شعــــوركم مع الامتحانــــــات ..

[blue_girl]

قــــــوة ..

طبعــــا أكثرنا مقبلين على فترة امتحانات نهاية الفصل .. وما أدراك ما امتحانات

نهاية الفصل .. هي ثلاث كلمات لها معاني وايد :

- امتحانات : م ح ن ، من المحنة والعذاب .. نصبر عليه عشان نكسب فيه أجر ..

- نهاية : ن هـ ي ، كلمة هندية معناها لا ، لا للامتحان .. صرخة في وجه المدرسين

والمدرسات .. وبالعربي فأنها مشتقة من نهى ينهي ، وهي انهاء حياة الطالب مع

اغراقه بالواجبات والمذاكرة وقلة الوناسة ..

- الفصل : هي عكس الأصل ، والفصل هو الفرع الذي ينشأ من جذر واحد .. سمي

الفصل بهذا الأسم لأنه يفصل بين جسد الطالب وروحه .. وذلك لارهاقه بالمزيد

والمزيد من الأعباء والمعلومات ..

والحين شفتوا أن كل كلمة تدل على المحنة نفسها ؟؟!!

ما عليكم من خرابيطي .. المهم .. هذا الموضوع مخصص للتعبير عن شعوركم في

أيام الامتحانات .. أي شي في بالكم تقدرون تكتبونه هني .. واذا فيكم حرة من

الامتحانات تقدرون تطلعونها هني .. بدل ما تطلعونها في ربعكم واخوانكم الصغار ..

أرجو من الجميع المشاركة .. مع تحياتي لكم ،،،،،

[همس الجوري]

((امتحانات نهاية الفصل ))

الصراحة تحليل منطقي بلو

هههههههههههههه

الله يكون بعونكم فعلا الامتحانات حمل ثقيل والله

والشين فيها القلق الي يصيب الواحد يظل قلقان خايف تطلع الاسئلة صعبة او مو واضحة

انا الحمد لله تخرجت بس كنت ايام الامتحانات اخفف القلق بالنوم قد ما اقدر طبعا ما انصح احد يسوي هالشي لاني مرة بسبة هالطريقة تاخرت على امتحان نهائي ساعة الا ربع بس بعد ما نزلت دمعتين وافقوا اني ادخل الامتحان برغم مرور وقت طويل والحمد لله انه كان سهل وعدى على خير

وبالاخير اتمنى من رب العالمين انه يوفق كل الي عندهم امتحانات ويساعدهم ويسهل عليهم انشالله

والله يوفقك يا بلو انشالله بامتحاناتك الجاية وتجيبين اعلى الدرجات يارب

[المجنونة]

انا شعوري زفت على زفت ايام الامتحانات
وايلي يزيد الطين بلة اني آخر وحدة في البيت تخلص يعني بروح فيها ملح الله يجازي ايلي كان السبب
شعوري اني ابي اتهاوش مع اش واحد خصوصا اذا ما كملت المراجعة // اخواني مالت عليهم ما يخلوني
ادرس كل يتهاوشون ويتطاققون والمشكلة ما يعزموني على هواشاتهم يخلوني مثل السمنديقة حسبي
الله ونعم الوكيل فيهم

[اشحلاتي]

شعوورج زفت يالمجنوونه هههههههههههههههههههه ههههههه

هذه اكشخ شيء فيج هههههههههههههههههههه


رااكبه عليج شعوور الزفت هههههههههههههههههههه

تسلمين على هالطله الزفت هههههههههههههه امزح

[المجنونة]

مالت عليك اشحلاتو يا بو شنب منتف و صير آدمي احسن لك والله ترا اتلزق في مدير الموقع واخليه
يطردك خخخخخخخخخ شكلهم بيطردوني آنا
جاو جاو يالبايخ

[اشحلاتي]

هاهاهاهاهااااااي


من كثرج عشاان تتلزقيين

وبعديين انا اصلاا طالبيني محترف في منتديات ثاانيه


بس بصرااحه ردج زفت ههههههههههههه

[TOM CRUISE ( DAVID) 88]

انا طبعا زهقت من الامتحانات يالي احباط من سبت هل امتحانات بس انا الشي الي مصبرني انه هذي اخر سنه وفتك الله يكون بعون كل الطلبه الي يعانون مثلي

[blue_girl]

قـــــــوة ....

همس الجوري : الله يسمع .. ووفق الجميع ان شاء الله .. ومشكورة على مرورج الطييب ..

المجنونة : لووووووولاااااات .. والله يعينج على اخوانج اولا والامتحانات ثانيا .. تسلمين على المرور ..

اشحلاتي : والله داش بس تطمش على المينونة مسكينة .. لووووول بس حلوة منك .. ثانكيو عالمرور ..

توم كروز : يعني حالك من حالي .. بس باقي لي سنة واتذوقون حلاوة التخرج .. بالتوفيق ان شاء الله

ومشكور على مرورك الحلو ...

- اوووووف متى بيجي تاريخ 3- 1- 2006 أبي الفكة من الامتحانات بسررررعة ...

تحيــــــاتي لكم ..

[blue_girl]

تصدقون عاد ؟ انا عندي حالة غرييبة .. ما ادري اذا فيكم احد مثلي ...

ليلة الامتحان تجيني أحلام حلوة عن الامتحان .. مثل اني خلصت الامتحان ويوم

جيكت الاجابات طلعت كلها صحيحة ..

لكن لما اخلص الامتحانات وقبل ما تتطلع النتائج .. احلم اني قاعدة اقدم امتحان في

مادة اول مرة اسمع في اسمها مثل ( هندسة الجسور .. الخ ) ، أو اني اقدم امتحان

في مادة درستها وخلصت منها من ايام الاعدادي او الثانوي .. .. ومو ذاكرة منها

ولا شي .. ولما اقعد من النوم اكون مصدقة وحالتي حالة ..

ما ادري اذا يصيبكم نفس الشعور ولا لا ؟؟؟؟

[blue_girl]

مراااااحب ..

امس كان آخر امتحان عندي .... والله حاسة براحة نفسية ما قط حسيتها ....

وانا انتظر النتايج .. ابيكم تدعوا لي بس ..

باياااااات

[أم كويتيين]

سلاااااااااااااااام
أحلام الامتحانات مزعجة ، مرة ابوي يقول لي قومي وراج امتحان ، واخرط له تعريف فيزياء ، والا اقول له أصبر أوقع fruits_che
أيام ما كنت في الثنوي

ماطمنتينا على نتايجج إن شاء الله سلمتي؟؟ الله يوفقج

ألحين اخواني عليهم امتحانات ، ومن تجي الامتحانات يصك قلبي ، لأن البيت كله يصير كهرب،، أمي تصيدها حالة مو طبيعية اسمها ، لاتطولوون في الاكل ،، لحد يشغل تلفزيون ،،، لحد يسولف ،، ممنوع التجمهر fruits_che

تعليقج على الامتحانات ، وانها محنة ضحكني :bleh: ،، يعطيج العافية
وما أقول الا ،، الله يسامحك ياسليمان القانوني
وهقتنا بالامتحانات

ولمن لم يسمع بهذا الرجل،، هذا واحد من العثمانيين ، وهو اللي سن الامتحانات وأكلنا بسبته هوااااء هههههههه

:bye1:

[blue_girl]

لووووول معلومة يديدة عن هالسليمان هالقانوني هذا اللي ورطنا بالامتحانات ..

وانا الحمد لله نجحت بس مو ذاك النجاح اللي الواحد يحجي عنه ، يعني بدون تفوق .. اهم شي النجاح عندي في

هالفترة ..

والله يعين امج المسكينة ، اللي بيسمع يقول هذي اهي اللي راح تدش الا متحان موب انتو ...

والله ييوفق اخوانج وينجحهم يارب ..

مشكورة على مرورج ......

تحياتي ،،،،،،،