معاني اسماء البنات بس حسب علم النفس

[قمرهم]

هاااااااااي


معاني اسماء البنات حسب علم النفس

ابتسام : رزينه .. و ثقيله .. و خدومه .. بس عقدتها انها شينه.

أمل : طيبة قلب .. و تفكر ألف مره قبل ماتقرر بشي.

أحلام : قوية شخصيه .. ذكيه .. خدومه .. و دايم تحلم و تخطط حق المستقبل وعندها طموح.

أسماء : هاديه و علطول ساكته .. و مخلصه .. بس غامضه.

ايمان : طيبة قلب .. يحبونها اللي حولها .. مشكلتها انها ماتعرف تعبر عن حبها .. وتحس ان مافي حد يفهمها.

بدور : مثل اسمها حلوه و مزيونه و خجوله .. بس ياويلك منها اذا سويت فيها شي.

بشرى : تحب تثبت نفسها .. ذكيه .. تحب الناس .. غامضه .

بدريه : ثقيله و رزينه .. وكتومه .. يعني اذا قلتلها سر .. تظمن سرك في بير.. بس ثقيلة دم .

بسمه : انسانه ذكيه .. شخصيتها قويه .. ماتحب اللف و الدوران .. اذا حست ان في انسان بيغلط عليها .. تلعن سلسفيل اجداده..

تهاني: خفيفة دم و من خفة دمها أحيان تظن انها مرجوجه وخريش.. حذره في تعاملها مع الناس.

تغريد: طيبه و محبوبه من الجميع .. بس فيها عرق سوداني .. يعني عجازه.

جميله : ذكيه .. و جريئه .. و الواحد يعتمد عليها .. مشكلتها انها ماتقدر تمتنع عن الحش.

حنان : خفيفة دم .. خدومه .. مخلصه .. و مطيعه .. بس أحيانا تصير أنانيه بشكل فظيع .

حصه : قوية شخصيه .. محبوبه .. بس للأسف مالها حظ .. دايم مقروده.

حوريه : محبوبه .. و تحب التعارف و الصداقات .. بس انها شرسه .. محد يتحمل لسانها الطويل.

حياة : اللي مايعرفها مايثمنها .. عاقله .. بس شينها انها تحب كل شي قدامها يكون جاهز .

خلود : طيبة قلب .. شخصيتها قويه .. محبوبه من الجميع .. دلوعه .. وراسها يابس.

خديجه : خدومه .. و تحب الناس .. و قلبها طيب .. ماتحب الحش .. و تتعامل مع الناس بطيبة قلب .. بس اذا غلط عليها أحد توريه نجوم الظهر.

دلال : .حلوه و جذابه .. بس مشكلتها انها ضعيفة شخصيه .

ديما : قوية شخصيه .. تتعامل مع الشخص مثل مايعاملها .. كلمتها وحده .. و قلبها طيب .. من طيبته يوديها في مشاكل.

دانه : أهلها يموتون فيها .. دلوعه .. و حلوه ولسانها طويل تعلقه على كتفها..

رشا : ياحليلها .. طيبة قلب .. و دمعتها دايم على خدها .. عاطفيه .. بس ياويل من يغلط على أحبابها ولا يدوس لهم على طرف..

روان : دلوعه .. و محبوبه .. بس دايماً تكون ضايعه في الطوشه يعني ماتدري وين الله حاطها.. خبر خير يعني..

رقيه : مخلصه في شغلها .. ماتحب اللي يلعب بذيله .. متحفظه .. وماتحب اللعب و اللف و الدوران..

ريم : طيبة قلب .. و خدومه .. و على نياتها .. مطيعه .. تحب الناس .. بس مقروده مالها حظ..

رنا : حلوه .. حنونه .. و تحب الناس .. اجتماعيه .. واجتماعيتها هاي تسبب لها مشاكل..

رانيا : دلوعه .. ويعتمد عليها .. بس مشكلتها انها ثقيلة دم..

زينب : حلوه و مزيونه .. و لها شخصيه قويه .. خدومه .. و تحب تعبر عن مشاعرها بطلاقه .. و راسها يابس.

زهره : ذكيه وشاطره .. حبوبه .. تحب الصداقات .. مشكلتها غيرتها اللي تذبحها و تذبح اللي حولها .

زكيه : تحب الضحك .. و المزاح .. و المرح .. شاطره .. و حنونه .. بس لسانها دايم يخونها..

سماح : وفيه .. وحبوبه .. و تفكر بعقلها قبل قلبها في الامور العاطفيه .. بس للأسف انها مقروده مالها حظ.

سلوى : قلبها طيب ..مطيعه و خدومه .. و حلوه و مزيونه .. دلوعه .. بس للأسف مالها حظ .

سعاد : شاطره و ذكيه .. بس شرانيه.

ساره : محبوبه .. ذكيه .. طموحه .. عنيده ..و مزعجه.

سلمى : ذكيه .. شخصيتها قويه .. تحب الحريه و التجديد .. لكنها مزعجه.

سناء : حبوبه و خفيفة دم .. و اذا حبت تبيع الدنيا للي تحبه .. مشكلتها انها تفكر بقلبها قبل عقلها .. و هذا يسبب لها مشاكل .

شعاع : ذكيه .. و مجتهده .. و شخصيتها قويه .. واذا حطت براسها شي لازم تسويه .. بس انها شينه..

شريفه : خفيفة دم .. تحب صديقاتها .. و الناس تحبها .. بس وقت الجد جد .. ماعندها مزح و كلام فاضي .. (عسكريه ).

شوق : رقيقه.. و تحب تثبت نفسها .. خوافه.

عبير : مجتهده و شاطره .. و حبوبه و دلوعه .. غامضه .. بس مشكلتها انها متهوره.

عايشه : شاطره .. صبوره .. مخلصه .. اذا حبت أحد تحبه بجنون .. بس مشكلتها انها تمشي ورى هواها.

عزيزه : مخلصه .. رزينه .. ثقيله .. وثقيلة الدم.

العنود : شخصيه قويه .. مزيونه .. محبوبه .. لها شعبيه كبيره .. و ذكيه .. طموووحه .. و ياويل من يتجرء يغلط عليها.

فاتن : حلوه .. حبوبه .. ذكيه .. شخصيتها ضعيفه.

فردوس : ذكيه .. طموحه .. شخصيتها قويه.

لمياء : محبوبه .. تحب تبني صداقات .. و دلوعه .. و ياويله اللي اذا طلبت منه شي و لا جابه لها.

لينا : طيبة قلب .. و على نياتها .. و دمعتها علطول على خدها .. بس تحس ان محد يفهمها.

ليلى : شخصيه قويه .. ذكيه .. حبوبه . تحب المزاح .. لكنها مزعجه.

منيره : واضحه .. ماتحب اللف و الدوران .. صريحه .. و أم حنون .. بس لسانها طويل.

منال : هاديه .. و حلوه . ودلوعه .. وواثقه من نفسها .. بس انها مغروره .

مريم : طيبه و على نياتها .. عاطفيه .. و مندفعه .. تحب الحش.

منى : هاديه .. و رزينه .. ذكيه .. و تحب المظاهر.

مشاعل : محبوبه .. تحب بناء صداقات .. لكنها غامضه .

نوره : شخصيتها قويه .. ذكيه .. و شاطره .. تفكر بعقلها في الأمور العاطفيه .. تحب تزيد ثقافتها .. صريحه ماتعرف تجامل .. مشكلتها انها ماتعرف تعبر..

نوف : تحب بناء الصداقات .. تحب المغامرات ... تحب التراث .. لكن يا حبها حق الحش .

نوال : شخصيه قويه .. محبوبه .. و تحب الناس .. مطيعه .. و عنيده.

ناديه : شخصيتها قويه .. و تحب تثبت نفسها .. تعتمد على نفسها .. وماتحب تغامر بشي .. تفكر مليون مره قبل ماتسوي أي شي
.
هدى : شخصيه قويه .. يعتمد عليها في أصعب المواقف .. خدومه .. لكنها غامضه .. و تحب الحش.

هناء : على نياتها .. تتصرف حسب مايملي عليها عاطفتها .. بدون تفكير .. ذكيه .. خدومه ..

هيا : محبوبه .. تحب اللي يحبها بس .. مطيعه .. مخلصه .. لكنها عصبيه .

هند : عاطفيه .. ذكيه و شاطره .. اذا حبت شي تحب تمتلكه لحالها .. غيوره

هنادي : شخصيه قويه .. تحب الدلع و المظاهر .. ذكيه .. ومحبوبه من الجميع

وفاء : شاطره و ذكيه .. بس ياويل اللي هي تحط عينها عليه.

ياسمين : قلبها طيب .. خدومه .. مزيونه .. لكنها متهوره.

يسرى : شخصيه قويه .. تحب تثبت ذاتها .. و تحب المظاهر...

==================== ===

بصراحه علم الناس في معانى اسمي في البدايه بيضو الوجه اما اخرتها فشلوني

اختكم:قمرهم (*_*)
تحياتي

[admin]

مشكوره وماقصرتي

ننتظر منج اسامي الشباب ;)

تحياتي

[أحلى كويتية]

مشكووووووووره وايد اهم شى اسمى موجود وتفسيره حلووو :)

[قمرهم]

هاااي..

يعطيك العافيه اخوي al3Rap على مرورك وانشالله ببحث عن اسماء الشباب.
ومشكوره اختي احلى كويتيه على طلتج الحلو.

اختكم :قمرهم (*_*)
تحياتي

[سواح]

هاااااااااايات

شكرررررا على الموضوع

بس مافى معانى اسماء الشبيبة

ياقمرهم :-(

[همس]

مشكوره ويعطيج العافيه يا قمرهم
بس اسمي مو موجود :_(

[الانوار]

يعطيك العافية بس ماكو اسم انــــــــــــــــــ ــــــــــوار :-(

[تناهيد]

تسلمين يا ألبي على الموضوع بس خشارة اسمي الى الان مالقيت معناه حتى في القامووس (>:-) البركه فيكم دورولي على معنى اسمي وهــــو ( عمشـــــــة ) (ni) بلييييييييييييييييز انتظر الرد يا حلوين

ومرة اخرى الف شكر على الموضوع الحلو

[admin]

لوووول

السلام عليكم

الله يهداج ياتناهيد الناس وصلت للقمر وانتي للحين اسمج عمشه (ebtsama)

يالله ماعليه راح يتغير اسمج مع الايام

تقعدين من النوم تلقين اسمج نسرين ولا جهان ولا اسم شرقي (*_*)

بالاحلام لوول (يفكر)

عموما معنى اسمج تلقينه عند الماما العوده

او شوفي لج اي مره عوده تلقين اسمج عندها اكيد ومعناه الصحيح

[اسير الشوق]

يعطيك الف عافيه وننتضر اسماء الشباب

[قمرهم]

هاااي...

اول شي مشكورين على مروركم الرائع


واختي همس والله الي عندي مافيه همس اسفه بس بعد ببحثلج عنه
وانتي اختي انوار بعد ببحث بس ياله اعتبريه نوره وفسريه
اي شي لوووول

اما انتي اختي مادري امي عمشة اسفه جداً انا متاكده اني ماراح القى اسمج بالقواميس لانج قلتيها ولو جدتي موجوده على قيد الحياة سالتها الله يكون بعونج





اختكم : قمرهم (*_*)
تحياتي

[عيون السهر]

<div align="center">تسلمين اختي قمرهم على الأسماء
وانا احب اقول معنى <span style='color:blue'>عمشه : معناه شي زين وهالشي صالح لكل شي مثال: الكرز عمش للصحه ...يعني خلاص علماء النفس اكيد بيحللون الشخصيه وبيقولون ان عمشه : خدومه وصالحه وتحب المساعده بس عنيده شوي (@***33;@) (kaak) </span></div>

[قمرهم]

هاااي...

هههههه

ثانكس وفرتي علي بحث



اختكم: قمرهم (*_*)
تحياتي

[النمرالثائر]

(برافو) هايل اختى العزيزه قمرهم
على الموضوع الجامد ده
معلوماتك جميله
بس فى اسماء كان نفسى اعرف تحليها
هبه وشيماء
وربنا يوفقك (top)

[قمرهم]

هاااي...


مشكور اخوي النمر على مرورك الحلو

ويعطيك العافيه..


اختكم: قمرهم (*_*)
تحياتي

[moonfoof]

قوة بنات وشباب ..

شكرا على هالمشاركة .. ولو اني زعلانه ..

اسمي موموجود .. هيفاء .

وسلامتكم :_(

[!! بطـــوطـــة !!]

دانه : أهلها يموتون فيها .. دلوعه .. و حلوه ولسانها طويل تعلقه على كتفها..

ههههههههههههههه وربي صح
بس كذب المنجمون ولو صدقوا

[blue_girl]

مشكورة على المشاركة الحلوووووة ...

والحمد لله اسمي موجود ومعناه حلو بعد ... بردتي على قلبي والله (top)

[قمرهم]

هاااي...


مشكورين على مروركم moonfoof و لؤلؤة الخليج و blue_girl


ويعطيكم العافيه..

أختكم: قمرهم (*_*)
تحياتي