اعلان من شعب الكويتي

[قمرهم]

هاااي...

اترككم مع الأعلان...
بس ابي رايكم فيه؟؟

[blue_girl]

_ مشكورة اختي على التنويه...والمفروض كلنا نعلن برائتنا من المسلسلات اخليجية بشكل عام..لأنها كلها هراء وسخف ولا تمت للواقع بأي صلة

تحياتي للجميع (top)

[قمرهم]

هاااي...


مرسي على التعقيب يا blue_girl

وصحيح المسلسلات صارت اي شي ويركزون على الاشياء السخيفه

ومثل ماشفنى في مسلسل دنيا القوي

للكاتبه الكبيره: فجر عثمان السعيد

هذه مسخره وليست دراما.

ويعطيك العافيه مره ثانيه على المرور


أختكم: قمرهم (*_*)
تحياتي

[blue_girl]

اي والله ...مبينين للعالم ان الخليجيين يمشون ويقطون الفلوس في اللي يسوى واللي ما يسوى.. والدنيا ما يدرون ان احنا على قد حالنا ..ونتعب ونشقي على شان نعيش..
عاد ولا هذا المسلسل اللي اسمه هدوء وعواصف..مصخوها عاد.. من متى واحنا عندنا عادي الواحد يطلع مع وحدة في سيارة ويروحون البحر ..ومدري شنو..أصلا اذا صار هذا الشي ..شرطة الآداب ما تقصر..

يبون يسوون روحهم free
هذا بدل ما نكون احنا الخليجيين قدوة لغيرنا في المحافظة على التقاليد، يحطون صورة مشوههة عنا ..المسلسل بيني وبينج ما فيه قصة الا يمكن بس سالفة الغني والفقير..والباجي كله حب وخرابيط.

الله يهديهم بس (??)

[nadooya]

أختى الكريمه ( قمرهم)

بصراحة بعض المسلسلات الخليجية وليس فقط الكويتيه .
هدفها الرئيسى ربح الاموال على حساب سمعة مجتمعاتنا والشهرة الزائفة .

وأنا براى الشخصى بأن الكاتبة فجر السعيد ظلمت فئات المجتمع الكويتى وشوهت عادات وتقاليد الكويتيين باالذات .
ومثال على ذلك ماحصل فى حلقة العرس والحفلات المخلطه وبهذا العرض سوف يترتب عليه بأن يأخذوا الناس والعالم بأجمع بان أعراس الكويتين بهذا الشكل المزرى.
ولله الحمد والكل يشهد بان أعراسنا تتم بالبيوت أو الصالات حيث الرجال فى صالة والنساء فى صالة أخرى دوون الاختلاط وحفاظا على عاداتنا الاصيلة وديننا الحنيف .
لا أدرى مالهدف وراء ذلك من تشويه لسمعة المجتمع الكويتى ولو كان يوجد فئة معينه فهي شاذة وقلة .
لا أقول ألا حسبيا الله ونعم الوكيل .

وفقك الله ورعاكي

[blue_girl]

سلااااااااام..
أختي ندويا ...آنة معاج في كل اللي قلتيه..ومو بس المسلسلات الكويتية ..حتى البحرينية.. عبالهم يسوون دعاية للخليج..حتى اللي برع البحرين لما ييونا هني..يستغربون ..يقولون لنا :كنا نظن انكم اغنياء نسمع ان الخليج كله نفط ولولو بس اللي شفناه كلش غير***33;***33;
هذا كلام رفيجتي التونسية ..بصراحة احرجتني بهالكلام ما دريت اشلون ارد عليها..بس كل اللي قلته :الله كريم يعطينا على قدنا (غمزه) وعلى فكرة الحين صارت موضة ان الزواج يكون مختلط في المسلسلات..والثيياب المقرفة اللي تكشف كل شي..
والله حالة (??)

[قمرهم]

هاااي...

مشكورين خواتي على تعقيبكم

وبصراحه اختي ندويا انا ماتكلم عن الكويت بس
مثل ماقالت اختي blue_girl البحرين
حتى قطر شفو شيسوون والخليج كله حتى مسلسلات السعوديه
هم يبون يبينون انا احنا مجتمع ثري ومجتمع متطور
ومثل ماقالت اختي blue_girl
ما يدرون ان احنا على قد حالنا ..ونتعب ونشقي على شان نعيش..

ومثل ماشفنى في حلقة 19 من دنيا القوي خروج اروى من البيت وزواج من دون الاهلى والسفر والخ.

ومسلسل القطري بعد الشتات عبدالعزيز جاسم في دور راشد يهز ورفع صوته على صوت امه لانها ليست امه بل زوجت ابيه
لا تعلمون انا الام ليس التي تلد بل التي ربة


وشكرا

أختكم: قمرهم (*_*)
تحياتي

[أحلى كويتية]

ايه والله صاجييين يمكن برأيى الشخصى احس وداد الكوارى مؤلفه دراميه ممتازه وتطرح المشاكل بموضوعيه


تحياتى لكم

[blue_girl]

_ أختي العزيزة احلى كويتية ..كأنج تقرأين افكاري.. آنة بعد من اشد المعجبات بكتبات الكاتبة القطرية.. وداد الكواري..لأنها تكتب مو بس من خيالها ..لكنها تكتب من ثقافتها..والدليل على ذلك عمودها الأسبوعي في مجلة زهرة الخليج.. احس وآنة اقرأ لها مقال واحد ..انها تجمع نقاط ومواقف تبدو للوهلة الأولى غير مترابطة وغير متناسبة مع بعضها.. ولكن في النهاية تكتشفين انها ذات صلة كبيرة ...تماما كما في الافلام الاميركية ..حيث يبدو الفيلم في البداية مشتت وغير مترابط ..لكن شوي شوي تترابط الاماكن والشخوص والمواقف ببعضها البعض..
ومع اني احب فجر السعيد..لكن اسلوب كتاباتها خيالي زيادة عن اللزوم..وفي بعض الاحيان اعمالها نسخة مكررة عن بعضها ..او نسخة معدلة كما يقولون..

اما كتاب المسلسلات في البحرين_ مع انني بحرينية ..ولكن الحق يقال_ فلا يعجبني أي منهم... قصصهم مستحيلة حتى في الخيال***33;***33;
يعني عطوني مسلسل بحريني واحد فيه قصة ممكن تكون واقعية..ما في أبدا..

اتمنى ما اكون طولت عليكم ..
وهذي وجهة نظري الشخصية اللي اتمنى محد يزعل منها

مع تحياتي،،،،،،،،،

[قمرهم]

هاااي...

مشكوره احلى كويتيه على مرورج صفحتي
ومشكوره اختى blue_girl
وبصراحه كلامكم ميه ميه بس انا اشوف وداد تزودها شوي
وحنا تكلمنا عن وداد وعن فجر ونسينى ليلى الكاتبه السعوديه
وسهر
ليلى كانت كاتبه متميزه في قلمها وروعه في مسلسلاتها
اما اخر مسلسل شفته لها اسفه اقول عليه خيالي
هو ((درب المحبه)) الي شاهده يقول مومعقول كل الي يصير من احداث.

اما سهر...
فهي كاتبه صغير والمشوار امامها كبير واتمنى لها التوفيق.


أختكم: قمرهم (*_*)
تحياتي

[blue_girl]

أختي العزيزة قمرهم.. للأسف آنة ما تابعت مسلسلات لسهر وليلى اللي تقولين عنهم.. :_(
لأني بصراحة ما عندي وقت كفاية من هالامتحانات ..بس ان شاء الله اشوف اعمالهم..وانة متأكدة ان ذوقج ما بيخيب (top)

[admin]

لا تعليق بس انا مع الاعلان :)

لان صراحه مسلسلات الوقت وبالاخص الخليجية قمة المصخرة وتحريض على الفسق والفجور

ويشبهون للبنات علاقتهم بالشباب انه وراها حب وراحت بال وزواج

هذي ناس معادية للدين الاسلامي

وحتى لو كانت شركات عربية ومسلمه مايمنع الشي هذا انهم بس تحت اسم الدين

ولكن لايوجد عقيده يلتزمون فيها ولا مبادء او قيم

مانقول الا حسبنا الله ونعمة الوكيل

شكرا اختي قمرهم على طرح مثل هذا الموضوع

تحياتي

[قمرهم]

هاااي...

مشكور اخوي على التعقيب
ويعطيك العافيه..


أختكم: قكرهم (*_*)
تحياتي