تــكـفــى يــامـــوت زرنـــي

[موسم عسل]

خلي هجرني تكفى يامـوت زرنـي
وان ماقدرت دلني مكانك وانا اجيك

مابـي حياتـي دام خلـي هجرنـي
مابي حياتـي دامـه يقـول مابيـك

يدري بظلم الناس يـدري وظلمنـي
واكد كـلام اللـي يقولـون ناسيـك

لكـن قبـل لاتاخـذ الـروح منـي
باسأل حبيبي كم سـؤال واخاويـك

وشلـون قلبـك ياحبيبـي تركنـي
وتد ري بخفوقي كم له سنين هاويك

وماتدري بعـادك وصـدك ذبحنـي
وما تدري عن دمع نثرته وانا ارجيك

اسال جميع الناس وش صار عنـي
اسال وش اللي صار في حال مغليك

لو عاش عاقل عيشتي كـان جنـي
حالي لـو تشوفـه بعينـك يبكيـك

لوعلموك وش كثر همـي وحزنـي
من يوم حبي انتهى وصار ماضيـك

لو علموك عن قلبـي اللـي يونـي
مطعون يصـرخ يشتكيلـك يناديـك

صار الحزن هو لعبتي صـار فنـي
ابكي ندم والله الـى حـل طاريـك

ضيقت صدر ويا الهمـوم اسكنتنـي
احكي واكمـل ولا ماقلـت يكفيـك

اللي سمعتـه بسبتـك انـت جتنـي
عطيتني كرهك وانا الحب معطيـك

ضاعت سنيني وانـا بالحـب ابنـي
قصوور وانهدت سبب فعلت ايديـك

جاك الوفا والحـب والعشـق منـي
حتى الوله والشوق والصدق مهديـك

قلبي وفالك وانـت قلبـك خدعنـي
خدعت قلب كـان بالحـب شاريـك

بكذب وخيانه وغدر قلبـك حضنـي
في وقت قلبي فيه يسهـر يداريـك

ماكنت أظن قصدك بحبـك تذلنـي
ذليتني من بعـد مامـت انـا فيـك

هذي حقيقة بعـض مامنـك جتنـي
وبعض اللذي اسقيتني سم با ايديـك

ماكنت ساكت خايـف بـس لانـي
ميت بحبك ما أقدر ازعلك واشقيـك

حرّمت اقولك من محبتـك عطنـي
مادام غيري في محبتـه مرضيـك

ببعـد بعيـد واوعـدك مـا احنـي
ابشر اببعـد ومـع حبيبـك بخليـك

وابي مماتـي ياخـذ الـروح منـي
تاركلـك الدنيـا بهـا الله يهنـيـك

واذا سأل في يوم انا انسـان عنـي
قله توفـى والسبـب طعـن بيديـك

:( :(

[هـواوي]

بسم الله الرحمن الرحيم


واللى رفع هالسما من غير عمدان .....وانزل المطر والريح من بعده

هالابيات يعجز له الانسان الذي يقدر معناها

والله مهم اقول ومهم اتكلم ماراح اعطي او اوفي هالابيات حقه

تستحق بكل جداره التثبيت دون اي مراجع فيها


جميل ورائع من انسانه لا تخلو من حنان المشاعر الدافئه

التي يتلمسها كل من يقراء هذا الابيات

هل من المعقول ان امتدح شىء وهو ارقي بذلك


لا والله اني لا امتدح لان كثر المديح يذمي الابيات لذلك

اكتفي بالشكر والتقدير والاحترام

شىء جميل ورائع


شكرلج اخت موسم عسل وللاحسن يارب


اقوي من جذي icon30.gif


اخوج : هــ ــواوي :bye1:

[موسم عسل]

اشكرك من كل قلبي يا خوي يا هواوي على الكلام اللي قلته لي ويعطيك ربي الف عافيه على مرووورك الحلو والرائع واسلوووبك الملئ بالطيبة والرقي

[هـواوي]

اقل مايجب علينا اخت موسم عسل


الشىء الجميل يستحق الرد

دون اي مجامله

بلا شك تستحق اكثر من الشكر والثناء ونشالله نشوف منج مثل وزن هالابيات هذي


اخوج : هــ ــواوي

[موسم عسل]

انشاءالله والله يسمع منك
والله يوفقك يا الغالي

[هـواوي]

اجمعين يارب



((الشىء الذي يستحق العناء نسعي من اجله))

[blue girl]

أسلوب رائع والكلام ولا أحلى
والاحساس المسيطر على الابيات
يأثر بالنفس من دون ما تدري
مشكوووره موسم عسل
على هل الابيات والقصيده
الي اكثر من رائعه
icon30.gif