبْلَ العَينُ أحْيَاناً ) وانا هالحين =صدقّت منهو قالها والحب بالقلب إبتدى
صوتك .. صدى إحساس ينبض كيف كلمة ( عاشقين )=يعني تواصل بين نبض القلب وحدود الصدى
صوتك .. توحّد للمشاعر بين نبض .. وبين عين =يعني .. تحوّل صوتك لنبض .. وتكوّن لي مدى
صوتك .. يمثّل لي ضياعي في خطوط الراحتين=تلقاني أنت .. ومن يدورني ؟ .. يقول أبكم غدى
صم الجبال الشاهقه لو توحي لصوتك تلين =وشلون أجل في حالتي ؟ .. مالي على الدعوى جدى
تايه .. وضايع فيك .. مغرم .. وأنت سيد العارفين =إن السبب سيف الهوى يومه على القلب إعتدى
تعبت وآنا آدوّرك ليمن لقيتك يالحنين =وأنا أحمد الله يوم جهدي فيك ما روّح سدى
دام المحبه بيني وبينك غدت شي ٍ ثمين =يموت ما يقدر يشكك في غلاي إبن الردى
أنا أعشقك .. من أخمص أقدامك .. إلى حد الجبين =وأغوص في أبحر غرامك .. إخذني كلي فدى
وأنا أببقالك ذهب .. دامك ذهب في كل حين=لن الذهب يا صاحبي ما يلمس أطرافه صدى
حسن الجمال اليوسفي مع طلّتك له طلّتين=يا طلّة البدر المنير اللي لنا نوره هدى
لبيك .. ثم لبّا الخدود اللي تقل تفاحتين =ولبّا حَمار الوجنه اللي .. لون رمّان إرتدى
صر لي مثل ورده تفتّح بالصباح .. وقول زين =وأصير أنا كنّي أراضي تنتظر ( قطر الندى )
الموت .. والتابوت .. والحزن .. وهمومي .. والأنين = أقدر بأني آتساهل بامرها لكن عدى !!
إني أفارق غرّتك يابو جبين ٍ لو يبين =في ليل دامس .. شق نور الصبح والليل إنحدى
جزاك مقدر أوصله خلّك على عرف ويقين =أبقى مثل ذاك الغريب اللي على يديك إهتدى
وأبقى سنادك لو يجور الوقت وتعوج السنين= وأنا بجنبك كل ما ناديت لبيت الندى
لكنّي أخشى زمرة الحسّاد وعيون اللعين =اللي رفض باسم الله يسمي عليك وما إقتدى
لكن مدام إني ( أحبك ) وإنكتبنا ( عاشقين )=يموت ما يقدر يشكك في غلاي إبن الردى
ومدام إذني تعشقك . من قبل أشوفك يالحنين =شفتك .. وحبك .. ( صوت مع صوره ) بقلبي إبتدى
........
&& ماكل من دخن يدخن لاجل كيف ؟&&
جانا الشتا وأعلن هجومه على الصيف=والصيف راح ومقفي ٍ بابتعاده
والليل طال وقرّبي يالسواليف=مدام ليلي حالك ٍ في سواده
والنار شبّت بالضلوع المعاكيف=نار ٍ حطبها ما يورّث سماده
للهرج عندي يالنشاما تعاريف=والعاقل اللي يفتهم في مراده
إعرف قبل لا تمسك بيدّك السيف=أما الظفر ولا حياة القراده
الرجل فعله يتّضح بالمواقيف=والطير فعله يتضح من هداده
وما اشره على (عرعر) بزلة هل (طريف)=كل ٍ حسب دينه يحصّل سداده
ومدام (نايف) حش في غيبة (منيف)=وش يفرقه عن حش (نوره) بــ (غاده)؟؟
الهرج لامنه بدى فيه تحريف=كنّه بيالة شاي مرّه وساده
قول الحقيقه للرجل زود تشريف=والكذب خيبه هدّم الله عماده
وما كل شي ٍ له سبب واضح ٍ شيف=بعض السوايا كل ابوها زياده
تعال أبضرب لك مثل فيه توصيف=أبسط مثال وبعتبرها شهاده
ماكل من دخن يدخن لاجل كيف !!=بعض البشر تدخينهم بس عاده
وإن طحت في خوّة خبول ٍ ملاقيف=عز الله إنك محري ٍ بالنقاده
لا حشّمو مجلس ولا قدّرو ضيف=ما عندهم غير الكلك والرباده
وباقي معي كلمه تعم السواليف=كلمه من القايد تخص القياده
عذر القوي لامن شكى طقت إضعيف=عذر البعير إليا شكى من قراده
.....
&& بـــرلمـــان الـــقـــلـــب &&
أناأُطالب برلمان القلب تحديد المصير=روحي إجمعي نوّاب قلبك ثم بعدين اطلبي
روحي إجمعي نبضك وشريانك ورى الضلع القصير=وقلبك رئيس الجلسه وشوفيه ويش اللي يبي ؟
واتخذوا آراكم وثم أعطوني الراي الأخير=خلاص أنا ما عدت أطيق .. أما بلا .. ولا ارحبي
أنا أبدلي بالشهاده كيف ما صارت تصير=واخلّي الدعوى تصير أما حبي .. ولا دبي
بقول كل اللي أعرفه عنك يا وجه العبير=وان العطور اصورّ منّك يا غلاي ومكسبي
منتي قصيده قلتها أشكي من الوضع المرير=ومنتي قصيده قلتها من شان أكشّخ مكتبي
أنتي قصيده غير .. فعلاً لنّك أنتي غير غير=لاجيت أبكتبها أشب النار وآزيد إحطبي
ما قالها ذاك الفرزدق .. لا .. ولا مرّت جرير=ولا شواعير الثراث اليعربي والأجنبي
وما قالها أخطل صغير .. ولو طلع أخطل كبير!!=ماهمني بالشعر انا اتعب 1500 صبي
أشيل حمل جمال ماني بشايل ٍ حمل البعير=لجل عيون اللي لها نظرات تسبيني سبي
في هجرها .. أسير حافي من على الرمضا أسير=والشمس فوقي .. والعجاج يحوفني زاد تعبي
وفي وصلها .. كني على أطراف ضفّات الغدير=أشرب من الما وارتوي .. وانسى عذاب معذّبي
وبغيابها .. كني عصاة شويّب ٍ مبطي ضرير=مغير يكمخ بي من الجدران موّت لي عصبي
وحظورها.. مثل البشاره من بعد عودة أسير=بعيون أمه لا حضنها وقال يالروح إقربي
أحلم بها مثل الغنى بعيون رجال ٍ فقير=وأحلم بها حلم العقيم إن شاف له طفل يحبي
أنا أبيها لو على خبزه وتفرش لي حصير=وش ليّه بحمر النعم عندي هواي ومشربي
من فمّها شهد ٍ مصفّى والشعر مثل الحرير=جفول محد ٍ ناشها تجفل مثل طبع الظبي
لا من مشت كل الورود إتموت من حسن ٍ يُثير=إتموت غيره من حدود الشرق .. لين المغربي
لو تطلب إني آتنازل عن ذكائي .. قلت خير =أبا آتغابا لجل خاطرها واصير أغبى غبي
الحب ما يعرف صغير وما عرف يحشم كبير= متساوي ٍ بالحب قدر العبد والحر الأبي
والحين كانك ما اقتنعتي .. ما ابي كل المصير=وإذا اقتنعتي .. أقدر آقول ابجراءه (اطلبي)
.......
&& مشـــكــــ حرف السين ـــــلة &&
أمس المسا أمسيـت ممسـي بلانـاس
وامسى نسيم ٍ يهمس بنسمتـه همـس
وسمعت حس ٍ سلّم بهمس واحسـاس
واسعد مسايه والمسـا كسّـر العمـس
يسعد مسا الاحساس يا سحر الالمـاس
ألبستني سحر ٍ لبس والتمـس لمـس
لابس حسن من راسك لساسك السـاس
والحسن يسبقه السنع وانغمس غمـس
حسنك سما مع ساريات السمـا حـاس
واحتست مع حوسة سماك بسما الشمس
حسنك سلب واستيسر وحاس هوجـاس
وعومستني بسيـرة سواليفنـا أمـس
ما تنّسي لو ينسن خمـس الاحسـاس
منساك يا سالب حواسيسـي الخمـس
منساك لو ينسى المسا أُنـس نسنـاس
ومنساك لو انسى السواليف والرمـس
ومنساك لو ينسى الوساويـس خنّـاس
ومنساك لو يطمس سنا شمسنا طمـس
وسمعت حسّك سلم بهمـس وانعـاس
واسعد مسايه والمسـا كسّـر العمـس
.....
&& أنـــا إرهــــــــــــابي &&
أنـا ودي فقـط إنـي أمـارس حـق دستـوري
لأنـي صارلـي مـده وأنـا متمالـك أعصابـي
فقدت الصبر أبي ثوره تشكـل حزبـي الثـوري
وأعلـن عـن قيـام المعركـه وأجهّـز أنيابـي
أبطغى فوق دكتاتـور حكمـه حكـم جمهـوري
أبا سـوّي إنقلابـات وبصيـر لحكمـه إرهابـي
أبا فجّر وأبا دمّر وأحوس أرضه علـى بحـوري
بخربهـا وأبعميهـا وأصيـر المجـرم الهـابـي
سكتنا لإحتلالـه يـوم حلحـل عقـدة شعـوري
تخيّل !! يجمـع جيوشـه عليّـه ويتعزوابـي ؟!!
ولكني ليا شفتـه وشفـت القصـر الأسطـوري
رفعـت الرايـه أعلـن بالـولاء لسيّـد أحبابـي
وأخذت أناشـد الدنيـا بسـلام ٍ غيـر منظـوري
عن الحرب وخلافات الشعوب .. وعندي أسبابي ؟
هذاك الوجه لا شفتـه عرفـت بفتنـة عصـوري
فديت النظره بعينـه إلـى مـن صـار متصابـي
فديته بسمة الدنيـا إلـى مـن زاد بـي جـوري
فديته من سكن فينـي وصـك بوجهـي أبوابـي
فديته كـان طاوعنـي أو إنـه طنّـش بشـوري
فديتـه لافهـم قصـدي أو إنـه صـار متغابـي
فديته .. ثم فديته .. ثم فديتـه .. كلمـه بـزوري
رقت تطلع على لسانـي وأدونهـا علـى كتابـي
عجيب !! إن صارت العله سبب أفعال دكتـوري
والأعجب !! إنه بيزعل على لحظه مـن غيابـي
ألا يا حظي من شاعر مدامـه صـار جمهـوري
مدامـه وجّـه بوجهـي لشـرق وثـم صلابـي
ألا يا خلطة المسـك .. وألا يـا وردة الجـوري
وألا يا بهجة الدنيـا .. وألا يـا مالـك إعجابـي
وألا يا ثمرة سنيني .. وألا يـا أجمـل شهـوري
وألا يا ماخذ ٍ قلبـي لـو إنـي بيـن أصحابـي
أنا ( شو بحبك بتدحك ) بقولـة وائـل كفـوري
واحبك ( ضاحك الثغر ) بقولة شاعـر أعرابـي
أموت بكل كلماته سـواءا (هـاي) أو (سـوري)
وألا يا ويل حالـي ويـل لامـن قالّـي (مابـي)
قبل ضايع مع الطوشه عرفت ألحيـن وش دوري
بحطه داخـل عيونـي وأغطـي فوقـه أهدابـي
أنـا لاشفـت هالطلـه يـزوّد نورهـا نــوري
لو إني إيش أبا وصّف يطول الهـرج وإسهابـي
وأنا هالحين مـا ودي أمـارس حـق دستـوري
لأنه أفرج بحكمـه علـي ( ومانـي إرهابـي )
.....
&& إنكســـــــار الضــــــــــوء &&
أبتّقي شرّك مدامي بالهوى محسن إليك=دامي إنتشلتك يا حبيبي من دهاليز الضياع
وعلمتك إن الكون فيه اللي يبيك وما يبيك=وعلمتك إن الكون زايل وإن هالدنيا متاع
وعلمتك إن الدمع ماهو علة ٍ من مقلتيك=الدمع هو جرح الشعور بقلب حسّاس الطباع
وعلمتك إني بعت كل الكون ( لحظة أشتريك )=وعلمتك إن أصعب مواقيف الهوى ( لحظة وداع )
وعلمتك إن الطيش قد أحكم بإغلاقه عليك =وعلمتك إن الموت أهون من إهانه للشجاع
وعلمتني كيف أشتكيلك .. كيف أنا منك أشتكيك !!؟=يعني إبساطه أحتكم للقلب في فضّ النزاع
وعلمتني كيف أعشقك .. واحياك .. ثم آموت فيك=دامك ركزت بمركبي يا صاحبي مثل الشراع
تعال واجمعني غلا واحضن يديني في يديك=يا اجمل وأنقى من وطا هالارض في كل البقاع
موطأ قدمك بأرض حبّي .. كل موطأ يهتويك=ويبقى أثرك بكل شبر ٍ بارضنا ولا ذراع
نظرة عيونك ينتشربي سحرها لحظة أجيك=مثل إنكسار الضوء عقبه ينتشر كل الشعاع
تعال أبروي هالضما يا مهجتي من شفّتيك=ويبقى على مر العصور الماء ماله أي داع
أيوووه لا خليتني مابين ذيك وبين ذيك=أفقد شعوري وارتفع بين السما ومابين قاع
خذني والبّي أمرك السامي عليّه يالمليك=يامن لغيرك ما رضيت أقبل بذرّة إنصياع
(كيْفَ السبيلْ ) إنّا انتواصل دُلني كي أحتويك=(يامن هواه ْ أعزّهُ واذلني ) وامره مطاع
ياللي مسحت الذاكره خليت لي كلمة ( أبيك ) =أبيك .. أبيك .. ابيك .. أبيك .. بوسط دمي للنخاع
لاشفت تفصيلة قوامك مع تسلهم ناظريك=أتووووه وآغني على أيّووووه يا عيون ٍ وساع
مشيت غنجك المترفه توحي بأنك أنت ( شِيك )=تعال أبشبع ناظريّه دام أنا عيوني جياع
ياللي ذبحت الورد .. دمه يتضح في وجنتيك=توّي عرفت إنك شرس واشرس من أطباع السباع
أنا اعشقك حتى الثماله وأستحاله أرتويك=شفني تجرعتك غلا وأكره معاك الإمتناع
عرفت انا كيف ابتدي بك .. بس معرف أنتهيك=بعدك سقوط لحبّي وقربك سياده وارتفاع
وأرجع أقول الدمع ماهو علة ٍ في مقلتيك=الدمع هو جرح الشعور بقلب حسّاس الطباع
عرفت ليش أبتّقي شرّك وانا محسن إليك ؟=لنّي إنتشلتك من ضياع .. وطحت في نفس الضياع
.......
&& فلسفة شاعر &&
شوف الحرار .. يعلّمك .. وشلون فن الإرتقاء=والإرتقا .. ماهو سهل .. لكنّ لا تستصعبه
لان الذكي .. يعرف متاهات الزمن .. وقت البقاء=لا صار زاده ما يكفّي .. والأراضي مجدبه
والإنتصاب .. يذكّرك وشلون قهر .. الإنحناء=وشلون ياخذ من حقوقه .. غصب عنّه يسلبه
وما تنعرف .. لحظة وداعه .. لولا لحظات اللقاء=ولولا وجود المال .. ما شفنا الشقى في مطلبه
والماء .. منهو يمسكه ؟؟ .. لو ما تبنّاه .. الوعاء=ما كان شفت أحد ٍ .. يصب الما .. والآخر يشربه
وكل شي .. وله ابدايه .. مثل ماله إنتهاء=مثل الدرج .. مهما علا .. ملزوم يبدى .. بعتبه
وأنا اشوف .. إن الخشب نبني من أجزاءه .. بناء=بس الغبي .. وأهل الجهل .. تفكيرهم .. كسر خشبه
شاعر وعندي فلسفه .. تبهر عقول الحكماء=توّي صغير السن .. لكن .. شايب ٍ مس شنبه
شاعر ٍ .. خلّا القوافي .. تنحني لا قال .. لاء=ولا تكلّم .. أنصتت .. جمهور يسمع مطربه
والكذب .. كلن يمقته .. لكن بقول .. الشعراء=أن الشّعر .. لازاد كذبك فيه .. يطلع أعذبه
وأنا بزيد الكذب .. لجل عيون .. من صبحه .. مساء =كان صبّح والشعر .. مفلول .. ليل ٍ يقلبه
حدة نظره المسرفه .. تكسر شموخ .. الكبرياء=إلا شموخي بالهوى .. ما تكسره .. بس تكسبه
وأنا معاه .. أكيد بستخدم .. سياسة إحتواء =لان القضايا .. ما تحل .. ابدون محور .. تقضبه
لانه قضيه مبهمه .. بين البراءه .. والدهاء=وجهه بريء .. ونظرة عيونه .. دواهي مذنبه
هو تنفّاس الحشى .. وهو منبع .. أسرار الهواء=وفوق متنه منحني .. راس الظلام .. ومنكبه
وكان إلتفت .. شفت الرموش الناعسات .. أم الغطاء =أم الغطاء .. المخملي .. اللي أبوصف وأكتبه
ما كنّه إلا .. بشت ٍ أسود .. من بشوت الأمراء=ولا لوزير ٍ .. بالوزارة .. قد تعلّا منصبه
وشفت الغيوم .. شلون تلعب .. في وسط صدر السماء =وفطّن عليّ .. شلون حبك .. في حشايه .. ملعبه
........
&& الشانزليزيه &&
لبيه من فمّك لها طعم ثاني=محلاك يا عمري ومحلاة لبيه
لا قلتها شي ٍ هنا بالمحاني =يطير يمّك دون محد ٍ يناديه
رميت بشت الحزن يوم إرتداني=ولبست بشت من الفرح أنت مهديه
إسمك على شفاتي وحفّة لساني=مغير أتمتم بالحروف ومعانيه
قلبي لك العالم من أقصى وداني=من غرب شيكاغو إلى الصين تايبيه
ومصيافك بقلبي وعليك المكاني=وانصحك تختارين بالشانزليزيه
وش يعني إن سهيل نجم ٍ يماني ؟=ونورك ضوى من فوق نور ٍ يضوّيه
ما كنّك إلا قطعة ٍ من كياني=وما كنّي إلا قطعة ٍ منّه وفيه
لا قالّي .. أبشر .. وإذا قال ماني=وإن قالّي .. لأه .. وإذا قالّي إيه
لو قال مهما قال ومهما جفاني=عندي سوا يا ناس أنا اللي مخليه
خلوه ياخذ راحته لا يعاني =أخاف حتّى الورد يقدر يأذّيه
أنا أبتليت ويوم ربّي بلاني=بزر ٍ على دروب الهوى قمت أربيه
أعطي .. ويقول ابخيل .. لا ما عطاني=ياخذ .. ولامنّه خذا .. قال ماابيه
يلعب على أعصابي وفيني أناني= ما يرضى أي إنسان غيره أحاكيه
أدهشني إسلوبه وزوّد جناني= عن عمد يخطي .. وردّه بقولة أمبيه !!
أستغرب إنّه كيف مني خذاني؟=كيف؟ .. ومتى؟ .. وشلون؟ .. أردفهن بليه؟
هو ما خذاني بس إلا إحتواني =أبو الكلام العذب لا فضّ من فيه
لبسه .. وذوقه .. شعره الأقحواني=رمشه .. إليا سلهم وقام يرخيه
شفاته .. إليا عضّهاإكتواني=يا ناس .. كن الله من الشهد مسقيه
إليا تخطّى فيه خطاه إتزاني=مثل الحمام إليا درج في تخطيه
الورد يخجل لا خذاه وعطاني =حتّى الخجل تحمرّ منّه وجنتيه
قيصر بنى للرّوم عرش ومباني=وعرشك أقص إيدي إذا طاق يبنيه
وللحين أنا عالم من أقصى وداني=من غرب شيكاغو إلى الصين تايبيه
ومصيافك بقلبي وعليك المكاني=وأنصحك تختارين بالشانزليزيه
.....
&& بورصة العشاق &&
مؤشر حبك بقلبي مقفّل نسبته تقفيل=وأنا اطلب منّك زيادة محبه فوق راس المال
لأن أسهم غلاك أشبه بأسهم مالها تمثيل=تعدت حدها المطلوب لـ حتى موعد الإقفال
لو أطرح أسهمك بالسوق؟ علّت سوقهم تعليل=وخلّت كل هالعالم تسابق لأسهمك بخبال
يشوفونك كذا تطلع ولا أنت بعارف التنزيل=طلوعك فوق يغريهم ولكن صعب ما تنّال
طلوع أسهم .. نزول أسهم .. سهمك مايبي تعديل=ثبت ومؤشره أخضر وحاله دوم عال العال
تعدى الراجحي .. وسابك .. مع الصحرى .. تعدى حيل=ولا سهم البلاد اللي تخطف خشم الألف ريال
ولا الكهرب .. وصاوفولا .. ولا مكيرش .. ولا التمويل=ولا سدافكو .. وزراعيه .. وحديد .. وغيرهن أشكال
أنا أول مكتتب سجل بقلبك حزة التسجيل=وقفّل عقبي التسجيل وهمّلت البشر إهمال
وهالحينه بعد ما قفّل التسجيل والتبديل=تعالي بوصفك وصفك بعد ما أعلنوا إقفال
هلا يا نفحة الغربي على شط البحر والنيل=هلا يا ريحة الجوري هلا ياغيم فوق جبال
هلابك كثر ما أتقلب على جمر الغضى بالليل =هلا يا صوت أبو نوره ليامن جرّها موال
تميل بمشيتك والكون شاف خطاك وصار يميل=وملت ومالت وملنا ومال الكون كلّه مال
تحط الحب في قلبي وتحط من الغلا وتشيل=وأنا فاتح فمي ساهي أناظر كيف حط وشال!!
ليامن غبت أنا قلبي مثل زرع ٍ غشاه السيل=عروق القلب شلّعها غيابك كل عرق لحال
أشوفك صوت .. وأتسمّع صدى صوتك أنا (بدربيل)=وصلت لمرحله عقبك أشوف الصوت مثل أزوال
جنون .. وهلوسه قامت تراودني يا ويلي ويل = وش الحيله ؟ وش الدبره ؟ وأنا وحدي بليال طوال
أحبك كثر ما يتعب أخو بدوه لحكر الهيل=وأحبك كثر ما يعشق ابن بطوطه الترحال
أنا لشفاتك الضحكه .. وأنا لدموعك المنديل=وأنا لجروحك البلسم .. وأنا لوقوفك الأطلال
ومؤشر حبك وأسهم غلاك مقفّله تقفيل=وأنا للحين أبي منك محبه فوق راس المال
........
&& انا ازيد جنون كانك تماديت &&
وين انت غايب عننا يا هوى الروح=ياللي مكانك داخلي لو تخليت
تخذلني دموعي وبالدمع مفضوح=ودمعي سواة السيل حدّر وهليت
في داخلي حرب وسكاكين وجروح=تفتل بشرياني وتنقض ومليت
وان شفت لي وسط السما خافق يلوح=فزيت وارقب وآتحرى وناديت
ناديت ليل ٍ انسحب واعلن نزوح=ورحت ورجعت وروحتي مثل ماجيت
جرحت قلبي وابتدى فيه ساموح=وقمت آتذكر وش جرى يوم مريت
يا ريحة الريحان مع عطر ٍ يفوح=يبري جروح ٍ بالحشا منهن ازريت
انا فدا لعيونك اللي بهن بوح=وشعري بعد فدوه لهن بيت مع بيت
شرّعت لك باب الصدر باب مفتوح=لكن على حدب المحاني تمثنيت
انت القمر لا شافك يضيّح الضوح=يعني على منزل قمرنا تعلّيت
حتى الجمال بجنبك يصير مملوح=ما تنفعه قولة .. لما .. وكيف .. أو ليت
متمرد بحسنك وطاغي ومسموح=وانا ازيد جنون كانك تماديت
وان جيت جينا وكان روّحت بنروح=يعني وراك ندوهج ان رحت وان جيت
فيك الحلا وفيك الدلع حيل ملموح=تكسب خطايا بالبشر لا تثنّيت
منك الحكي كل عسل ضحك ومزوح=ومنك الذرابه تستمد الآتيكيت
ومنك الزلل ويّا الغلط دوم مدموح=وكم غلطة ٍ لعيونك السود مشيت
دلة همومك فارت وقامت تفوح=وانا من همومك قدعت وتقهويت
ابنثر اسمك كل حرف ٍ على لوح=واليا نثرته اجمعه لا تهجّيت
اخاف لا شفت اسمك عيوني تنوح=ولا لساني ينربط لو تجرّيت
من قائمة جوالي الكل ممسوح=يعني لعينك معطي الناس ( ديليت )
وان قلت لك عجّل تقول انت مشفوح ؟= وتردني ( ببليز ) وتقولي ( ويت )
عرشك بنيته سيّدي حكم وصروح=وقسم ولائي ( منذ مبطي ) لك اديت
وان جيت جينا وكان روّحت بنروح= يعني وراك ندوهج ان رحت وان جيت
.........
&& أعلمه على دروب المحبه .... فلمّا اشتد ساعده رماني &&
أعلمه على دروب المحبه=( فلمّا اشتدّ ساعده رماني )
وانا اللي كنت من قلبي أحبه=إلينه بالهوى صد وجفاني
بفوّض امري لربي وربه= وربي شاهد اني دوم أعاني
قبل كنت الهوى وجرحي وطبه=وكنت بدنيتي مصدر أماني
وكنت الدم وبعروقي مصبه=لو إني لا أراك ولا تراني
قطفتك يالعنب حبه وحبه=لأني شفت فيك احلا الأماني
واذا هب الهوى وغربي مهبه=اطير من الوله وآجيك عاني
وجمعت حروفي كني وسط شبه=كتبتك إيه ومن غيرك قراني
وخليت البشر فيك اتشبه= وابقطع راس من عنك حداني
لو إنه شيخ والله غير أدبه=واموت بعز دام الكون فاني
وكنت أزعل اذا اي انسان سبه=لو إنه واحد من أغلا اخواني
بنيت بداخلي قصر ٍ بقبه= مثل قصرٍ لتبعنا اليماني
دخلت البحر وبه مليون غبه=دخلته راضي ولحد ٍ رماني
ولكن كنت انا احسبك إتنبه= لما فيني وما منك دهاني
تنكّرت لهواي وعفت حبه=وانا عفت الهوى يومه نساني
تدوس الجمر وتحاول تشبه=وعرفت إنك أناني يا أناني
وش ابغى بالقشر من دون لبه؟ = عسى تفهم جزيلات المعاني
وشطبت اسمك ولست من الأحبه=ولست بقدر لطفي وامتناني
وجزاي إني من اول كنت احبه=تمادى بالهوى وصد وجفاني
وعلمته على دروب المحبه=( فلمّا اشتدّ ساعده رماني )
.........
لجل عينك ........,,
لجل عينك ينحنـي راس القصيـد ولـك يلبّـي
انت يا سيد الملوك اللي مكانـك فـوق عالـي
لجل عينك شيّدت لك مملكه فـي وسـط قلبـي
سدتها والعرش عرشـك مابهـا اي احتمالـي
لجل عينك تجمع شتات الحـروف اللـي تنبّـي
عن ولاء لحضرتك يـا سيـد اسيـاد الجمالـي
لجل عينك انسى كل قلـب ٍ تعلّـق فيـه حبّـي
ولجل عينك انسى كل الكون وانسى كـل غالـي
عينك (الما) و(الضما) والشوق بالقلب امتخبّـي
تظهره عيني لعينك وانـت عينـك مـا تبالـي
عينك السحر الدفين وسحرها من سحـر ربّـي
تسحر عيون البشر من رمش سلهامـه خيالـي
من عرفت الحب وانت الحب وبالقلـب امتربّـي
من عقب كانت همومي تنتشر والقلـب خالـي
قـدرك بقلبـي كبيـر ومـا تنبّـاه امتنـبّـي
مهما تعصف بك رياح ومهما طالت بـك ليالـي
والزمن هذا يجور ومـن كثـر جـوره لعبّـي
لين صرت اشوف (عمي) والحقه واقول (خالي)
والسبب الحق وراك وماني عارف وين دربـي
لانك اللـي مالـك ٍ روحـي وتفكيـري وبالـي
لو تقول (الشرق) غرب اصدقك ويصير (غربي)
ولو (جنوبك) بالشمال اصبح جنوبي (بالشمالي)
انت الاول والخير وفـي وسـط كفيـك طبّـي
وقالو اللي مالـه اول صـدق مالـه اي تالـي
ماهو بمحتاج مدحي فيه ومـو محتـاج سبّـي
الله اللي كملـه بالزيـن وابعـد عـن جدالـي
ولجل عينه مو قصيدي حتى انـا ايضـاً البّـي
للملك سيد الملوك اللـي مكانـه فـوق عالـي
.....
&& أمّوووووووووووره &&
أمسيت جالس واحكر البن مع هيله= جالس ونفسي مع الغالين مسروره
إلين جتني كذا دقه وتقفيله= الدقه اللي تحوس القلب وشعوره
ورفعت جوالي وردت بلا حيله= وقمنا نسولف واخذنا الهرج في دوره
وسمعي على العالي لاخر حد مرخيله=أوحيت صوت ٍ يغيض الغصن وطيوره
صوت ٍ به الجاذبيه صعب تحليله= ما حلّه نيوتن ولاهو بمقدوره
وقمنا انتجاذب حكي ما اجيد تمثيله = وسألت عن اسمها معنى ومنظوره
قالت أميره ولا احتاج تعليله=أنا اميره وكل الناس مأموره
أميرة الورد والأحساس تشكيله =إن قلت أميره او لا لا قلت أمّوره
أُصدر قراري وآن الأن تعديله= لك مملكة قلبي وانتي إمبراطوره
يالموت..يالتوت..ياحل ا صوت أوحيله= يالعذب..يالذرب..يالأ حساس وبحوره
يالشوق..يالذوق..هات الهم أنا آشيله=عطني همومك ياطب القلب ودكتوره
القلب يمحل ليامن غاب له ليله=وشلون لا غاب بالأيام وشهوره ؟
متمركي وكنّه اللي يعمّر أرقيله=في وسط قلبي ويزيد الجمر من جوره
ياناس..ياهوه..يخزي العين ابو قذيله=له غرة ٍ من سواد الليل ممطوره
قومي إلفحي يا هواي وذبي الشيله=وخلي جميع الخلايق فيك مبهوره
يا ام الحلا..والدلع..وعيون ك إكحيله=يعني بقولة أهل لبنان شحروره
لك نظرة ٍ تِسقط الطاير وتوميله=وبطلتك تشبهين إيمان بنّوره
لاشفتها أطيح طيحت من فقد حيله=ولا أنادي وكنّي مشجع الكوره
ماهي حكاية هوى قيس وهوى ليله=وماهي بقصة هوى مطلق معَ نوره
من لا يعرفك حرم يعيش له ليله=وان عاش عيشة فرس يرثع وذا دوره
........
&& عتاب الاحباب &&
مع نهايات السكـوت وفـي بدايـات العتـاب
ابتدى هرج المعاتـب بيـن محبـوب وحبيـب
وابتدت نيران تقدح من سبـب طـول الغيـاب
هرج نيرانه تسائـل كيـف تنسانـي ؟ تغيـب؟
كيف تتركني وترحل فـي زمـن كلـه ذيـاب
وانت عارف كيف صرت لغير صوتك مستجيب
كيف تتركني بزمان ٍ صارت سهولـه هضـاب
وصارت الارض السويّه كنها مجرى الشعيـب
وغابت نجومك جميع ولا لمحنـا لـك شهـاب
وصارت القمرا تون وشمسنا تبغـى المغيـب
وصرت ساير في دروب ٍ مالها مسرى وبـاب
لين حارت بي دروبي وصرت بالدنيا غريـب
وقمت اسافر في دروبـي لكـن بليـا زهـاب
منقطع والنار تصلى والهوى جرحـه عطيـب
ويوم شافت في عيوني نار مصدرهـا العـذاب
هلّت من العين دمـع وقامـت تزيـد النحيـب
قالت اسمع ما تركتـك بـس بالدنيـا صعـاب
وما تركتك مع ذيابـه الا انـا اعرفـك ذيـب
بي خانتني ظروفـي والرجـا بالوقـت خـاب
لكـن الشكـوى لمنهـو للدعـاوي مستجيـب
دنيتـي والله بدونـك كلهـا ليـل وضـبـاب
مستحيل انساك وانسى دنيتك يا اغلـى حبيـب
انـت حبـك امتلكنـي وانغمـر بـالـدم ذاب
انت لو تبعد دروبـك باقـي ٍ عنـدي قريـب
وابشر برجعه تنبي عـن ايـاب بـلا ذهـاب
ابك انا ببقى معاك العمر لـو راسـي يشيـب
وارتعش قلبي ولان واعلـن القلـب انسحـاب
من عقب كانت جروحه تشعلـه نـار ولهيـب
وقلت انا بملي شروطي ولازم نوفّي النصـاب
قبـل ترجـع للمحبـه والهـوى لازم نُجيـب
ابغـى منـك ترتدينـي بالغـلا مثـل الثيـاب
وابغى منك جرح لكن جرح ما ابغـى يطيـب
وابغى منك تحتويني مع حروفـي فـي كتـاب
يحتوي اجـزل معانـي قالهـا قلـب ٍ لبيـب
وجدديلي شوق نوت بحب ابـن عمـي عقـاب
وابشري باللـي يخليـك الجليلـه مـع كليـب
وقامت تهل الدموع من الفرح مثـل السحـاب
وكافئتنـي بضمـة ٍ خلتنـي بكـون رحـيـب
وابتدى صمت وسكوت وانتهى هـرج العتـاب
وانتهى هرج المعاتب بيـن محبـوب وحبيـب
........
&& الشوووق جااااااابه &&
آه من قلب ٍ تعنّا بالهـوى والشـوق جابـه
ودّه انـه يلتقـي قلبـه بقلـب اللـي يـوده
في حضوره ينشرح صدري ويتعب في ذهابه
والغلا والشوق في قلبي ترى محـد ٍ يعـده
ما ذبحني غير حبك هلنـي مثـل السحابـه
من بعـد كانـت حياتـي كلهـا هاتـه ووده
ماني قادر اصبر وقلبي تزايـد بـه خرابـه
وآعذابي منك يومـك بالجفـا قلبـي تـرده
وآعذاب القلب من قرب الجفا يقرب عذابـه
والقلوب بحبها تصبر وهـي مـي مستعـده
حبي الاول بدابـه وارجـع اقـول انتهابـه
ابتدي به وانتهي به والغضي ما بـاح سـده
انت ياللي واحش ٍ قلبي وقلبي وش جرابـه
من هو غيرك ؟ عارف ٍ قدر الغلا ويّا الموده
آآه من وقت ٍ قسى ونسير مع دربـه نهابـه
مثل من هو ساري بليل ٍ ظلامه فيـه شـده
وطالت الغيبه وانا صرت اتبع الظل وسرابه
من بحرنا فالخليج الين ماصـل بحـر جـده
ومن بعد هرج العتب هل الدموع وفك بابـه
والهوى ضـده ولكـن الهـوى عيّـا يـرده
ويوم شفته قمت اعاتب قلبي وازيـد بعتابـه
ليش ؟ قبل تشوف هذا الحسن تقسى ثم تصده
جالس ٍ مثل القمر والنور واضح من جنابـه
يا سلام الله على نور العيـون ونـور خـده
والشعر ليل ٍ يهـل الليـل ويزيـد انسكابـه
مثل شلال ٍ يصب اعـذب ميـاه ٍ مستجـده
والحكي لامن حكى تلقى كلامه بـه ذرابـه
ما تكلف فيه لكـن هـذا طبعـه مـا يهـده
نعرف الدنيا وجدوده مـا عرفناهـا غيابـه
وتنكر الايام وقت ٍ غـاب فيـه ومـا تعـده
وكان قلبه قد تعنّا بالهـوى والشـوق جابـه
والله انـه التقـى قلبـي بقلـب ٍ لـه يـوده
....
يقولون بدى ستار اكاديمي الجديد وبدت الفله
ياليت لي قلب ٍ علـى الهـم قـاوي
يصبر على ضيم السنين الطويـلات
يصبر على جور الزمـن والبـلاوي
في وقت فيه الحي يشبـه للامـوات
في هالزمن شفنا كثيـر المسـاوي
شفنا القشر والشين مامن مسـرات
واشوفلي ناس ٍ لهـا قلـب خـاوي
تعيش عيشه مالهـا اي طموحـات
تعيـش تتبـع للهوى والـهـواوي
ماغير اكل ونوم وروحـه وجيّـات
وضياعهم مابيـن هنـد ومضـاوي
ومابين آخر موضه وبيـن قصـات
وزاد الضياع بشلة ابـن الخـلاوي
اللي لهم تصويت بالآف الاصـوات
مابيـن تصفيـق وكـلام وغنـاوي
ومابين هزّات الغوانـي ورقصـات
شي ٍ يعل القلـب وللقلـب كـاوي
يحرق عروق القلب ويزيـد ونّـات
نسوا فلسطين ونسوا كـل غـاوي
ونسوا فعل شارون في وقت غارات
ونسوا عراق ٍ مـا لقالـه مـداوي
ينزف جروحه ضايع بظلم وشتـات
يـا عـل يلويهـم مــن الله لاوي
إن كان ما يصحون في وقت الازمات
يالله يــا رحـمـن يالله تــاوي
وتلطف بعبد ٍ لك اقـام الصـلاوات
يالله ياللـي لـك تسـاق الدعـاوي
يا واحد ٍ أنـزل كريمـات الآيـات
يالله جيتـك سايـق ٍ لـك رجـاوي
رجوى ضعيف ٍ علته جـر الآهـات
آه ٍ على وقت ٍ به النـور ضـاوي
وقت الرجال أهل اليمان الطويـلات
وقت الرجال اللـي بعـاد الهقـاوي
ما كنهم خلقـوا سـوى للبطـولات
وقـت ٍ رجالـه طيبيـن العـزاوي
عز ومعزه واجتمـاع ٍ كمـا الـذات
وقت ٍ بـه الرجـال مثـل النـداوي
لاطار من فوق السما وجاك مـوّات
الصيده اليامن لهـا صـار نـاوي
يجيبهـا لـو دونهـا مستحـيـلات
تلقاه لاجـل الديـن دايـم فـداوي
يبيع عمـره مـا توانـا لساعـات
يا ليتنـي معهـم رفيـق ٍ مخـاوي
اعيش معهم وآتناسى الـذي فـات
لكن ماهي كيـف ولاهـي منـاوي
هذا قدر للـي يعيشـه ومـن مـات
وبطلبك ياجـزل العطـا والعطـاوي
إنك تصبرني علـى جـر الآهـات
...
لمن يحب .. الخوّه.. البر.. المقناص
يالله ياللي تسيّـر الكـون بأقـدار
ياللي بوقـت الضيـق كـل ٍ يدلـه
ياللي تعرف اللي خفى ويّا الاسرار
يامن تعقـد الأمـر وبيديـك حلـه
يالواحـد المعبـود حـي ٍ وجبـار
يامن جميـع الخلـق لـه مستذلـه
يالله ياللـي رحمتـك دون مقـدار
محد ٍ حسب مقدارهـا لـو فطنلـه
يالله جيتك من عنا الوقـت منهـار
ودموع عينـي كالمطـر مستهلـه
ضاقت بي الدنيا وضاقت بي الـدار
واسبابهـا ثقـل الهمـوم المجلـه
عشت بزمان ٍ علني كلـه امـرار
محـد ٍ يمـر بدورتـه مـا يعلـه
محد ٍ يعرف الخوّه وحشمة الجـار
والكـل يمشـون بهـوان ومذلـه
عيشت غثا وهمومها دايـم كبـار
حتى الصغيّـر شايـل الهـم كلـه
وانا اشهد اني بهالزمن حيل محتار
هذا زمـن عـز العفـن والمذلـه
لكن وش نسوي وهالوقـت دوّار ؟
وزادت مشاكل وقتنـا الطيـن بلـه
وينك زمان ٍ قد مضى فيه الأحرار ؟
أصعب سؤال وينتظـر مـن يحلـه
هذاك وقـت ٍ فيـه للمرجلـه كـار
كل ٍ بنى بيت الكـرم منـزل ٍ لـه
معاك من خوّة هل الطيب الأخيـار
أرداهم اللـي لا نطـق مـا تملـه
خوّة نشاما من طويليـن الاشبـار
ناس ٍ لهم بالطيـب وقفـه وشَلـه
وهات الحطب يامسندي واوقد النار
وشقر القهاوي حطها وسـط دلـه
واحكر لنا الفنجال مـوزون ببهـار
وفي بطـن بغدايـه يالقـرم زلـه
ثم الحقه يا صاحبي شوي مسمـار
حتّى يتسـوّى كـل شـي بمحلـه
وعطني من الفنجال مزّه وهو حـار
خلّه يداوي علتـي ايييييـه خلـه
وتشوف في مد النظر أرضنا انهار
من خير ربـي أرضنـا مستظلـه
ويبدى طلوعه باذر ٍ حبـه صغـار
ويكسي قفار الاض مـا فيـه خِلـه
والارض يصبح عشبها كنّه أشجار
ويامحلا المقيال مـن تحـت ظلـه
وتلعبك أريـاح البختـري ونـوّار
وريح النفل تشفي من القلب علـه
والبل يمينك والغنـم منّهـا يسـار
ماكنّهـا ألا لارضـنـا مستحـلـه
واليا ارتعت ما تاكل شعير وشـوار
تاكل من العشب الخضر وقت حِلـه
والطير معنا لاكفـخ حلّـق وطـار
وبمخلبـه غـز السمينـه وتـلـه
حر ٍ ونسل أحرار من ماكر أحـرار
اليا زهمته ما طرى يقـول لـلـه
تطرب لشوفه من مجاميع الأنظـار
وأخاف من عين الحسـد لا تدلـه
هذي حياة ٍ تبري القلـب لانهـار
وتبري هجوس ٍ بالمرض مستعلـه
.......
@ لا وا هنيّه @
وا هنـي اللـي عـن الهـم سالـي
دالـه ولا يـدري ولا ينشـد الـبـال
في صحصـح ٍ والنـار تحـت الدلالـي
يطرب علـى كيـف ٍ مهيّـل بفنجـال
ضـوح النجـوم يسامـره والهـلالـي
والمـي جنبـه يــدرج وكـنّـه زلال
مايشكـي مـن الهـم والقلـب خالـي
والهـم قفّـا مـا لقـى منـه مدخـال
مرتاح مـن همّـه علـى كـل حالـي
ماهـو كمـا حالـي ويرثالهـا الحـال
حالـي تجـر الآآآآه طـول الليـالـي
وتـزداد آآآآهاتـي إذا ليلـنـا طــال
وآثر السبب باللـي شغـل كـل بالـي
غرو ٍ نثرنـي ثـم جمعنـي بسلسـال
جامع مزايـا الزيـن حسـن ودلالـي
ومن الترف يمطـر كمـا هـل همّـال
والغنـج خصلـه زودت بـي هبـالـي
وخلّـت عيونـي يـوم شافتـه تنحـال
لامـن مشـى بخطـاه كبـر وتعالـي
وصووووت الخطا غنت به الارض موال
واليا الفحت في شعرهـا الكـل مالـي
والليـل كنّـه بالشعـر صـب شـلال
وبعيونهـا شفـت العـذاب المـوالـي
والمووووت باللثمه ليا حطّـت الشـال
مووووت ٍ يـروع القلـب أول وتالـي
ومن الخباثه سلهمـت رمـش باهمـال
يـا سيّـد أسيـاد الحـلا والجمـالـي
هبّلت بي يـا لعنبـوووا حـي الهبـال
واليـا طلبتـه مـن وصالـه وصالـي
أقفـا ولا هـمّـه ولا لــد باقـبـال
واليا سألتـه قـال : مالـك ومالـي ؟؟
أنا بكيفـي... مالكـم عندنـا وصـال
وان كان أجيه يميـن... روّح شمالـي
وان كان جيت يسار... للغـرب رحّـال
هـذا لعبّـي مثـل لـعـب العيـالـي
ما يـدري انـي ميـت ٍ فيـه باخبـال
ياللي سلبـت مـن الغـلا كـل غالـي
وحطيتـه بقلبـي وقفّـلـت باقـفـال
حسب الوعد ليتـك تجـي يـا حلالـي
ترسم لي البسمه وانـا اعيـد الآمـال
حتّى انـا انسـى الآآآه طـول الليالـي
وتنسانـي آآآهاتـي إذا ليلنـا طــال
.....
وين نووورك ؟؟؟
القمـر لـه نـور بيّـن لكـن ايـام الخسـوف
يختفـي نـوره ولا نلقـى لنـا نـور ٍ بـديـل
وان نطرنا الصبح نلقـى شمسنـا فيهـا كسـوف
حال اظلم لـي دروبـي وحـال خلانـي عليـل
والسبب فرقى حبيب ٍ كـان لـه نـور ٍ يطـوف
مـن حوالينـا ويضـوي دربنـا والليـل لـيـل
وين نورك؟ يجعل اللي ما تـرى عينـه يشـوف
وين نورك؟ نستـدل بضوحـه بـدرب ٍ طويـل
وين نورك؟ ينقذ الولهـان مـن ظلـم الظـروف
لاطغت واقست عليه وصـارت ظروفـه تعيـل
وين نورك؟ ينتشل همـي وينـزع كـل خـوف
ويـن نـورك؟ يعـدل الميـزان والكفـه تميـل
وين نـورك؟ يابعـد كـل المزاييـن الخشـوف
نـورك اللـي امطـر الدنيـا وخلاهـا تسـيـل
ارجع ولملم شتاتـي صفنـي صفـت صفـوف
صفت بيوم اللقـا فزعـه لاجـل عيـن الدخيـل
ارجـع ولملـم حياتـي لمهـا بيـن الكـفـوف
من بعد كانـت حياتـي بيـن حـط وبيـن شيـل
انـت نبـض ٍ للقلـوب وانـت للعينيـن شـوف
وانت للروح الدوا يـا عـذب مـدري سلسبيـل
مقدر اوصف بك وصوفك انت احلا من الوصوف
انـت اعـذب مـن كـلام ٍ قالـه العالـم وقيـل
والعقل معروف ساسي والثقـل عنـي معـروف
ميـر عقبـك قالـو العالـم علـيّـه مستـزيـل
يالكتاب اللي جمع شملي بشمل احـلا الحـروف
يالذهـب ياللـي لقيتـك مندفـن تحـت النثيـل
لمني مثـل اللحـن لاصـار بالعـود معـزوف
لمني ثم ضمنـي باقصـى حنانـك حيـل حيـل
ابغـى يـوم ٍ نجتمـع فيـه ونغـنـي اوف اوف
في ضلال الشجره اللـي ضلهـا دايـم ضليـل
بـس انـا ويـاك وغيـوم ٍ تلاعبنـا وقــوف
والحمامـه فوقنـا وارخيـت اسمـع للهديــل
ومع ذعاذيع الصبا في روضة ٍ تزهـى الهنـوف
وان غشانـا الليـل اطربنـا بنسنـاس ٍ علـيـل
ليـن نصحـى والبلابـل فوقنـا مثـل الرفـوف
صفقت اعجاب وانبهرت مـن الحـب الاصيـل
هذي العيشه ومن غيـر الهـوى عيشـه نعـوف
ومن عقـب هـذي تعـال البّسـك تـاج ٍ جليـل
والقمر هـذا بعـذره يختفـي وقـت الخسـوف
استحـى منـك ونـورك صـار للقمـرا بديـل
........
(( حال العرب ))
بدى في داخلي جرح ٍ وجرحي له زمن ما طـاب
وثارت داخلـي فتنـه وعيّـت تركـد جنونـي
بلايه وين اولي به ؟ اذا همـي وقـف عالبـاب
تحرى كلمتـي تطلـع وعانـق مطلـع فنونـي
انا في داخلـي نـار ٍ توقّـد مثـل جمـر ٍ ذاب
يسيل بداخـل ضلوعـي يزيـد بنـاره طعونـي
ودمعي حاير بعيني إلي مِن ضـاق ثـم إنسـاب
واكيد ان السبب ماهو بصاحب لـي ولا عونـي
وأشوف ان السبب واضح ولا احد ٍ يجهل الأسباب
نشوف الباطل اللـي يرتفـع والحـق مدفونـي
متى كنّا العرب سلعه نباع ونشتـرى بحسـاب؟
متى منّا العرب نسكت على الذل وعلى الهوني ؟
سؤال ٍ كل ما اشوفه تجيني لحظة إستغـراب !!
سـؤال ٍ حيّـر العاقـل وزاد جنـون مجنونـي
واقلّب داخلي ذكرى اراجع ماضـي ٍ لـي غـاب
ألاقي ماضي ٍ ساطـع بنـوره يجهـر عيونـي
ألاقي وحدة ٍ تجمع صفوف ابعـاد مـع اقـراب
لأن الهم رفع الديـن ويصبـح ديـن مصيونـي
وحنّـا حالنـا شتّـى وصرنـا كلنـا أحــزاب
نهيم بوادي لحفـظ السـلام انطيـع شارونـي
ألا يا لعنبوا جد السلام اللـي جعلنـا اصحـاب
سـلام ٍ مثّلـه كافـر وزود الكفـر صهيونـي
وزاد الطين بلّـه يـوم جونـا شلّـة الإرهـاب
عسى الله يلعن أولهم وياخذ مـن لهـم عونـي
جماعات ٍ تستر في لبـاس الديـن والأصحـاب
وهم شر ٍ على الدنيـا وشـر الأرض والكونـي
واقول بخاتمة هرجي عسى الله ينصر اللي تـاب
وينصر ديننـا هـذا ويصبـح ديـن مصيونـي
.....
ديوان
الشاعر فواز الزناتي