خزني اخزك...... بنادي ربعي (نقاش ساخن دخول )

[Mubarak]

ليش تخزني ... تحط عيني بعينك ... اعرفك تعرفني .... بنادي ربعي ..!!!
خــــزة مــن هنــا ,, يقابلهــا خزة مستفزة من هنـــاك

اروج الجمعيه ... لفت انتباهي لشغله ... سرحت ووقفت عيني على المشهد ..

انتبه الريال ... وقفني وكلمني ... اسلوبه ماكان عاجبني ... ليش تخز .. موعاجبك تعرفني اعرف... الريال ماعطاه فرصه خرع الولد .... ليكون طاحت الميانه وانا مادري .... الثاني انته ماتستحي على ويهك كيفي بخز انته شكو.... موعاجبك طق راسك بطوفه .... كلمه اهني وكلمه اهناك كل واحد علباله اقوى من الثاني ناده ربعه ناديت ربعي صارت الهوشه

نتاااااااائج


تكسر ضلوع تذبح سكاكين مستشفيات مخافر مشاكل ابوه يروح مني ومناك واسطه طلع ولدي ..
سـؤال للشباب لأن الظاهره اكثر شي بين الشباب ويسمح للبنات

ماذا تعنــي الخزة بالنسبه لكــم ؟؟!!!
لمــاذا تحــرك الشر بداخلـــكم ؟؟!!
لما لا تتجاهلـــونها ؟؟!!
لما واحد يخزك شتسوي؟؟


اخذ راحتك بالاجوبه نبي رايك هالظاهر موجوده او لا صار فيك الموقف او لا ...؟؟؟

[ليه الجروح]

ماذا تعنــي الخزة بالنسبه لكــم ؟؟!!!

ماتعنيلي شي يمكن تكون الخزه انواع
خزه اعجاب خزه شر والخ.......





لمــاذا تحــرك الشر بداخلـــكم ؟؟!!

Black"]لاشر ولاشي بس يمكن الشخص يكون يقلق
ويصير في فضول ويبي يعرف هذا الشخص يخز
وده يعرف السبب بسرعهـ والشر حسب الشخص في اشخاص
يتجاهلون هذه الخزه[/SIZE]




لما لا تتجاهلـــونها ؟؟!!


البعض يتجاهل والبعض لايتجاهل الموقف
انا بنسبهـ لي اتجاهل الخزه يمكن تكون نيتهـ
مافيها شي يمكن صارت صدفه وصارالموقف
ولااهتم للموقف اهم شي يكون الشخص واثق بنفسهـ


لما واحد يخزك شتسوي؟؟


عيونه اشلعهم ههههه shiny.gif
مااسوي شي اتجاهل الامر
مثال رحت سويت موقف يمكن يكون مو باله شي
لماذا احط نفسي موقف محرج واحرج الشخص
بنفس الوقت مااعرف شنو في بال الشخص ع شان احكم
اتجاهل وارتاح واخليهم يخزون مني لباجرولااعور راسي

اخذ راحتك بالاجوبه نبي رايك هالظاهر موجوده او لا صار فيك الموقف او لا ...؟؟؟


ظاهرهـ موجودهـ وخصوصا مدرستي تصير مشاكل وسبت هالخزهـ
الله يصلح الجميع صاار هالموقف واااااااااااايد واكثرهم اعجاب هه
ا
تمنى اكون اول من يرد ع الموضوع القيم خيووو
واسفهـ ع الاطالهـ

اختك ليه الجروووح
(F)(F)(F)(F)

[ليه الوفــا...]

يعطيك الف عافيه على صره هالنقاش الرائع

ماذا تعنــي الخزة بالنسبه لكــم ؟؟!!!
عادي ما تعني لي شي بس يمكن احيانآ تنرفزني طبعآ على حسب نوع الخزه

لمــاذا تحــرك الشر بداخلـــكم ؟؟!!
اهيا ما تحرك الشر بداخلنا وايد كثر مايصير عندنا فضول ليش هالشخص يخز
لما لا تتجاهلـــونها ؟؟!!
انا عن نفسي مرات اجاهلها ومرات لا اذا تجاهلتها بس عشان ابين لشخص كم اهوا انسان سخيف بس في بعض اشخاص يعتبرون ان الشخص اذا سكت عنهم معناته خايف فأنا اهني يبدا دوري وارد الخزه بنظره احقر منها هههههههههه
لما واحد يخزك شتسوي؟؟
عادي ما احطه وايد فبالي اجاهله بس اذا زاد عن حده افقــــــــس عيونهـ
اخذ راحتك بالاجوبه نبي رايك هالظاهر موجوده او لا صار فيك الموقف او لا ...؟؟؟

وايد موجوده عندنا انت ذكرت انها اكثر شي عند الشباب بس انا اشوف ان عند البنات وايد منتشره بالذات بالمدارس اكثر الهوشات والمشاكل تصير بسبب هالشي
وايد صار معاي في بعضهم عرفت شنو السبب ان الشخص الي جدامي ليش كان يخز وفي بعضهم لا .
مشكور وماتقصر على هالموضوع
تحياتي وتقديري لك
دمت لنا بخير

[Mubarak]

اما راي راح يختلف عنكم من ناحيتي .... لاني راح اخلط ثقافتين غير عن بعض

الصراحه .... التصير وايد فيني من كثر الاختلاف العادات والتقاليد .... فتره الي كنت في الكويت قبل اسافر ان رفعت ويهي بالممشى وابتسمت ... الجواب يكون ... تعرفني اعرفك ... وتصير هوشه ...... احس انها سوالف يهال من زمان مومتهاوشين فينا طاقه ههه......... بعد فترات ذهبت الى امريكا اشوف العالم يبتسم لي ويضحكلي اقول حق ربعي اشفيهم ميانين اول مره يشوفون عربي ولا يطنزون علينا ... بس بالواقع عندهم شي ثاني الابتسامه ماتفارقهم لما يشوفون واحد ولا اي وحده ... تكفى لما اضحك حق بنت بالديره علباله امغازله ... ولما اسويها بامريكا جنه الشي عادي .... الصراحه اتييلي حالات انسى نفسي اني بكويت فانحرج وتصير مشاكل ..... عاد انا كنت اكمل التمثليه واتكلم بالانجليزي علشان يعرفوني على قد نياتي ...... وادري انه الشي غير متقبل بعاداتنا لانه لاعندنا مدارس مخلتطه ولا زمله بين جنسين مما يأدي على انه الشيء غريب ... انا ما اشجع اي كان من القرارات الاختلاط او لا بس انا اعتقد احد الاسباب الفرعيه ... انه الواحد يفهم خطأ .... بس السبب الرئيسي اهو عدم الثقه بالنفس ... خير ياطير خزني لو انا بدالكم بروحله نعم ياخوي معجب هههههه احرجه جدام الناس وامشي هههههه صارت الناس ماتسايس بعض بس ادور الزله حق الهوشه ....

الظاهر غريبه حيل .... لانه الرسول صلى الله عليه وسلم يقول الابتسامه في وجه اخيك صدقه...

وينها راح هالمعنى ... يعني هل باقي الناس الاجانب اولى منا في الحديث

ليش الناس تفهم خطا