kuwait99
29-12-2010, 10:28 PM
ديوان الشاعر
دكتور الشعر ( سدّاح العتيبي )
( ., عـتـيـبـيه. , )
.
.
عتيبيّـه .. عريـب ٍ ساسهـا .. ومعرّبـة جدّيـن
سنـام المجـد منهـا ومتسلسـل مـن سلايلـهـا
مغنّ أصل وفصل ومرددّه مـا جـات بيـن ..وبيـن
حـق لـي التفاخـر كـلّ مـا عـدوّا تسلسلـهـا
حفيـدة كاسبيـن الأوّلـه بالسيـف أبـو حـديـن
من أسيـاد العـرب تحسـب ومـن خيـرة قبايلهـا
عليها من شعـوري مـا يزيـل الشـكّ والتخميـن
محبّتهـا فـي قلبـي ثابـتـه مـحـد ٍ يزلزلـهـا
لا عوّد حبّ نسوان العرب .. حبحب علـى السكّيـن
لهن زيف الشعور اللي في صدري .. والصحيح إلها !
خضـع قلبـي وراحـت دقّتـه تتبـع هواهـا ليـن
غلاهـا فـي عروقـي قـام يجـري ويتورسلهـا
أي والله .. ثم أي والله .. غاليه وأغلى من الغاليـن
تدللنـي علـى وضـح النـقـاء الطـاهـر وأدللها
في قلبي حبّها حاجز رقـم واحـد .. ورقـم إثنيـن
ولـو بدلّـت قلبـي مـن معاليقـه مـا أبدلّـهـا
بنظرة عيـن تحجزنـي .. وتطلقنـي بنظـرة عيـن
وأنـا خافـض جنـاح الـذل وعيونـي تغازلـهـا
أجيهـا لـو علـيّ مـن الهمـوم الجايـره طنيّـن
تجلّـت كـل ضيقـه فـي دقيقـه يـوم أقابلـهـا
و ليـا قابلتهـا قمنـا نتسابـق بالكـلام الـزيـن
عسـى ربـيّ يجمّلنـي مثـل مـا هـو مجمّلهـا
تقول الله يحفظك لي مـن الدنيـا .. وأقـول آميـن
وأمازحـهـا وأدلّعـهـا وأداعبـهـا وأقبّـلـهـا
يا ما أحلى زولها كلّه مـن الهامـه ليـا الرجليـن
ا لبيّـه وعسـى عمـري فـدا خصلـة جدايلـهـا
ألا يـا سيّـدة سـادات روحـي يـا عسـى تبقيـن
رعـاك الله مـن جـور السنيـن ومـن هوايلهـا
جعل يومي قبل يومـك يـا يمّـه كيـف أردّ الديـن
جمايلـك الكثيـره فـوق متنـي جيـت شايلـهـا
(., عـــقــوبــه ., )
.
.
صحيح الحبّ الأعمى خالقه ربي بدون عيـون
لكنّي شايف اللـي فيـك يـا خلّـي محبّبنـي
نزاهة روحك و ندرة وفاك وعرضك المصيون
وطهارة قلبك وسطوة حـلاك اللـي معذبنـي
وذكاك ومنطق أسلوبك لا سولفت بغلا مجنون
هذا غير الوصوف اللـي مخبيّهـا وتعجبنـي
أنا ما ودّي أبحث في خبايا الشكل والمضمـون
أقول المختصر .. كلّك على بعضـك تناسبنـي
أناظرك وتناظرني ونظـرات العيـون تمـون
لا قمت أسألك بعيوني .. وبعيونـك تجاوبنـي
أحبّك كثر ما قلبي يـدق وخاطـري مشحـون
وأحّبك كثر ما طيفك علـى طاريـك يجذبنـي
وأحبّك كثر ما شابت من لحون الغرام لحـون
وأحبّك كثـر مـا تقرانـي عيونـك وتكتبنـي
رميت بفلسفة عشقك على سقراط وافلاطـون
ولا فكوّا رموز ٍ في غرامـك بيتهـا مبنـي !
تغيب ويمتلي صدري من الشوق ويضيق الكون
تقول أنّك مع غيابـك عـن الدنيـا مغيّبنـي
أخذني معك يا سيد الحبايب لا تقـول شلـون
على كف المحبّه ودّني فـي قلبـك وجبنـي !
لا تتركني تحت رجوى وصالك والجفاء ملعون
عقوبه .. مالي ومال العقوبـه .. لا تعاقبنـي
...
( فيض المحبين )
/
من ليلة البـارح وحابسنـي الضيـق
عسى صباح اليـوم يطلـق سراحـي
وعادت لي الضيقه على فكّـة الريـق
الله يهوّنـهـا ويسـعـد صـبـاحـي
لا قمت أدرّجها علـى قـد مـا اطيـق
تغانمتنـي مـن جمـيـع النـواحـي
بينـي وبيـن الغرغـره والتشاهيـق
أرمـاش عيـن وجلسـة ٍ وإنسداحـي
لاشـك يومـي عنـد رب المخاليـق
اللـي بذكـره بهجتـي وإنشـراحـي
مانيـب وارث غالـيـات الصنـاديـق
وخزايـن آل سعـود وآل الصباحـي !
أن عشت .. عشت مع الرجال المطاليق
وأن مت .. موتي حق والعمر ماحـي
هبت هموم الصـدر جملـه وتفريـق
وأزريت أعرّضهـا هبـوب الرياحـي
ما عـذّب الشعّـار غيـر الطواريـق
كـل ٍ تعلّـق فـوق قـرن الوضاحـي
موّثقـه مـاعـاد تحـتـاج توثـيـق
وانا قنعـت وخاطـري مـا استراحـي
وشاح خملوقه .. علـى أم الخماليـق
اللـي تشوفونـه عليّـه وشـاحـي !
أغيب مـن فيـض المحبيّـن وافيـق
وآخـذ بـلا منّـه شهـادة نجـاحـي
والعولمـه تفتـح قفـول ٍ مغالـيـق
وهـذا زمـان الفـتـح والإنفتـاحـي
ماجيتهـا ناكـر وملـحـد وزنـديـق
أعرف صلاح الدين وأعـرف صلاحـي
لكنّ يـا شاهـق بـروس الشواهيـق
دحدر على ماجـاك وأسـرح وتاحـي
والحرّ لـو يرضـى بحكـم المسابيـق
شاب ونبت له فـي جناحـه جناحـي
ويزيد غبنـه مـن فـروخ الغرانيـق
لا صنّفوهـا مـن طيـور الفـلاحـي
رميـت فـي وجـه اللئيـم المواثيـق
وطلبت من وجـه الكريـم السماحـي
ودوّنت فـي قسـم المجانيـن تعليـق
من يشتم المجنون ماهـوب صاحـي ؟
..
حــاجــز إســمـنتي ,’ ) ـ ـ ـ
/
ليت الهبوب تشيلنـي وألحـق مراويـح السّحـاب
اللـي تعدّتـنـي تـلـوح بروقـهـا بنحـورهـا
محتاج أناقشهـا وأدوّر للضمـاء بـاب وجـواب
وأحكي لها .. وأشكي لها من جور الأرض وجورها
أمّـا تصـبّ حمولهـا والله يكافيـنـا الـعـذاب
وإلاّ تـروح بدربـهـا وحمولـهـا بظهـورهـا
قمنا نبـلّ اليابسـه بالبحـر .. ليـن البحـر راب
والشمس تحرق روسنـا وتعبّـر عـن شعورهـا
بيني وبيـن الإبتسامـه حاجـز إسمنتـي وبـاب
عيّت لا تفتح بابها .. وأزريت لا أشقح سورهـا !
مدري صدور النـاس مـا يثّـر عليهـا الإكتئـاب
وإلاّ ان صدري يختلف ماهـوب مثـل صدورهـا
من ما تشوف العيـن كّـن بنونهـا شلفـا ذيـاب
سنّـت مقاديـر الزمـان الغـايـره ساطـورهـا
بين الرجاء والخوف وأسباب الدعـاء المستجـاب
ذنوبنـا فـي لوحنـا المحفـوظ تلعـب دورهــا
نمسي على ريش القطا .. مدري على ريش الغراب
ونصبح وكـل أحلامنـا قامـت تطيـر طيورهـا
امجادنا لأجدادنا ..كـم غـاب جـدّ ومجـد غـاب
لا عاد تنشـد عـن غيـاب أمجادنـا وحضورهـا
والمجتمـع قامـت تقاليـده تعيـب وتستـعـاب
عقب الحضـاره ولّعـت فـي عتمتـه ديجورهـا
والمصلحين اللـي منـوّل مـا يحبّـون الخـراب
أغرتهـم الموضـه وراحـوا يسبحـون بحورهـا
والدولـه اللـي حبّهـا بقلـوب شيّـاب وشبـاب
ما يختلف لـو قامـت الدنيـا تـدفّ شرورهـا !
عزيـزه وتحفـظ معزتهـا عزيـزيـن الجـنـاب
والحـرّ فيهـا يقضـب الحـريّـه بحنجـورهـا
تفرض عليـه الواجـب وتعطيـه حـق الإنتخـاب
والخلق حسب عقولهـا تمشـي علـى منظورهـا
صـوّت لشمطـان اللّحـى والا لتلعـات الرقـاب
كلّـه سـوا يـا خالطيـن أناثـهـا بذكـورهـا
والبرلمان المنتخـب يـوم أنقسـم ودّا .. وجـاب
جلسات تحت القبّـه اللـي مـا يشعشـع نورهـا
مرّت سنـه بأيامهـا وشهورهـا والظـنّ خـاب
لا واعـذاب اللـي يعـدّ أيامـهـا وشهـورهـا
يا سلطـة التشريـع شـرع الله منـزّل بالكتـاب
ماهوب سنّة دولـة ٍ نمشـي علـى دستورهـا !
النائبـات الفاضـلات مصلّعـات بــلا حـجـاب
أطيبهن اللـي جـات تمشـط راسهـا بظفورهـا
وأن قيل دكتورات .. قلت أهبّن يـا مـال الذهـاب
العلـه الصرمـاء تفشّـت وأنصـرم دكتـورهـا
اللي مجانبها الخطا .. واللـي مجانبهـا الصـواب
لو ريقهـا حالـي لا تآمنهـا وتشـرب سورهـا
والله ما نبحث من وراهـن لا طعـام ولا شـراب
وأم العبر لا رحم جدّ اللـي مشـا فـي شورهـا
بالمختصر .. يا ويلكم ويـلاه مـن شـرّ الـدواب
يا مرتجين الخير من عمي الـدواب وعورهـا !!
..
( شوف المــنـظره ) .,
/
يا عبوس الوجه حـاول تفـلّ الحاجبيـن
إبتسم .. وانفض حجاجك وشوف المنظـره
تعرف أنّ الإبتسامه لهـا معنـى ً ثميـن
يوم حطّت فـي ملامـح محيـاك أثمـره
مير لا تبخل بها .. عن وجيه المسلميـن
خلّ وجهك مسفر مـع الوجيـه المسفـره
ليه جالس تجمع الضيق مهمـوم وحزيـن
لا يعشعش فوقك الهـمّ .. وأنتـه تقـدره
عوّد لسانـك علـى ذكـر ربّ العالميـن
أذكر الله .. وأحمده .. وأشكره .. وإستغفره
و الصلاة بوقتهـا تجلـي الهـم الدفيـن
إستعن بمواظبتهـا علـى اللـيّ تشعـره
ومع صلاتك .. شدّ حيلك في برّ الوالديـن
إخفض جناحك لهم كـان تبغـى المغفـره
وأطلـب الله بالمصايـب يمـدّك باليقيـن
المصايـب مستديـره .. والأرض مـدوّره
وكان قامت تشغلك نزغة إبليـس اللعيـن
إستعذ من نزغـة ابليـس وإلعـن خيّـره
و لا تجي شذاب عرقوب يـا ذرب اليميـن
النميمـه سلعـة الـلاش رجـال ومـره
قل لبو نمّات .. خلّك على سمن وسميـن
لا تحـوّل فـي مغبّـة وسيـع الحنجـره
ولا تدوّر شور من واحـد ٍ مافيـه ديـن
لو يسطّر سيرتـه .. بالقلـم والمسطـره
وأعرف ان الّرزق مكتوب والقاسي يليـن
والله اللـي يغنـي العبـد .. وإلا يفـقـره
أعظم الأخلاق في منهـج الحـق المبيـن
بين كظم الغيض .. والعفو عنـد المقـدره
أنصحك وأنصح معك نفسي ويا الله تعيـن
من لحود الناس قامـت تفيـض المقبـره
ما نبى إلاّ روضة ٍ من رياض الصالحيـن
عقب نشتال المتـاع .. ونقـصّ التذكـره
..
( بعيد الشك )
حبيبي هاك قلبي .. وأبحث اللي مشغل ٍ بالـك
تصفّح سيرته .. وأكشف خفايـاه وتفاصيلـه
من الأرشيف شوف اللي ما شيف وحطّ معدالك
ولا تحكم علـى دمّـه قبـل تقـرا تحاليلـه
تنقّل بين صفحاته مـدام البحـث يحـلا لـك
وتابع قصّته مع كل عاشق قـام يومـي لـه
صحيح أنّه كبير وكـلّ درب ٍ يآصلـه سالـك
لكنّه دون بابه حـطّ لـه .. لفّـه وتحويلـه
علاقاته كثيره مير مـا جاتـه مـن أمثالـك
تجيه من الوهم وأطول علاقه عمرها ليلـه !
دخلها من طرف واحد وصار الوصل متهالـك
وطلع منها قبل تفشي دموعـه سـرّ منديلـه
وبعد شمسك بدت تكبر عليه ويكبـر ظلالـك
تعدّل حال طقسه من غرامك وأعتـدل ميلـه
بدت تلعب هبوبك وألتـوا عقـدك بسلسالـك
وصار اللي ما بين العقد والسلسال يا ويلـه !
دفع دقّات نبضه كلها وأمسـت علـى جالـك
وجلس مع عزف دقاته يغنـي لـك مواويلـه
رضخ لك لين صرت اللي تجوّل فيـه بلحالـك
لو أنّه من قديم الوقت مـا تشـرب فناجيلـه
ترفّق بـه ولا ترمـي عليـه اللـي يورّالـك
بعيد الشك عن بذرة غـلاه وعـن محاصيلـه
تحكّم به على كيفك بعـد مـا طـاب منزالـك
على عرشه ولا ترضى على الحاكـم بتبديلـه
يحبّك والشعور الحيّ .. يحيى له ويحيى لـك
يعيش الحبّ لو شان الزمـان وقلّـت الحيلـه
كذا والبحث جاري وأنت في حلّـك وترحالـك
تجرّه مع دروبك ليـن ترجـع فـي مداهيلـه
يقولون العرب .. يا حبّ فـال الله ولا فالـك
وأنا أقول الجفا بلوى .. ويا فرقا من أنتي له !
...
( سجل معي. )
العقد الأول قضى مـن ثالـث ألفيّـه
أقفى بما يحمله من غيـر معـوادي
أيّامـه الغابـره ماهـيـب عـاديّـه
غاضت وفاضت هموم وحرب وجهادي
سجّل معي .. والليالي نارهـا حيّـه
صبّت سنا نارها في نورهـا البـادي
تمـرّدت كـلّ الأحـداث السياسـيّـه
من عقب كانت تسير .. ومشيها هادي
من طيحة البرج بين الشمس والفيّـه
والقاعده واقفـه .. مافيـه مقعـادي
و الأبن بوش أستبدّ و وضّـح النيّـه
وبلير زجّه معه فـي غـزو بغـدادي
و قامت تهـان الديانـات السماويّـه
ويسبْ خير البشر رسولنـا الهـادي
ناهيك عن نزعـة الشـرّ اليهوديّـه
شهرين غزّه ماغير تصيـح وتنـادي
وصناعة المـوت بالنـاس الفداويّـه
والإغتيـالات بالريمـوت تنـقـادي
و موجة فتاوي بدون أحكام شرعيّـه
اللي على التلفزه واللي على الـرادي
ومطامع الرافضـه بسـم الحسينيّـه
ومفاعلات آية الله .. وأحمد نجـادي
وأزمة ديـون المشاريـع التجاريّـه
وتسريب الأموال بين الضلع والـوادي
وسيول جدّه .. وتنصيـب الحراميّـه
والله يعين العبـاد وعاشـت بـلادي
والشّعـر ومسابقاتـه والحونشـيّـه
وبذخ الملايين في سـرداد مـردادي
ومسارح الـردح لعيـون العمانيّـه
ومنقيّة أباعر .. وشاعـر وقصّـادي
العقـد حافـل وفيـه أخبـار سريّـه
تفرض عليها الرقابـه مـوس ردّادي
وعلـى صعيـد العلاقـات الغراميّـه
قام يتغطرس عليّـه غايـة مـرادي
تمـرّ الآيـام .. والأحـلام ورديّــه
وللوجد رزنامة .. وللشـوق عـدّادي
أجاهـد الحـبّ بالـروح الرياضيّـه
وأن بادت الذكريات .. جروحي جدادي
ما بادت جروحـي وعينـي شقاويّـه
لكن عسى الله يعوضك خير يا فوادي
أحـذر تضيّـع مباديـك الحقيقـيّـه
اللي تعلّمتهـا مـن يـوم ميـلادي !
...
( الغاويه والدراويش )
يا طير غرّد للهوى وأنفـض الريـش
لازالـت أنسـام الهبايـب لطيـفـه
والجوّ هادي لو دخل فيـه تشويـش
ومشاعـرك ماهيـب دايـم رهيفـه
لا يختلف لونـك فـدوك الخفافيـش
اللـي تحـت جنـح الغـداري لفيفـه
ما تنتهي نشـرة علـوم المطاريـش
واللي معـه علـم ٍ جديـد ٍ يضيفـه
الغاويه جاء مـن وراهـا دراويـش
واحدهم أسود وجه .. وأسود صحيفه
تنكـروّا للجـار والملـح والعـيـش
ما عندهـم غيـر الخيانـه وظيفـه
سلامة الحدّ الجنوبـي مـن الطيـش
ومن العبـث والشرذمـات الضعيفـه
مدري فلول الشرّ تنقز علـى ويـش
وشيطانهـا الاكبـر يصيـح لحليفـه
روس الزيود اللي مافيهـا عراميـش
قامت تعرمش بيـن جيفـه وجيفـه !
يا الحوثي اللي معك رشـاش حتّيـش
هات الرصاصه وأخـذ عنهـا قذيفـه
غشّاش ما تحتـاج للزيـف تغشيـش
والواقع المشهـود مكشـوف زيفـه
المملكـه ماهيـب مرعـى كداديـش
اللـي تـزوزي بالحمـول الخفيفـه
مهبط وحي ربّي علـى سيّـد قريـش
نقدّسـه .. ومقدّسـاتـه شريـفـه
حبّه مثل وبـل المـزون المراهيـش
للمسلميـن أهـل القلـوب النظيفـه
ما فيه ضيفة قات .. وضيوف تحشيش
و الدين قاصـر والمذاهـب سخيفـه
لا والله إلاّ دار روس المـداغـيـش
يكرم معزّبهـا .. ومحشـوم ضيفـه
يا قايد الشرطـه ويـا قايـد الجيـش
أمانـة ٍ مـن بينـكـم بالنصيـفـه
حدّ الوطن ماهوب مسـرح تناويـش
وأنتـم كفـو للمعضـلات الكليـفـه
حطوّا عليه سيـاج وأبـراج تفتيـش
بيـن العيـون المبصـره والكفيفـه
و لا ترحمـون مكبريّـن الطرابيـش
أبـدوا لهـم فـوق الجبـال المنيفـه
تعيـش يـا دار المناعيـر ويعيـش
اللي وقف مـن دون حـدّك بسيفـه
...
( ملاحظات مهمه ) .,
ما دريـت أنّ القلـوب العاشقـه حساسـه
لين من وثـقّ قيـادي حطّنـي فـي كمّـه
..
شالني والحـب ذعـذع وأحتمـى نسناسـه
والعهـد بينـي وبينـه مـا تبـور الذمّـه
..
واحد ٍ طـوّع عنـادي قبـل أليّـن باسـه
والجـوارح كلّبـوهـا بوصلتـهـا يـمّـه
..
أتجمّـد فـوق صمتـه وأحتـرق بأنفاسـه
وأتبخّـر مـن هيامـي وأنثـره وألـمّـه
..
كل ما ابلش فـي علـوم عيونـه النعّاسـه
أتغـزّل فيـه وأسـرق كلمتـه مـن فمّـه
..
والكلام اللي في صدري لو تـدقّ أجراسـه
حرف حرف أحسب حسابه قبل أجيب مطمّه !
..
أمتحنيّ فـي غرامـه ميـر يسلـم راسـه
يكفـي أنّـا فـي المحبـه معتليـن القمّـه
..
جلّ من خلاّه يفرق عـن جميـع أجناسـه
ما يرجّح ثقـل عقلـه غيـر خفّـة دمّـه
..
مـا تقـول إلاّ مدبّـس قلبـي بكـراسـه
عقب ما سجلّ عليـه ملاحظـات مهمّـه !
...
1356 كـــم ) ~~
الحبّ مـا كفـرّ ذنـوب المحبيّـن
عاشـوا بحـقّ قلوبهـم مذنبينـي
يركز على صـدر المولّـع نياشيـن
ويجمع له .. الحسـاد والشامتينـي
متبوع فالدنيـا ومشـروع فالديـن
فطـره مـع الكفّـار والمسلمينـي
وانا على سلـم الرجـال المسميّـن
كسّابـة الثنتيـن دنيـا .. ودينـي
اللي بما قـروّا .. تقـرّ الموازيـن
فعل ٍ ضروبه مـن قديـم السنينـي
وقفت بين العقـل والقلـب والعيـن
واحترت في عقلي وقلبـي وعينـي
ادوّر الخيـره .. وانـا بيـن ثنتيـن
واللي يجيني مـن وراهـا يجينـي
وين انت يا مسرج هجوسي وانا وين
عيّت وسـاع البيـد تقطـع حنينـي
ألف وثلاثميـه وخمسـه وستيـن
كيلو متر بالضبط .. بينـك وبينـي
كيّلتها والقلـب مـع كـل متريـن
يقسى على حدب الضلـوع ويلينـي
ياليّنه جيتك .. على العسر والليـن
اردّ عـن يسـراي صفقـة يمينـي
خليني اكتب لهفتـي بيـن قوسيـن
وحطي تحتها خـط .. واستوعبينـي
ماعندي الا قلب .. لو معـي قلبيـن
واللهّ لعلّـق صورتـك فالثنيـنـي !
وابدع لحن واطوّح الصوت صوتيـن
أمّا على المسحـوب وإلاّ الهجينـي
...
فــؤاد الرفــاعـــي .,| |*
ياهاجسـي بينـك وبيـن القصيـده
عهد ٍ وثيق وسلعـة ٍ مـا تباعـي
حتيّـش لـو أنّ الهبايـب شديـده
أصبر عليّـه ليـن أفـلّ الشراعـي
وأسبح بحرها وأجلب اللـي تريـده
وأمدّ مـن كفـيّ ويسلـم ذراعـي
الوقـت كايـد والحـوادث مكـيـده
تربّعت فـوق الصـدور الوساعـي
واللي معه حارق في كبـده تزيـده
ولا خففّ الحارق حليب المراعـي !
ما ألوم قلبي يـوم شفـت الجريـده
وأهتزّ من دمعـة فـؤاد الرفاعـي
لا باس يا شيخ المسـاع الحميـده
يا اللي لدين الله بذلـت المساعـي
يا ناصر السنّـه ومحيـي العقيـده
شيّدت ( وذكرّ ) وذكـره مشاعـي
بذلت جهدك فـي الحيـاه الزهيـده
وجهد ٍ لوجه الله ماحولـه ضياعـي
يبقى لرجـل ٍ قدّمـه فـي رصيـده
ويرفع مقامه في زمـان التداعـي
ما يقهـر الحـرّ الطليـق ويبيـده
إلاّ دموع ٍ مـن عيـون الشجاعـي
أي و الله أحبّك .. وفرصـه سعيـده
لا أبديت مدحك يا نزيـه الطباعـي
لعـلّ تفـداك العـقـول البلـيـده
اللي على عـوج المنابـر تعاعـي
بهايـم ٍ واللـي تسـوده تسـيـده
قامت تبلحـق بالعيـون الوساعـي
يا محرفين الديـن ماهـي جديـده
ما عندكم غير البكاء و المناعـي !
البشت واحـد .. والعمايـم عديـده
اللي تشبرق فـوق روس الافاعـي
أنتـم عصـاة الله .. وحنّـا عبيـده
ومن بيننـا والـع فتيـل النزاعـي
كذاب من قـال الحكومـه رشيـده
من غيّها .. سالت دموع الرفاعي !!
*فؤاد الرفاعي :ـ داعيه كويتي الجنسيه ., بذل وقته وماله لاحياء سنة الرسول صلى الله وعليه وسلم .,
وقام احد الشيعه باغلاق مركزه وذلك فقط لانه اراد احياء سنة الرسول
...
مخرج 3
يا مخـرج 3 عقـب دار الزمـان ومـال
على الدايري يا ليت ما شفت لـك لوحـه
لمحتك وأنا سالي وفـي طرقتـي رحّـال
ودقّ الجرس في صدري ونقّض جروحـه
يا ليتك مجـرد لوحـه وكبـري ومدخـال
ولا لك من الذكـرى مسـارات مفتوحـه
بديت أستعيد اللي مضـى وأفتـح الاقفـال
عسى نعمة النسيـان ماهيـب مذبوحـه
علاقـه وزالـت مـيـر تأثيـرهـا لازال
أكابـد نتايجهـا والأشـواق مسمـوحـه
تخاطف عيوني كيف أحيل الغـلا وأحتـال
ولي عين مستوره .. ولي عين مفضوحه !
علشان من حطّت في قلبـي لهـا منـزال
تعلّت عروشـه وأبتـدت تهـدم صروحـه
لها بالوصوف الفارقـه مضـرب الأمثـال
ذكيّـه ولمّاحـه وحـلـوه و مملـوحـه
تمازحني وترمي علـيّ المـزوح أشكـال
وأسيـرّ لهـا قلبـي بجـدّه وبمـزوحـه
تقول أنت شاعر والمشاعر على مـا قـال
ما باقي تغنيّ غير فـي حـيّ منفوحـه !
سقى الله قصيد ٍ كان فـي حبّهـا يختـال
أغطيّـه بوشـاح المحبيّـن وأشـوحـه
قضينا وبأحكـام القضـاء تقنـع العقّـال
وكل ٍ عن الثاني سحـب روحـه بروحـه
لوّ أن الجفاء قاسي يهون الجفاء لا طـال
عسى الله يوفّق كـل مسلـم لمصلوحـه
أبدفـن محبّتهـا تحـت هيبـة الـرجـال
وأبدعي لهـا وتـروح بالستـر مبيوحـه
عساها تدوم بخير وتعيش بأحسـن حـال
وتبادلنـي الدعـوى والأعمـار منقوحـه
عليها السلام ورحمـة الله مـن الأهـوال
ومن شـرّ وقـت ٍ يعترضهـا بساموحـه
...
( منسوب الغرام ) .,||
حبيبي لا تقيّدنـي وأنـا حـرّ وعريـب جـدود
طليق ولا أعرف القضبان ولاني من رعاياهـا
لا تربطني تحت حكم الشروط بحبلك المشـدود
وتحجزني بحكمك في شروط ٍ مـا شرطناهـا !
أبيك تحبّني .. لكن مـا أبيـك تحبّنـي بقيـود
علشـان المحبّـه مـا تقـوم إلآّ بمعنـاهـا
وأنا لا أخفيتها لا بدّ مـا تلقـا علـيّ شهـود
تفضلّ وأفتـش ضلوعـي ودوّرهـا وتلقاهـا
تحاصرني وانا ما أرضا الحصار وسيفه المحدود
وأبـادرك العتـب وتفضّهـا سيـره وتنساهـا
أصارحك بخفايا خاطـري وأقـود قلبـي قـود
وأسلّم لك مفاتيحـه مـن أوّلهـا ليـا أتلاهـا
وانا قلبي بحبّك كـل مـا هبـتّ عليـه النـود
طيوفـك قـام يجمعهـا ويكتبهـا ويقـراهـا
على منسوب دمه قام منسوب الغـرام يـزود
يغيض وكل ما فاضت عروقـه قـام يملاهـا
علامك ليه تحجبني عن العالـم وأنـا موجـود
ما تدري غيبتك حلّت بعينـي وأشربـت ماهـا
ترفق وألطف بقلب ٍ بذل لك صـادق المجهـود
رفع كـل البيـارق وأنـت بعيونـك تحلاّهـا
لو أنّه ما يحبّك في غيابك مـا رعـاه الـدود
يعيـش الفقـد والفرقـا تلـوّح لـه بيمناهـا
على غصن الجفا علّقت قلبي فآخـر العنقـود
وخلّيت الهبايـب تدفعـه فـي حكـم مجراهـا
لعلّ الوصل يبقا .. والقطيعـه بابهـا مسـدود
لو أنّ الحب لغز .. وله رموز ٍ ما فهمناهـا !
...
( مفاتيح قلبي ) .,
ألا يا شواعيـر الغـزل زيّنـوا معنـاه
سموّ المحبّه مـا دخـل بيتهـا خلّـه
تنقوّا كلام ٍ ينعش الوجـد مـن مبـداه
علشان نلفت له نظرنـا ونفطـن لّـه
لا يخدش حيا الحبّ العفيف ويقلّ إحـلاه
ما نقبل به الخدش ولا نرضا له الزلّـه
تعلوّا به اللي كـلّ مـا شيّـدوا مبنـاه
بدت شمسه وهاض المولّع تحت ظلّـه
وأشوفه يسوقونه .. وبلواي من بلـواه
على الدرب الأعوج تلحق الشلّه الشلّه
تغنيّ به الأفواه .. وكلّ ٍ علـى ليـلاه
ويا من يعين الطـب لا كبـرت العلّـه
على جرّتـه ياليـت مـن دوّره يلقـاه
لعلّه بقا له ما بقى .. مـا غـدا كلّـه
عسى الله يصلح حاله وحال من غنّـاه
الأقوال مسلوله .. والأحـوال منسلّـه
يا حلوه ليا حرّك شعور الغـلا حلـواه
تطيب المثايـل والتغـزّل علـى حلّـه
وأنا ماني بشاعر غزل مير أحوف حماه
وقلبي يبس وعروقي الخضـر مبتلّـه
على العرف والمعروف يوم أكتبه وأقراه
طليق الجروح ونزعة الـروح محتلّـه
حبيبي على الضلع القصيّر يعـدّ خطـاه
أهيم بغرامه وأطـوي الشـوق وأفلّـه
أحبّه وأودّه وأحشمه وأعشقه وأهـواه
وأردّه وأصدّه وأقطع الوصـل وأملّـه !
شعوري معه مجنون لا رحم أبو مجناه
بغيته على دليّ وأخذنـي علـى دلّـه
لو أن الحبايب كلّهم .. مثله وشـرواه
تميّز لو أنّـه يخلـف الديـن والملّـه
مفاتيـح قلبـي بعـد سلّمتهـا يمنـاه
تلقّى الخلا وأعطى المفاتيح عبـدالله !
...
( مالها دآأعي ., )
الحبّ ماعاد نـدري وش نسـوّي بـه
مستعمر قلوبنا .. ويطـقّ الأصباعـي
يسطـي علينـا ويسلبنـا بأساليبـه
حاكم ويآمر وينهى وأمـره مطاعـي
يا صاحبي .. والغلا صفيت مشاريبـه
لا عاد تآكل شقاي وتشرب أوجاعـي
أصارع الشـوق .. وأوديّـه وأجيبـه
وأن هزني قمت أهز لشوفك شراعـي
من يوم خشّيت قلبك قلـت حلـيّ بـه
لكنّ قفـلّ عليّـه حـدب الأضلاعـي
محبّتـك شاركـت كونـي بتركيـبـه
أصبح سماها سماي .. وقاعها قاعي
أحيان أدوّر لعينك قـاف أغنّـي بـه
وأحيان اقول القصايـد مالهـا داعـي
وفي كل الأحيان أشيل الحبّ وأمشي به
وإلاّ قصيدي عسى يفـداك لا ضاعـي
لازلت شاعر شباب وهاجسـي شيبـه
مرّت عليه اللحون أشكـال وأنواعـي
لا شكّ شعر الغزل ماعاد يحـري بـه
وشلون ضاق الغزل وعيونك وساعي
فتّح عن الشكّه .. وغمّض عن الريبه
عينك رسالة غرام ورمشهـا ساعـي
وقلّي مساء الخير والإحساس والطيبه
بللّ عروقي بصوتك وأطرب أسماعـي
وأن كان مديّت لك كفيّ .. لا تومي به
وإلاّ ليا أوميت به .. لا تلوي ذراعي !!
...
| ( البيرق المنكسر ) |
مافيه داعي تهلّ الدمع مـن شانـي
بكره يقولـون ليـه الحـبّ بكيّتـه
.
أنـا تمنيّـت تذكـرنـي وتنسـانـي
وأنته يا ليتك تمنـىّ اللـي تمنيّتـه
.
رسايلك جات .. بين أسمي وعنواني
وتعلّقت بيـن .. ضيّعتـه ودليّتـه ؟
.
بعض البشر لو يدوّرني مـا يلقانـي
وبعض البشر لو يجاذب سيرتي جيته
.
لا تنشغل خلّنـي يـا سيـد خلانـي
استسمحك وقتي اللي معـك مضيّتـه
.
قل فارس الحلم .. خليّتـه وخلانـي
أو قول بالعكس .. خلانـي وخليّتـه
.
ياسيفي ودرعـي وخيلـي وميدانـي
البيرق المنكسـر لرضـاك رزيّتـه
.
أموت من ضيقتي ميـر الله أحيانـي
وجوارحي معك لا حيّـه ولا ميتـه !
.
رغم اني اعاني من الوقت ما اعانـي
صبيّت صبري على جرحي وداويتـه
.
يا اللي تبيها سوى وصلي وهجرانـي
الأوّلـه زلّهـا .. والثانيـه ليـتـه
.
فرشت لك صدري وشلتك في وجداني
وأرتحت في قلبي المفـروش وأذيّتـه
.
في ذمتك لا تراودني علـى أجنانـي
وصلـت حـدّ الجنـان ولا تعديّتـه
.
وان قلت وشجاك مدري منك وشجاني
قطعت حبل المحبّـه يـوم شديّتـه !
.
أراجـع الذاكـره وأكوسـر ألحانـي
وكم طاري ٍ ما نسيته لـو تناسيتـه
.
العام أنا .. مبتلش في عقدة لسانـي
واليوم أنا .. شاعر ٍ ما ينهدم بيتـه
...
وقــّـف على رمشي
لايابعد من سأل عن آخر إنتاجي
............... الشعر يفداك والشاعر .. وجمهوره
لازلت عايش على طبعي ومنهاجي
............... اليا حضر هاجسي غنيّت لـ حضوره
ياتاج راسي لا والله راسي وتاجي
............... محبّـتك فـي ضلـــوع الصـدر محفوره
من غيرك اللي تعلاّ برجي العاجي
............... ووايق على رجم قلبي واسبل شعوره
برجـن تعليّت به .. من بدّ الإبراجي
............... واخـذت يــوم استـويت بقـمـّـته دوره
بنـات فكـري وراك افراد وازواجي
............... تــدور مسـروره .. وتطيـــح مقهوره
عرضتنـي لـ الهـوى ماعاد يحتاجي
............... وهزيّت غصـن الغــرام وطارت طيوره
ودخـّـلتني جوّك .. وضيّعت مخراجي
............... وجوارحــي معــك .. منهيّه وماموره
بابور بحـري عليـــك يسابق امواجي
............... وامواج بحري عليك تسوق بابوره
لا تنبـش الخافيــه .. منعاً لـ الإحراجي
............... خواطر اهل الهوى خجلا ومكسوره
متى تفــــك القيـــود وتعلـــن افراجي
............... الشيـب يزهــم عليّ ويرسل سبوره
وقــّـف على رمشي وسولف مع حجاجي
............... وانقل عليك الغلا .. بالصوت والصوره
...
( هــاذي وذيــك )
الله يشتت شملكـم يـا الصعاليـك
يا البالشيـن المبلشيـن المـواذي
بالحقد والغيـره وعقـد الشرابيـك
صفوّا ( حذا ) على الطريق المحاذي
يا اللي تراهنتوا على بيضة الديـك
حمر الطواقي فوق روس الشواذي
رعّادكم عادي .. وبرقـه تماتيـك
ولا أدري مطركم سيـل وألاّ رذاذي
النور ما يحجب ولا فيـه تشكيـك
لاشكّ غاذيكم مـن الشـرّ غـاذي
ياقافل البيبـان .. فـكّ الشبابيـك
يمكن ينوشك من شذا الورد شاذي
الفرق شاسع بين هـاذي وهاذيـك
يا اللي على هاذيك فازع بهـاذي ؟
هاذيك ماشاء الله بعيـدة مداريـك
وهاذي معـاذ الله ونعـم المعـاذي
قامت على الطاير وطاحت دبل كيك
يوم الحكـم بيـن الجماهيـر لاذي
كلمة وفـا ماهيـب شبيّـك لبيّـك
يـا شلـة ٍ يـا جعلهـا للنفـاذي
متكتكـه ماعـاد تحتـاج تكتيـك
كلّ ٍ يـدّور عـن رفيقـه مـلاذي
...
عكس السير .,
*.
السيـر عكـس إتجــاه السير
مسمـوح لا شانـت أخــلاقي
مـا همّـني لوحـــة التحذير
لو دقّــرت فـي عظـم ساقي
أطــوّل خـطاي ليــن أطير
وأحــوم وأومــي بمسباقي !
مخلـوق عادي وطبعـي غير
لكـنّ .. سبحــان خـلاّقي
مجنون مـن يـوم كنت صغير
والعقــل فـي عمري الباقي
حذفت فـ البيـر .. دلـو البير
وأزريـت لا أعــدّل الساقي
من كثر مـا أرمش بلا تفسير
طاحـت عيـوني من أحداقي !
والحـبّ مـاعـاد له تبرير
كــل المخاليـق عشـّاقي
ما غيـر أخـمّ الغلا وأغير
وأوزّعــه .. وأنثر أشواقي
وأولـّـع النــور للنـوّير
وأبـلّ ريقـي بتريــاقي
يا مـدّور الشـرّ عيـّن خير
وأرتـاح فـ المنـزل الراقي
مـدانـي .. الغـش والتزوير
فـ اوراق غيري وفـ اوراقي
لاعـاد ترقص على الجنزير
حديـد .. وعظامـك دقاقي
سلام يا المسـلم الشرير
للباب طاقـه .. وطقـّاقي
مير أقبل الشكر والتقديـر
والودّ من صادق أعماقي
...
ديوان
الشاعر سدّاح العتيبي
دكتور الشعر ( سدّاح العتيبي )
( ., عـتـيـبـيه. , )
.
.
عتيبيّـه .. عريـب ٍ ساسهـا .. ومعرّبـة جدّيـن
سنـام المجـد منهـا ومتسلسـل مـن سلايلـهـا
مغنّ أصل وفصل ومرددّه مـا جـات بيـن ..وبيـن
حـق لـي التفاخـر كـلّ مـا عـدوّا تسلسلـهـا
حفيـدة كاسبيـن الأوّلـه بالسيـف أبـو حـديـن
من أسيـاد العـرب تحسـب ومـن خيـرة قبايلهـا
عليها من شعـوري مـا يزيـل الشـكّ والتخميـن
محبّتهـا فـي قلبـي ثابـتـه مـحـد ٍ يزلزلـهـا
لا عوّد حبّ نسوان العرب .. حبحب علـى السكّيـن
لهن زيف الشعور اللي في صدري .. والصحيح إلها !
خضـع قلبـي وراحـت دقّتـه تتبـع هواهـا ليـن
غلاهـا فـي عروقـي قـام يجـري ويتورسلهـا
أي والله .. ثم أي والله .. غاليه وأغلى من الغاليـن
تدللنـي علـى وضـح النـقـاء الطـاهـر وأدللها
في قلبي حبّها حاجز رقـم واحـد .. ورقـم إثنيـن
ولـو بدلّـت قلبـي مـن معاليقـه مـا أبدلّـهـا
بنظرة عيـن تحجزنـي .. وتطلقنـي بنظـرة عيـن
وأنـا خافـض جنـاح الـذل وعيونـي تغازلـهـا
أجيهـا لـو علـيّ مـن الهمـوم الجايـره طنيّـن
تجلّـت كـل ضيقـه فـي دقيقـه يـوم أقابلـهـا
و ليـا قابلتهـا قمنـا نتسابـق بالكـلام الـزيـن
عسـى ربـيّ يجمّلنـي مثـل مـا هـو مجمّلهـا
تقول الله يحفظك لي مـن الدنيـا .. وأقـول آميـن
وأمازحـهـا وأدلّعـهـا وأداعبـهـا وأقبّـلـهـا
يا ما أحلى زولها كلّه مـن الهامـه ليـا الرجليـن
ا لبيّـه وعسـى عمـري فـدا خصلـة جدايلـهـا
ألا يـا سيّـدة سـادات روحـي يـا عسـى تبقيـن
رعـاك الله مـن جـور السنيـن ومـن هوايلهـا
جعل يومي قبل يومـك يـا يمّـه كيـف أردّ الديـن
جمايلـك الكثيـره فـوق متنـي جيـت شايلـهـا
(., عـــقــوبــه ., )
.
.
صحيح الحبّ الأعمى خالقه ربي بدون عيـون
لكنّي شايف اللـي فيـك يـا خلّـي محبّبنـي
نزاهة روحك و ندرة وفاك وعرضك المصيون
وطهارة قلبك وسطوة حـلاك اللـي معذبنـي
وذكاك ومنطق أسلوبك لا سولفت بغلا مجنون
هذا غير الوصوف اللـي مخبيّهـا وتعجبنـي
أنا ما ودّي أبحث في خبايا الشكل والمضمـون
أقول المختصر .. كلّك على بعضـك تناسبنـي
أناظرك وتناظرني ونظـرات العيـون تمـون
لا قمت أسألك بعيوني .. وبعيونـك تجاوبنـي
أحبّك كثر ما قلبي يـدق وخاطـري مشحـون
وأحّبك كثر ما طيفك علـى طاريـك يجذبنـي
وأحبّك كثر ما شابت من لحون الغرام لحـون
وأحبّك كثـر مـا تقرانـي عيونـك وتكتبنـي
رميت بفلسفة عشقك على سقراط وافلاطـون
ولا فكوّا رموز ٍ في غرامـك بيتهـا مبنـي !
تغيب ويمتلي صدري من الشوق ويضيق الكون
تقول أنّك مع غيابـك عـن الدنيـا مغيّبنـي
أخذني معك يا سيد الحبايب لا تقـول شلـون
على كف المحبّه ودّني فـي قلبـك وجبنـي !
لا تتركني تحت رجوى وصالك والجفاء ملعون
عقوبه .. مالي ومال العقوبـه .. لا تعاقبنـي
...
( فيض المحبين )
/
من ليلة البـارح وحابسنـي الضيـق
عسى صباح اليـوم يطلـق سراحـي
وعادت لي الضيقه على فكّـة الريـق
الله يهوّنـهـا ويسـعـد صـبـاحـي
لا قمت أدرّجها علـى قـد مـا اطيـق
تغانمتنـي مـن جمـيـع النـواحـي
بينـي وبيـن الغرغـره والتشاهيـق
أرمـاش عيـن وجلسـة ٍ وإنسداحـي
لاشـك يومـي عنـد رب المخاليـق
اللـي بذكـره بهجتـي وإنشـراحـي
مانيـب وارث غالـيـات الصنـاديـق
وخزايـن آل سعـود وآل الصباحـي !
أن عشت .. عشت مع الرجال المطاليق
وأن مت .. موتي حق والعمر ماحـي
هبت هموم الصـدر جملـه وتفريـق
وأزريت أعرّضهـا هبـوب الرياحـي
ما عـذّب الشعّـار غيـر الطواريـق
كـل ٍ تعلّـق فـوق قـرن الوضاحـي
موّثقـه مـاعـاد تحـتـاج توثـيـق
وانا قنعـت وخاطـري مـا استراحـي
وشاح خملوقه .. علـى أم الخماليـق
اللـي تشوفونـه عليّـه وشـاحـي !
أغيب مـن فيـض المحبيّـن وافيـق
وآخـذ بـلا منّـه شهـادة نجـاحـي
والعولمـه تفتـح قفـول ٍ مغالـيـق
وهـذا زمـان الفـتـح والإنفتـاحـي
ماجيتهـا ناكـر وملـحـد وزنـديـق
أعرف صلاح الدين وأعـرف صلاحـي
لكنّ يـا شاهـق بـروس الشواهيـق
دحدر على ماجـاك وأسـرح وتاحـي
والحرّ لـو يرضـى بحكـم المسابيـق
شاب ونبت له فـي جناحـه جناحـي
ويزيد غبنـه مـن فـروخ الغرانيـق
لا صنّفوهـا مـن طيـور الفـلاحـي
رميـت فـي وجـه اللئيـم المواثيـق
وطلبت من وجـه الكريـم السماحـي
ودوّنت فـي قسـم المجانيـن تعليـق
من يشتم المجنون ماهـوب صاحـي ؟
..
حــاجــز إســمـنتي ,’ ) ـ ـ ـ
/
ليت الهبوب تشيلنـي وألحـق مراويـح السّحـاب
اللـي تعدّتـنـي تـلـوح بروقـهـا بنحـورهـا
محتاج أناقشهـا وأدوّر للضمـاء بـاب وجـواب
وأحكي لها .. وأشكي لها من جور الأرض وجورها
أمّـا تصـبّ حمولهـا والله يكافيـنـا الـعـذاب
وإلاّ تـروح بدربـهـا وحمولـهـا بظهـورهـا
قمنا نبـلّ اليابسـه بالبحـر .. ليـن البحـر راب
والشمس تحرق روسنـا وتعبّـر عـن شعورهـا
بيني وبيـن الإبتسامـه حاجـز إسمنتـي وبـاب
عيّت لا تفتح بابها .. وأزريت لا أشقح سورهـا !
مدري صدور النـاس مـا يثّـر عليهـا الإكتئـاب
وإلاّ ان صدري يختلف ماهـوب مثـل صدورهـا
من ما تشوف العيـن كّـن بنونهـا شلفـا ذيـاب
سنّـت مقاديـر الزمـان الغـايـره ساطـورهـا
بين الرجاء والخوف وأسباب الدعـاء المستجـاب
ذنوبنـا فـي لوحنـا المحفـوظ تلعـب دورهــا
نمسي على ريش القطا .. مدري على ريش الغراب
ونصبح وكـل أحلامنـا قامـت تطيـر طيورهـا
امجادنا لأجدادنا ..كـم غـاب جـدّ ومجـد غـاب
لا عاد تنشـد عـن غيـاب أمجادنـا وحضورهـا
والمجتمـع قامـت تقاليـده تعيـب وتستـعـاب
عقب الحضـاره ولّعـت فـي عتمتـه ديجورهـا
والمصلحين اللـي منـوّل مـا يحبّـون الخـراب
أغرتهـم الموضـه وراحـوا يسبحـون بحورهـا
والدولـه اللـي حبّهـا بقلـوب شيّـاب وشبـاب
ما يختلف لـو قامـت الدنيـا تـدفّ شرورهـا !
عزيـزه وتحفـظ معزتهـا عزيـزيـن الجـنـاب
والحـرّ فيهـا يقضـب الحـريّـه بحنجـورهـا
تفرض عليـه الواجـب وتعطيـه حـق الإنتخـاب
والخلق حسب عقولهـا تمشـي علـى منظورهـا
صـوّت لشمطـان اللّحـى والا لتلعـات الرقـاب
كلّـه سـوا يـا خالطيـن أناثـهـا بذكـورهـا
والبرلمان المنتخـب يـوم أنقسـم ودّا .. وجـاب
جلسات تحت القبّـه اللـي مـا يشعشـع نورهـا
مرّت سنـه بأيامهـا وشهورهـا والظـنّ خـاب
لا واعـذاب اللـي يعـدّ أيامـهـا وشهـورهـا
يا سلطـة التشريـع شـرع الله منـزّل بالكتـاب
ماهوب سنّة دولـة ٍ نمشـي علـى دستورهـا !
النائبـات الفاضـلات مصلّعـات بــلا حـجـاب
أطيبهن اللـي جـات تمشـط راسهـا بظفورهـا
وأن قيل دكتورات .. قلت أهبّن يـا مـال الذهـاب
العلـه الصرمـاء تفشّـت وأنصـرم دكتـورهـا
اللي مجانبها الخطا .. واللـي مجانبهـا الصـواب
لو ريقهـا حالـي لا تآمنهـا وتشـرب سورهـا
والله ما نبحث من وراهـن لا طعـام ولا شـراب
وأم العبر لا رحم جدّ اللـي مشـا فـي شورهـا
بالمختصر .. يا ويلكم ويـلاه مـن شـرّ الـدواب
يا مرتجين الخير من عمي الـدواب وعورهـا !!
..
( شوف المــنـظره ) .,
/
يا عبوس الوجه حـاول تفـلّ الحاجبيـن
إبتسم .. وانفض حجاجك وشوف المنظـره
تعرف أنّ الإبتسامه لهـا معنـى ً ثميـن
يوم حطّت فـي ملامـح محيـاك أثمـره
مير لا تبخل بها .. عن وجيه المسلميـن
خلّ وجهك مسفر مـع الوجيـه المسفـره
ليه جالس تجمع الضيق مهمـوم وحزيـن
لا يعشعش فوقك الهـمّ .. وأنتـه تقـدره
عوّد لسانـك علـى ذكـر ربّ العالميـن
أذكر الله .. وأحمده .. وأشكره .. وإستغفره
و الصلاة بوقتهـا تجلـي الهـم الدفيـن
إستعن بمواظبتهـا علـى اللـيّ تشعـره
ومع صلاتك .. شدّ حيلك في برّ الوالديـن
إخفض جناحك لهم كـان تبغـى المغفـره
وأطلـب الله بالمصايـب يمـدّك باليقيـن
المصايـب مستديـره .. والأرض مـدوّره
وكان قامت تشغلك نزغة إبليـس اللعيـن
إستعذ من نزغـة ابليـس وإلعـن خيّـره
و لا تجي شذاب عرقوب يـا ذرب اليميـن
النميمـه سلعـة الـلاش رجـال ومـره
قل لبو نمّات .. خلّك على سمن وسميـن
لا تحـوّل فـي مغبّـة وسيـع الحنجـره
ولا تدوّر شور من واحـد ٍ مافيـه ديـن
لو يسطّر سيرتـه .. بالقلـم والمسطـره
وأعرف ان الّرزق مكتوب والقاسي يليـن
والله اللـي يغنـي العبـد .. وإلا يفـقـره
أعظم الأخلاق في منهـج الحـق المبيـن
بين كظم الغيض .. والعفو عنـد المقـدره
أنصحك وأنصح معك نفسي ويا الله تعيـن
من لحود الناس قامـت تفيـض المقبـره
ما نبى إلاّ روضة ٍ من رياض الصالحيـن
عقب نشتال المتـاع .. ونقـصّ التذكـره
..
( بعيد الشك )
حبيبي هاك قلبي .. وأبحث اللي مشغل ٍ بالـك
تصفّح سيرته .. وأكشف خفايـاه وتفاصيلـه
من الأرشيف شوف اللي ما شيف وحطّ معدالك
ولا تحكم علـى دمّـه قبـل تقـرا تحاليلـه
تنقّل بين صفحاته مـدام البحـث يحـلا لـك
وتابع قصّته مع كل عاشق قـام يومـي لـه
صحيح أنّه كبير وكـلّ درب ٍ يآصلـه سالـك
لكنّه دون بابه حـطّ لـه .. لفّـه وتحويلـه
علاقاته كثيره مير مـا جاتـه مـن أمثالـك
تجيه من الوهم وأطول علاقه عمرها ليلـه !
دخلها من طرف واحد وصار الوصل متهالـك
وطلع منها قبل تفشي دموعـه سـرّ منديلـه
وبعد شمسك بدت تكبر عليه ويكبـر ظلالـك
تعدّل حال طقسه من غرامك وأعتـدل ميلـه
بدت تلعب هبوبك وألتـوا عقـدك بسلسالـك
وصار اللي ما بين العقد والسلسال يا ويلـه !
دفع دقّات نبضه كلها وأمسـت علـى جالـك
وجلس مع عزف دقاته يغنـي لـك مواويلـه
رضخ لك لين صرت اللي تجوّل فيـه بلحالـك
لو أنّه من قديم الوقت مـا تشـرب فناجيلـه
ترفّق بـه ولا ترمـي عليـه اللـي يورّالـك
بعيد الشك عن بذرة غـلاه وعـن محاصيلـه
تحكّم به على كيفك بعـد مـا طـاب منزالـك
على عرشه ولا ترضى على الحاكـم بتبديلـه
يحبّك والشعور الحيّ .. يحيى له ويحيى لـك
يعيش الحبّ لو شان الزمـان وقلّـت الحيلـه
كذا والبحث جاري وأنت في حلّـك وترحالـك
تجرّه مع دروبك ليـن ترجـع فـي مداهيلـه
يقولون العرب .. يا حبّ فـال الله ولا فالـك
وأنا أقول الجفا بلوى .. ويا فرقا من أنتي له !
...
( سجل معي. )
العقد الأول قضى مـن ثالـث ألفيّـه
أقفى بما يحمله من غيـر معـوادي
أيّامـه الغابـره ماهـيـب عـاديّـه
غاضت وفاضت هموم وحرب وجهادي
سجّل معي .. والليالي نارهـا حيّـه
صبّت سنا نارها في نورهـا البـادي
تمـرّدت كـلّ الأحـداث السياسـيّـه
من عقب كانت تسير .. ومشيها هادي
من طيحة البرج بين الشمس والفيّـه
والقاعده واقفـه .. مافيـه مقعـادي
و الأبن بوش أستبدّ و وضّـح النيّـه
وبلير زجّه معه فـي غـزو بغـدادي
و قامت تهـان الديانـات السماويّـه
ويسبْ خير البشر رسولنـا الهـادي
ناهيك عن نزعـة الشـرّ اليهوديّـه
شهرين غزّه ماغير تصيـح وتنـادي
وصناعة المـوت بالنـاس الفداويّـه
والإغتيـالات بالريمـوت تنـقـادي
و موجة فتاوي بدون أحكام شرعيّـه
اللي على التلفزه واللي على الـرادي
ومطامع الرافضـه بسـم الحسينيّـه
ومفاعلات آية الله .. وأحمد نجـادي
وأزمة ديـون المشاريـع التجاريّـه
وتسريب الأموال بين الضلع والـوادي
وسيول جدّه .. وتنصيـب الحراميّـه
والله يعين العبـاد وعاشـت بـلادي
والشّعـر ومسابقاتـه والحونشـيّـه
وبذخ الملايين في سـرداد مـردادي
ومسارح الـردح لعيـون العمانيّـه
ومنقيّة أباعر .. وشاعـر وقصّـادي
العقـد حافـل وفيـه أخبـار سريّـه
تفرض عليها الرقابـه مـوس ردّادي
وعلـى صعيـد العلاقـات الغراميّـه
قام يتغطرس عليّـه غايـة مـرادي
تمـرّ الآيـام .. والأحـلام ورديّــه
وللوجد رزنامة .. وللشـوق عـدّادي
أجاهـد الحـبّ بالـروح الرياضيّـه
وأن بادت الذكريات .. جروحي جدادي
ما بادت جروحـي وعينـي شقاويّـه
لكن عسى الله يعوضك خير يا فوادي
أحـذر تضيّـع مباديـك الحقيقـيّـه
اللي تعلّمتهـا مـن يـوم ميـلادي !
...
( الغاويه والدراويش )
يا طير غرّد للهوى وأنفـض الريـش
لازالـت أنسـام الهبايـب لطيـفـه
والجوّ هادي لو دخل فيـه تشويـش
ومشاعـرك ماهيـب دايـم رهيفـه
لا يختلف لونـك فـدوك الخفافيـش
اللـي تحـت جنـح الغـداري لفيفـه
ما تنتهي نشـرة علـوم المطاريـش
واللي معـه علـم ٍ جديـد ٍ يضيفـه
الغاويه جاء مـن وراهـا دراويـش
واحدهم أسود وجه .. وأسود صحيفه
تنكـروّا للجـار والملـح والعـيـش
ما عندهـم غيـر الخيانـه وظيفـه
سلامة الحدّ الجنوبـي مـن الطيـش
ومن العبـث والشرذمـات الضعيفـه
مدري فلول الشرّ تنقز علـى ويـش
وشيطانهـا الاكبـر يصيـح لحليفـه
روس الزيود اللي مافيهـا عراميـش
قامت تعرمش بيـن جيفـه وجيفـه !
يا الحوثي اللي معك رشـاش حتّيـش
هات الرصاصه وأخـذ عنهـا قذيفـه
غشّاش ما تحتـاج للزيـف تغشيـش
والواقع المشهـود مكشـوف زيفـه
المملكـه ماهيـب مرعـى كداديـش
اللـي تـزوزي بالحمـول الخفيفـه
مهبط وحي ربّي علـى سيّـد قريـش
نقدّسـه .. ومقدّسـاتـه شريـفـه
حبّه مثل وبـل المـزون المراهيـش
للمسلميـن أهـل القلـوب النظيفـه
ما فيه ضيفة قات .. وضيوف تحشيش
و الدين قاصـر والمذاهـب سخيفـه
لا والله إلاّ دار روس المـداغـيـش
يكرم معزّبهـا .. ومحشـوم ضيفـه
يا قايد الشرطـه ويـا قايـد الجيـش
أمانـة ٍ مـن بينـكـم بالنصيـفـه
حدّ الوطن ماهوب مسـرح تناويـش
وأنتـم كفـو للمعضـلات الكليـفـه
حطوّا عليه سيـاج وأبـراج تفتيـش
بيـن العيـون المبصـره والكفيفـه
و لا ترحمـون مكبريّـن الطرابيـش
أبـدوا لهـم فـوق الجبـال المنيفـه
تعيـش يـا دار المناعيـر ويعيـش
اللي وقف مـن دون حـدّك بسيفـه
...
( ملاحظات مهمه ) .,
ما دريـت أنّ القلـوب العاشقـه حساسـه
لين من وثـقّ قيـادي حطّنـي فـي كمّـه
..
شالني والحـب ذعـذع وأحتمـى نسناسـه
والعهـد بينـي وبينـه مـا تبـور الذمّـه
..
واحد ٍ طـوّع عنـادي قبـل أليّـن باسـه
والجـوارح كلّبـوهـا بوصلتـهـا يـمّـه
..
أتجمّـد فـوق صمتـه وأحتـرق بأنفاسـه
وأتبخّـر مـن هيامـي وأنثـره وألـمّـه
..
كل ما ابلش فـي علـوم عيونـه النعّاسـه
أتغـزّل فيـه وأسـرق كلمتـه مـن فمّـه
..
والكلام اللي في صدري لو تـدقّ أجراسـه
حرف حرف أحسب حسابه قبل أجيب مطمّه !
..
أمتحنيّ فـي غرامـه ميـر يسلـم راسـه
يكفـي أنّـا فـي المحبـه معتليـن القمّـه
..
جلّ من خلاّه يفرق عـن جميـع أجناسـه
ما يرجّح ثقـل عقلـه غيـر خفّـة دمّـه
..
مـا تقـول إلاّ مدبّـس قلبـي بكـراسـه
عقب ما سجلّ عليـه ملاحظـات مهمّـه !
...
1356 كـــم ) ~~
الحبّ مـا كفـرّ ذنـوب المحبيّـن
عاشـوا بحـقّ قلوبهـم مذنبينـي
يركز على صـدر المولّـع نياشيـن
ويجمع له .. الحسـاد والشامتينـي
متبوع فالدنيـا ومشـروع فالديـن
فطـره مـع الكفّـار والمسلمينـي
وانا على سلـم الرجـال المسميّـن
كسّابـة الثنتيـن دنيـا .. ودينـي
اللي بما قـروّا .. تقـرّ الموازيـن
فعل ٍ ضروبه مـن قديـم السنينـي
وقفت بين العقـل والقلـب والعيـن
واحترت في عقلي وقلبـي وعينـي
ادوّر الخيـره .. وانـا بيـن ثنتيـن
واللي يجيني مـن وراهـا يجينـي
وين انت يا مسرج هجوسي وانا وين
عيّت وسـاع البيـد تقطـع حنينـي
ألف وثلاثميـه وخمسـه وستيـن
كيلو متر بالضبط .. بينـك وبينـي
كيّلتها والقلـب مـع كـل متريـن
يقسى على حدب الضلـوع ويلينـي
ياليّنه جيتك .. على العسر والليـن
اردّ عـن يسـراي صفقـة يمينـي
خليني اكتب لهفتـي بيـن قوسيـن
وحطي تحتها خـط .. واستوعبينـي
ماعندي الا قلب .. لو معـي قلبيـن
واللهّ لعلّـق صورتـك فالثنيـنـي !
وابدع لحن واطوّح الصوت صوتيـن
أمّا على المسحـوب وإلاّ الهجينـي
...
فــؤاد الرفــاعـــي .,| |*
ياهاجسـي بينـك وبيـن القصيـده
عهد ٍ وثيق وسلعـة ٍ مـا تباعـي
حتيّـش لـو أنّ الهبايـب شديـده
أصبر عليّـه ليـن أفـلّ الشراعـي
وأسبح بحرها وأجلب اللـي تريـده
وأمدّ مـن كفـيّ ويسلـم ذراعـي
الوقـت كايـد والحـوادث مكـيـده
تربّعت فـوق الصـدور الوساعـي
واللي معه حارق في كبـده تزيـده
ولا خففّ الحارق حليب المراعـي !
ما ألوم قلبي يـوم شفـت الجريـده
وأهتزّ من دمعـة فـؤاد الرفاعـي
لا باس يا شيخ المسـاع الحميـده
يا اللي لدين الله بذلـت المساعـي
يا ناصر السنّـه ومحيـي العقيـده
شيّدت ( وذكرّ ) وذكـره مشاعـي
بذلت جهدك فـي الحيـاه الزهيـده
وجهد ٍ لوجه الله ماحولـه ضياعـي
يبقى لرجـل ٍ قدّمـه فـي رصيـده
ويرفع مقامه في زمـان التداعـي
ما يقهـر الحـرّ الطليـق ويبيـده
إلاّ دموع ٍ مـن عيـون الشجاعـي
أي و الله أحبّك .. وفرصـه سعيـده
لا أبديت مدحك يا نزيـه الطباعـي
لعـلّ تفـداك العـقـول البلـيـده
اللي على عـوج المنابـر تعاعـي
بهايـم ٍ واللـي تسـوده تسـيـده
قامت تبلحـق بالعيـون الوساعـي
يا محرفين الديـن ماهـي جديـده
ما عندكم غير البكاء و المناعـي !
البشت واحـد .. والعمايـم عديـده
اللي تشبرق فـوق روس الافاعـي
أنتـم عصـاة الله .. وحنّـا عبيـده
ومن بيننـا والـع فتيـل النزاعـي
كذاب من قـال الحكومـه رشيـده
من غيّها .. سالت دموع الرفاعي !!
*فؤاد الرفاعي :ـ داعيه كويتي الجنسيه ., بذل وقته وماله لاحياء سنة الرسول صلى الله وعليه وسلم .,
وقام احد الشيعه باغلاق مركزه وذلك فقط لانه اراد احياء سنة الرسول
...
مخرج 3
يا مخـرج 3 عقـب دار الزمـان ومـال
على الدايري يا ليت ما شفت لـك لوحـه
لمحتك وأنا سالي وفـي طرقتـي رحّـال
ودقّ الجرس في صدري ونقّض جروحـه
يا ليتك مجـرد لوحـه وكبـري ومدخـال
ولا لك من الذكـرى مسـارات مفتوحـه
بديت أستعيد اللي مضـى وأفتـح الاقفـال
عسى نعمة النسيـان ماهيـب مذبوحـه
علاقـه وزالـت مـيـر تأثيـرهـا لازال
أكابـد نتايجهـا والأشـواق مسمـوحـه
تخاطف عيوني كيف أحيل الغـلا وأحتـال
ولي عين مستوره .. ولي عين مفضوحه !
علشان من حطّت في قلبـي لهـا منـزال
تعلّت عروشـه وأبتـدت تهـدم صروحـه
لها بالوصوف الفارقـه مضـرب الأمثـال
ذكيّـه ولمّاحـه وحـلـوه و مملـوحـه
تمازحني وترمي علـيّ المـزوح أشكـال
وأسيـرّ لهـا قلبـي بجـدّه وبمـزوحـه
تقول أنت شاعر والمشاعر على مـا قـال
ما باقي تغنيّ غير فـي حـيّ منفوحـه !
سقى الله قصيد ٍ كان فـي حبّهـا يختـال
أغطيّـه بوشـاح المحبيّـن وأشـوحـه
قضينا وبأحكـام القضـاء تقنـع العقّـال
وكل ٍ عن الثاني سحـب روحـه بروحـه
لوّ أن الجفاء قاسي يهون الجفاء لا طـال
عسى الله يوفّق كـل مسلـم لمصلوحـه
أبدفـن محبّتهـا تحـت هيبـة الـرجـال
وأبدعي لهـا وتـروح بالستـر مبيوحـه
عساها تدوم بخير وتعيش بأحسـن حـال
وتبادلنـي الدعـوى والأعمـار منقوحـه
عليها السلام ورحمـة الله مـن الأهـوال
ومن شـرّ وقـت ٍ يعترضهـا بساموحـه
...
( منسوب الغرام ) .,||
حبيبي لا تقيّدنـي وأنـا حـرّ وعريـب جـدود
طليق ولا أعرف القضبان ولاني من رعاياهـا
لا تربطني تحت حكم الشروط بحبلك المشـدود
وتحجزني بحكمك في شروط ٍ مـا شرطناهـا !
أبيك تحبّني .. لكن مـا أبيـك تحبّنـي بقيـود
علشـان المحبّـه مـا تقـوم إلآّ بمعنـاهـا
وأنا لا أخفيتها لا بدّ مـا تلقـا علـيّ شهـود
تفضلّ وأفتـش ضلوعـي ودوّرهـا وتلقاهـا
تحاصرني وانا ما أرضا الحصار وسيفه المحدود
وأبـادرك العتـب وتفضّهـا سيـره وتنساهـا
أصارحك بخفايا خاطـري وأقـود قلبـي قـود
وأسلّم لك مفاتيحـه مـن أوّلهـا ليـا أتلاهـا
وانا قلبي بحبّك كـل مـا هبـتّ عليـه النـود
طيوفـك قـام يجمعهـا ويكتبهـا ويقـراهـا
على منسوب دمه قام منسوب الغـرام يـزود
يغيض وكل ما فاضت عروقـه قـام يملاهـا
علامك ليه تحجبني عن العالـم وأنـا موجـود
ما تدري غيبتك حلّت بعينـي وأشربـت ماهـا
ترفق وألطف بقلب ٍ بذل لك صـادق المجهـود
رفع كـل البيـارق وأنـت بعيونـك تحلاّهـا
لو أنّه ما يحبّك في غيابك مـا رعـاه الـدود
يعيـش الفقـد والفرقـا تلـوّح لـه بيمناهـا
على غصن الجفا علّقت قلبي فآخـر العنقـود
وخلّيت الهبايـب تدفعـه فـي حكـم مجراهـا
لعلّ الوصل يبقا .. والقطيعـه بابهـا مسـدود
لو أنّ الحب لغز .. وله رموز ٍ ما فهمناهـا !
...
( مفاتيح قلبي ) .,
ألا يا شواعيـر الغـزل زيّنـوا معنـاه
سموّ المحبّه مـا دخـل بيتهـا خلّـه
تنقوّا كلام ٍ ينعش الوجـد مـن مبـداه
علشان نلفت له نظرنـا ونفطـن لّـه
لا يخدش حيا الحبّ العفيف ويقلّ إحـلاه
ما نقبل به الخدش ولا نرضا له الزلّـه
تعلوّا به اللي كـلّ مـا شيّـدوا مبنـاه
بدت شمسه وهاض المولّع تحت ظلّـه
وأشوفه يسوقونه .. وبلواي من بلـواه
على الدرب الأعوج تلحق الشلّه الشلّه
تغنيّ به الأفواه .. وكلّ ٍ علـى ليـلاه
ويا من يعين الطـب لا كبـرت العلّـه
على جرّتـه ياليـت مـن دوّره يلقـاه
لعلّه بقا له ما بقى .. مـا غـدا كلّـه
عسى الله يصلح حاله وحال من غنّـاه
الأقوال مسلوله .. والأحـوال منسلّـه
يا حلوه ليا حرّك شعور الغـلا حلـواه
تطيب المثايـل والتغـزّل علـى حلّـه
وأنا ماني بشاعر غزل مير أحوف حماه
وقلبي يبس وعروقي الخضـر مبتلّـه
على العرف والمعروف يوم أكتبه وأقراه
طليق الجروح ونزعة الـروح محتلّـه
حبيبي على الضلع القصيّر يعـدّ خطـاه
أهيم بغرامه وأطـوي الشـوق وأفلّـه
أحبّه وأودّه وأحشمه وأعشقه وأهـواه
وأردّه وأصدّه وأقطع الوصـل وأملّـه !
شعوري معه مجنون لا رحم أبو مجناه
بغيته على دليّ وأخذنـي علـى دلّـه
لو أن الحبايب كلّهم .. مثله وشـرواه
تميّز لو أنّـه يخلـف الديـن والملّـه
مفاتيـح قلبـي بعـد سلّمتهـا يمنـاه
تلقّى الخلا وأعطى المفاتيح عبـدالله !
...
( مالها دآأعي ., )
الحبّ ماعاد نـدري وش نسـوّي بـه
مستعمر قلوبنا .. ويطـقّ الأصباعـي
يسطـي علينـا ويسلبنـا بأساليبـه
حاكم ويآمر وينهى وأمـره مطاعـي
يا صاحبي .. والغلا صفيت مشاريبـه
لا عاد تآكل شقاي وتشرب أوجاعـي
أصارع الشـوق .. وأوديّـه وأجيبـه
وأن هزني قمت أهز لشوفك شراعـي
من يوم خشّيت قلبك قلـت حلـيّ بـه
لكنّ قفـلّ عليّـه حـدب الأضلاعـي
محبّتـك شاركـت كونـي بتركيـبـه
أصبح سماها سماي .. وقاعها قاعي
أحيان أدوّر لعينك قـاف أغنّـي بـه
وأحيان اقول القصايـد مالهـا داعـي
وفي كل الأحيان أشيل الحبّ وأمشي به
وإلاّ قصيدي عسى يفـداك لا ضاعـي
لازلت شاعر شباب وهاجسـي شيبـه
مرّت عليه اللحون أشكـال وأنواعـي
لا شكّ شعر الغزل ماعاد يحـري بـه
وشلون ضاق الغزل وعيونك وساعي
فتّح عن الشكّه .. وغمّض عن الريبه
عينك رسالة غرام ورمشهـا ساعـي
وقلّي مساء الخير والإحساس والطيبه
بللّ عروقي بصوتك وأطرب أسماعـي
وأن كان مديّت لك كفيّ .. لا تومي به
وإلاّ ليا أوميت به .. لا تلوي ذراعي !!
...
| ( البيرق المنكسر ) |
مافيه داعي تهلّ الدمع مـن شانـي
بكره يقولـون ليـه الحـبّ بكيّتـه
.
أنـا تمنيّـت تذكـرنـي وتنسـانـي
وأنته يا ليتك تمنـىّ اللـي تمنيّتـه
.
رسايلك جات .. بين أسمي وعنواني
وتعلّقت بيـن .. ضيّعتـه ودليّتـه ؟
.
بعض البشر لو يدوّرني مـا يلقانـي
وبعض البشر لو يجاذب سيرتي جيته
.
لا تنشغل خلّنـي يـا سيـد خلانـي
استسمحك وقتي اللي معـك مضيّتـه
.
قل فارس الحلم .. خليّتـه وخلانـي
أو قول بالعكس .. خلانـي وخليّتـه
.
ياسيفي ودرعـي وخيلـي وميدانـي
البيرق المنكسـر لرضـاك رزيّتـه
.
أموت من ضيقتي ميـر الله أحيانـي
وجوارحي معك لا حيّـه ولا ميتـه !
.
رغم اني اعاني من الوقت ما اعانـي
صبيّت صبري على جرحي وداويتـه
.
يا اللي تبيها سوى وصلي وهجرانـي
الأوّلـه زلّهـا .. والثانيـه ليـتـه
.
فرشت لك صدري وشلتك في وجداني
وأرتحت في قلبي المفـروش وأذيّتـه
.
في ذمتك لا تراودني علـى أجنانـي
وصلـت حـدّ الجنـان ولا تعديّتـه
.
وان قلت وشجاك مدري منك وشجاني
قطعت حبل المحبّـه يـوم شديّتـه !
.
أراجـع الذاكـره وأكوسـر ألحانـي
وكم طاري ٍ ما نسيته لـو تناسيتـه
.
العام أنا .. مبتلش في عقدة لسانـي
واليوم أنا .. شاعر ٍ ما ينهدم بيتـه
...
وقــّـف على رمشي
لايابعد من سأل عن آخر إنتاجي
............... الشعر يفداك والشاعر .. وجمهوره
لازلت عايش على طبعي ومنهاجي
............... اليا حضر هاجسي غنيّت لـ حضوره
ياتاج راسي لا والله راسي وتاجي
............... محبّـتك فـي ضلـــوع الصـدر محفوره
من غيرك اللي تعلاّ برجي العاجي
............... ووايق على رجم قلبي واسبل شعوره
برجـن تعليّت به .. من بدّ الإبراجي
............... واخـذت يــوم استـويت بقـمـّـته دوره
بنـات فكـري وراك افراد وازواجي
............... تــدور مسـروره .. وتطيـــح مقهوره
عرضتنـي لـ الهـوى ماعاد يحتاجي
............... وهزيّت غصـن الغــرام وطارت طيوره
ودخـّـلتني جوّك .. وضيّعت مخراجي
............... وجوارحــي معــك .. منهيّه وماموره
بابور بحـري عليـــك يسابق امواجي
............... وامواج بحري عليك تسوق بابوره
لا تنبـش الخافيــه .. منعاً لـ الإحراجي
............... خواطر اهل الهوى خجلا ومكسوره
متى تفــــك القيـــود وتعلـــن افراجي
............... الشيـب يزهــم عليّ ويرسل سبوره
وقــّـف على رمشي وسولف مع حجاجي
............... وانقل عليك الغلا .. بالصوت والصوره
...
( هــاذي وذيــك )
الله يشتت شملكـم يـا الصعاليـك
يا البالشيـن المبلشيـن المـواذي
بالحقد والغيـره وعقـد الشرابيـك
صفوّا ( حذا ) على الطريق المحاذي
يا اللي تراهنتوا على بيضة الديـك
حمر الطواقي فوق روس الشواذي
رعّادكم عادي .. وبرقـه تماتيـك
ولا أدري مطركم سيـل وألاّ رذاذي
النور ما يحجب ولا فيـه تشكيـك
لاشكّ غاذيكم مـن الشـرّ غـاذي
ياقافل البيبـان .. فـكّ الشبابيـك
يمكن ينوشك من شذا الورد شاذي
الفرق شاسع بين هـاذي وهاذيـك
يا اللي على هاذيك فازع بهـاذي ؟
هاذيك ماشاء الله بعيـدة مداريـك
وهاذي معـاذ الله ونعـم المعـاذي
قامت على الطاير وطاحت دبل كيك
يوم الحكـم بيـن الجماهيـر لاذي
كلمة وفـا ماهيـب شبيّـك لبيّـك
يـا شلـة ٍ يـا جعلهـا للنفـاذي
متكتكـه ماعـاد تحتـاج تكتيـك
كلّ ٍ يـدّور عـن رفيقـه مـلاذي
...
عكس السير .,
*.
السيـر عكـس إتجــاه السير
مسمـوح لا شانـت أخــلاقي
مـا همّـني لوحـــة التحذير
لو دقّــرت فـي عظـم ساقي
أطــوّل خـطاي ليــن أطير
وأحــوم وأومــي بمسباقي !
مخلـوق عادي وطبعـي غير
لكـنّ .. سبحــان خـلاّقي
مجنون مـن يـوم كنت صغير
والعقــل فـي عمري الباقي
حذفت فـ البيـر .. دلـو البير
وأزريـت لا أعــدّل الساقي
من كثر مـا أرمش بلا تفسير
طاحـت عيـوني من أحداقي !
والحـبّ مـاعـاد له تبرير
كــل المخاليـق عشـّاقي
ما غيـر أخـمّ الغلا وأغير
وأوزّعــه .. وأنثر أشواقي
وأولـّـع النــور للنـوّير
وأبـلّ ريقـي بتريــاقي
يا مـدّور الشـرّ عيـّن خير
وأرتـاح فـ المنـزل الراقي
مـدانـي .. الغـش والتزوير
فـ اوراق غيري وفـ اوراقي
لاعـاد ترقص على الجنزير
حديـد .. وعظامـك دقاقي
سلام يا المسـلم الشرير
للباب طاقـه .. وطقـّاقي
مير أقبل الشكر والتقديـر
والودّ من صادق أعماقي
...
ديوان
الشاعر سدّاح العتيبي