ديوان الشاعر محمد ابن فطيس

[فقير الحظ]

ديوان شاعر المليون / محمد ابن فطيس


سولفوووو



سولفوا تكفـون لا عـاد تسكتـون
قبـل لا أهوجـس وياتينـي بـلاي
السكـات يـزود طعونـي طعـون
وتنكسر لا جا على راسي عصـاي
سولفوا لو مـا بغيتـوا اتسولفـون
قبل لا اقعد في الحزن رايح .. وجاي
واضحكوا لو بالعمالـه تضحكـون
وجاملونـي لـو يضايقكـم حكـاي
لي وليفٍ راح جعلـه مـا يهـون
هــو دواي وداي .. أو داي ودواي
راح لكن طيف زوله فـي العيـون
مــرةٍ قـدامـي ومــرة وراي
وإن سكتوا جا وهو طيفـه يمـون
رحت أهوجس له وأبيـن لـه ولاي
مكسب عيوني من الفرقا مـزووون
تمطر لطاريه .. والبرق ؟ أصدقـاي
كل ما طـروه لـو هـم يمزحـون
احرموني من غداي ومـن عشـاي
أدري إنه ما تناسـى الـود كـون
تسمع إذنه في قفاي اللسن عـداي
وكانهـم قالـوا نسيتـه يكذبـون
وإلا أنا فيـه أمتلـك نظـرة وراي
كان حبه لي على خبـري مصـون
والله ان كنـي بقـدري .. وبغـلاي
ذي بقايا الحـب وأطـلال الجنـون
والله أعلم في ضميـره وش بقـاي
غير طيعونـي ولا عـاد تسكتـون
ولا والله إن أسمعـكـم بـكـاااي





.............

شــــطـــر حفـــــظتــــــه




مانـي بمـن ياتـي ولا يـدري بـه
شطرٍ حفظتـه مـا أعـرف كتابـه
شطـرٍ يناسبنـي لمـثـل الليـلـه
وآشوفني في ذا المكـان أولـى بـه
أبــا أتـكــل بالله ونـعــمٍ بالله
اللي مـا يوصـد دون خلقـه بابـه
باقـول واللجنـه تقـيـم قـولـي
ومـن كثـرة الشعـار مانـي آبـه
الحمـد لله واثـقٍ مــن روحــي
وإن كنـت ذيـب فالرجـال ذيـابـه
ما أقول أنا أشعر واحدٍ فـي العالـم
لكن قصيـدي كفـو وأنـا أدرى بـه
الشعـر جمعـنـا لــو تفرقـنـا
حـدودنـا وظروفـنـا الـغـلابـة
الله يبيـض وجـه راعـي الفكـرة
عـز الله انهـا تنحسـب لحسـابـه
والله يبيـض وجـه مـن يرعاهـا
محـمـد الله يحفـظـه لأحبـابـه
محمد ولـد زايـد عريـب المجنـى
ولـي عـهـد الـديـرة الخـلابـة
الشعـر تاريـخ لنـا مـن مبطـي
وإعلامنـا يـوم السنيـن نهـابـه
الشعـر بيـت والـوزن عمـدانـه
معنـاه طنـب وقافيـتـه حجـابـه
الشعـر وادٍ فيـه صـيـد واجــد
وكـلٍ علـى الـوادي يهـج ركابـه
والأفكار صيد وكـل شاعـر قانـص
وكـلٍ يدسـم شـاربـه مخـلابـه
أحد خيالـه حـر .. وأحـد وكـري
وأحـدٍ خيالـه كـوبـجٍ بقطـابـه
وأنـا خيالـي كـل مــا هديـتـه
حول على الـوادي وصـاد عقابـه
شاركـت أمثـل ديرتـي وربوعـي
وكـل يمـثـل ديـرتـه وأقـرابـه
والله إلـــى الله راد والله قـالــه
إنـي لا أسلمهـا الفخـر وكتـابـه
داري قطـر .. وأنـا هنـا أمثل
هـاالمجـد مطلوبـي وأنــا طـلابـه
عهـدٍ علـي إنـي لا أشـرف داري
تـرك صبـي مـا يـعـز تـرابـه
شوفـوا دمـي مـن حبهـا عنابـي
وحماستـي مـن ضوهـا شبـابـه
شاعـر خليجـي والعروبـة بيتـي
والبيت مـا ياقـف بـدون أطنابـه
وإن عـودت بيـن القبايـل فزعـه
أنا أشهد إنـي فـي اللـوازم لابـه
لي في القبايـل ربـع .. وأقدرهـم
ماني بمـن يجهـل مقـام أصحابـه
وإن عودت لأصلي .. فأنا أصلي مري
من صلب يام أهـد القنـا وخضابـه
قـومٍ لنـا فـوق المعالـي بيـرق
والسيـف قـوة سلـتـه بنصـابـه
الشعـر طوقنـي وأنــا طوقـتـه
قمـت آتمشـى بـه وأفـك أبوابـه
يـا بنـت ياللـي تفرقيـن بعـودج
مـا ألومهـم لـو كثـروا الخطابـه
لامر بـج دربـج علـى خلـق الله
قالـوا كـذا بالأصـبـع السبـابـه
زينـج يزينـه فعـل أبيـج وجـدج
وإنتـي بـدورج للنـقـى كسـابـه
قومي تباهي بـي .. وفلـي راسـج
عليج مـن ستـر الشـرف جلبابـه
وإن ما سترتـج بالفعـول وباسمـي
فعقبنـي الفنـجـال يــا صبـابـه





......




في شاعر المليون






في شاعر المليون للشعـر مضمـار
والسابقة في الشوط تظهـر بيدهـا
امضمريـن أبكـار الأفكـار شعّـار
وكلـن يحضّربكرتـه فـي وعدهـا
واللي تردت لا يـدور لهـا أعـذار
معـذورة مـا دام قـد ذا جهـدهـا
واللي تعوص وتضرب الحاجز يسـار
تشـلّ ف الدنـة وترجـع بلـدهـا
وأنا ذلولي بنت صوغـان الأشعـار
من حبهـا عنـدي تفحـم وحدهـا
إن جاره الله من تصاريـف الأقـدار
جاتك وجـاك الجيـش كلـه بعدهـا
الله عليهـا مـن مقاريـد الأنظـار
وصلت تحست مـا غشاهـا زبدهـا
وتلقوفهـا بالعلـم رمـز وإشعـار
وصفق لها منهـو بعينـه شهدهـا
ومن روبها أول ما تنصـخ تمطـار
ياللي تزعفرها من الطـاس زدهـا
شبهت بالهجن الأصيـلات الأشعـار
وقصيدتـي تـراث أهلنـا مـددهـا
أعتزبـه وأقبلـه إجـلال وإكـبـار
واحة شرف يا سعد منهـو وردهـا
أغلبنا في موجب الضيـف والجـار
يحلـب لبنهـا قبـل يذبـح ولدهـا
وتراثنا مـن دونـه نبيـع الأعمـار
وبأفعالنـا روس المعالـي صعدهـا
واليوم ضاق الجو من كثر الأقمـار
تبـث حقـد لـي لحقـده رفـدهـا
غزا الشعر قبل أمس غازين الأفكـار
قومن على الساحة دفعهـا حقدهـا
تلفقوا ثم جاؤوا مـن كـل الأقطـار
هـذا يصبحهـا والآخـر هجـدهـا
هذا يحرف في الأسف سر وإجهـار
وهذاك يذبح موهبـة فـي مهدهـا
وقفوا علم للشعر في وقت الأسحـار
غاروا على الساحة وعروا جسدهـا
وصاحت بعد ما شافت سترها طـار
ووقّف ولد زايـد محمـد ساعدهـا
قال أبشري بالستـر وبـردة الثـار
وأضفى عليها سترهـا مـا نشدهـا
واستل سيف فـي المواجيـب بتـار
واطلب وردن في العلا مـن فقدهـا
على خطى زايد خطاويـه مـا بـار
والحاجة اللي فـي خيالـه وجدهـا
أغنى العرب من شوف أكاديمي ستار
ومن شوف أمر من السخافات وأدهى
شفت الشعر بستان وأبوابـه أزهـار
وقطفت ما يسقي المشاعر شهدهـا
قطفتهـا مـن ديـرة تنبـت أحـرار
من دار بـو مشعـل ذراي وسندهـا




...........




يـــوم المزايـيـــن





من لابتي مّره الى جـدي افطيـس
ربعي مطوّعة الصعـب بالصمايـل
ناموس ياللـي تكسبـون النواميـس
ياهـل العلـوم الغانمـه والجمايـل
اهل السموت وفي الملاقا فواعيـس
يقطعـك ياهـرجٍ بلـيـا دلايــل
انتو خيارينٍ علـى الخيـل فريّـس
اسـمٍ ينومـس بيـن كـل القبايـل
يامقلّطينٍ شـذرة السيـف والكيـس
قد قالها ابن حميد ضمـن المثايـل
منصا الرجال اللي على ضمّر العيس
وفالحرب نطّاحة شبـا كـل عايـل
هواجرٍ لاجـات قدهـي مقاويـس
ركب الضيوف امن السرا والقوايـل
تنصا ربـاع امتعّبيـن المحاميـس
مروين حـد المرهفـات الصقايـل
يردون غصباً والعزاوي متاريـس
لاجـا نهـارٍ فيـه عـدلٍ ومايـل
وامسيّسين اسياسة الفـوز تسيّيـس
باللبل وبالهجن السبـاق الاصايـل
تفوز في يـوم المزايـن وفالريـس
من كـل منعوتـه تسمـى وحايـل
ولو حصل للبل من النـاس تفليـس
يكفيكم انك فالعـرب مـن لاوايـل
تلبس من العنّـاب زيـن الملابيـس
يوم المزاين مـع ارجـال الحمايـل
يزها بها لون العلـم تتبـع افنيـس
ابلٍ لهـا عـادات كسـب النفايـل
ومدحي لبو زايد محمد بـلا قيـس
مدحٍ لـو يقـارن بفعلـه .. قلايـل
الله يمهّـل بـه ويخـزي لاباليـس
وايدوم ذكره فـوق كـل الطوايـل





............




لا ضاقت الدنيا عليـك وتشاويـت
خلق الله اللي فالرخا كـان واجـد
ومن العرب والصوت والثوب مليت
وقامت عليك هموم بأقعا تراجـد
فارفع يديك لخالقـك لا توضيـت
وادعو تراك أقرب إليا صرت ساجد
ووقت من أوقاتك للأوقات توقيـت
وسجل لنفسك في المساجد تواجـد
وأبشر بفزعة حامي الدين والبيت
إليا هجدك من الهواجيـس هاجـد
اللي يميت الحي ثم يحيي الميـتل
رضاه شف كثر البشر بالمساجـد






............






تالي عصير







الضيقة اللـي دايـمٍ تالـي عصيـر
وش حيلتـي وأردهـا لا تجيـنـي
لا طال ظل العود حزة عشى الطيـر
كنها على سجـن الحديـد تحدينـي
يضيق صدري كل ما جـات وأسيـر
ولايخفـف سـوج رجلـي حنينـي
لا حولنا مشـراف ولا اقـدر اطيـر
يالله قمـسـة خـيـر لا تبتليـنـي
وعقارب الساعة توقف عن السيـر
ولاكن في الدوحة سواتـي حزينـي
والعبره اللي تاصل الحلـق وتحيـر
يا قربها لو قيـل لـي يـا عوينـي
أمل شـوف النـاس ورد ومصاديـر
واللي يقول اشفيـك كنـه يهجينـي
يعني على ما قيل من بـاب تصويـر
(لاحدٍ أبي قربـه ولا أحـدٍ يبينـي)
أروح أدور خـط مـابـه دواويــر
وأدور الـلـي هـادهـا تهتديـنـي
وآخذ مع الهاجوس سجـة وتفكيـر
وأراجع اللـي فـات بينـي وبينـي
وأحسـب ذنوبـي وأدور التكفـيـر
عساي مـا قصـرت فـي والدينـي
وعساي ما قارنت من ينفـخ الكيـر
واللي يحمل المسـك جعلـه قرينـي
ويطري علي يوم الحشر وأطلب مجير
ما أعطى كتابي في شقيقـة يمينـي
ويطري علي صدقان كثـر الدنانيـر
اللـي اتعادينـي إلا كـثـر ديـنـي
وراعي الهروج اللي سوات المناشير
أصـد عنـه وأدري انـه يعنيـنـي
الله حسيبه يـوم عـرض القواويـر
والله حسبـي مـن صـواب مكينـي
وإلا طرالـي واحـد كانـه اصغيـر
أم أصغـر بيومـيـن ولا سنيـنـي
دريت وش قومـي وعينـت تفسيـر
للضيقة اللـي مـن زمـن تعتلينـي
حبه بصدري سالفة سـر فـي بيـر
وكـن الفـواد يقـول هـذا زبينـي
أشفق على علمٍ يجي منه من غيـر
لا يسمع اللي سولفـوا بـه ونينـي
يا كثرهم غيرهم ولكن خبـر خيـر
ما غير شوفه في الوجـود يهنينـي
رايي كـذا يـا عاشقيـن الغناديـر
ماله على وجـه البسيطـه وزينـي
العام أجيهم من حسـاب المساييـر
واليوم حـال عـداي وينـه ووينـي
خطاي تعليق الأمـل فـي المدابيـر
اليـن راح وشفـت حقـري بعينـي
صبرٍ جميـل وخابـر إنـه مقاديـر
والله على تخفيـف حزنـي عوينـي
ذي حالتي لين اتغبا الشمس واصيـر
معطى سراحي عقب مانـا سجينـي
واذا امتلى جوف الشجر بالعصافيـر
طلبـت مـن رب العبـاد يهديـنـي
يعتقني المذن عقب ضيقـة عصيـر
اللي على سجـن الفـراق اتحدينـي







...........




الــبـارحـــة



البارحـة ربـي كتـب لـي ومريـت
دربٍ عليه بـروق الأحبـاب لاحـت
جيت المكان اللـي جمعنـا وخفيـت
وقامت جروحي للجـوارح وصاحـت
ياليتنـي فـي لفـة الـدرب زليـت
كان العيون مـن الدمـوع استباحـت
التم غيـم الدمـع مـن يـوم لفيـت
وورقا القصيد لشوفـة الغيـم ناحـت
وضحكت ماأبغي الناس تدري يبالفيـت
لكنها غصـبٍ علـى العيـن ساحـت
حارت دموعي في عيونـي وصديـت
وأرمشت مابيهـا تبيـن .. وطاحـت
وعقبه برق في العين براق .. واسقيت
خـدي ووناتـي بصـدري تـلاحـت
وأنا أحسب إني في فراقـه تشافيـت
وان عبرتي من مدخل الـزاد زاحـت
اللي يحسب إني على البعـد سجيـت
والا ان عيونـي للرقـاد استبـاحـت
ياليتني مـن قبـل لا أحبـه اقفيـت
والا ان دروبي عـن دروبـه تناحـت
أهون علـي مـن البكـا والتناهيـت
وأشلا من سدودٍ على النـاس باحـت
عرفت كيف الحي يفرق عـن الميـت
وعرفت قيمـة نعمتـي يـوم راحـت
قولولـه انـي عقـب بعـده تدانيـت
ورجلي عن دروب المعافيـن شاحـت
البعد نـار وطاعـة العـذل كبريـت
يقصر على بعده .. ترى الكبد فاحـت



.............





أنا جـــيت كـــلي





ماهو بكيفك عقـب شـيٍ حصلـي
من ذوّق المحتاج يصبر الى احرجْه
خليتني مـن حلـو حاليـك احلـي
واصبحت مدمن حب والقلب روّجْـه
بين العروق وصار مافيه " ملـي "
الا ولـه جُـرّه تمـرّه وتسهَجْـه
وذود الغلا في عشب قلبـي تفلـي
وتراب صدري للمطر منْك ما احوجْه
يمحل الى صدّيت ويموت يـا اللـي
صديت عنّه والله احيـاه واخرجْـه
ولي خاطر ٍ يسألْك من لي ياخلـي؟
غيبتْك تلعب به وشوفتْـك تبهجْـه
ولي عين حالي دمعها لـك يهلـي
وانْ رحْت راحت مالح الدمع تزعجْه
غالـي ولا يحتـاج بسّـك تغلـي
غلاك اخذ قلبي وروّضْه واسرجْـه
ولو قلت ياعينـي بصـدره تملـي
شافت خفوق ٍ حبك الـذرْب توّجْـه
وماهو على كيفك عقب ما حصلـي
من ذوّق المحتاج يصبر الى ازعجْه
(عطيتني وجهك وانـا جيـت كلـي
محروم والمحروم ما ينعطا وجْـه)


.................... .....




في كــــفـــها خــــاتــــــم





في كفهـا خاتـم وفـي خدهـا خـال
وفي عينها غيـم وعمـارات وبيـوت
الخال شفته واضحٍ مـن ورى الشـال
والخاتـم المـاس مرصـع بيـاقـوت
والعمر في العشرين كنـي مانيـب زال
والجسم كنه من جبـل ثلـج منحـوت
جبل ولكـن لا طرقـه الهـوى مـال
وخطواتها ماهـي بالأمتـار بالفـوت
ماهي تشوف الشمس من ظل الاظـلال
ومصيافها مـا بيـن لنـدن وبيـروت
الشمس لو تشرق على جسمها سـال
كنهـا مجسـم محلبيـه وبسـكـوت
ومن صغر مبسمها شقى حالها الحـال
ما تاكل الا اللـوز والخـوخ والتـوت
ماهي تشوف الناس تمشـي وتختـال
ومرٍ على جاكور ومـرٍ علـى حـوت
وخدامتيـن وهـي بـلا زوج وعيـال
وسمعتهـا تدعـي الدريـول يياقـوت
وثـلاث جـوالات مـاهـو جــوال
ومن يوم خلقت كـل شـيٍ بريمـوت
لكـن قلبـي مالهـا فـيـه مثـقـال
وش قرب البشت الحساوي من الكـوت
ياجعلهـا للـي خـذت قلبـي نـعـال
اللي غلاها عنـدي الشـرب والقـوت
حوريـةٍ مـن فوقهـا الليـل شـلال
كنهـا صبـحٍ فوقهـا الليـل مكتـوت
قلبي لها من كثـرة الشـوق مشخـال
وللسر عـن كـل المخاليـق تابـوت
تنحت لي من الحب في القلـب تمثـال
وحبي لها ينحت على الساحـه بيـوت
فـي عينهـا ماكـل رجـال رجــال
وأقصى حدود الوصل في سلمها الصوت
زودٍ على القلب وعلى الحسن مـن آل
روسٍ لهم روسٍ على متونها بشـووت
الى رضت موتوا يا أهل روس الأموال
وإلى زعلت جربت وش سكرة المـوت
من دونهـا رجلـي وراكـب وخيـال
والسيف والأمـواج والبحـر والحـوت





..............






بعض العرب حبه يوردك الجنون
.................... ................ولا يوصف له غلاه حكاك له

مايقنعه وصف الغلا لو وش يكون
.................... ................ لو كل حرف بالحرير يحاك له

الموت جاك وهو تقلبه الظنون
.................... ................ ولا لك الا الصبر وش وداك له

ان قلت ضايق قال هونها تهون
.................... ................يدري ان ضيقتك له وبكاك له

تقعد تحبه وانت ساكت ومغبون
.................... ................كن بيوم يقال له مااوفاك له

وكانك مشكك هو يمون او ما يمون
.................... ................تخيل ان عفت الصبر فرقاك له

غلاه وهو فوق الغلا ماهوب دون
.................... ................ وحكاه سمعك يجبرك بارخاك له

ودك تحطه في العيون من العيون
.................... ................وتبس ط على رمضا الثرى يمناك له

وتظله من الشمس في ظل الجفون
.................... ................ ولا يمر اذنه سوى لباك له

وتسج من غيره لو انهم يذكرون
.................... ................ومني ن ماسجت القدم ممشاك له

غرو يميله الترف ميل الغصون
.................... ................ غصن ليان ومكرمه باسقاك له

جديله الى اقفى ستر منه المتون
.................... ................كني بريحه لاألتفت لأدعاك له

كيك وعسل لكن ماهو في صحون
.................... ................ودعا ك من عين الحسود غطاك له

الله لايعطيه ناس ينضلون
.................... ................ويست ر علية من النحل لا ياكله

الوصف والتعبير في وصفه يخون
.................... ................ غير اطلب الله يستجيب دعاك له

وعذال قلبك في محبته يهبون
.................... ................سكين هم عن قطع حبله حاكله

ناس عن اعراض العرب مايعرضون
.................... ................ ودايم على نفس الشكل والشاكله

اللي من لحوم الاوادم ياكلون
.................... ................ وحلوقهم دفع البلا متواكله

في سلمهم اولى بالاكل الاقربون
.................... .................... واطيبهم اللي صيدته شكواك له

عازمهم الشيطان للذنب ويجون
.................... ................ هذا يقطع له وذاك يواكله

ياجعلهم فدوة ثرا الغض الفتون
.................... ................اللي على الدرب الطويل خطاك له

طيفه الى نام البشر زارك بهون
.................... ................ وطيفك الى نام البشر سراك له

حبه دفان ومقبرة خضر الطعون
.................... ................بين العظام العوج كنك ناكله

اللي كذا.. حبه لو تموت مغبون
.................... ................ولا لك الا الصبر وش وداك له




.............




يامؤمن الريفي أنا جيتك زبـــــون

جيتك على مدح أكثر الناس وعنيت

جيت وتعالى الله عما يشركــــــون

لولاه(يامؤمن ) لطبك ماهتديـــت

راضي بحكم الله علي مهما يكون

عالج عيوني لو بعد طبط عميت

ودي اخاشر فالبصر من يبصرون

واشوف دربي لاسرحت ولا ضويت

والي قنصت اثبت مع اللي يثبتون

واشوف طيري كل مااوميت ودعيت

بااكثر مايضرب خويي الطابلون

من كثر ماكلته مطبات وكليت

وودي اشوف اللي علي يعرضون

وبعض الليالي ودي اسري دون ليت

[خفوقي عاف دقاته]

وربي عالجرح قصيدة سولفوا
موغريب عليه الإبداع ابن فطيس
فقير الحظ
عشت على هالنقل الأكثر من مميز ولاهنت

[فرحان العيفان]

من يستر على الحقائق

فـ الحقيقه هنا شعرا .. :)

الموت جاك وهو تقلبه الظنون
.................... ................ ولا لك الا الصبر وش وداك له


سلمت لنا يافقير الحب