أعدام

[بندر2004]

كسّرت انا في غيبتك كل الاقــــــــــلام .... مادري وش اللي صابني ياضنيني


صــــــــار الالف في غيبتك ينكـتب لام .... عيّى القــلم يكتب وعيّت يدينـــــــي


بعدك يمر اليوم عندي كما عـــــــــــام .... يا ويل حالـــــــي لو فقدتك سنـيني


شفتي السجين اللي انحكم فيه باعدام .... هذي سواتك يا هوى الروح فيني


ما نـــام انا من يوم فرقاك ما نـــــــام .... صرت انتظر زولك يحن ويجــــيني


فكري عن التفكير في غيركم صـــــام .... ما فـــيه غيرك ساكن بوسط عيني


اصحى على طيفك واشوفك بالاحــلام .... كن الســــــــعاده عقبكم ما تبيني


الحزن ضيفي واقشر الحظ ما قــــــام .... والهم دايم يا (الغلا )يحتريــــــني


كانك تبين الحـــــــال في هيئة ارقــام .... شفتي الصـــفر مثل الصفر اكتبيني


يرضيك حــــــالي كان يرضيك مانلام .... لو صحت باعلى الصوت لا تعدميني



ومانلام لو كسرت انا كل الاقــــــــلام .... ما دري وش اللي صابني يا ضنيني

[اسير الشوق]

الله عليك يابندر

الله عليك وصح لسانك ولاهنت ياغالي على هذه القصيده الرائعه

تسلم

والغياب مايطول باذن الله سبحانه وتعالى

[بندر2004]

مشكور أسير وتسلم وصح بدنك ولا هان راسك يالغالي والغياب كان لضرف طارئ والحمدلله على كل شي .

لا تحرمنا من مواضيعك الهادفه عزيزي أسير الشوق .

لك مني كل التقدير والاحترام .

تحياتي

[اسير الشوق]

الله يسلمك ويعافيك

[بندر2004]

(يعطيك العافيه)

[admin]

صح لسانك ولاهنت على الابيات يابو مشعل

كفيت ووفيت بالقصيد وانا من تعبير قلبك قريت :)

تحياتي

[بندر2004]

صح بدنك يابو بدر والله لا يهينك ومشكور من قلبي والله على ردك وتشريفك لهالموضوع ومجرد طلتك تعطي

الموضوع نكهه خاصه تسلم يالغالي .

:D

[سلطان الحب]

صح لسانك أخوي بندر2004


وننتظر جديدك .........

تقبل مني كل التقدير والإحترام

[ابو فهد]

هلا بصاحب الابيات الجميله وص لسانك يابدر المنتدى اللي مانشوفه غير مره في الشهر. بس اذا طلع نور المنتدى وارجوا انك ماتحرمنا من الابيات الحلوه ياحلو.......وتقبل تحياتي (برافو)

[بندر2004]

صح بدنك يا سلطان ولك وافر احترامي يالغالي والجديد عندك أنت ما تخلى وعساك على القوه . (F)

[بندر2004]

هلا يابو فهد المنتدى منور بوجودك ويكفينا تشريفك للموضوع وزيارتك يالغالي ومشكور على الرد وما ننحرم من زياراتك الجميله ان شاء الله . (F)

[نواف الرياض]

اخوي بندر


بصراحه مشالله عليك وعلى ابداعك وعلى احساسك ..


والمنتدى يفتخر بواحد شاعر مثلك...


واشعارك دائماً والله بدون مجامله رائعه...

والى الافضل انشالله...

دام نزف قلمك

تقبل تحياتي

[ابو فهد]

لاشكر على واجب يابدر المنتدىولك خالص تحياتي (top)

[بندر2004]

مشكور أخوي نواف الرياض وشهاده أعتز فيها يالغالي من انسان عزيز وكلك ذوق يا نواف والله لا يحرمنا من هالطلّه .

وآنا أفتخر بوجودي بين أخوان عزيزين شرواك يا نواف .

بما أنك تزودنا دايما بالاخبار العاجله أخوي نواف اليك هذا الخبر العاجل ....( خاص المنتدى الاخباري )

جانا خبر عاجل من اخبار هاليوم ............ نواف جانا دون موعد زياره

يامرحبا بك يا بطل دايم الـــــدوم ............ ومثلك ترانا دايم ٍ في انتظاره (F)

[بندر2004]

(لاتحرمنا) يا فهد المنتدى .

يابو فهــــــد مشكور ياراعي الذوق .............. يا ذوق في ردّك وفي كل ّ ما فيك

تــبوقني يابوفـــــهد بالأدب بـــــوق .............. ما قول غير الله يحقق أمانيـــــــك

(F)

[عاشق المستديره]

الله يعطيك العافيه اخوي ابومشعل على هالابيات الجميله


وأرجو منك العذر لاني تأخرت في الرد عليك بس صدقني


متابع لكل مواضيعك تحياتي لك عاشق المستديره

[بندر2004]

مشكور اخوي عاشق المستديره وما بيني وبينك اعذار وما قصرت ولا تحرمنا من طلتك يكفينا مرورك ويشرفنا ردك .