،،،حروفي،،،

[بندر2004]

فيك ضاعت حروفي قمت الملمها .......... قول لي يا كويت العـــــّز وش فـيها

أتعبتني وانا اللي دوم اعلمــــــها ......... تكتـــم انفاسها وهروج ما بيــــــــــها

بس ما فاد فيها يوم اكلمــــــــــها ......... راكبه راسها ولا شي يعنيــــــــــــــها

بس قررت في الآخر أطمنـــــــها ......... هي عنيده وانا اللي لازم ارضيـــــــها

واعترف بالخطا مني واسلمــهـا ......... القيـــــــــــــاده وطـــــارتها بياديــــــها

والمشاعرترىالمفروض ماكتمها ........ المشــــــــاعر ترى الكتمان يشقيـــها

ليه عذب المشاعر ننتقم منـــــها ......... ليه والمفترض يا نــــاس نحييهـــــــا

أبني اجمل أحاسيسي وأردمـــها ......... واذبـــــح اشواقها من قبل اسميــّــها

بس وعد ٍ من الخفاق ما ظلمها .......... ولابني ابيــــاتهــا بيدي واداريهـــــــا

ولارفع حروفهاولاعادانااجزمه ا .......... وكـــــــــل ما تطلبه مني لأعطيهـــــا

عهــــد مني لاصير انا معزبهـــا .......... هي ضيوفي وانا اللي دوم بغليهـــــا

هات عذب المشاعر ياولد جبها .......... خلني باجمـــل الالـــــــحان اغنيهــــا

[blue_girl]

تسلم الايادي اللي خطت هالابيات الرائعة وكشفت عن المشاعر العذبة ..

تحياتي لك اخوي العزيز بندر

[ابو فهد]

ابيات جميله وذوق اجمل من شاعر كبير مثلك يابو مشعل وتسلم على الابيات الحلوه ياحلو.

[بندر2004]

شكراً بلو وعسى الله لا يحرمنا من هالطله الرائعه وتسلم يدينك على هالبصمه الحلوه منك والله يديم المعزه .

شكراً ابوفهد وعسى الله لا يحرمنا منك يالغالي وتسلم والله وانت كلك ذوق والله يديم المعزه أخوي بوفهد .

[admin]

صح لسانك يابو مشعل

وننتظر منك كل جديد

تحياتي :)

[بندر2004]

صحّ بدنك ابوبدر وعسى الله لا يحرمنا من ردودك الغاليه علينا يالغالي .

:)

[amoora]

صح لسانك بندر ولا ننحرم من جديدك

[بندر2004]

صح بدنك أموره وما ننحرم من طلتك .