شارع الحب (^_^)

[أحلى كويتية]

شارع الحب

هاي .. قوه .. شلونكم .. شاخباركم .. ان شاءالله طيبين .. انزين

اليوم سالفتنا عن شارع الحب ... طبعا الكثير الكثير سمع عن شارع الحب في الكويت والكثير الكثير من بلدان عربيه وخليجيه ودهم يشوفون شارع الحب ... عاد مادري شنو فيه .. المهم راح اعطيكم نبذه مختصره عن شارع الحب ... يمتد شارع الحب على طول امتداد الدائري الثاني في الكويت ويمر من بين مناطق عده بداية من بنيد القار ويمر بمنطقة الدسمه والدعيه ومن ثم المنصوريه والقادسيه الاعداء اللدودين لبعض وبعدين النزهه والفيحاء فعبدالله السالم والشاميه وكيفان ودندرن ... الخ الخ

اهميه هذا الشارع تنحصر في القز صباحا لغايه الساعه ثنتين الظهر وقت الجامعات ... ومن بعد هالوقت اللي فيه خير يمر بهالشارع وخصوصا شهر سبعه وثمانيه ولو انه اكو كرابيش عادي يمرون ماعندهم مانع بس يالله مو مشكله ... ومساءا لغاية مايفضى الشارع من الاوادم ويروحون بيوتهم ...

يالله بسم الله ونبتدي نوريكم معالم شارع الحب

http://www.angelfire.com/moon/hamaden73/love_street01.JPG

بداية شارع الحب من صوب البحر ... ويبدا من عند اشارة فرايديز وانت اللي ماخذ الدائري الثاني

طبعا اول شي اييلك تقاطع جسر طريق الفحيحيل السريع هذا الجسر ميت تلاقي عنده زحمه بالاول وبعدين تلاقي العالم بدوا يتوزعون ... اللي يدشون الدسمه واللي يروحون الدعيه ... العالم تلاقيهم اغلبهم مالهم خلق بيروحون بيوتهم
http://www.angelfire.com/moon/hamaden73/love_street02.JPG

الاشاره الثانيه بعد الدعيه والدسمه ... هني تبدأ الخمبقه عاد اللي املوع جبد وحده من البحر وماشي وراها صارله ست ساعات واخرتها يوصلها بيتهم ولاحصل شي ... واللي عسى ماطلت بويهه وحده بالغلط الا قالك ياولد تبيني مسوي روحه الان ديلون واهوه حتى مرعوب وايد عليه .. المهم عاد هني عند هالاشاره يبدا الخز

http://www.angelfire.com/moon/hamaden73/love_street03.JPG

طبعا نطوف هالاشاره ونشوف على اللافته المنصوريه على اليمين والقادسيه على اليسار .. هني عاد تلاقي الشباب اللي ماعندهم شغل يبتدون يطقون اشارات للشسمه يايمين يايسار
http://www.angelfire.com/moon/hamaden73/love_street04.JPG

طبعا ونقعد انكمل انكمل ليــن مانوصل عند اشاره الجسر اللي يوديك الشاميه وكيفان .... لاتسعيلون اكو شي بالرده ماقلنا كل شي

http://www.angelfire.com/moon/hamaden73/love_street05.JPG

طبعا الاشاره هذي غالبيه الشباب ياخذون فوق تحت من عندها وخصوصا بالليل الصبح قليل مايلفون مني اكو اشاره وراها احلى حق الصبح المهم هالاشاره تلاقي السيارات متكودين صوب اليسار صوب اللفه الفوق حدر جنهم نمل على دبق عشان يردّون على شارع الحب من يديد

نروح الحين حق الاشاره اللي بعدها واهيه مالت كيفان والشاميه

http://www.angelfire.com/moon/hamaden73/love_street06.JPG

طبعا هني الاوادم ينقسمون قسمين يايدشون الشاميه رايحين مجمع المطاعم والا الجمعيه مالت الشاميه ... او يدشون كيفان وياويله اللي يدش كيفان لاحق وحده ... حلاتها اتسوي فيه دقه وتوقف بقطعه واحد بكيفان عاد الشاطر يفهم ... او مسكين يطيح عند مطاوعه ويسوون له محاضره مالها اول ولاتالي

المهم هذي نهاية شارع الحب وراح نرجع الحين فوق حدر عشان انكمل رحلتنا على شارع الحب
http://www.angelfire.com/moon/hamaden73/love_street07.JPG

طبعا وانت ماشي في هالشارع كل شي تشوف

الطقطاقي والوانيت بوقمارتين والتكاسي والوانيتات ملوت العبريه مع العلم انه ماكو عبريه في هالشارع

الحين نروح حق منطقه الفيحاء وعبدالله السالم ونشوف شنو يصير فيهم
http://www.angelfire.com/moon/hamaden73/love_street08.JPG

على اليسار عبدالله السالم ... طبعا تعتبر منطقه عبدالله السالم من ارقى مناطق الكويت .. دنــدرن المهم انا اقول قرطبه احلى ... عاد كيفي ... اللي تدش عبدالله السالم عاد هذي سالفتها سالفه ... ياتتشيحط بالمنطقه او يعني ترى احنا بيتنا هني واهيه ساكنه في الله اعلم واخرتها تطق لها فرّه شوي بالمنطقه وبعدين تدور لها اقرب لفّه وتقب من المنطقه جنه مو لها... لا وعاد وين يروحون ؟؟ كله عند مال العصير اللي بالجمعيه تكفى روحوا وشوفوا مال العصير والله ولاشي جنه محصار غنم عزكم الله ... بس الفكره انها شاريه عصير من جمعيه عبدالله السالم

http://www.angelfire.com/moon/hamaden73/love_street09.JPG

انزين نروح على اليمين شنو نشوف ؟؟ نشوف منطقه الفيحاء ... يعني الواحد من يشوف هاللافته خلاص بعد مااعتقد له خلق شي ^_^ ... فمن جذي تلاقون هالمنطقه محد له خلق حقها كلش ملش

انكمل رحلتنا ونروح حق الاشاره والتقاطع الرئيسي مال الدندرن كله
http://www.angelfire.com/moon/hamaden73/love_street10.JPG

هذا الشارع وهو الفاصل بين النزهه والفيحاء

هذا مال ابو الدندره

شارع يضع النقط فوق الحروف ...

عاد نكمل طريجنا باتجاه البحر رادين اوكي ؟؟

http://www.angelfire.com/moon/hamaden73/love_street11.JPG
مفترق طرق رئيسي ماله داعي بالمره .. واعتقد انه واضح من المناطق اللي فيه فمابي اعلق

راح اوريكم الحين احد المعالم اللي تقدر تشوفها وانت في شارع الحب
http://www.angelfire.com/moon/hamaden73/love_street12.JPG

برج التحرير ... نعم هوه برج التحرير احد اجمل معالم مدينه الكويت الغرّاء .. بس لحظه اشفيه البرج مايل؟؟ اخاف برج بيزا الايطالي يابوه هني والا انا تصويري عوي ؟؟

ملاحظه : عوي = عوج يعني بالفصحى اعوج يعني مايل

نكمل ونكمل ونروح صوب البحر

http://www.angelfire.com/moon/hamaden73/love_street13.JPG

وراح اوريكم الحين احد المعالم الاخرى من شارع الحب

http://www.angelfire.com/moon/hamaden73/love_street14.JPG

النادي العربـــــــــــــــ ـــــي الرياضي ... هو نادي العربي بعينه واعلمه النادي المحظوظ بل عليهم تلاقيهم طول الدوري يخسرون واخر شي شلون ياخذون الكاس ماتدري ... بس ماعليه القدساويه قاعدين لهم قعده الفتره الاخيره ;)

يالعربي جتوري :P .. هالسنه ماكو دوري

:D هىهىهىهى لايزعلون العرباويه بعد يسوون نقطه تفتيش يم النادي ومايخلون العالم يترزقون الله

ونكمل ونكمل ونوصل عند اخر اشاره قبل البحــــــــر

http://www.angelfire.com/moon/hamaden73/love_street16.JPG

انا مو باط جبدي بالسالفه الا هالاثول راعي هالسياره اللي نام علي وانا قاعد اصور طاح حظه لاوشوفوا راعي الجيب كع بريك بويهه والله حلاتها شايفين ويهه لما وقف شلون تصرقع من الخرعه مسكين ...

هذي كانت رحلتنا لشارع الحب في الكويت ... بالله بعد هالرحله والحجي اللي عن شارع الحب بعرف شنو شفتوا فيه يفتح النفس ها :) ؟؟ ماكو الا اشارات وتوزيع شربت وفيمتو في اول اربع مناطق وبعدين ولاشي ... بتقولولي حلاة الشارع بالاشارات؟؟ مالت بس

يالله سلاام

:D

[أطياف الغرام]

يسلمو يا قلبي


على موضوع أهم شارع بالكويت لوووووووووووووول :D

[اميــ الحب ــر]

يعطيج العافيه على الشرح الحلوو لشارع الحب زين وضحتي

للي ما يعرفون شارع الحب توضيح كامل في نااس براء الكويت

يحاسبون الشارع هذاا من عجايب الدنياا السبع ما يدرون شارع


كله ابيوت هههههههههههههههههههه هههههههههه

تقبلواا تحياتي

امير الحب

[أحلى كويتية]

افا عليك حاضرين لازم انوضح هالامور المهمه اللى موجوده عندنا ههههههههه وتسلمون الغالين على مروركم :)

[اسير الشوق]

تسلمين احلى كويتيه

على الايضاح

عن معالم الكويت الشامخه

[أحلى كويتية]

حياك الله :)

[°•-Thê Spy-•°]

معالم الفضايح لوووووووووووووووووول

كااااااااااااااااااك

ومشكوره وما قصرتي :)

[سواح]

شارع الحـــــــــــــب جميل جـدا هذا الاسم ولكن هنالك سؤال خطر بفكرى دلوتى
ماريكم بشارع الحب.....؟ وبما انه موضوع الصديقة:
فاننى ادعوها لطرح الموضوع للمناقشة بالمنتدىوهل نحن بحاجة لمثل هذا الشارع وهل هو بالفعل شارع لقاء للارواح ومصافحة القلوب او انة مجرد سبيل يلتقي الاخرين لنصب شباكهم لبعضهم البعض.............
(gr)

[أحلى كويتية]

الجاسوس ضحكتنى ايه والله شارع الفضايح :lol: مشكور على مرورك الحلو

[أحلى كويتية]

شارع الحـــــــــــــب جميل جـدا هذا الاسم ولكن هنالك سؤال خطر بفكرى دلوتى
ماريكم بشارع الحب.....؟ وبما انه موضوع الصديقة:
فاننى ادعوها لطرح الموضوع للمناقشة بالمنتدىوهل نحن بحاجة لمثل هذا الشارع وهل هو بالفعل شارع لقاء للارواح ومصافحة القلوب او انة مجرد سبيل يلتقي الاخرين لنصب شباكهم لبعضهم البعض.............


والله عزيزى سواح انا اشوفه شارع المظاهر والكل يطالع سيارة الثانى وله اوقات بعد لمرور الناس الزقرت والله الناس تعبانه بحياتها على توافه الامور وتحياتى لك

[blue_girl]

شكرا احلى كويتية على المعلومات والصور..
واحنا في البحرين بعد عندنا شوارع مشابهة ... بس المساحة اصغر..
مثل شارع المعارض وشارع جدعلي والعدلية .. بس مو مثل جذي طويلة (kaak)
الله يخلي لكم هالشارع ويسلم البنات المساكين... (1bo)

[خالد_ 0066]

مشكورين على المعلومات عن شوارع الكويت وفي عندنا على فكره نفس شارعكم يسمونه شارع الحب بالريان الله لا يوريكم بس منور وطوله كيلو ونص وعوي هههههههههه بس شارعكم احسن من شارعنا شارع الحب قالو حب قالوا ويعطيج العافيه....

[أحلى كويتية]

blue_girl
حاضرين حبيبتى البحرين كلها فديتج اهيا وشوراعها حب بحب لامنكم ولا من طيبة قلبك

ومشكوره على مرورج


خالد اذا مانى غلطانه الريان بالدوحه عندكم الكورنيش سموه حب وله طريق الجامعه هههههههه

تسلم على مرورك الغالى

[عيون السهر]

<div align="center">يعني هالشارع نفس الي عندنا من الشوارع بدبي (شارع الضيافه..شارع المرقبات..شارع الرقه..شاطيء حديقة ممزر..شاطيء حياة ريجنسي.....ووووووووا لخ)) (b5) هههه وتسلمين الغاليه على هالمعلومه (1bo) </div>

[أحلى كويتية]

حياك الله الغالى :)

[عيون السهر]

<div align="center">أنا بنت مب ولد (b5) </div>

[أحلى كويتية]

اعذرينى الغاليه اللى ما يعرفج ما يثمنج :)

[عيون السهر]

لا عادي خذي راحتج (ابتسامه)

[أحلى كويتية]

مشكووووووووووره (ni)

[شظايا]

(لاتعليق)] <div align="center"> يسلموووووووووووو احلى كويتية

معلومة جديدة وحلوه بس مو راضيه الصور تتطلع :_(

يعطيك العافية</div> [/color]

[بنت الخليج]

شكرا لج اختي كويتية على الموضوع..
وآنة من زمان اقول خاطري ارووووح هالشارع بس محد يررضى يوديني..اقول يمكن احد يعبرني او يعطيني ويه***33;***33;***33;***33;اتصدقين ما عليج من الشارع اللي في البحرين..محد يطالع احد..بس يدورون بالسيارات (غمزه)






عاد اتغشمر ..آنة أصلا اللي ما اعطيهم ويه (ni)

[blue_girl]

بنت الخليج الحين احنا في رمضان وانتي تفكرين في هالاشياء؟؟
(*_*) (*_*) (*_*) (*_*)
عيل لي خلص رمضان اش راح اتسوين؟؟؟
(??) (??) (??)
المفروض تحمدين ربج وتشكرينه ان هالاشكال ما تعرضت لج واذتج...

الحمد لله والشكر

[أحلى كويتية]

اختى الغاليه blue_girl ماله داعى هالاسلوب مع اختنا بنت الخليج ردك الغاليه كان قاسى عليها اهيا ردها مجرد دعابه مو اكثر ومبين انها تتغشمر وحتى لو رأيها الخاص نحترم وجهة نظر كل واحد فينا

تحياتى لج وارجو عدم الزعل

[!

XX¶¾½~¶أسـ½¾ـمـ½¾ـر¶~½¾¶XX

!]

<div align="center">يسلمووووووووووووووو اختى احلى كويتيه على هالموضوع والصور
بس مو جنه يمدحون القز فيه يا احلى كويتيه انا 24 /24 ساعها انا فيه ماكو يوم ماروح له اذا يوم واحد طافنى جنه سنه مو رايح له (ebtsama)

الى الامام اختى احلى كويتيه
اخوكم : اسمر </div> (top)

[!

XX¶¾½~¶أسـ½¾ـمـ½¾ـر¶~½¾¶XX

!]

<div align="center">يسلمووووووووووووووو اختى احلى كويتيه على هالموضوع والصور
بس مو جنه يمدحون القز فيه يا احلى كويتيه انا 24 /24 فيه ماكو يوم ماروح له اذا يوم واحد طافنى جنه سنه مو رايح له (ebtsama)

الى الامام اختى احلى كويتيه
اخوكم : اسمر </div>

[أحلى كويتية]

اشدعوه عاد الله يهديك اربع وعشرين ساعه انشبهت فيه عيل ههههههههههههه صير شرطى واقعد بدوريه على الاقل مداوم رسمى

تحياتى لمرورك

[Bu_DLal]

<div align="CENTER">http://members.lycos.co.uk/edborders/b109.gif

مشكوووره على الموضوووع الروعه

تحياتي

http://members.lycos.co.uk/edborders/b121.gif</div>

[adel-adel]

هههههههههه شارع الحب مشكلة حييييييل وياريت فى شى حلوا فرارة على الفاضى شغلة بس اترس بانزين وياللة كز بالشوارع .... والمشكلة الاكبر ياريت فى جيبة ربع دينار هههههههه يستلف من ربعة او يرز الوجة معاهم ..... يعنى انا منهم كشخة واللة يعين سكان المنطقة من ازعاج السياكل والبانشيات ...... وعسى وحدة مرت بالشارع حتى لو كبر امة ستين الف واحد وراهة ويا كثر الحوادث بشارع الحب وسيارات ثمينة وغالية وكلهم اجار من المكاتب او تلقين عندهم محل بيع سيارات ويكشخ فيهم تالى الليل والصبح يرجعها ويغسلها العموم مانى مطول وادرى انا اتكلم وايد ههههههه بس خليهة على اللة ........ والحمداللة انى بعيد عنهم وعن مشاكلهم وتحياتى على الموضوع الطيب اختى العزيزة

[أحلى كويتية]

ايه والله صاج بس فراره ومفلسين هههههههههه

مشكوريييين على مروركم

[!! بطـــوطـــة !!]

LoOoOoOoOoL

تصدقين انه هذي اول مرة اعرف عنه

بس ليش مو مزينينه بالاحمر شي :D<= متأثرة حدها
تسلمين على الصور والشرح لوول

[adel-adel]

ههههههههههههههههه واللة طرارة وديون على ظهرة علشان الكشخة واللة منقهر منهم ...... يعنى مرة من الايام واحد مع صديقة يتمشون على قولتهم بشارع الحب وفى وقت الظهيرة بالحر شاف وحدة جميلة ومكياج يعنى بصراحة تلفت النظر حيييل مع صديقتها اظن كانوا ريحين ستار بوكس او مكان ثانى اللة واعلم ويلحق ويلحق ويلحق واخر شى توقفوا عند الاشارة تدرون من طلع ....؟ بنت عم واحد فيهم واخت الشخص الثانى وبعد مالة داعى اكمل شنوا اللى صار بينهم وطبعا السيارة غريبة على الشخصين واسمحولى طولت عليكم (top1) (top1) (تعجب) (برافو)

[عيميه بحت]

الله بس على حمد دايما ايميلاته روعه تهبل ولايعلى عليها

يعطيج العافيه اختي عالنشر

تحياتي

[أحلى كويتية]

مشكوووووريييييييييين على المرور والتمشى بشارع الحب :)

[برورة]

مشكووووووووووووورة احلى كويتية على الموضوع الحلووو والصور والصراحة انا ماني شايفة فيه شي لايق مع الاسم واموووت وأعرف منو مسميه شارع الحب لووووول

[ولدها]

شارع الحب بإختصار شديد جدا هو شارع المظاهر والمراهقين

تقبلي مني كل التقدير على جهودج الطيبة اختي الغالية أحلى كويتية وكل التحية والإحترام لشخصج الكريم

تحياتي

[SaLoMkA]

مشكوره اختي على الموضوع بس جنج نسيتي تذكرين شارع الصعايده اللي بالجهرا
طبعا هذا من اهم المعالم اللي بمنطقتنا اللي اهي الجهرا الشارع هذا يتكون من شويه
بيوت مهدمه كلها عزابيه و جدام هالبيوت تلاقون مرسيدسات قديمه يعني خنزيره
و اهم شي الريحه اللي بشارع الصعايده ارجو انكم تزورون هالشارع و تكتبون فيه كتب




. . . . . . وبس