قصيده اعجبتنى

[أحلى كويتية]

سو الي براسك ولاتذكر اسباب .......لاصرت بايعني توكل على الله

مابيني وبينك مشاريه وعتاب ....... شف دربك الي جيت منه تدله

ماراح تغلبني لو الحب غلاب ........ من حضرتك عشان قلبي تذله

في ذمتي لجعلك عبره للاحباب ....... لين الخل يتوب عن جرح خله

زلاتك الي مانفع فيها احساب .......... لاجيت اعددهن ثمانين زلـــه

احرجتني بين القرايب والاحباب .........كن الجفا سيف بوجهي تسله

ماكنت اقصر فيك من كثر الاعجاب........يومك تساوي عندي الكون كله

كنت القريب وكلهم كانوا اغراب ........ حتى القمر لاغاب شفتك محله

خلاص لاترجع ترا خاطري طاب .......ابي طرا اللي كنت عايش بظله

رح واعتبرني واحد اذنب وتاب .........ماني بثوب تلبسه ثم تمله

مايجتمع بالحب صادق وكذاب.........رزقي على الله وانت رزقك على الله

منقول

[كويتــــ^عسل^ــاويه]

اااااااااااااااااااا ااااااااالله تسلمين ياذوووووووق وربي ذوق
ويسلم ذوقج ماقصرتي حبوبه على اختيارج الجميل والرائع

[اسير الشوق]

قصيده جميله جدااااااااااااا

واكثر شي اعجبني

البيت التالي

في ذمتي لجعلك عبره للاحباب ....... لين الخل يتوب عن جرح خله


واقترح تسميتها

مايجتمع بالحب صادق وكذاب

وهي اخر بيت من القصيده

لما فيه من جزل شعري كبير

[سواح]

الصراححححححححححححه كل بيت احلـــى من الاخر

ومازلنا نشعر ببعض المرارة فهل من مزيد من السكر

لنقتل المرارة فما زلنا تحت اشجار الانتظار

ننتظر.............دم تم بود

[أحلى كويتية]

اسير الشوق والله خوش عنوان بس ما اعرف اشلون احطه الحين بس انشاء الله تكون عجبتك القصيده


حبيبتى كويتية عسل كلج ذوق حبيبتى ما عليج قصور

سواح عزيزى يشرفنى مرورك وانشاء الله راح تشوف شى جديد صحيح انى ما اعرف اكتب لكن اعرف اختار يمكن تجذبنى اكثر القصايد اللى فيها عزة نفس B)

[سواح]

ليس كل من امسك القلم ابدع وليس كل من ابحر بالكلمه شاعر اواديب

اننى ارى ان الاختيار والاحساس بالمعنى هوالابداع ونحن نلمس منكم ذلك الاحساس بالجمال

وما ترسمينه من مشاعر لهودليل على رقة واناقة

ودمتم بود

[أحلى كويتية]

سواح اخجلتنى بصراحه مشكور وايد على ذوقك :wub: :wub: