©.. mяβσşħ
19-10-2009, 05:07 PM
بدايه القصه عن شايب هواوي ( قلبه خضر ) ما يشوف بنت الا ينفتن ومشهور بانه حبيب
وفيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون
راحت له وردت عليه السلام كيف حالك يا شايب رد السلام والله بخير
وفجأه عطته ظهرها ومشت ولا استإذان ولا شي ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي الي في قبره ويذكر التاريخ واليوم اللي قابلها فيه
يقول الشايب :
يا بنت خوذي خاطـري وارحمينـ يلا تجرحيـن العـود بعيونـك السـود
غضـي نظـرك وغطـي الوجنتيـنـي لعـل يـومٍ جـدد الـجـرح مــا يـعـود
يوم انتهى مع مرمسـات السنينـي جتني صواديفه على غير مقصـود
بـاول شهـر عشـره نهـار الثنيـنـي حمدان مروا به على جنازة حمود
البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل
ردت عليه وهزأته تقول :
يـا شايـب الرحـمـن ويـنـك وويـنـي عـزي لحالـك قدمـك البـاب مسـدود
قلبـك عـطـوف وجــاه قـلـبٍ متيـنـي والبنت ما تشفق على مغازل العود
حبـل الرجـا مقـطـوع بيـنـك وبيـنـي مثل الغليـث اللـي رعـا قلبـه الـدود
اقـفـى شبـابـك والـعــرب مقبلـيـنـي يا عود ما يرجع من العمـر مفقـود
حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه
يقول حمدان :
يــا بـنـت صــدي بالعـيـون الظليـلـه لا صــد عـنــك الله نـهــار القـيـامـه
مـالـي ومـالـك يالـفـروع الطـويـلـه لـو فيـك مـن رسـم البـداوه علامـه
يابـنـت مــا لـــي بالثمـانـيـن حـيـلـه اهدف كما تهدف علـى البيـر قامـه
اقفـى شبابـي والدهـر شفـت ميـلـه يالله حـســن الخـاتـمـه والـسـلامـه
اعطيـك مـوجـز والبضـاعـه قليـلـه واخذت لك من صافي الماء سنامه
راحت الايام والشايب مسكين سنه خذله معها شايب وهي بنت وتقول له كيف اعطي شايب وجه
بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب
يقول حمدان :
يـا بنـت مـا جـاك الكـبـر والخشـونـه وعادت شباب اليوم يجفل من الشيب
يـاسـرع مــا وبـلـك تـمــزع مـزونــه يالفاتـنـه يــا ام الـثـمـان الرعـابـيـب
يــا بـنـت مــا بيـنـي وبـيـنـك مـهـونـه كلـمـة شــرف نـبـي تحـيـه وترحـيـب
الله مــــن عـــــودٍ ثـقـيـلــه طـنــونــه ينـصـاه راع المشكـلـه والمـواجـيـب
علـى الكـرم والـديـن نفـسـه حنـونـه تـلـقـاه بـالاجــواد شـــرق وتـغـاريـب
جهز الابيات وارسلها مع عجوز ووعد العجوز بهديه اذا وصلت الرساله لها
راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعني بابياتي
العجوز مسكينه قالت طلعيني ولا ابي منكم شي الله لا يعودكم انتم واوراقكم
ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف
تقول البنت :
العـود عــود وطايـحـاتٍ سنـونـه من كثر ما يرقد على جرة الذيب
عودٍ مهرقـل والعـرب مـا يبونـه ياعود ما لك في طويل المراقيب
اقفى شباب العود راحـت حتونـه مثل اليتيم اللي بكا ما له مجيـب
جـداه ينثـر دمـعـة ٍ مــن عيـونـه غريق موجٍ ما لقا لـه مقاضيـب
وفيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون
راحت له وردت عليه السلام كيف حالك يا شايب رد السلام والله بخير
وفجأه عطته ظهرها ومشت ولا استإذان ولا شي ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي الي في قبره ويذكر التاريخ واليوم اللي قابلها فيه
يقول الشايب :
يا بنت خوذي خاطـري وارحمينـ يلا تجرحيـن العـود بعيونـك السـود
غضـي نظـرك وغطـي الوجنتيـنـي لعـل يـومٍ جـدد الـجـرح مــا يـعـود
يوم انتهى مع مرمسـات السنينـي جتني صواديفه على غير مقصـود
بـاول شهـر عشـره نهـار الثنيـنـي حمدان مروا به على جنازة حمود
البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل
ردت عليه وهزأته تقول :
يـا شايـب الرحـمـن ويـنـك وويـنـي عـزي لحالـك قدمـك البـاب مسـدود
قلبـك عـطـوف وجــاه قـلـبٍ متيـنـي والبنت ما تشفق على مغازل العود
حبـل الرجـا مقـطـوع بيـنـك وبيـنـي مثل الغليـث اللـي رعـا قلبـه الـدود
اقـفـى شبـابـك والـعــرب مقبلـيـنـي يا عود ما يرجع من العمـر مفقـود
حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه
يقول حمدان :
يــا بـنـت صــدي بالعـيـون الظليـلـه لا صــد عـنــك الله نـهــار القـيـامـه
مـالـي ومـالـك يالـفـروع الطـويـلـه لـو فيـك مـن رسـم البـداوه علامـه
يابـنـت مــا لـــي بالثمـانـيـن حـيـلـه اهدف كما تهدف علـى البيـر قامـه
اقفـى شبابـي والدهـر شفـت ميـلـه يالله حـســن الخـاتـمـه والـسـلامـه
اعطيـك مـوجـز والبضـاعـه قليـلـه واخذت لك من صافي الماء سنامه
راحت الايام والشايب مسكين سنه خذله معها شايب وهي بنت وتقول له كيف اعطي شايب وجه
بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب
يقول حمدان :
يـا بنـت مـا جـاك الكـبـر والخشـونـه وعادت شباب اليوم يجفل من الشيب
يـاسـرع مــا وبـلـك تـمــزع مـزونــه يالفاتـنـه يــا ام الـثـمـان الرعـابـيـب
يــا بـنـت مــا بيـنـي وبـيـنـك مـهـونـه كلـمـة شــرف نـبـي تحـيـه وترحـيـب
الله مــــن عـــــودٍ ثـقـيـلــه طـنــونــه ينـصـاه راع المشكـلـه والمـواجـيـب
علـى الكـرم والـديـن نفـسـه حنـونـه تـلـقـاه بـالاجــواد شـــرق وتـغـاريـب
جهز الابيات وارسلها مع عجوز ووعد العجوز بهديه اذا وصلت الرساله لها
راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعني بابياتي
العجوز مسكينه قالت طلعيني ولا ابي منكم شي الله لا يعودكم انتم واوراقكم
ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف
تقول البنت :
العـود عــود وطايـحـاتٍ سنـونـه من كثر ما يرقد على جرة الذيب
عودٍ مهرقـل والعـرب مـا يبونـه ياعود ما لك في طويل المراقيب
اقفى شباب العود راحـت حتونـه مثل اليتيم اللي بكا ما له مجيـب
جـداه ينثـر دمـعـة ٍ مــن عيـونـه غريق موجٍ ما لقا لـه مقاضيـب