الجيل الجديد

[^سـارونة^]

الجيل الجديد


ابــكتب عن جــيل الجديد وعــن ايـامـــه
وابـكتـب كـل يــوم من ايامنا كيـف صـــار
يـقــولون: شـبـاب الحيـن مجـرد رخـامــه
لــها الشكــل وبسهــوله يجيــها الانكسـار
دشــداشـه مخـصـرة وهـو طويــل الـقامــه
والشــعـر غـــارق بالجـــل كنـه الصبــار
والـبعــض غـترـته كوبــرا عـلى الهامــه
والعـطر ينـشـم مــن بـعد عـشـرة امـتــار
ومنهم مـن يــقول: انا شرقــى ذوشـهامــه
وعيونـه ما تعـرف الحشــمه كـنها منـظــار
يتـــميلــح ويــتـفــاخر بــإنســجامــه
مــادرى انـه فــقد الرجــوله بـالانـظــار
لــوتــشوفــه يبــهر الســامــع كـلامــه
وهــو هــايــت بــيــــن شــرق وفــنــار
او تلقاة فى الخليج وهـو حـاطط لــثامــه
يمشــى بـالســيكل وهــذا لــه افتــخــار
كــل يــــوم لـه قــصــه فــى هــيامــه
مرة نــوف ومرة شــوق وبالأخــيـر اســـرار
يشـعر ويـقــول الـشـعـر عنـدة كــرامــه
وتــشـوف بـالصـدفـه شـاعـر يلقى الأشعــار
وإن سألته عالدراسه قال وش نفع التزامــه
مصـرف وسيــارة بسيـطه والباقى عـالجبــار
ومابنـسى البنــات وسوقنــا و ازدحـامــه
كـل موضــه جديــدة لبســها هــو اعتبــار
مـــو مـهــم كــيف الملـبس واحتــشامــه
اــلمـــهـــم يعــجــــب الـنــظــــــار
والميــكآب مــن ضـروريــات الفـخــامــه
والعــطــر مــن باريــس واحتـاج للأسفــار
واللى تراعى الحشــمه لازم تدفـع غـرامــه
اصبــحت على المجتــمع مـن اكبـر الأخطــار

تحيـــاتــــــى

[دوو مجروح ووم]

صح إلسانج إختي سارونه
وهذا الشعر جد جد أكثر من روعه
و إنشاء الله نرى منج مشاركات كثيره
في منتدى الشعر

دوو مجروح ووم

[هـواوي]

http://members.tripod.com/~Breanna__/silrose.gif


بسم الله الرحمن الرحيم



صح الله لسانج اخت سارونه وماقصرتي علي هالابيات



القيمه اللى تناقش قضيه مهم بصراحه واهي تنافس الشباب والبنات



علي الظهور بمظهر رائع مع الاسف من خلال هالابيات اشو ف مستقبل


مهزوز كيانه والرجوله ضعيفه اللى اشوفه الايام والواقع اللى نحيشه



يخلي الحجر يتكلم يخلي الواحد وهو نايم يفز من نومه جنه حلم


ولكن يقوم ويلقه الواحد المرير


مشكورة اخت سارونه وماقصرتي كفيتي وفيتي بالابيات


والابيات هذي لابد ان يكون له عرش صوغها بصياغ من ذهب



ولا اكتفي بالتثبيت فقط ولكن تنقل الي قسم المواضيع المميزه


للاحسن يارب




القصيده مثبته


http://hawaaworld.net/files/23270/2412.gif



اخوج :هـ ـواوي :bye1:


http://members.tripod.com/~Breanna__/vaseflw.gif

[$$$ FuNkY BoOoY $$$]

صح لسانج
مشكوره اختي على هذه الشعر الجميييل
الى الامام يا اختي سارونه

[kuwait99]

يشـعر ويـقــول الـشـعـر عنـدة كــرامــه
وتــشـوف بـالصـدفـه شـاعـر يلقى الأشعــار
وإن سألته عالدراسه قال وش نفع التزامــه
مصـرف وسيــارة بسيـطه والباقى عـالجبــار
ومابنـسى البنــات وسوقنــا و ازدحـامــه
كـل موضــه جديــدة لبســها هــو اعتبــار
مـــو مـهــم كــيف الملـبس واحتــشامــه
اــلمـــهـــم يعــجــــب الـنــظــــــار
والميــكآب مــن ضـروريــات الفـخــامــه
والعــطــر مــن باريــس واحتـاج للأسفــار
واللى تراعى الحشــمه لازم تدفـع غـرامــه
اصبــحت على المجتــمع مـن اكبـر الأخطــار




شعر قويّ يُناقش قضيّه هامّه ..
ومُريبه في نفس الوقت ..




بصمه
من
الموقع

[ليش العتاب]

ومابنـسى البنــات وسوقنــا و ازدحـامــه
كـل موضــه جديــدة لبســها هــو اعتبــار
مـــو مـهــم كــيف الملـبس واحتــشامــه
اــلمـــهـــم يعــجــــب الـنــظــــــار
صح السانج ومشكورة وعساج على القوة

[عديل الروح]

صح لسانج اختي

بختصار ..!!

يابنت خليهم تراهم يتامه
..... ماتت لهم ايام مع طفيت النار

وش راجيه يابنت من هالقمامه
..... اللي نسو تاريخ مايترك الثار

هذا زمن ملعون وحتى الحمامه
.... لاماتجينا اليوم وتبني لها دار

جيلً (ن) طلع فاسد ومدري علامه
.... هو حبهم بالغرب ولا الزمن دار

عزاه ياجيلً (ن) فيه القدامه
.... اللي لهم صولات بحروب واسفار

ماينحني راسه لجيشنً (ن) امامه
.... ولا تنطفي ناره ولو الزمن جار

لا مايهاب الموت عند الكرامه
.... الدرب هو واحد ولا كان يختار

يابنت هونيها وعيشي بسلامه
.... ولا ترا تشيبين من هذي الافكار

[^سـارونة^]

هلا وغلا بالغالي الكريم عديل الروح

سلمت اناملك ..

الله .. يا لروعة الكلمات يا عديل الروح !!!
صح الله لسانك وبدنك ولا هنت
اسعدني وشرفني كثيراً مرورك على صفحتي
لا تحرمنا من اطلالتك علينا دوما

تحيـــــــــــــــــ ــــــاتي

اختكـــــــم سارونة

[^سـارونة^]

اخوي الغالي ليش العتاب
يسلم مجهودك وحسك العالي وجمال ذوقك الراقي
تقبل مني صادق الود والتقدير والاحترام

اختكـــــم سارونة

[^سـارونة^]

هلا وغلا اخوي دوم مجروح ووم يسلموو على المرور وردك العطر

نورت صفحتي بطلتك الجميلة

وأتمنى باذن الله ان نتفاعل سويا لرفع المنتدى اكثر واكثر

تحيـــــــــــــاتي

اختكـــم سارونة

[^سـارونة^]

شكــــــــــــــــــ ــــــرا لك يا مشرفنا القدير على تفاعلك مع الموضوع وتثبيته

والله أسعدت قلبي بمرورك وردك الطيب

تقبل مني صادق الود والتقدير والاحترام

اختكــــــم سارونة

[الراسي]

رد الأخ عديل الروح أشفى الغليــــل
فعلا ً مُجارات رائعــهـ
شكرا ً لكم اثنينكم .. يالثنائي الرائع ..



سعود

[عديل الروح]

صح بدنج اختي :)

[دوو مجروح ووم]

صح إلسانك إخوي عديل الروح

و تسلم الأنامل التي كتبت لنا الشعر


و الله إسلمج إختي سارونه


إخوكم : دوو مجروح ووم

[الــمــلك]

الله الله

كلمات رائعه ومعبره عن مايحدث في هذا الزمن من بعض الناس


سارونه - وعديل ا لروح


صح لسانكم ولا هنتو


مع خالص احترامي وتقديري لكم

الملكــ